كوكتەم مەرەكەسى كەزىندەگى تاسىمالدىڭ حاۋىپسىزدىگىنە بارلىعىمىز بىرگە ات سالىسايىق

□ جولاۋشىلار اۋىلدارىنا قايتۋعا جولعا شىقتى.



□ قىزمەتكەر جولاۋشىنىڭ اۆتوماتتى بەلەت ساتۋ جابدىعىنان بەلەت ساتىپ الۋىنا    كومەكتەسۋدە.



□ جولاۋشىلار پويەزدا پويەزدىڭ ءجۇرۋىن كۇتۋدە.



□ حاۋىپسىزدىك تەكسەرۋ قىزمەتكەرلەرى جولاۋشىلاردىڭ جۇگىنە ەگجەي-تەگجەيلى تەكسەرۋ جۇرگىزۋدە.

 

1-ايدىڭ 28-كۇنى مەملەكەت بويىنشا كوكتەم مەرەكەسى تۇسىنداعى جولاۋشى    تاسىمالىنىڭ 1-كۇنى. بيىلعى كوكتەم مەرەكەسى كەزىندەگى جولاۋشى تاسىمال مولشەرى وتكەن جىلدارداعىداي كوپ بولماعانىمەن،جانەدە   ءىشىنارا جولاۋشىلار كەرەك-جاراقتارىن    اسىنىپ،تىلەكتەرىن الىپ اۋىلدارىنا قايتۋعا جولعا شىقتى.

سول كۇنى شاۋەشەك پويەز ۆوكزالىنان جولاۋشىلاردىڭ ءتارتىپتى تۇردە حاۋىپسىزدىك تەكسەرۋىنەن ءوتىپ،بەكەتكە كىرىپ بەلەت ساتىپ الىپ جاتقانىن،بەلەت ساتۋ زالىنداعى ەكراندا سول كۇنگى قاتىنايتىن كەزەكشى  پويەز،قاتىنايتىن ۋاقىتى قايتالاپ قويىلىپ تۇرعانىن،حاۋىپسىزدىك تەكسەرۋشى     قىزمەتكەرلەردىڭ جولاۋشىلاردىڭ بۋىنشاق-تۇيىنشەگى،سومكەسى،سونداي-اق تۇرمىستىق بۇيىمدارىنا تەكسەرۋ تەبىنىن ارتتىرىپ،    وتالعىش،قوپارىلعىش،ۋلى زاتتاردىڭ بەكەتكە كىرۋىنە قاتاڭ تيىم سالىپ،كوكتەم مەرەكەسى تاسىمالى كەزىندەگى جولاۋشىلاردىڭ      حاۋىپسىزدىگىنە شىنايى كەپىلدىك ەتىلگەنىن كوردىك.

جىلىنا ءبىر كەلەتىن كوكتەم مەرەكەسى  تاسىمالىندا جاڭا وزگەرىستەر ۇنەمى تۋىلىپ تۇرادى،الايدا،اۋىلدارىنا امان-ەسەن جەتۋ،تاسىمال ءتارتىپتى بولۋ سياقتى ساپار تىلەگى ەشقاشان وزگەرگەن ەمەس. جولاۋشىلاردىڭ  الەۋمەتتىك قاتىناس كولىكتەرىنە وتىرعاندا مەديتسينادا پايدالاناتىن حيرۋرگيالىق ماسكىنى تالاپ بويىنشا تاعىپ،ارالىق ساقتاۋعا كوڭىل ءبولىپ،قولدى دەزيزنفەكسيالاۋ سۇيىقتىعى   سياقتىلاردى الدىن الا دايىنداپ،وزدەرىن قورعاۋدى جاقسى ىستەۋلەرىن ەسكەرتەمىز.


سۋرەتىن تارتىپ،حابارلاعان ءتىلشىمىز 
ۋاڭ تيڭ،پراكتيكانت ءتىلشى ۋاڭ زىلين



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى