__ شاعانتوعاي اۋدانى جانكىسى اۋىلى جانكىسى قىستاعىنىڭ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ ەستەلىگى
بەتاشار: بيىل جۇڭگو كوممۋنيستىك پارتياسىنىڭ 100 جىلدىق مەرەي تويى،«14 – بەسجىلدىق» جوبا باستالعان جىل. جاڭا جىل كەلىسىمەن،بۇكىل ايماعىمىزدا جوعارىدان تومەنگە دەيىن،پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 – رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن،اسىرەسە،باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەندى،دايەكتىلەندىردى،تياناقتاندىردى،تارباعاتاي ايماقتىق پارتكومنىڭ جاڭا دامۋ كەزەڭىن تياناق ەتۋگە،جاڭا دامۋ ۇستانىمىن دايەكتىلەندىرۋگە،جاڭا دامۋ ارناسىمەن توعىسۋعا تاباندى بولىپ،تۇيىندەردەن قامال الۋ ارقىلى جالپى قىزمەتتى جەبەپ،ايماعىمىز ەكونوميكاسىنىڭ جوعارى ساپالى دامۋىن ىلگەرىلەتكەندىگىن جان – جاقتىلى ايگىلەۋ ءۇشىن بۇگىننەن باستاپ گازەتىمىز «ءبىرىنشى قادامدى ويداعىداي باسىپ،جاڭا بەينە كورسەتەيىك» ايدارىن اشىپ،ايماعىمىز ەكونوميكاسىنىڭ،قوعامىنىڭ دامۋىندا قول جەتكەن تاماشا تابىستاردى حابارلاپ،ءار ۇلت كادر – بۇقاراسىنىڭ «14 – بەسجىلدىقتا» كۇرەس جاساۋ،جاڭا ساپاردا ەكپىندەي ىلگەرىلەۋدەگى قۇدىرەتتى رۋحاني كۇشىن ونان ارى قاۋلاتتى.
□ ءتىلشىمىز ۋاڭ گاۋشىڭ
ەرىكتى ءتىلشى جەڭىسقازى
شاعانتوعاي اۋدانىنىڭ جانكىسى اۋىلى جانكىسى قىستاعىنا بارا قالساڭىز،قاز-قاتار تىزىلگەن ۇيلەردىڭ اق-سۇرعىلت ءتۇس ارالاسقان قابىرعالارى،كوشە بويىنداعى رەڭدى دوڭگەلەكتەر، ءتۇرلى كورىنىستىك اعاشتار،ستەرەولى قابىرعا سۋرەتتەر ايرىقشا كوز تارتادى... مىنە وسىلاردىڭ بارلىعى بۇل ارانى ساياحاتشىلار،ءسوزسىز، كەلەتىن «ينتەرنەتتە تانىمالى» جەرگە اينالدىرعان.
جانكىسى قىستاعى ەگىن شارۋاشىلىعىن نەگىز ەتەتىن،ەگىن،مال شارۋاشىلىعىن ۇشتاستىرعان قالا ماڭىنداعى قىستاق،بۇكىل قىستاقتا ارحيۆ تۇرعىزىلىپ،كارتچكالاندىرىلعان 91 وتباسى،218 تۇرعىن بار. 5 جىلدان بەرى تۇرعىنداردىڭ جان باسىندىق كىرىسى 3 مىڭ يۋاننان 23 مىڭ يۋانعا جەتىپ،ارحيۆ تۇرعىزىلىپ،كارتچكالاندىرىلعان كەدەي وتباسىلارىنىڭ جان باسىندىق كىرىسى 10 مىڭ يۋاننان استى.
6 جىلدىڭ الدىندا بۇل جەر جەمىرىلگەن ەسكى داۋالدار مەن قوقىر-قوقسىقتان اياق الىپ جۇرگىسىز ەدى، قىستاق تۇرعىندارىنىڭ كىرىسى تومەن،رۋحى تۇسىڭكى بولاتىن.
ەندەشە بۇل شىت جاڭا وزگەرىستەر قايدان كەلدى؟
نىسانداردىڭ قولداۋى نەگىز قالادى
جانكىسى قىستاعى قالا ماڭىنداعى قىستاق بولعانىمەن نەگىزدىك قۇرىلعى قۇرىلىستارىنىڭ مەشەۋلىگى قىستاق تۇرعىندارىنىڭ كىرىستى ارتتىرىپ، اۋقاتتانۋىنا تۇساۋ بولىپ كەلگەن.
2020-جىلى قىستاق 500 مىڭ يۋان نىسان قارجىسىنا قول جەتكىزىپ،قىستاق ىشىندەگى 1.7 كيلومەتر كەلەتىن جولدى جوندەپ،اسفالت جولدى ەسىكتىڭ الدىنا دەيىن جاتقىزىپ، «جەل سوقسا جولدىڭ شاڭى اسپانعا شىعاتىن،جاۋىن-شاشىندا اياعىڭ لاي - باتپاق بولاتىن» تاريحتى اقىرلاستىرىپ،تۇرعىنداردىڭ ءجۇرىس-تۇرىسىنا قولايلىلىق جاراتۋمەن بىرگە،قىستاقتىڭ بەت-بەينەسىن دە وزگەرتتى.
سونىمەن بىرگە،4 ميلليون 800 مىڭ يۋان نىسان قارجىسىن تياناقتاندىرىپ، اۋىل-قىستاق حاۋىپسىز اۋىز سۋ ينجەنەرياسىن اتقارىپ،قۇبىر سۋى باس قۇبىرىنىڭ 5 مىڭ مەتر جەرىن جاڭالاپ،5 تەكسەرۋ قۇدىعىن جاڭادان جاسادى. سودان باستاپ قۇبىر سۋىمەن قالىپتى قامداي الماۋ ماسەلەسى تۇبەگەيلى شەشىلدى.
قىستاق پارتيا ياچەيكاسىنىڭ شۋجيى حاۋ شياڭلي: «پارتيانىڭ ابزال ساياساتىنىڭ ارقاسىندا قىستاعىمىزدىڭ جول قاتىناس قيىنشىلىعى مەن اۋىز سۋ قيىنشىلىعى شەشىلدى» دەدى.
ۇعىسۋعا قاراعاندا،2017-جىلدان قازىرگە دەيىن،قىستاق 45 ميلليون يۋاننان استام كەدەيلەردى سۇيەمەلدەۋ قارجىسىنا قول جەتكىزىپ،اۋىز سۋ حاۋىپسىزدىگى،جول قاتىناس،بەيقۇت ءۇي،جارىقتاندىرۋ سياقتى 22 نىساندى اتقارىپ،نەگىزدىك قۇرىلعىلارى بارىنشا جاقسارعان ەكەن.
جەردى اينالىمعا سالۋ كىرىستىڭ ارتۋىن قامتاماسىزداندىردى
2020-جىلى قىستاق پارتيا ياچەيكاسى شاڭحاي يجىحۇيحى شەكتى سەرىكتەستىگىن ەنگىزىپ،20 ميلليون يۋانعا جۋىق قارجى شىعارىپ،قىستاقتا ەرەكشەلىككە يە ەگىمشىلىك سىناق رايونىن جاڭادان قۇردى. 5000 مۋ جەرگە قوناق،200 مۋ جەرگە ايلاۋىق ەگىپ،ارحيۆ تۇرعىزىلىپ، كارتچكالاندىرىلعان 60 كەدەي وتباسى 333 مۋ جەرىن تۇگەلدەي وسى سەرىكتەستىككە اينالىمعا بەردى.
جەردى اينالىمعا سالۋدىڭ كوتەرمە اقىسىنىڭ مۋى بازار باعاسىنان 30 يۋان جوعارىلادى. سونىمەن بىرگە،ءار مۋ جەردىڭ ەكىنشى رەتكى تابىس ءبولىسى 120 يۋان اينالاسىندا بولىپ،ءار وتباسىنىڭ ارتقان ورتاشا كىرىسى 1500 يۋاننان استى.
70 جاستاعى ۋ دالين وسىنىڭ يگىلىگىن كورۋشىلەردىڭ ءبىرى. ۋ دالين 30 مۋ جەرىن اينالىمعا بەرگەننەن كەيىن،ءوزى سەرىكتەستىكتە جۇمىس ىستەپ،ايىنا 1000 يۋان ەڭبەكاقى الدى. جەردىڭ كىرىمى مەن جۇمىس ىستەپ تاپقان اقشاسىن قوسقاندا ول جىلىنا 20 مىڭ يۋانعا جۋىق تازا كىرىس كىرگىزدى.
ۋ دالين تولىق سەنىممەن: «ءۇي ىرگەسىنەن جۇمىس ىستەگەندە،وتباسىمداعىلارعا قارايلاسۋمەن بىرگە،اقشا تابۋىما بولادى،تۇرمىسىمىز كۇننەن-كۇنگە جاقسارا تۇسەدى» دەدى.
ساياحاتتىق قىزمەت وتەۋ كىرىستىڭ ارتۋىن ورنىقتىردى
جانكىسى قىستاعى شاعانتوعاي اۋدانىنان 4A دارەجەلى كورىنىس رايونىنا باراردا،ءسوزسىز،باسىپ وتەتىن جول بولەگىنە ورنالاسقان،ەلىمىزگە اتى تانىمالى اقتەرەك قاراۋىل ورنىنىڭ جاعالاۋىنداعى قىستاق،وزگەشە ساياحات ابزالدىلىعىنا يە.
2020-جىلى 9-ايدىڭ 24-كۇنى ارحيۆ تۇرعىزىلىپ،كارتچكالاندىرىلعان كەدەي تۇرعىن حۋاڭ شيانفىڭ قاربالاستىققا ءتۇستى. ونىڭ وتباسىنداعى حالىقتىق تۇسەلحانا كەلگەن قوناققا تولسا،الدىن الا زاكاز بەرگەن تەلەفون توقتاۋسىز شىرىلدايدى.
2020-جىلى قىستاق «ەكى كوميتەتى» ساياحات پەن كەدەيلەردى سۇيەمەلدەۋدى ورگانيكالى ۇشتاستىرىپ،ارحيۆ تۇرعىزىلىپ،كارتچكالاندىرىلعان كەدەي وتباسىلارىنىڭ ساياحاتتان كىرىس كىرگىزۋىنە دەم بەرىپ جانە قولداۋ كورسەتىپ،تاۋ گۇلىن نەگىزگى تاقىرىپ ەتكەن توراپتاعى تانىمالى حالىقتىق تۇسەلحانا كوشەسىن قۇرىپ،60 توسەگى بار 13 حالىقتىق تۇسەلحانا اشتى. قىسقا عانا 23 كۇندە ءار وتباسىنىڭ ارتقان ورتاشا كىرىسى 5000 يۋاننان استى.
حۋاڭ شيانفىڭ: «ساياحات كاسىبىمەن شۇعىلدانىپ اقشا تابۋدىڭ وزىندىك جاپاسى دا بار،الايدا ەگىن ەگۋگە سالقىنىن تيگىزبەيدى،راسىندا ەكى الىپ بيگە شىعاسىڭ. قىستاق كادرلارىنىڭ اقىل كورسەتىپ،حالىقتىق تۇسەلحانا اشۋىمىزعا كومەكتەسكەنىنە العىس ايتامىز» دەدى.
اۋىل-قىستاق ەلەكتروندى ساۋداسى كىرىستىڭ ارتۋىن جەبەدى
2020-جىلى اۋىلىنا قايتقان پارتيا مۇشەسى لي يۇڭشيڭ 5 ميلليون 400 مىڭ يۋان قارجى شىعارىپ،قىستاقتا 8000 شارشى مەترلىك ساياحاتشىلاردى جيناۋ-جونەلتۋ رايونىن قۇرىپ، ەلەكتروندى ساۋدا ساتۋ كورمە زالى،ساياحاتشىلاردىڭ دەمالۋ رايونى،جەلىدە جانە جەلىدەن تىسقارى ساۋدا رايونى جانە ساياحاتشىلاردى باستاۋ رايونى سياقتى رايونداردى قۇردى.
جيناۋ-جونەلتۋ رايونى تۇتاس اۋىلداعى كۇلگىن قابىقتى ۋسارىمساق،قىزىل قابىقتى كارتوپ،قارا ورىك قويمالجىڭى سياقتى ەرەكشە اۋىل شارۋاشىلىق ونىمدەرىن ساتاتىن تەكشە مەن تىكە تاراتۋ تەكشەسىنە اينالدى. قىستاق كادرلارى «ساتۋشىعا» اينالىپ،قىستاقتاعى ارحيۆ تۇرعىزىلىپ، كارتچكالاندىرىلعان 80 كەدەي وتباسى مەن 15 قيىنشىلىعى بار وتباسىنا كومەكتەستى،قىستاق تۇرعىندارى ءۇي ىرگەسىنەن اقشا تاۋىپ،ءار وتباسىنىڭ ورتاشا كىرىسى 2000 يۋاننىڭ ۇستىندە جوعارىلادى.
جانكىسى اۋىلدىق پارتكومنىڭ شۋجيى ليۋ ليشين: «بيىل ‹14- بەسجىلدىقتىڭ› باستالعان جىلى،ءبىز اۋىل-قىستاقتى گۇلدەندىرۋمەن تىعىز ۇشتاستىرىپ،كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ نەگىزىندە،ساياسات،قارجى جاقتارىنان سۇيەمەلدەپ،قىستاق تۇرعىندارىن ساياحات كاسىبىمەن شۇعىلدانىپ، ساياحاتتان كىرىس كىرگىزىپ،دوڭگەلەك داۋلەتتىلىككە ارشىندى قادام تاستاۋعا جەتەلەيمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى