□ياڭ شاۋحۋا
كوكتەم كەلىپ،كۇن بىرتىندەپ جىلىنا باستادى،ايماعىمىزدا ىلگەرىندى-كەيىندى بىرنەشە رەت بوران سوقتى،ونىڭ ۇستىنە اۋا قۇرعاق بولعاندىقتان،ءورت اپاتى ءجيى تۋىلاتىن مەزگىلگە ءوتتى. سونىمەن بىرگە،چيڭميڭ مەرەكەسى دە كەلىپ،قاعاز اقشا ورتەپ جاقىندارىنا ازا ءبىلدىرۋ سياقتى ىستەر ءورت اپاتى تۋىلۋىنىڭ حاۋپىن ارتتىردى. الدا-جالدا ءورت اپاتى تۋىلاتىن بولسا،باسقالاردىڭ باس اماندىعى مەن مال-مۇلكىنىڭ حاۋىپسىزدىگىنە،ءتىپتى الەۋمەتتىك مۇددەگە اۋىر قاتەر تونەدى.
جىلداعى كوكتەم مەزگىلىندەگى ءورت اپاتىنا كوز جىبەرەتىن بولساق،قاتتى بوراندى اۋا رايى، اتىز قالدىقتارىن ورتەۋ،قوقسىق ورتەۋ،تەمەكى ءتۇبىرىن بەتالدى تاستاۋ سياقتى ارەكەتتەر كوكتەم مەزگىلىندەگى ءورت اپاتى تۋىلۋىنىڭ باستى سەبەپتەرىنە اينالعان.
كوكتەم مەزگىلىندەگى ءورت اپاتىنان قالاي ءونىمدى ساقتانۋعا بولادى؟وتتان،ەلەكتردەن پايدالانۋدى باسقارۋدى كۇشەيتىپ،قاتتى بوران سوققاندا دالادا وت جاقپاۋ،بەتالدى قاعاز ورتەمەۋ، اڭىزعا وت قويماۋ؛قىستاق تۇرعىندارى ءۇيدىڭ اينالاسىنا اعاش وتىن سياقتى وتالعىش زاتتاردى ۇيمەۋ؛تەمەكى ءتۇبىرى سياقتى تۇتانعىش زاتتاردى بەتالدى تاستاماۋ؛سىرتقا شوعى تولىق سونبەگەن كۇل توگۋگە قاتاڭ تيىم سالۋ؛ءۇي سىرتىنداعى توك كوزى مەن توك جولدارىن تەكسەرۋ جانە جوندەۋگە كوڭىل ءبولىپ،قاتتى بوران سالدارىنان ءورت اپاتى تۋىلۋىنان ساقتانۋ؛سىرتقا قويعان وڭاي وتالاتىن زاتتاردى باسقارۋدى كۇشەيتۋ؛ءورت اپاتى جاعدايىن دەر كەزىندە بايقاپ جانە ءبىر جايلى ەتۋ؛سۋ قاينارىن زاپاس ساقتاۋدى كۇشەيتىپ،ءورت وشىرۋگە پايدالانىلاتىن سۋدى قامتاماسىز ەتۋ كەرەك.
ورتتەن ساقتانۋ قىزمەتى حالىق بۇقاراسىنىڭ باس اماندىعى مەن مال-مۇلكىنىڭ حاۋىپسىزدىگىنە، قوعامنىڭ جاراسىمدى،ورنىقتى دامۋ كەلەلى جاعدايىنا سايادى، ەكونوميكالىق قۇرىلىسقا كەپىلدىك ەتۋدىڭ،جاراسىمدى قوعام قۇرۋدىڭ ماڭىزدى مازمۇنى،پارتيا مەن ۇكىمەتتىڭ حالىق تۇرمىسىنا نازار اۋدارۋ،حالىق تۇرمىسىن جاقسارتۋداعى ماڭىزدى قىزمەتى،قوعامعا،حالىققا قىزمەت وتەۋدەگى الەۋمەتتىك يگىلىكتى ءىس بولىپ تابىلادى.
ءورت اپاتىنان ساقتانۋدا الدىن الۋعا باسا ءمان بەرىپ،قىراعىلىقتى ارتتىرۋ بارىنەن ماڭىزدى،بۇل بارلىعىمىز كوڭىل بولۋگە ءتيىستى ءىس،باس اماندىعىمىزعا شىنايى كەپىلدىك ەتەمىز دەيدى ەكەنبىز،ءسوز جوق،ءوز باسىمىزدان باستاپ كىرىسۋىمىز كەرەك.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى