تىلشىلەرىمىز زىڭ جاۋمەي،لي دان حابارلايدى. «بيىل تاعى قانشا مۋ جەر كوتەرمەگە الدىڭىز؟نە ەگۋگە دايىندالىپ جاتىرسىز؟»
«جۇك اۆتوموبيلىڭىزدى جۇرگىزىپ تۇرسىز با؟»
بۇل بىرنەشە كۇننەن بەرگى شاۋەشەك قالالىق اۋىل-قىستاق ساۋدا بانكەسىنىڭ اشىلى داعۇر ۇلتتىق اۋىلى شينكىنباق قىستاعىندا تۇراتىن قىزمەت اترەتىنىڭ مۇشەسى قىستاق تۇرعىندارىنىڭ جاعدايىن ۇعىسۋ بارىسىنداعى سۇراقتارى ەدى.
قىستاق تۇرعىنى جيڭ ميڭشين 750 مىڭ يۋان قارىز اقشا الىپ،50 سيىر ساتىپ العان،قازىر سيىرلارى بۇزاۋلاي باستادى،مەجەمەن 6-ايدىڭ اياق شەنىندە بۇزاۋلاپ بولادى ەكەن.
«بۇل سيىرلاردى جاڭا جىلدىڭ الدىندا ساتىپ الدىم،قازىر باعىمشىلىقپەن شۇعىلدانۋعا دەگەن سەنىمىم دە ارتا ءتۇستى،قىزمەت اترەتىنە العىس ايتامىن،ولار قارىز اقشا بەرۋ ساياساتى جاعىندا بىزگە قولداۋ كورسەتۋمەن بىرگە،ءبىزدى ۇنەمى قۇلشىنا تۇسۋگە جىگەرلەندىرىپ وتىرادى» دەدى جيڭ ميڭشين.
جۋىقتا قىستاق تۇرعىنى جيا حايچۋان بيىل 500 مۋ جەردى بىرلىكتە كوتەرمەگە الۋ جونىندە دوسىمەن كەڭەسكەن بولاتىن،ەگەر كوتەرمەگە الارلىقتاي بولسا،وندا كوبىرەك قارىز اقشا ءوتىنىش ەتپەكشى.
جيا حايچۋان: «مەن وتكەن جىلى ءجۇز نەشە مىڭ يۋان جۇمساپ ەكى جاقتىلى دايىندىق رەتىندە قوس ءتوستى جۇك اۆتوموبيلىن ساتىپ الدىم،ەگەر كوپ جەر كوتەرمەگە الا الماسام،وندا جۇك تاسىمالىمەن اينالىسامىن. قازىر جەر بىرىكتىرىلگەننەن كەيىن سۋدى ۇنەمدەپ تامشىلاتىپ سۋارۋ قۇبىرى ورناتىلدى،100 نەشە مۋ جەر ەگۋ ونشا قيىن ەمەس،بوس ۋاقىتىمدا تاسىمالمەن شۇعىلدانىپ قوسىمشا كىرىس كىرگىزۋىمە بولادى» دەدى.
كەزەكتە شاۋەشەك قالالىق اۋىل-قىستاق ساۋدا بانكەسى وسى قىستاقتاعى 34 وتباسىنا 6 ميلليون 500 مىڭ يۋان قارىز اقشا الىپ بەرىپ،قىستاق تۇرعىندارىنىڭ باعىمشىلىقپەن شۇعىلدانۋ،ەگىمشىلىك كولەمىن كەڭەيتۋ،تاسىمالمەن شۇعىلدانۋىنا قولداۋ كورسەتىپ،كىرىس ارتتىرۋ ارناسىن ۇزدىكسىز كەڭەيتتى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى جۋ ميڭ: «ءبىز الداعى جەردە جۇمىس ىستەگىسى كەلەتىن،ءىس تىندىرا الاتىن،جاپادان قورىقپايتىن،كۇش شىعارا الاتىن قىستاق تۇرعىندارىنىڭ كىرىستى ارتتىرىپ، اۋقاتتانۋىن جالعاستى قولداپ،قىستاق ‹ەكى كوميتەتىمەن› بەلسەنە سايكەسە وتىرىپ،ءتۇرلى قىزمەتتەردى جاقسى ىستەپ،ەكونوميكانى دامىتىپ،قىستاقتى كورىكتەندىرەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى