ۇسىنىس ەتىلگەن ءتىلشى لي ميڭشىڭ،ەرىكتى ءتىلشى ياۋ چاۋميڭ حابارلايدى. 1-ايدىڭ 16-كۇنى تاڭعى ساعات ءۇش مولشەرىندە شاعانتوعاي شەكارا باسقارۋ ۇلكەن اترەتى قاراقۇم شەكارا ساقشى بولىمشەسى بۇقارانىڭ مەملەكەت جولى 219-لەنياسىنىڭ تەرەكتى جەل ەلەكتر الاڭى جول بولىگىندە قامالىپ قالعانىن ايتىپ، كومەك سۇراعان تەلەفونىن قابىلدادى.
ساقشى بولىمشەسى دەرەۋ قۇتقارۋ شاعىن اترەتىن قۇرىپ،حالىق ساقشىسى حۋ شاۋچياڭ مەن جوۋ يۋ-ي قۇتقارۋ شاعىن اترەتىن باستاپ كۇرەك،قاپتال شاپان،ىستىق سۋ سياقتى شۇعىل جاعدايعا توتەپ بەرۋگە قاجەتتى كەرەك-جاراقتارىن الىپ ناق مايدانعا اتتانادى.
جول بويىندا 8 دە 9 بال بوران ۇيتقي سوعىپ،قار مەن قۇم- قيىرشىقتى اۆتوكولىكتىڭ ەسىگىنە سارتىلداتا سوققاندا،حالىق ساقشىلارى قامالىپ قالعان ادامنان الاڭداي باستادى.
حالىق ساقشىلارى ءبىر جاعىنان قامالىپ قالعان ادامعا حابارلاسىپ،ءبىر جاعىنان ىزدەۋ سالىپ،جول بويى كەزدەسكەن ۇيىلگەن قاسات قاردى ارشي ءجۇرىپ العا تارتادى.
ءبىر ساعات جانتالاسا ىزدەۋ ارقىلى جولدىڭ ءبىر ويپاڭ جەرىنەن قامالىپ قالعان اۆتولىكتى تابادى، الايدا اۆتوكولىكتىڭ سول جاق تۇسى 7 دە 8 مەتر كەلەتىن تەرەڭ شاتقال ەكەن...
قۇتقارۋ شاعىن اترەتى دەرەۋ قاپتال شاپاندى قامالىپ قالۋشىعا بەرىپ،جولدى ارشۋ،اۆتوكولىكتى سۇيرەۋ،يتەرۋ سياقتى ءتۇرلى قۇتقارۋ امالدارىن جاسايدى. حالىق ساقشىلارىنىڭ ءۇستى-باسى قار بولىپ،كىرپىكتەرىن قىراۋ شالىپ،بەتتەرىن اياز قارىپ، قولدارى قارىسىپ قالادى،قار تۇيىرشىكتەرى بەتتەرىنە تاستاي تيەدى.
2 ساعاتتان ارتىق ماشاقاتپەن قۇتقارۋ ارقىلى اۆتوكولىكتى اقىرى حاۋىپسىز ورىنعا جەتكىزەدى.
قاردا قامالىپ قالعان كۇنبولات مۇقامەتبەك قاتەردەن قۇتىلعان سوڭ، حالىق ساقشىلارىنىڭ قولىنان ۇستاپ، كوزىنە جاس الادى.
«جالعىز ءوزىم يەن دالادا قامالىپ قالعاندا مىناداي قارلى بوراندا ءۇسىپ ءولۋىم مۇمكىن ەدى. حالىق ساقشىلارىنىڭ مۇنداي تەز كەلىپ قۇتقاراتىنىن ويلاماعان ەكەم،سەندەر مەنىڭ قامقورشىمسىڭدار،قالاي العىس ايتارىمدى بىلمەي تۇرمىن» دەدى كۇنبولات اسەرلەنە.
ۇعىسۋعا قاراعاندا،كۇنبولات مال شارۋاشىلىق رايونداعى تۋىسىنىڭ ۇيىنە بارعان ەكەن،جۇمىسى شىعىپ اۋدان ورتالىعىنا قايتقان جولىندا قارلى بورانعا ۇشىراپ،قاتەرلى جاعدايدا قالعان ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى