ءتىلشىمىز ۋاڭ تيڭ حابارلايدى. 4-ايدىڭ 1-كۇنى ايماعىمىزدىڭ 12345 ۇكىمەت ىستەرىنەن حالىققا قولايلى قىزمەت وتەۋ ىستىق لەنياسىنىڭ اشىلۋ سالتى جۇڭگو جىلجىمالى حابارلاسۋ تارباعاتاي بولىمشە سەرىكتەستىگىنىڭ قىزمەت وتەۋ ورتالىعىندا وتكىزىلدى.
ۇعىسۋعا قاراعاندا،بيىل 2-ايدىڭ 7-كۇنى ۇكىمەت ىستەرىنەن حالىققا قولايلى قىزمەت وتەۋ ىستىق لەنياسى سىناق رەتىندە اشىلعان ەكەن. ەكى ايعا جۋىق ۋاقىتتان بەرى ىستىق لەنيانىڭ اينالىمى جاقسى بولىپ،تۇتاس ايماق بويىنشا ىستىق لەنياعا مۇشە 300 ورىن ءبىلىم قويماسىنان 7000 نان استام ينفورماتسيا تولىقتاپ، بۇقارانىڭ 1006 تەلەفونىن قابىلداپ،810 ىنا ناق مايداندا جاۋاپ قايتارىپ، ەلەكتروندىق جۇمىس تالونىنان 171 ىن تاراتىپ، ءىس ءبىتىرۋ مولشەرى مەن بۇقارانىڭ رازى بولۋ مولشەرى جەكە-جەكە %92 جانە %97 كە جەتكەن.
«ىستىق لەنيانىڭ اشىلۋى حالىق بۇقاراسىنىڭ ارمان-تىلەگىن ايتۋ ارناسىن ىركىلىسسىزدەندىرىپ، تارباعاتايدىڭ ۇكىمەت ىستەرىنەن قىزمەت وتەۋ ورەسىن جوعارىلاتىپ، شارۋاشىلىق-ساۋدا ورتاسىن ساپالىلاندىرۋدا بەلسەندى رول اتقاردى ءارى ‹ۇقىقتى تومەنگە بەرۋ، باسقارۋ، قىزمەت وتەۋ› رەفورماسىن تياناقتاندىرۋدىڭ ماڭىزدى شاراسى بولىپ،ايماعىمىزدىڭ ەكونوميكاسى مەن قوعامىنىڭ جوعارى ساپالى دامۋىن، اسىرەسە، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ شارۋاشىلىق-ساۋدا ورتاسىنىڭ ۇزدىكسىز ساپالىلانۋىن، اناعۇرلىم قولايلى، جوعارى ءونىمدى، جۇيەلى، پاك ۇكىمەت ىستەرىنەن قىزمەت وتەۋمەن قامدايدى» دەدى ايماقتىق ۇكىمەت ىستەرىنەن قىزمەت وتەۋ جانە الەۋمەتتىك بايلىق ساۋداسى ورتالىعى پارتيا باسشىلىق گرۋپپاسىنىڭ شۋجيى، مەڭگەرۋشىسى لو چينشۋە.
ۇعىسۋعا قاراعاندا، ايماعىمىزدىڭ 12345 ۇكىمەت ىستەرىنەن حالىققا قولايلى قىزمەت وتەۋ ىستىق لەنياسى «ءنومىردى سىرتقا اشىق ۇستاۋ،ناقتى اتى-جونىمەن اڭىس ەتۋ،شوعىرلى قابىلداۋ، تۇرگە ايىرىپ ءبىر جايلى ەتۋ، ءبىر تۇتاس سايكەستىرۋ،ءار جاق بىرلىكتە ارەكەتتەنۋ،شەكتى مەرزىمدە ءبىتىرۋ،دەر كەزىندە قايتالاي ۇعىسۋ» سىندى قىزمەت پرينسيبى بويىنشا، بۇقارانىڭ ارمان-تىلەك ايتۋىن اناعۇرلىم ىركىلىسسىزدەندىرىپ، بۇقارانىڭ پىكىرىن قابىلداپ، بۇقارانىڭ قيىنشىلىعىن شەشىپ،بۇقارانىڭ اقىل-پاراساتىن شوعىرلاندىرىپ، قىزمەت وتەۋ ونىمدىلىگىن جوعارىلاتادى ەكەن. ىستىق لەنيا تەكشەسىنە مۇشە ورىندار ايماق، اۋدان دارەجەلى 304 تاراۋ مەن الەۋمەتتىك قىزمەت وتەۋ كاسىپورنىنان قۇرالعان، قازىرگە دەيىن ءبىلىم قامباسىنا 7300 دەن ارتىق مازمۇن شىعارىلىپ، تەلەفون قابىلداۋ ورنىنان 10 ى ورنالاستىرىلىپ،8 تەلەفونشى تاۋلىك بويى جەلىدە قىزمەت وتەيدى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى