□ءتىلشىمىز لي دان
ەرىكتى ءتىلشى ءساناي كاكاش
بيىل 52 جاستاعى جەڭىسگۇل اقىمان ءدوربىلجىن اۋدانى جەلاعاش قالاشىعى قىزىلقيا قىستاعىنىڭ تۇرعىنى.ول تابان ەت،ماڭداي تەرىمەن باقىتتى تۇرمىسقا جەتىپ،ارحيۆ تۇرعىزىلىپ،كارتچكالاندىرىلعان كەدەي تۇرعىننان كەدەيلىكتەن ارىلىپ، اۋقاتتانۋدىڭ ۇلگىسىنە اينالدى.
2014-جىلى جەڭىسگۇلدىڭ جۇبايى ناۋقاستان قايتىس بولىپ، وتباسىنىڭ بۇكىل اۋىرتپاشىلىعى ونىڭ مويىنىنا تۇسەدى،الايدا ول بۇعان بولا ەڭسەسىن تۇسىرمەدى،باسقالاردان جاردەم دە كۇتىپ وتىرمادى.
جەڭىسگۇل كومەكتەسۋ-سۇيەمەلدەۋگە جاۋاپتى كادر اسەمقاندى ىرىقتىلىقپەن ىزدەپ بارىپ،باعىمشىلىقپەن شۇعىلدانۋ ويىنىڭ بار ەكەندىگىن ايتادى،سونىمەن اسەمقاننىڭ كومەگىندە جەڭىسگۇل 10 مىڭ يۋان كەدەيلەردى سۇيەمەلدەۋ قارىز اقشاسىنا ءوتىنىش ەتىپ،وتباسىلىق ەگىس الاڭىن اشىپ،60 تاۋىق،20 ۇيرەك،6 سيىر،20 قوي ءوسىردى.
جەڭىسگۇل قاربالاستىقتىڭ ارەدىگىندە باعىمشىلىق بىلىمدەرىن ۇيرەنىپ،قايتكەندە باعىمشىلىقپەن ويداعىداي شۇعىلدانۋعا،ىندەتتەن ساقتانۋعا بولاتىندىعى جونىندە ىزدەنىستەر جاسادى. سول جىلى باققان تاۋىق پەن ۇيرەكتەن 20 مىڭ يۋان كىرىس كىرگىزگەن ونىڭ وزىنە دەگەن سەنىمى ەسەلەپ ارتا ءتۇستى.
2016-جىلى باعىمشىلىعى بىرتىندەپ ارناعا تۇسكەن سوڭ جەڭىسگۇل ءۇنحات ساۋداسىمەن اينالىستى. نەگىزىنەن بەزەنۋ بۇيىمدارى مەن تۇرمىستىق بۇيىمداردى ساتىپ، بىرتىندەپ قالاي جارناما جاساۋدى، قاريدار تابۋدى ۇيرەنىپ،قۇلشىنىسى ارقىلى جىلدىق كىرىسىن 6 مىڭ يۋان ارتتىردى.
كەستەشىلىككە قىزىعاتىن جەڭىسگۇل 2017-جىلى كىتاپقا،بەينە ەكرانعا قاراپ ءتۇرلى سىرماق،جاستىق سياقتىلاردى تىكتى ءارى سول جىلى 20 سىن ساتىپ،8 مىڭ يۋان كىرىس كىرگىزدى.
جەڭىسگۇل: «ەڭبەك — ەڭ سەنىمدى بايلىق،مەملەكەتتىڭ دامۋ قادامىنا ىلەسىپ،قۇلشىنا كۇرەس جاساساق،تۇرمىسىمىز جاقسارا تۇسەتىنى داۋسىز» دەيدى.
اسەمقان: «جەڭىسگۇلدىڭ ۇيىندەگىلەر قازىر باقىتتى تۇرمىس كەشىرۋدە،بىلتىر جىلدىق كىرىسى 50 مىڭ يۋاننان استى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى