قارامايلى قالاسى قارامايلى رايوندىق پارتكومنىڭ تۇراقتى مۇشەسى،بىرلىكساپ ءبولىمىنىڭ باستىعى ابىلەت ۇسەن
پومپەو تەكتەستەر شىندىقتى ەلەمەي،شينجياڭعا قاساقانا كۇيە جاعىپ،جۇڭگو ۇكىمەتىنىڭ شينجياڭدى جونگە سالۋ ساياساتىنا جات نيەتپەن سوقتىقتى. مەن بۇعان قاتتى كەكتەنەمىن جانە باتىل قارسى تۇرامىن!
مەن گۇما اۋدانىندا دۇنيەگە كەلدىم، پارتيانىڭ ساياساتىنىڭ ارقاسىندا كىشكەنتاي كەزىمنەن تاماشا تاربيە الدىم. 1991-جىلى مەن شينجياڭ مۇناي شۋەيۋانىنان ۇزدىك ناتيجەمەن وقۋ تاۋىسىپ،قارامايلىعا قىزمەتكە ءبولىنىپ،مۇناي الابى كاسىپورنىندا تەحنيك بولدىم. پارتيا ۇيىمىنىڭ شىنايى قامقورلىعى مەن دەن قويا باۋلۋىندا،قاراپايىم تەحنيكتەن باسشىلىق ورىنعا شىقتىم.
وسى جەردىڭ وزىندە تۋىپ وسكەن شينجياڭدىق رەتىندە،مەن ۇلتتاردىڭ ارالاسۋىنىڭ،ىشتەسۋىنىڭ، توعىسۋىنىڭ،جاراسىمدى تاتۋلىعىنىڭ،قيىنشىلىقتاردى بىلەك بىرىكتىرە جەڭۋىنىڭ،جاراسىمدى دامۋىنىڭ قاتىسۋشىسى جانە كۋاگەرىمىن. وسى ارادا،ءار ۇلت بۇقاراسى جۇمىستانۋ،وقۋ-اعارتۋ سياقتى كوپتەگەن جاقتارداعى ۇقىقتاردان تەڭ يگىلىكتەندى؛وسى ارادا،ءار ۇلت بۇقاراسى ىنتىماقتى،جاراسىمدى،ءبىر شاڭىراقتىڭ ادامىنداي بولدى،ۇزدىكسىز ورىستەتىلگەن «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى ءوزارا سۇيىسپەنشىلىكتى ونان ارى تەرەڭدەتتى،مەكەمەدە،كوشەلەردە،الەۋمەتتىك اۋماقتاردا ۇلتتار ىنتىماعىنىڭ كۇشتى رايىن قاشاندا سەزىنۋگە بولادى؛وسى ارادا،ءدىني سەنىم ەركىندىگى جونىندەگى نەگىزگى زاڭ پرينسيبى جاپپاي تياناقتاندىرىلدى، ازاماتتاردىڭ ءدىني سەنىم ەركىندىگى ۇقىعى تولىق قامتاماسىز ەتىلدى،دىنگە سەنەتىن ازاماتتاردىڭ ءدىني سۇيىسپەنشىلىگىنە،سەنىم قاجەتىنە،سونداي-اق عۇرىپ-ادەتىنە تولىق قۇرمەت ەتىلدى،زاڭدى ءدىني قيمىلدار زاڭمەن قامتاماسىز ەتىلدى،ءدىني مادەنيەت مۇرالارى ءونىمدى تۇردە قورعالدى.
فاكت __ وسەك-اياڭعا قارسى ەڭ پارمەندى سوققى. مەن پومپەو قالاي وتىرىك ايتسا دا،قالاي الداسا دا،دۇرىس پەن بۇرىستى قالاي شاتىستىرسا دا شينجياڭنىڭ قوعام ورنىقتىلىعىنىڭ اسا تاماشا جاعدايىن بۇلدىرە المايتىندىعىنا،شينجياڭداعى ءار ۇلت حالقىنىڭ باقىتتى تاماشا تۇرمىسىنا كەدەرگىلىك جاساي المايتىندىعىنا كامىل سەنەمىن.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى