ءتىلشىمىز ۋىن بو حابارلايدى. اۆتونوميالى رايوندىق پارتكومنىڭ قىزمەت ورنالاستىرۋى بويىنشا، 3-ايدىڭ 29-كۇنى پارتيا تاريحىن ۇيرەنۋ تاربيەسى جونىندەگى اۆتونوميالى رايوندىق ۇگىت-لەكسيا ۇيىرمەسىنىڭ ۇگىت-لەكسيا بايانداماسىن جاساۋ ءماجىلىسى تارباعاتايدا وتكىزىلدى. اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى،اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى،مەڭگەرمە باستىعى قارقىن قابدىكارىم ۇگىت-لەكسيا بايانداماسىن جاسادى. ايماقتىق پارتكومنىڭ شۋجيى شۋە بين بايانداما جاساۋ ءماجىلىسىن باسقاردى ءارى ءسوز سويلەدى.
بايانداما جاساۋ ماجىلىسىندە قارقىن قابدىكارىم باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنۋدى،ءتۇسىنۋدى ارقاۋ ەتە وتىرىپ،باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ،پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن جەتە تانۋ؛پارتيا تاريحى جونىندەگى نەگىزگى شىعارمالاردى مۇقيات زەرتتەپ وقىپ،جۇڭگو كوممۋنيستىك پارتياسىنىڭ 100 جىلدىق كۇرەس بارىسىنداعى شۇعىلالى ساپارى مەن تاريحي ۇلەسىن جاپپاي ءتۇسىنۋ؛ پارتيا تاريحىن ۇيرەنۋ تاربيەسىن ورىستەتۋدىڭ ماڭىزدى تۇيىندەرىن تەرەڭ يگەرۋ؛پارتيا تاريحىن ۇيرەنۋ تاربيەسىن ورىستەتۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ،جەتە يگەرىپ،شىنايى تياناقتاندىرىپ، «ءتورت تانىمدى» كۇشەيتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداۋ سياقتى 4 جاقتان پارتيا تاريحىن ۇيرەنۋ تاربيەسى جونىندە جۇيەلى،جان-جاقتىلى تۇسىنىك جاسادى. ايماعىمىزداعى پارتيالى كادرلاردىڭ باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ،ءتۇسىنىپ،پارتيا تاريحىن ۇيرەنۋ تاربيەسىن دەن قويا ۇيىمداستىرىپ،ويداعىداي ورىستەتىپ،پارتيانىڭ داڭقتى ءداستۇرىن،قىمباتتى تاجىريبەلەرىن جانە ۇلى جەتىستىكتەرىن ىشكەرىلەي تۇسىنۋىندە ماڭىزدى تۇرتكىلىك رول جانە جەتەكشىلىك ءمان الادى.
شۋە بين مىنالاردى اتاپ كورسەتتى: ايماقتاعى ءار دارەجەلى پارتكوم مەن ۇكىمەت جانە قالىڭ پارتيا مۇشەلەرى مەن كادرلار پارتيا تاريحىن ۇيرەنۋ تاربيەسىنىڭ كەلەلى ماڭىزىن جەتە تانىپ،يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن،ورنالاستىرۋلارىمەن تاباندىلىقپەن باتىل بىرلىككە كەلتىرىپ،پارتيا تاريحىن ۇيرەنۋ تاربيەسىن تىڭعىلىقتى ويداعىداي ورىستەتىپ،پارتيا تاريحىن ۇيرەنۋگە،يدەيانى ۇعىنۋعا،ناقتى ءىس تىندىرۋعا،جاڭا جاعداي اشۋعا تاباندى بولىپ،تاريحتى ۇيرەنۋ ارقىلى قاعيدانى ءتۇسىنۋدى،تاريحتى ۇيرەنۋ ارقىلى سەنىمدى ارتتىرۋدى،تاريحتى ۇيرەنۋ ارقىلى ءمورالدى اسقاقتاتۋدى،تاريحتى ۇيرەنۋ ارقىلى ۇمتىلا ىستەۋدى ورىنداۋ كەرەك. باس شۋجي شي جينپيڭنىڭ ماڭىزدى ءسوزىنىڭ رۋحىن جانە جۇڭگو كوممۋنيستىك پارتياسىنىڭ تاريحى جونىندەگى ماڭىزدى بايىمداۋىن تەرەڭ ءتۇسىنىپ،تاريحتىڭ دامۋ زاڭدىلىعى مەن جالپى اۋقىمىن ونان ارى يگەرىپ،پارتيا مەن مەملەكەت ىستەرىنىڭ دامۋىنداعى تاريحي ىرىقتىلىقتى باستان-اياق مەڭگەرۋ؛پارتيانىڭ سيپاتى مەن باستى ماقساتى جونىندەگى تانىمدى ونان ارى تەرەڭدەتىپ،ماركستىك ساياسي پارتيانىڭ ايقىن ەرەكشەلىگىن باستان-اياق ساقتاۋ؛ پارتيانىڭ تاريحي تاجىريبەلەرىن ونان ارى قورىتىندىلاپ،حاۋىپ-قاتەرگە،سىن-سايىستارعا توتەپ بەرۋ قابىلەتى مەن ورەسىن ۇزدىكسىز جوعارىلاتۋ؛ توڭكەرىستىك رۋحتى ونان ارى ساۋلەلەندىرىپ،قاجىرلىلىقپەن كۇرەس جۇرگىزۋ سىندى اسقاق رۋحتى باستان-اياق ساقتاۋ كەرەك. پارتيا تاريحىن ۇيرەنۋ تاربيەسىنىڭ ونىمدىلىگىن قوعام ورنىقتىلىعى مەن ەكونوميكالىق،قوعامدىق دامۋدى ىلگەرىلەتۋدىڭ قۇدىرەتتى قوزعاۋشى كۇشىنە اينالدىرۋعا قۇلشىنىپ،جەتە ۇيرەنۋ،جەتە يگەرۋ،شىنايى تياناقتاندىرۋعا كۇش سالىپ،سەنىمنىڭ نەگىزىن بەكەمدەپ،رۋحاني كالتسيدى تولىقتاپ،يدەيانىڭ رولىن مىقتى ۇستاپ،ءتۇرلى قىزمەتتىڭ باستان-اياق باس شۋجي شي جينپيڭ نۇسقاعان دۇرىس بەتالىستى بويلاي العا باسۋىنا شىنايى كەپىلدىك ەتۋ؛ ۇگىتتەۋ،جەتەكتەۋ جاعىنا كۇش سالىپ،پارتيا تاريحىن ۇيرەنۋ تاربيەسىن پارتيانىڭ ساياسي قۇرىلىسىن كۇشەيتۋدىڭ ماڭىزدى تۇتقاسى ەتۋگە تاباندى بولىپ،«ءتورت تانىمدى» كۇشەيتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداپ،شوعىرلى ۇيرەنۋ مەن وزدىگىنەن ۇيرەنۋدى ءوزارا ۇشتاستىرۋعا تاباندى بولىپ،ۇيرەنۋ تاربيەسىنىڭ تەرەڭدەۋىنە،جۇرەككە ۇيالاۋىنا،ناقتىلانۋىنا شىنايى كەپىلدىك ەتۋ؛دايەكتىلەندىرۋگە،تياناقتاندىرۋعا كۇش سالىپ،پارتيا تاريحىن ۇيرەنۋ تاربيەسىن پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ،3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن،اسىرەسە،باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋمەن،دايەكتىلەندىرۋمەن ۇشتاستىرۋعا تاباندى بولىپ،جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق،دالمە-ءدال دايەكتىلەندىرىپ،قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ،جاڭا دامۋ كەزەڭىن تياناق ەتىپ،جاڭا دامۋ ۇستانىمىن دايەكتىلەندىرىپ،جاڭا دامۋ ارناسىن قالىپتاستىرىپ،قوعام ورنىقتىلىعىن، ىندەتتەن ساقتانۋ-تىزگىندەۋدى ۇدايىلاندىرۋدى،ءوندىرىس حاۋىپسىزدىگى قىزمەتىن شىن مانىندە ويداعىداي يگەرىپ،ايماق ەكونوميكاسىنىڭ جوعارى ساپالى دامۋىن ىلگەرىلەتىپ،ءتۇرلى قىزمەتتەردە جاڭا جاعداي جاراتۋعا قۇلشىنىپ،ۇزدىك ناتيجەلەرمەن پارتيا قۇرىلعاندىعىنىڭ 100 جىلدىعىن قۇتتىقتاۋ كەرەك.
ۇگىت-لەكسيا بايانداماسىن جاساۋ ءماجىلىسى بەينەەكران ءماجىلىسى فورماسىندا اۋدان،قالالارعا،اۋىل- قالاشىقتارعا (ءمالى باسقارماسى)، قىستاق-دۇيلەرگە (الەۋمەتتىك اۋماق) دەيىن اشىلدى. مۇقيات جارمۇحامبەت، الميرا ءۋالقان،ۋاڭ گۋاڭچياڭ، ۋاڭ چيڭدۇڭ،جۋ گاڭ،جاڭ ياۋحۋا، نيڭ شۋەسۇڭ،ايدىن تولەۋقان، جاۋ سۇيفاڭ قاتارلى ايماقتاعى ءتورت باسشىلىق القانىڭ باسشىلارى،ايماقتىق ورتا دارەجەلى حالىق سوتى مەكەمەسى مەن بولىمشە پروكۋراتۋرانىڭ باسشىلارى،ايماققا توتە قاراستى تاراۋلاردىڭ نەگىزگى جاۋاپتى جولداستارى، اۆتونوميالى رايوندىق ۇگىت-لەكسيا ۇيىرمەسىنىڭ مۇشەلەرى،اۋدان،قالالاردىڭ ءتورت باسشىلىق القاسىنىڭ مۇشەلەرى،سوت مەكەمەسى مەن پروكۋراتۋرانىڭ جانە تاراۋلاردىڭ نەگىزگى جاۋاپتى جولداستارى،لياۋنيڭ ولكەسىنەن شينجياڭعا كومەككە كەلگەن كادرلار مەن دارىندىلار،اۋىل-قالاشىقتاردىڭ (ءمالى باسقارماسى) پارتكوم مەن ۇكىمەت باسشىلىق القاسىنىڭ مۇشەلەرى،قىستاق-دۇيلەردىڭ (الەۋمەتتىك اۋماق) ءبىرىنشى شۋجيلەرى، مەڭگەرۋشىلەرى،حالىق اراسىنداعى ۇگىتشىلەر قاتارلىلار بايانداما جاساۋ ماجىلىسىنە قاتىناستى.
سول كۇنى تۇستەن كەيىن،قارقىن قابدىكارىم جانە ونىڭ ساپارلاستارى ايماقتىق پارتكوم پارتيا مەكتەبىنىڭ (ايماقتىق اكىمشىلىك شۋەيۋانى) پارتيا تاريحى،پارتيالىلىق تاربيە بازاسىنا جانە شاۋەشەك قالاسى جاڭا جامبىل ءمالى باسقارماسى قاراءدوڭ الەۋمەتتىك اۋماعىنىڭ تۇرعىنى سالىقجان يمين وتباسىنا بارىپ،پارتيا مۇشەلەرى جانە كادر-بۇقارا ۋاكىلدەرىمەن اڭگىمەلەسىپ،پىكىر اۋىستىرىپ،پارتيا تاريحى جونىندە ارناۋلى تاقىرىپتىق ۇگىت-لەكسيانى ىشكەرىلەي ورىستەتتى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى