قۇلجا قالالىق پارتكومنىڭ ورىنباسار شۋجيى،قالا باستىعى كامىلجان يۇسىپجان
پارتيا ورتالىق كوميتەتىنىڭ پارمەندى باسشىلىعىندا،شينجياڭداعى ءار ۇلت پەرزەنتتەرىنىڭ ۇزدىكسىز قۇلشىنۋىندا،شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتتى. الايدا پومپەو پاسىق ساياسي ماقساتپەن،جۇڭگو ۇكىمەتىنىڭ شينجياڭعا ساياتىن ساياساتىنا ورىنسىز سوقتىعىپ،قاساقانا پالە تۋدىرىپ،شينجياڭنىڭ بۇگىنگى ىنتىماقتى،جاراسىمدى،گۇلدەنگەن،ورنىقتى اسا تاماشا جاعدايىن بۇلدىرۋگە ۇرىندى. مەن مۇنى قاتاڭ جازعىرامىن جانە وعان باتىل قارسى تۇرامىن.
وسەك-اياڭ مىڭ قايتالانسا دا وسەك-اياڭ. پومپەو ءوزىنىڭ ساياسي ماقساتىنا بولا،شينجياڭنىڭ لاڭكەستىككە قارسى تۇرۋ،ۇشقارىلىقتى الاستاۋ سىندى ادىلەتتى شاراسىنا كۇيە جاقتى. شينجياڭ كەزىندە لاڭكەستىكتىڭ،ءدىني ۇشقارىلىقتىڭ زيانكەستىگىنە قاتتى ۇشىراعان،ءىستىڭ ءمان-جايىن بىلمەيتىن كەيبىر بۇقارا ءدىني ۇشقارى يدەيامەن ۋلانعان سوڭ ىزگىلىك پەن زۇلىمدىقتى،دۇرىس پەن بۇرىستى ايىرا المادى،اق پەن قارانى،قيسىق پەن ءتۇزۋدى اجىراتا المادى،ءتىپتى وتاندى بولشەكتەۋ،ۇلتتار ىنتىماعىن ءبۇلدىرۋ سىندى زاڭعا قايشى قىلمىستىق قيمىلدارعا قاتىناستى، ولاردى ادامدارعا زيانكەستىك ىستەۋشىلەر ءارى وزدەرى دە زيانكەستىككە ۇشىراۋشىلار دەۋگە بولادى. ءدىني ۇشقارى يدەيامەن ابدەن ۋلانعان وسى بۇقارانى پارتيا مەن ۇكىمەت تاستاماي،ولاردان باز كەشپەي،يدەيالىق تاربيە جۇرگىزۋ،شەبەرلىككە باۋلۋ،تۇرمىسىنا كومەكتەسۋ-سۇيەمەلدەۋ ارقىلى ولاردىڭ ءدىني ۇشقارى يدەيانىڭ بۇعاۋىنان قۇتىلۋىنا كومەكتەسىپ،قىلمىستىڭ شىڭىراۋىنا بەت العان ادامداردى دەر كەزىندە تارتىپ شىعارىپ،بۇلىنۋگە شاق قالعان تالايلاعان وتباسىلارىن قۇتقارىپ قالدى. وزگەرىس قۋانتادى،مەن اۋىلعا ءتۇسىپ تەكسەرۋ-زەرتتەۋ جۇرگىزگەن كەزىمدە،قىستاقتاردا وتباسىلارىن ارالاعان كەزىمدە،كەزدەسكەن كوپتەگەن جاستار مەنىمەن ىقىلاسپەن امانداسىپ،وزدەرىنىڭ قىزمەت، تۇرمىس جاعدايىن ايتتى،ولاردىڭ رۋحاني بەت-بەينەسىندەگى اسا زور وزگەرىستەردى ايقىن سەزىندىم،تاماشا تۇرمىسقا دەگەن تالپىنىستارى سوزدەرىنەن ءبىلىنىپ تۇردى.
لاڭكەستىككە قارسى تۇرۋ،ۇشقارىلىقتى الاستاۋ جانە كاسىپتىك شەبەرلىككە تاربيەلەۋ-باۋلۋ قىزمەتىن زاڭ بويىنشا ورىستەتۋ ارقىلى شينجياڭدا ءۇرتىس 4 جىلدان استام ۋاقىتتا زورلىقتى كۇش لاڭكەستىك دەلوسى (وقيعاسى) تۋىلعان جوق. ەمدەۋ قامسىزداندىرۋى،اقىسىز وقۋ-اعارتۋ،بەيقۇت ءۇي ينجەنەرياسى سياقتى حالىققا تيىمدىلىك جاساۋ ساياساتتارى ءار ۇلت بۇقاراسىنىڭ بارىنشا القاۋىنا بولەندى. اسىرەسە،سوڭعى جىلداردا،شينجياڭ «ەكىدەن تارىقتىرماۋ،ءۇشتى قامتاماسىز ەتۋ»جاعىنداعى كورنەكتى ماسەلەلەردى كوزدەپ،بارلىق ۇتىمدى ادىستەردى قولدانىپ،بارلىق ۇتىمدى كۇشتى سالىپ،كەدەيلىكتەن ارىلتۋدان قامال الۋدا تاريحي تابىسقا قول جەتكىزدى.
پومپەو بەتى بۇلك ەتپەستەن وتىرىككە باستى،ءبىزدىڭ شينجياڭنىڭ قازىرگى تاماشا جاعدايىن تىلگە الۋدان تايساپ،ايتىلمىس «ادامدىق ۇقىقتى»قورعاۋدى جەلەۋ ەتىپ جۇڭگو تۋرالى بىلگىرسىدى. بۇعان شينجياڭداعى ءار ۇلت حالقى استە جول قويمايدى!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى