ءتىلشىمىز ۋاڭ تيڭ حابارلايدى. 3-ايدىڭ 30-كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى،قوعامدىق قۇرىلىس كوميتەتىنىڭ مەڭگەرۋشى مۇشەسى دۇڭ شينگۋاڭ گرۋپپا باستىعى بولعان اۆتونوميالى رايوندىق حالىق قۇرىلتايى تۇراقتى كوميتەتىنىڭ «شينجياڭ ۇيعۇر اۆتونوميالى رايونىنىڭ توراپتا جالعان ينفورماتسيالاردى تاراتۋدان ساقتانۋ جانە ونى جازالاۋ ەرەجەسى» (تومەندە «ەرەجە» دەپ قىسقارتىلىپ الىندى) زاڭنىڭ اتقارىلۋىن تەكسەرۋ گرۋپپاسى ايماعىمىزعا كەلىپ زاڭنىڭ اتقارىلۋىن تەكسەردى ءارى اڭگىمە ءماجىلىسىن اشىپ، پىكىر-ۇسىنىس الىپ،قىزمەت مالىمەتىن تىڭدادى.
دۇڭ شينگۋاڭ مىنالاردى اتاپ كورسەتتى: ساياسي دەڭگەيدى جوعارىلاتىپ،باس شۋجي شي جينپيڭنىڭ ينتەرنەتتە قۋاتتى ەل بولۋ جونىندەگى ماڭىزدى بايىمداۋلارىن ىشكەرىلەي ۇيرەنىپ،امالياتتا ايگىلەپ،«ءتورت تانىمدى» كۇشەيتىپ،«ءتورت سەنىمدى» بەكەمدەپ، «ەكىنى قورعاۋدى» ورىنداۋ؛ ينتەرنەتتى زاڭ بويىنشا جونگە سالۋعا تاباندى بولىپ،ينتەرنەت حاۋىپسىزدىگىن زاڭمەن جونگە سالۋ قۇرىلىسىن كۇشەيتىپ،«ەرەجەنى» دايەكتىلەندىرۋ،اتقارۋ ورەسىن شىنايى جوعارىلاتىپ،قالىڭ حالىق بۇقاراسىنىڭ ينتەرنەت حاۋىپسىزدىگى تانىمى مەن قورعانۋ قابىلەتىن ۇزدىكسىز جوعارىلاتىپ،ينتەرنەت حاۋىپسىزدىگى قورعانىس شەبىن بىرگە قۇرۋ كەرەك.
دۇڭ شينگۋاڭ مىنالاردى باسا دارىپتەدى: زاڭنىڭ اتقارىلۋىن تەكسەرۋ — ۇكىمەتتىڭ جانە قاتىستى تاراۋلاردىڭ مىندەت اتقارۋ جاعدايىن سىننان وتكىزۋ ءارى تاراۋلاردىڭ «ەرەجەنى» دايەكتىلەندىرۋ،اتقارۋ بارىسىندا بىرگە كۇش سالۋىن جەبەۋ بولىپ تابىلادى. ءار دارەجەلى ۇكىمەتتەر مەن ونىڭ فۋنكتسيالىق تاراۋلارى قۇدىرەتتى بىرىككەن كۇش قالىپتاستىرىپ،سايكەستى ىلگەرىلەتۋ مەحانيزمىن اقاۋسىزداندىرىپ،ساياسيدى دارىپتەيتىن، ينتەرنەتتى بىلەتىن،جاۋاپكەرشىلىكتى باتىلدىقپەن ارقالايتىن،جاڭالىق اشۋعا شەبەر ينتەرنەت حاۋىپسىزدىگى جانە ينفورماتسيالاندىرۋ قوسىنىن قۇرىپ،ىرىقتىلىقپەن ءىس تىندىرىپ،شىنايى يگەرىپ،ناقتى ىستەپ،تاماشا ينتەرنەت ورتاسىن بىرگە قالىپتاستىرىپ،اۆتونوميالى رايوننىڭ قوعام ورنىقتىلىعى مەن باياندى تىنىشتىعىنا ۇلەس قوسىپ،ۇزدىك ناتيجەلەرمەن پارتيا قۇرىلعاندىعىنىڭ 100 جىلدىعىن قارسى الۋ كەرەك.
ايماق باسشىلارىنان حوۋ شيڭحۇي،بي حاي،ايماققا توتە قاراستى قاتىستى تاراۋلاردىڭ جاۋاپتى جولداستارى اڭگىمە ماجىلىسىنە قاتىناستى ءارى تەكسەرۋ-زەرتتەۋدە بىرگە بولدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى