___ شاۋەشەك قالالىق ورگان ىستەرىنە قىزمەت وتەۋ ورتالىعى مەن قالالىق جەرگىلىكتى تاريح-شەجىرە كەڭسەسىنىڭ ەمىل اۋىلى ۋجيڭ قىستاعىندا تۇراتىن قىزمەت اترەتى جونىندە
□ ءتىلشىمىز ۋاڭ زىلين
ەرىكتى ءتىلشى تۇڭ ليڭ
توپ-توبىمەن ۇشقان تورعايلار بىردە ەلەكتر سىمىنا قونىپ، بەس سىزىقتى نوتاداي كوركەم كورىنىس قالىپتاستىرسا، بىردە بۇتاقتان بۇتاققا سەكىرىپ، دانىگى انىنە باسادى،بىردە زەڭگىر كوكتە ەركىن سايران سالادى...
شاۋەشەك قالاسى ەمىل اۋىلىنىڭ ۋجيڭ قىستاعىنا بارا قالساڭىز، كەڭ دە تازا قىستاق جولى مەن جۇزدەرىنەن باقىت لەبى ەسكەن قىستاق تۇرعىندارىن كورەسىز.
2018-جىلى 5-ايدا شاۋەشەك قالالىق ورگان ىستەرىنە قىزمەت وتەۋ ورتالىعى مەن قالالىق جەرگىلىكتى تاريح-شەجىرە كەڭسەسىنىڭ قىزمەت اترەتى ەمىل اۋىلىنىڭ ۋجيڭ قىستاعىنا تۇسكەننەن كەيىن، نەگىزگى ساتى ۇيىمىن كۇشەيتۋ، حالىققا تيىمدىلىك جاساۋ ساياساتتارىن تياناقتاندىرۋ، ناقتى ءىس، جاقسى ءىس ىستەۋ، اۋىل-قىستاق ورتاسىن رەتتەۋ-وڭاۋدى قىزمەت ءتۇيىنى ەتىپ، اۋىل-قىستاقتى كوركەيتۋدىڭ شىمىلدىعىن اشتى.
نەگىزگى ساتى ۇيىمى كۇشەيە ءتۇستى
قىستاق قىستاققا، وتباسى وتباسىنا، بۇقارا كادرلارعا قاراپ ەتەك-جەڭىن تۇزەيدى. قىستاقتا تۇرۋ قىزمەتى باستالىسىمەن، قىستاق پارتيا ياچەيكاسىنىڭ رولىن تولىق ساۋلەلەندىرە الماۋى، قىستاق كادرلارىنىڭ قابىلەتى تومەن بولۋ، بۇقارانىڭ رازىلىق دارەجەسى تومەن بولۋ سياقتى ماسەلەلەردى كوزدەي وتىرىپ، قىزمەت اترەتى قىستاق پارتيا ياچەيكاسىن كۇشەيتۋدەن باستاپ كىرىسىپ، قىستاق پارتيا ۇيىمىن تۇزىمدەندىرۋ قۇرىلىسىن بار كۇشپەن ىلگەرىلەتىپ، قىزمەت اترەتى مەن قىستاق «ەكى كوميتەتى» «بىرگە ءبىر كومەكتەسۋ، بىرگە ءبىر جەتەكتەۋ» ءتۇزىمىن ورناتىپ، قىستاق پارتيا ياچەيكاسىنىڭ قىزمەت ءتارتىبىن بىرتىندەپ كەمەلدەندىردى. قىستاقتىڭ ءبىرىنشى شۋجيى، قىستاق پارتيا ياچەيكاسىنىڭ شۋجيى جانە قىزمەت اترەتىنىڭ مۇشەلەرى كەزەكپەن پارتيا ساباعىن ءوتىپ، ۇيرەنۋ، تالقى ورىستەتىپ، پارتيا مۇشەلەرىنىڭ سالاۋات تانىمىن ۇزدىكسىز ارتتىردى.
قازىرگە دەيىن قىزمەت اترەتى مەن قىستاق «ەكى كوميتەتى» 25 مايدان نەگىزگى تاقىرىپتىق پارتيا كۇنى قيمىلىن ۇيىمداستىرىپ ، بۇقارانىڭ 9 ۇسىنىسىن تاپسىرىپ الدى.
«قىزمەت اترەتى كەلگەننەن كەيىن نەگىزگى ساتى ۇيىمدىق قۇرىلىسىن مىقتى يگەردى، قازىر قىستاق كادرلارىنىڭ قىزمەت قابىلەتى جوعارىلاپ، قىستاق پارتيا ياچەيكاسىنىڭ ۇيىستىرۋ قۋاتى دا ۇزدىكسىز كۇشەيدى، ولارعا،شىنىندا، العىس ايتامىز» دەدى قىستاق پارتيا ياچەيكاسىنىڭ شۋجيى ۋاڭ يوۋساي.
قىستاق كادرلارىنىڭ ورەسى جوعارىلاپ،پارتيا مۇشەلەرىنىڭ بەدەلى ارتىپ، قىستاق پارتيا ياچەيكاسىنىڭ ۇيىستىرۋ قۋاتى مەن سەنترگە تارتۋ كۇشى كورنەكتى ارتتى. 2020-جىلعا دەيىن ۋجيڭ قىستاعىندا 5 ادام پارتياعا كىرۋ ءوتىنىشىن تاپسىرىپ، 3 ى پارتياعا كىرۋ بەلسەندىسى،2 سى باۋلۋ وبيەكتىسى بولىپ تۇراقتاندىرىلدى.
حالىققا تيىمدىلىك جاساۋ ساياساتى ناقتى تياناقتاندى
بۇقارانىڭ مۇددەسىنە ساياتىن ءىستىڭ كىشى-گىرىمى بولمايدى. قىستاقتا تۇرعاننان بەرى قىزمەت اترەتى حالىقتى مۇڭ-مۇقتاجدان شىن پەيىلمەن ارىلتىپ،قيىنشىلىعىن شەشۋگە بار كۇشپەن كومەكتەستى.
بۇرىن ۋجيڭ قىستاعىنىڭ ءبىر ءبولىم جولدارى ويلى-شۇڭقىر بولىپ، قىستاق تۇرعىندارىنىڭ ءجۇرىس-تۇرىسىنا اۋىر ىقپال جاساپ كەلگەن ەدى. 2019-جىلى قىزمەت اترەتى مەن قىستاق «ەكى كوميتەتى» قاتىستى تاراۋلارمەن ىرىقتى تۇردە بايلانىس جاساپ، قىستاقتىڭ نىساندارىنا بەلسەنە قول جەتكىزىپ، جاڭادان 4 كيلومەتر اسفالت جول سالىپ، 2.1 كيلومەتر جەرگە گۇلدى كەرپىش جاتقىزدى، سونداي-اق نەگىزگى جولعا كۇن ەنەرگيالى جول شىراعىنان 54 ىن ورناتىپ، قىستاقتىڭ قاتىناس شارت-جاعدايى مەن جارىقتاندىرۋ شارت-جاعدايىن جاقسارتتى.
قىستاقتاعى تامشىلاتىپ سۋارۋ قۇرىلعىلارى ۇزاق جىلدار بويى جوندەلمەي،سۋ ءسىڭۋ، سۋ قاشۋ جاعدايى اۋىر بولاتىن. وسى جاعدايدان حاباردار بولعاننان كەيىن، قىزمەت اترەتى مەن قىستاق «ەكى كوميتەتى» دەر كەزىندە 20 توننا سەمەنت ساتىپ الىپ، 4 كيلومەتر توعان جوندەدى ءارى 650 مۋ جەرگە جاڭادان تامشىلاتىپ سۋارۋ كامەرىن ورناتتى.
قازىرگە دەيىن تۇتاس قىستاقتاعى 60 وتباسىنىڭ توك جولى اۋىل-قىستاق ەلەكتر تورىن جاڭالاۋ بويىنشا جاڭالانسا،39 وتباسى دارەتحاناسىن جاڭالاپ،ءبىر وتباسى اۋلاسىن رەتتەگەن.
اۋىل-قىستاق ەلەكتر تورىن جاڭالاۋدىڭ يگىلىگىن كورگەن نيۋ فۋچياڭ: «اۋىل-قىستاق ەلەكتر تورىن جاڭالاۋ ءبىز ءۇشىن يگىلىكتى جۇمىس بولدى، ءبىزدىڭ ەكونوميكالىق اۋىرتپالىعىمىزدى جەڭىلدەتتى، ەلەكتردەن پايدالانۋ اناعۇرلىم حاۋىپسىز بولدى» دەدى.
كورىكتى اۋىل-قىستاق قۇرۋعا ات سالىستى
گۇل-ءشوپ،كورىنىس اعاشتارى كوركەم كورىنىس قالىپتاستىرىپ، قورشاعان ورتا كوركەيە ءتۇستى. 2020-جىلى 4-ايدا قىزمەت اترەتى قىستاق «ەكى كوميتەتىمەن» بىرلەسىپ، «قونىس ورتاسىن رەتتەۋ-وڭاۋ» قيمىلىن ورىستەتتى. قىزمەت اترەتى ءوز باسىمدىعىن ساۋلەلەندىرىپ، قىستاقتىڭ ءىس جۇزىندىك جاعدايىمەن ۇشتاستىرىپ، ورتانى رەتتەۋ-وڭاۋ ارناۋلى قارجىسىنان 50 مىڭ يۋاننان ارتىق اقشا شىعارىپ، كۇرەۋ ماشيناسىن مايلاپ الىپ، قىستاقتاعى جول بويىنداعى قوقىر-قوقسىقتاردى، قاتەرلى ۇيلەردى،قيراندىلاردى تازالاپ،256 توننا قوقىر-قوقسىقتى ءبىر جايلى ەتتى.
وسى جىلى قىزمەت اترەتى مەن قىستاق «ەكى كوميتەتىنىڭ» ۇيىمداستىرۋىندا، قىستاققا 300 ءتۇپ اعاش ەگىپ،500 ءتۇپ اعاشتى اكتەدى ءارى پارتيا مۇشەلەرىن، بۇقارانى ورتا تازالىعىن جاقسارتۋ قىزمەتىنە مەرزىم بويىنشا ات سالىسۋعا ۇيىمداستىرىپ، ۋجيڭ قىستاعىنىڭ وركەنيەتتى،رەتتى،تازا،ورتاسى كوركەم قونىس ورتاسىن قۇلشىنا جاراتتى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى جاڭ بيانفاڭ: «بۇقارانى كوكەيدە ساقتاعاندا عانا، شىنايى سۇيىسپەنشىلىك ورناتۋعا بولادى، بۇقارانىڭ قولداپ-قۋاتتاۋىنا يە بولۋ ءۇشىن بۇقارا كوزبەن كورىپ، قولمەن ۇستاي الاتىن ناقتى ىستەردى ويداعىداي ىستەۋىمىز قاجەت. حالىق ءۇشىن قىزمەت ىستەۋ ماڭگى جالعاسادى، ءبىز اۋەلگىدەي قىستاقتىڭ قامىن ويلاپ، شىنايى سۇيىسپەنشىلىكپەن حالىق ءۇشىن ىستەيمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى