■ ايماعىمىزدان باعالاۋعا قاتىناسقان 3 تيپتىك ۇلگى 2020-جىلعى مەملەكەتتىك لەي فىڭنان ۇيرەنۋ ەرىكتى قىزمەت وتەۋدەگى «ءتورت 100» ۇزدىك تيپ كانديداتتارى ەسىمدىگىنە ەندى
ءتىلشىمىز داي جياۋمەي حابارلايدى. جۋىقتا ايماقتىق پارتكوم ۇگىت بولىمىنەن ۇعىسۋىمىزشا،ايماعىمىزدان باعالاۋعا قاتىناسقان 3 تيپتىك ۇلگى 2020-جىلعى مەملەكەتتىك لەي فىڭنان ۇيرەنۋ ەرىكتى قىزمەت وتەۋدەگى «ءتورت 100» ۇزدىك تيپ كانديداتتارى ەسىمدىگىنە ەنگىزىلگەن ەكەن. ولار جەكە-جەكە شاۋەشەك قالاسىنداعى مەيىربان پەرىشتەلەر ۇيىمىنىڭ جاۋاپتىسى شۋە ليان،ساۋان اۋدانى سانداۋحىزى قالاشىعىنداعى جۋ-اي قيمىلى ەرىكتىلەر قوعامى،شاعانتوعاي اۋدانى جايىلما كوشەسى الەۋمەتتىك اۋماعىنداعى جاڭا ءداۋىر وركەنيەتىن امالياتتا ايگىلەۋ پۋنكتى.
«ءتورت 100» ۇزدىك تيپ قيمىلىن ورتالىق كوميتەت ۇگىت ءبولىمى، ورتالىق وركەنيەت كەڭسەسى سياقتى تاراۋلار ۇيىمداستىرىپ ورىستەتكەن، 2020-جىلعى لەي فىڭنان ۇيرەنۋ ەرىكتى قىزمەت وتەۋدەن (100 ەڭ سۇيىكتى ەرىكتى قىزمەت وتەۋشى،100 تاڭداۋلى ەرىكتى قىزمەت وتەۋ ۇيىمى،100 تاڭداۋلى ەرىكتى قىزمەت وتەۋ نىسانى،100 ەڭ كورىكتى ەرىكتى قىزمەت وتەۋ الەۋمەتتىك اۋماعى) باعالانادى ەكەن.
8 جىلدان بەرى شاۋەشەك قالاسىنداعى مەيىربان پەرىشتەلەر ۇيىمىنىڭ جاۋاپتىسى شۋە ليان ۇيىرمەدەگى ەرىكتى قىزمەت وتەۋشىلەردى باستاپ،قيىنشىلىعى بار بالالارعا 4000 نان استام ادام رەت كومەكتەسسە،5 سۇيەنىشسىز قاريانى ۇزاق ۋاقىت سۇيەمەلدەگەن؛«يجيجين مەيىر باعىشتاۋ سومكەسى» نىسانىن 8 رەت اتقارىپ،قالا-اۋىلداردان يگىلىگىن كورگەن وقۋشى 6958 ادام رەتكە جەتكەن. «بالالارعا مەيىر جەتكىزۋ جوسپارى»،«شۇعىل قۇتقارۋ ساندىقشاسى»،«مەيىر جەتكىزۋ كيىم ىشكابى»،«ايحۇڭجۋاڭ ەڭ سۇيىكتى اۋىل-قىستاق ايەل وقىتۋشىسى»،«قابىرعاداعى قولايلى تاعام»،«يتۇڭشين جوسپارى» سياقتى نىساندارعا قاتىناسىپ، قوعامنىڭ ءار سالاسىندا قىزۋ اڭىس قوزعاعان.
ساۋان اۋدانى سانداۋحىزى قالاشىعىنداعى جۋ-اي قيمىلى ەرىكتىلەر قوعامى 2016-جىلى 5-ايدا قۇرىلىپ،قازىرگە دەيىن تىزىمگە الدىرعان ەرىكتى 400 ادامنان اسقان. قوعام قۇرىلعاننان بەرى ءالسىز توپتارعا كومەكتەسۋ،حالىققا قولايلى قىزمەت وتەۋ،وقۋعا كومەك بەرۋدى نەگىزگى تاقىرىپ ەتكەن ەرىكتى قىزمەت وتەۋ قيمىلدارىن بار كۇشپەن ورىستەتتى. قازىرگە دەيىن قوعامنىڭ كومەككە اتاعان بۇيىمدارىنىڭ قۇنى 701 مىڭ 37.49 يۋانعا جەتىپ،قىزمەت وتەۋگە قاتىناسقاندار 20 مىڭ 608 ادام رەت بولىپ،يگىلىكتەنۋشىلەر 175 مىڭ 695 ادام رەتكە جەتكەن.
شاعانتوعاي اۋدانى جايىلما كوشەسى الەۋمەتتىك اۋماعىنداعى جاڭا ءداۋىر وركەنيەتىن امالياتتا ايگىلەۋ پۋنكتى 2019-جىلى 6-ايدا قۇرىلعاننان بەرى ءار جاقتىڭ كۇشىن جۇمىلدىرىپ،ءتۇرلى بايلىقتاردى بىرىكتىرىپ،626 ادامنان قۇرالعان الەۋمەتتىك اۋماق ەرىكتى قىزمەت وتەۋ اترەتىنەن جەتەۋىن ۇيىمداستىرىپ،نازاريالىق ۇگىت-لەكسيا،مادەنيەتكە قىزمەت وتەۋ،عىلىم-تەحنيكا جالپىلاستىرۋ، دەنە شىنىقتىرۋ،وقۋ-اعارتۋعا قىزمەت وتەۋ سياقتى بەس تەكشەنى بەلسەنە قۇرىپ،نازاريالىق ۇگىت-لەكسيا جاساۋ،ساياساتتىق تۇسىنىك بەرۋ، اقىسىز ەمدەۋ،مادەنيەت تاراتۋ، تۇرعىندار ءىسىن ءبىتىرۋ سياقتى قىزمەت وتەۋ تۇرلەرىن اتقارعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى