اقسۋ ايماقتىق پارتكومنىڭ مۇشەسى مامەت ساۋىت
سۋايتتىقپەن،الدامكوستىكپەن جامان اتى جالپى جۇرتقا تاراعان پومپەو ايتىلمىس «مالىمدەمەسىن» جاريالاپ،جۇڭگو شينجياڭىنىڭ ادامدىق ۇقىق جاعدايىن تاعى ءبىر رەت قارالاپ،جۇڭگو ۇكىمەتىنىڭ شينجياڭدى جونگە سالۋ ساياساتىنا جات نيەتپەن سوقتىقتى،بۇل جۇڭگونىڭ ىشكى ىسىنە دورەكىلىكپەن كيلىككەندىك،وسىنى جەلەۋ ەتىپ جۇڭگونىڭ ۇلت قاتىناسىنا ىرتكى سالۋعا،شينجياڭنىڭ ورنىقتىلىعىن بۇلدىرۋگە،شينجياڭنىڭ دامۋىنا بوگەت بولۋعا ۇرىنعاندىق،پومپەونىڭ «مالىمدەمەسى» ءبىر پاراق كەرەكسىز قاعاز. شينجياڭنىڭ ورنىقتىلىعىنىڭ،دامۋىنىڭ ات سالىسۋشىسى جانە يگىلىگىن كورۋشىسى رەتىندە،مەن بۇعان باتىل قارسى تۇرامىن جانە بۇنى قاتاڭ ايىپتايمىن.
مىڭ وتىرىك ءبىر شىندىقتى بۇركەمەلەي المايدى: جۋىق جىلداردان بەرى پارتيا ورتالىق كوميتەتىنىڭ پارمەندى باسشىلىعىندا،ءار ۇلت حالقىنىڭ قۇلشىنىسى ارقىلى شينجياڭنىڭ قوعامى جاراسىمدى،ورنىقتى بولعان،دامۋى ۇزدىكسىز جاقسارعان،حالىق تىنىش ءومىر،شات- شادىمان تىرشىلىك كەشىرگەن،مادەنيەت عالامات گۇلدەنگەن،ءدىن تاتۋ،ۇيلەسىمدى بولعان، ءار ۇلت حالقى تىعىز ىنتىماقتاسقان، تاريحتاعى ەڭ تاماشا گۇلدەنىپ دامۋ مەزگىلىندە تۇر.
اقسۋ ايماعىنىڭ قوعامدىق كەلەلى جاعدايى ۇزدىكسىز ورنىقتى بولىپ،ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيدى. ورنىقتىلىقتىڭ پايداسى ۇزدىكسىز جارىققا شىعىپ،استىق،ماقتا،جەمىس،مال شارۋاشىلىعى،قۇرىلعىلى اۋىل شارۋاشىلىعى سىندى «بەس ۇلكەن بازا» قۇرىلىسى جەدەل ىلگەرىلەتىلىپ،ەنەرگيا جانە حيميا ونەركاسىبى،توقىماشىلىق جانە كيىم-كەشەك،اۋىل شارۋاشىلىق قوسىمشا ونىمدەرىن وڭدەۋ،قۇرىلىس ماتەريالدارى جانە مەتاللۋرگيا،جابدىق جاساۋ،ستراتەگيالىق جاڭادان گۇلدەنگەن كاسىپ سالاسى سىندى «التى ۇلكەن كاسىپ سالاسى» شوعىرلى دامىتىلدى، ساپالىلاندىرىلىپ،دارەجەسى جوعارىلاتىلدى،ساياحات كاسىبىن جەتەكشى ەتكەن وسى زامانعى قىزمەت كورسەتۋ سالاسى قارىشتاپ دامىدى. حالىق تۇرمىسىنىڭ ىرىس-قۇتى ۇزدىكسىز ارتىپ،ايماقتىڭ ءوز دارەجەسىندەگى قازىنالىق شىعىسىنىڭ ％70 تەن استامى حالىق تۇرمىسىن قامتاماسىز ەتۋ جانە جاقسارتۋعا جۇمسالدى،كەدەيلىكتەن ارىلتۋدان قامال الۋ شەشۋشى سيپاتتى تابىسقا قول جەتكىزدى،قوعامدىق قامتاماسىزداندىرۋ جۇيەسى كۇن سايىن كەمەلدەندىرىلىپ،اۋدان كولەمىندەگى ەمدەۋ بىرىككەن تۇلعاسىمەن جاپپاي قامتۋ جۇزەگە اسىرىلىپ،اۋىل-قىستاق ەكى دارەجەلى شيپاحانالاردىڭ (ەمحانا) ولشەمدەندىرىلۋ سالىستىرماسى تۇگەلدەي ％100 كە جەتىپ،جالپى حالىق تەگىن سالاماتتىق دەنساۋلىق تەكسەرتۋىنەن يگىلىكتەنىپ،قارتتار،جەتىمدەر،مۇگەدەكتەر سياقتى ەرەكشە قيىنشىلىعى بار قاۋىمدى قوعامدىق قۇتقارۋ-كومەك بەرۋمەن جاپپاي قامتۋ جۇزەگە اسىرىلىپ،ءار ۇلت حالقى قۇلشىنۋدى ويلاپ،بايۋدى كوزدەپ،كوكەيلەرىن باقىت سەزىمى كەرنەدى.
ۇزاق ۋاقىتتان بەرى امەريكاداعى كەيبىر ساياساتپازدار سۇرقيا تاسىلمەن شينجياڭدى سان-ساققا جۇگىرتىپ،شينجياڭعا «قالپاق كيگىزدى»،تۇپتەپ كەلگەندە،ولار ايتىلمىس شينجياڭ ماسەلەسىن تۋدىرىپ،«شينجياڭ ارقىلى جۇڭگونى تەجەپ»،وسى ارقىلى جۇڭگونىڭ حاۋىپسىزدىگىن،ورنىقتىلىعىن ءبۇلدىرىپ، جۇڭگونىڭ العا ىلگەرىلەۋ اياق الىسىنا كەدەرگى بولماقشى. پومپەو سياقتى اۋلەكى ەسەرسوقتار جاساعان جانە تاراتقان وتىرىكتەر تالاي رەت شىندىقپەن اشكەرەلەندى،ولاردىڭ سۇمپايى ارەكەتتەرىنىڭ تاريحتىڭ قوقسىق ۇيىندىسىنە سىپىرىلىپ تاستالاتىندىعى داۋسىز!
شينجياڭنىڭ قوعامى ورنىقتى،ەكونوميكاسى گۇلدەنگەن،حالقى تىنىش ءومىر،شات-شادىمان تىرشىلىك كەشىرگەن تاماشا جاعدايى __ پارتيا ورتالىق كوميتەتىنىڭ شينجياڭ قىزمەتىنە بارىنشا ءمان بەرۋىنىڭ،شينجياڭداعى ءار ۇلت بۇقاراسىنا شىنايى كوڭىل ءبولۋىنىڭ ناتيجەسى، اۆتونوميالى رايوندىق پارتكومنىڭ ءار ۇلت كادر-بۇقاراسىن ىنتىماقتاستىرىپ،باستاپ، قۇلشىنا كۇرەس جاساۋىنىڭ ناتيجەسى،بۇل بۇكىل دۇنيە جۇزىنە ايداي انىق،جالا جابۋ،وسەكتەۋ،ۇرىنۋ اتاۋلىنىڭ ءبارى كورىكتى شينجياڭنىڭ گۇلدەنىپ دامۋ اياق الىسىنا بوگەت بولا المايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى