بۇگۇر اۋداندىق پارتكومنىڭ ورىنباسار شۋجيى،اۋدان اكىمى تۇرسۇنجان ابەيدوللا
جۋىقتا پومپەو شينجياڭعا ساياتىن ساندىراق جاريالاپ،ەستىگەن ادام جاعاسىن ۇستايتىن وتىرىك ينفورماتسيالاردى توقتاۋسىز تاراتتى،ونداعى ماقساتى جۇڭگونىڭ ۇلتتار قاتىناسىنا ىرتكى سالۋ،شينجياڭنىڭ گۇلدەنۋىن، ورنىقتىلىعىن ءبۇلدىرۋ،جۇڭگونىڭ دامۋىن، الۋەتتەنۋىن شاۋجايلاۋ،ونىڭ سۇرقيا قاسكۇنەمدىگى استە ىسكە اسپايدى.
بۇگۇر اۋدانىنداعى ءار ۇلت كادر-بۇقاراسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن،اسىرەسە،قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ،تىلەك توعىستىرىپ،بىلەك بىرىكتىرىپ،قامال الىپ،قيىندىقتاردى جەڭىپ،بەلسەنە ىسكەرلىك كورسەتىپ، ىرىقتىلىقپەن جاۋاپكەرشىلىك ارقالادى،ەكونوميكا اقاۋسىز دامىپ،قوعام جاراسىمدى،ورنىقتى بولىپ،حالىق تۇرمىسى ۇزدىكسىز جاقسارىپ،ءتۇرلى ىستەر جالپى بەتتىك العا باسىپ، ورنىقتىلىقتىڭ پايداسىنان ۇزدىكسىز يگىلىكتەنىپ،ءار ۇلت بۇقاراسى اناردىڭ دانىندەي تىعىز ۇيىستى،قازىر تاريحتاعى ەڭ جاقسى گۇلدەنۋ،دامۋ كەزەڭىندە تۇرمىز. كەدەيلىكتەن ارىلتۋدان قامال الۋ شەشۋشى تابىسقا قول جەتكىزدى،بۇكىل اۋدانداعى 2 كەدەي قىستاق جەكە-جەكە 2016-جىلى،2017-جىلى كەدەيلىك تىزىمىنەن شىقتى،62 قىستاقتا «بەستى جەتكىزۋ،جەتى بولۋ» تولىقتاي ولشەمگە جەتتى؛5331 وتباسىنداعى ارحيۆ تۇرعىزىلىپ،كارتچكالاندىرىلعان 14 مىڭ 539 كەدەي 2019-جىلدىڭ سوڭىندا تۇگەلدەي كەدەيلىك قالپاعىن الىپ تاستاپ،كەدەيلىكتىڭ تۋىلۋ مولشەرى نولگە ءتۇستى. 2020-جىلى كەدەي وتباسىلاردىڭ جان باسىندىق تازا كىرىسى 14 مىڭ 168 يۋانعا جەتىپ،2016-جىلداعىدان 2.2 ەسە ارتتى.
سوڭعى جىلداردان بەرى،بۇگۇر اۋدانى قوعام ورنىقتىلىعىنىڭ پايداسىنان ۇزدىكسىز يگىلىكتەنىپ،ەكونوميكانىڭ جوعارى ساپالى دامۋىن ۇزدىكسىز ىلگەرىلەتتى،مەجەمەن 2020-جىلعى ءوندىرىستىڭ جالپى ءونىم قۇنى 6 ميلليارد 244 ميلليون يۋانعا جەتىپ،جىلىنا ورتا ەسەپپەن ％6.7 ارتتى؛بۇكىل قوعامداعى تۇراقتى مۇلىككە قوسىلعان قارجى 5 جىلدا جيىنى 7 ميلليارد 501 ميلليون يۋانعا جەتتى؛ الەۋمەتتىك قازىنا مەجە ەسەپ كىرىسى 956 ميلليون يۋانعا جەتىپ،جىلىنا ورتا ەسەپپەن ％6.7 ارتتى؛قالا-قالاشىق تۇرعىندارىنىڭ جان باسىندىق قولداعى تابىسى 36 مىڭ 87 يۋانعا جەتىپ،جىلىنا ورتا ەسەپپەن ％7.3 ارتتى؛ ەگىنشى-مالشىلاردىڭ جان باسىندىق تازا كىرىسى 18 مىڭ 977 يۋانعا جەتىپ،جىلىنا تابىس ورتا ەسەپپەن 1000 يۋاننىڭ ۇستىندە ارتتى؛ تۇتاس جىلدا ءبىر ميلليون 124 مىڭ ادام (رەت) ساياحاتشى قابىلداپ،ساياحات كىرىسى 227 ميلليون يۋانعا جەتىپ،سايكەس مەزگىلدەگىدەن ％76.27 ارتتى؛حالىق تۇرمىسى ۇزدىكسىز جاقسارىپ،جيىنى 120 ميلليون يۋان قارجى سالىنىپ جاڭادان 28 عيمارات مەكتەپ جاتاقحاناسى،ولشەمدى پلاستماسسالىق سپورت الاڭىنان 8 ى جاڭادان سالىندى،جيىنى 77 ميلليون 350 مىڭ يۋان قارجى سالىنىپ،وقۋ-اعارتۋ،وقۋ-وقىتۋ جابدىقتارى ساتىپ الىنىپ،اۆتونوميالى رايوننىڭ مىندەتتى وقۋ-اعارتۋدى بىركەلكى دامىتۋى بويىنشا تەكسەرۋدەن ۇزدىك ناتيجەمەن ءوتتى. «الدىمەن،دياگنوز قويۋ،ەمدەۋ،ونان سوڭ،اقى تولەۋ،ءبىر بەكەتتىك ەسەپ جابۋ» قىزمەت وتەۋىن جاپپاي اتقارىپ،وتباسى شيپاگەرىمەن كەلىسىم-شارت جاساسۋ مولشەرى ％87.3كە،جالپى حالىقتىڭ دەنساۋلىعىن تەگىن تەكسەرۋدىڭ ورىندالۋ مولشەرى ％100كە جەتتى؛«بەستە قامتاماسىز ەتىلەتىن» قارتتاردىڭ باقىت اۋلاسىندا تۇرۋ تىلەگى بارلاردى شوعىرلى باعىپ-قاعۋ مولشەرى ％100كە جەتىپ، بۇقارانىڭ تابىس سەزىمى،باقىت سەزىمى، حاۋىپسىزدىك سەزىمى ۇزدىكسىز كۇشەيدى.
قوعام ورنىقتى،جاراسىمدى،بۇقارانىڭ تۇرمىسى باقىتتى بولعان شىندىق الدىندا، پومپەونىڭ وسەك-اياڭىنىڭ ءشيى ءوزى-اق شىعادى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى