ءتىلشىمىز جاڭ ياڭ حابارلايدى. 2-ايدىڭ 8-كۇنى اكىمشىلىك مەكەمەسى 2021-جىلعى 3-رەتكى پارتيا باسشىلىق گرۋپپاسى ءماجىلىسىن اشتى. ايماقتىق پارتكومنىڭ ورىنباسار شۋجيى،اكىمشىلىك مەكەمەسىنىڭ ۋاليى مۇقيات جارمۇحامبەت ءماجىلىستى باسقاردى.
ماجىلىستە اۆتونوميالى رايوندىق ەكى ءماجىلىس رۋحىن،اۆتونوميالى رايوندىق 9-كەزەكتى ءتارتىپ تەكسەرۋ كوميتەتى التىنشى جالپى ءماجىلىسىنىڭ رۋحىن،اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ رۋحىن جەتكىزدى،ۇيرەندى.
ءماجىلىس مىنالاردى تالاپ ەتتى: تاراۋلار اۆتونوميالى رايوندىق ەكى ءماجىلىستىڭ رۋحىن ۇيرەنۋدى، ءتۇسىنۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ،«ءتورت تانىمدى» كۇشەيتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداپ،ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي،«التىنى ورنىقتىرۋ» قىزمەتىن تىڭعىلىقتى ويداعىداي ىستەپ،«التىنى قامتاماسىز ەتۋ» مىندەتىن جاپپاي تياناقتاندىرۋ كەرەك. ءتۇپ نۇسقانى ۇيرەنىپ،ۇزدىكسىز ىشكەرىلەي ۇيرەنىپ،باسىنان اياعىنا دەيىن ساباقتاستىرا ۇيرەنىپ،ءىس جۇزىندىكپەن بايلانىستىرا ۇيرەنىپ، اۆتونوميالى رايوندىق ەكى ءماجىلىستىڭ رۋحاني ءمانىن يگەرىپ،وزەكتى ءمانىن ءتۇسىنىپ،ۇيرەنگەندى قولدانا ءبىلىپ،ۇيرەنۋ مەن قولدانۋدى ۇشتاستىرىپ،ىندەتتەن ساقتانۋ- تىزگىندەۋدى ءبىر تۇتاس جوسپارلاپ ويداعىداي ىستەپ،اۆتونوميالى رايوندىق ەكى ءماجىلىستىڭ ورنالاستىرۋلارىن،تالاپتارىن ايماقتىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ جاندى امالياتىنا شىن مانىندە اينالدىرۋ كەرەك.
نازاريامەن قارۋلانۋدى ۇزدىكسىز كۇشەيتىپ،شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ،جەتە ءتۇسىنۋ،شىنايى تياناقتاندىرۋ جاعىنا كۇش سالىپ،پارتيالىق شىڭدالۋدى،پارتيالىق جاقتان تولىسۋدى كۇشەيتىپ،مۇرات-سەنىمدى بەكەمدەپ،يدەيالىق قورعانىس شەبىن مىقتاپ ورناتىپ،شىن مانىندە پارتيانىڭ جاسامپاز نازارياسىمەن وي-سانانى قارۋلاندىرۋ،امالياتقا جەتەكشىلىك ەتۋ، قىزمەتتەردى ىلگەرىلەتۋ؛ساياسي قۇرىلىستى كۇشەيتىپ،پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ،قاي-قاشاندا ساياسيدا اڭعارلى ادام،ادال ادام بولۋ؛ۇزدىكسىز ستيلدى دۇرىستاپ،ءتارتىپتى قاتايتىپ،«ءتورت بۇرىس ستيل»،«ءتورت تەرىس پيعىل» ماسەلەسىن كۇش سالا شەشىپ، بۇقارانىڭ ماڭىنداعى شىرىكتەسۋ جانە ستيل ماسەلەسىن كۇش سالا تۇزەتىپ،جونگە سالىپ،تىڭعىلىقتى، قاتاڭ ستيلمەن ەكونوميكالىق، قوعامدىق دامۋدى قامتاماسىز ەتۋ كەرەك.
ايماق باسشىلارىنان شۋە گۇيچياڭ، الي،يان فىڭ،بي حاي،مۇقتار كالىمبەك،ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى