ەەڭ جاڭا مازمۇندار
مەملەكەتتىك نەگىزگى زاڭ كۇنى مەن «نەگىزگى زاڭدى ۇگىتتەۋ اپتالىعىنىڭ» ۇگىتى
اكىمشىلىك مەكەمەسى 2019-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق توپتىق ۇيرەنۋىن وتكىزدى 
اكىمشىلىك مەكەمەسى 2019-جىلعى 15-رەتكى پارتيا باسشىلىق گرۋپپاسى ءماجىلىسىن اشتى
ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى «حابارلاندىرۋ» باسىپ تاراتتى
شي جينپيڭ رەسەيدىڭ زۇڭتۇڭى پۋتينمەن بەينە ەكراندا كەزدەسىپ
چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
2019-جىلى 12-ايدىڭ 5-كۇنى 282-سان
2019-جىلى 12-ايدىڭ 4-كۇنى 281-سان
2019-جىلى 12-ايدىڭ 3-كۇنى 280-سان
ساۋان اۋدانىنداعى حالىق بۇقاراسى ارالاپ قىزمەت وتەۋ قيمىلىن القادى
2019-جىلى 12-ايدىڭ 2-كۇنى 279-سان
«تارباعاتاي تاڭداي قاقتىراتىن جاعى كوپ جەر ەكەن»
ساۋان اۋدانى 100 مىڭ دانا ەلەكتروندى سالاماتتىق كارتچكاسىن تاراتتى
2019-جىلى 11-ايدىڭ 30-كۇنى 278-سان
اۋىل-قىستاققا ساياحاتتاپ، حالىقتىق تۇسەلحانادا جاتا-جاستانا ءدامدى تاعامداردان ءدام تاتىڭىز
ورتالىق كاسىپورىنى شارۋالاردىڭ قانت قىزىلشاسى كاسىبىن دامىتۋىنا دەم بەردى
جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جەردى كوتەرمەگە الۋ قاتىناسىنىڭ ورنىقتىلىعىن ساقتاۋ جانە ۇزاق ۋاقىت وزگەرتپەۋ جونىندەگى پىكىردى جاريالادى
ساۋان اۋدانى 4-كەزەكتى ءمورال ۇلگىلەرىنە سيلىق تاراتۋ سالتىن وتكىزدى
كوپشىلىك ءوزارا كومەكتەسىپ، قيىنشىلىعى بار وتباسىلاردىڭ كەدەيلەسۋىنىڭ الدىن الدى
اۋىل شارۋاشىلىق ونىمدەرى جەر-جەرگە ساتىلدى
ءورت ءوشىرۋ، ورتتەن ساقتانۋ بازاسىن ەكسكۋرسيالادى
سەكسەننىڭ سەڭگىرىندەگى قارتتىڭ باقىتتى تۇرمىسى
2019-جىلى 11-ايدىڭ 29-كۇنى 277-سان
2019-جىلى 11-ايدىڭ 28-كۇنى 276-سان
اۋەلگى ماقساتتى، بورىشتى امالياتتا ايگىلەپ، ساياسي دەڭگەيدى جوعارىلاتىپ، جاۋاپكەرشىلىك ارقالاۋدى كۇشەيتىپ، پارتيا ورتالىق كوميتەتىنىڭ شەشىمدەرىنىڭ، اۆتونوميالى رايوندىق پارتكومنىڭ ورنالاستىرۋلارىنىڭ تياناقتانىپ، تامىر تارتۋىنا كەپىلدىك ەتۋ كەرەك
2019-جىلى 11-ايدىڭ 27-كۇنى 275-سان
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ ماڭىزدى شارالارىن تياناقتاندىرىپ، رەفورمانى ۇزدىكسىز جاپپاي تەرەڭدەتىپ، جاندى ۇشتاستىرۋدى، توعىستىرا ساباقتاستىرۋدى جۇزەگە اسىرۋ كەرەك
جالپى ءماجىلىس رۋحىن ۇيرەنىپ، بۇقاراعا قىزمەت وتەدى
تۇرعىندارعا قىزمەت وتەۋدىڭ «ەڭ سوڭعى 100 مەتر»ىن تۇتاستىردى
ءبىر رەتكى «ءتورت قابىلەت»تى كۇشەيتۋدىڭ جاندى امالياتى

لياۋتا جاڭا رايونىنان شينجياڭعا باعىتتامالى كومەكتەسۋدىڭ تىڭ تولعانىسىنا نازار

جولدانعان ۋاقىتى : 2013/12/4 13:19:01

  20-قازان. شاۋەشەك قالاسىنىڭ باتىس شەتى. زەڭگىر اسپان استىنداعى سامالاداي سامسىعان مۇناراشا كىراندار قۇلاشىن كەڭ جايىپ، فورماسى ءار الۋان قۇرىلىستار تالاسا-تارماسا كوككە بوي سوزىپ، 40قا تاياۋ قۇرىلىس ءبىر ۋاقىتتا جۇمىس جۇرگىزىپ، وسى ءبىر ىرىستى توپىراقتىڭ ومىرشەڭدىك كۇشىن بارىنشا تاسقىنداتۋدا. بۇل لياۋتا جاڭا رايونى، شينجياڭداعى كومەكتەسۋشى جاق پەن كومەك قابىلداۋشى جاق بىرگە قۇرعان تۇڭعىش اشۋ رايونى.

  تولعاقتى وي: تياناقتى ءتۇيىن بەلگىلەپ،ءارى شينجياڭعا باعىتتامالى كومەكتەسۋدىڭ تىڭ جولى جونىندە ىزدەنىس جاساۋ،ءارى تاراپتاردىڭ بايلىعىن سايكەستىرىپ، جەرگىلىكتى ورىننىڭ ەكونوميكاسىنىڭ دامۋىن جەبەۋ

  18-قازاندا ۇرىمجىدەن شاۋەشەككە قاتىنايتىن، جولاۋشىلار لىق تولعان 6539 GS كەزەكشى ۇشاق شاۋەشەك اۋە جايىنا كەلىپ قوندى.

  الدىڭعى جىلى كۇنىنە ءبىر كەزەك قاتىنايتىن ۇشاق بىلتىردان باستاپ كۇنىنە 2 كەزەك، ال بيىل كۇنىنە 3 كەزەك قاتىنايتىن بولىپتى. اۋە جاي تۇرعىسىنان العاندا شاۋەشەك اۋە جايىنداعى جولاۋشىلار شوعىرىنىڭ وزگەرىسى مىنە وسىدان بەلگىلى ەدى.

  تارباعاتاي ايماقتىق پارتكومنىڭ ورىنباسار شۋجيى، لياۋنيڭ ولكەسىنىڭ شينجياڭعا باعىتتامالى كومەكتەسۋ ىستەرىنىڭ الدىڭعى شەپ قولباسشىلىق شتابىنىڭ باس قولباسشىسى سۇڭ يانلين:« بۇل وزگەرىس ەندى عانا باستالدى، الداعى كۇندەردە شاۋەشەك شەكارا ساياحاتىنىڭ ونىمدىلىگى ساۋلەلەندىرىلگەننەن كەيىن كۇندىك كەزەكشى ۇشاق سانى 10 نان اساتىن بولادى» دەدى نىق سەنىممەن.

   تارباعاتاي ايماعى شينجياڭنىڭ باتىس  سولتۇستىگىنە ورنالاسقان، ۇزاق ۋاقىتتان بەرى ونەركاسىپ نەگىزى ءالسىز، قالا-قالاشىقتانۋ دەڭگەيى تومەن بولاتىن. ساياحات ىستەرىن دامىتاتىن قاناس، نارات سياقتى تانىمال كورىنىس رايوندارى جوق بولعاندىقتان، شينجياڭعا باعىتتامالى كومەكتەسۋدىڭ اناعۇرلىم ءونىمدى جولىن قالاي اشۋ كەرەك؟ شينجياڭعا باعىتتامالى كومەكتەسۋدە جەرگىلىكتى ورىننىڭ قاجەتىن قاناعاتتاندىراتىن ءىشىنارا نىسانداردى اتقارۋمەن بىرگە، جەرگىلىكتى ورىننىڭ دامۋىنا قالاي جۇيەلى كومەك كورسەتۋگە بولادى؟ تارباعاتايعا كومەككە كەلگەن كادرلار وسى سۇراۋلار جونىندە تىنباي باس قاتىردى.

  سۇڭ يانلين:« شينجياڭعا باعىتتامالى كومەكتەسۋدە ماڭىزدى تياناقتى ءتۇيىندى تاۋىپ، سول ارقىلى تاراپتاردىڭ بايلىعىن سايكەستىرىپ، شينجياڭعا باعىتتامالى كومەكتەسۋدىڭ تىڭ جولىن اشۋ كەرەك» دەدى.
شاۋەشەكتىڭ ەلدەن ەرەك وزىندىك باسىمدىلىعى بار، شاۋەشەك قالاسى باقتى وتكەلىنەن نە بارى 14 كيلومەتر جەردە، جۇڭگوداعى وتكەلگە ەڭ جاقىن قالا ەسەپتەلەدى. تارباعاتاي ايماقتىق پارتكوم مەن اكىمشىلىك مەكەمەسى باقتى وتكەلى مەن شاۋەشەك شەكارالىق ساۋدا سەلبەستىك رايونىن بىرىكتىرىپ، جوعارى دەڭگەيدەگى اشۋ رايونىن قۇرىپ، وسى ارقىلى تارباعاتايدىڭ دامۋىن جەبەۋدى ويلاستىرۋدا.

  2011-جىلدىڭ سوڭىندا ايماقتىڭ دامۋ وي جەلىسى شينجياڭعا باعىتتامالى كومەكتەسۋ تولعانىسىمەن ۇشتاسىپ، لياۋتا جاڭا رايونى ستراتەگياسى تۇراقتاندىرىلدى. اتالعان ستراتەگيا لياۋنيڭ مەن تارباعاتاي بىرگە قۇراتىن حالىقارالىق بىرىككەن قۋات رايونىن بارلىققا كەلتىرۋگە تالپىنىپ، شاۋەشەكتىڭ وڭىرلىك ابزالدىلىعى مەن وتكەل بايلىعىن سايكەستىرىپ،  وسىنى  تەكشە ەتە وتىرىپ ادامدى، زات جانە قارجى اينالىسىن باۋراپ، تارباعاتاي ايماعىنىڭ جاڭاشا ونەركاسىپتەندىرۋ جانە قالا-قالاشىقتاندىرۋ قۇرىلىسىن ىلگەرىلەتەدى.
 
  لياۋتا جاڭا رايونى جاڭا باسشىلىق ءتۇزىلىسىن  اتقارىپ،  تارباعاتاي  ايماقتىق پارتكومنىڭ شۋجيى جاڭ بو قوسىمشا پارتيا قىزمەت كوميتەتىنىڭ 1- شۋجيلىك  مىندەتىن، اكىمشىلىك مەكەمەسىنىڭ ءۋاليى سارقىت  اقان ۇلى قوسىمشا پارتيا قىزمەت كوميتەتىنىڭ شۋجيلىك مىندەتىن، لياۋنيڭ ولكەسىنىڭ شينجياڭعا باعىتتامالى كومەكتەسۋ ىستەرىنىڭ الدىڭعى شەپ قولباسشىلىق شتابىنىڭ باس قولباسشىسى سۇڭ يانلين باسقارۋ كوميتەتىنىڭ مەڭگەرۋشىلىك مىندەتىن قوسىمشا وتەيتىن بولدى.

  ستراتەگيا العا قويىلعاننان كەيىن جوبا جاسالدى. لياۋتا  جاڭا رايونى مەملەكەتتىك دامۋ -رەفورما كوميتەتى مەملەكەت جەر  بايلىعىن  اشۋ جانە  وڭىرلىك ەكونوميكانى زەرتتەۋ ورنى، لياۋنيڭ ولكەلىك قالا -اۋىل جوباسىن جوبالاۋ  ورنى، شىنياڭ جوبالاۋ  ورنى سياقتى ورىندارعا لياۋتا جاڭا رايونىنىڭ ستراتەگيالىق جوباسى، تۇلعالىق جوباسى سياقتى ءبىر قىدىرۋ جوبالارىن جوعارى دەڭگەي، تىڭ ولشەممەن  جاساپ  شىعۋدى ىركەس-تىركەس تاپسىردى.

  سۇڭ يانلين: نە بارى 8 اي ۋاقىتتا جوبا قىزمەتى جاپپاي ورىندالىپ بولدى. جوبالاۋعا قاتىناسقان ادام سانى ەڭ  كوپ  بولعان  كەزدە 200 دەن اسىپ، كوپتەگەن ءتۇرلى جوبا جاسالدى، -دەدى.
« ءبىر جىلدا نەگىز قالاۋ، 2 جىلدا وبراز سومداۋ،  3 جىلدا  وزگەرىس ەنگىزۋ، 5 جىلدا نەگىزىنەن سالىپ بولۋ ». بۇل نىسانا لياۋتا جاڭا رايونى قۇرىلىسىنىڭ جەدەل جۇرگىزىلۋىن جەبەدى، جاڭا رايوننىڭ جۇلگەسى بىرتىندەپ قالىپتاسىپ كەلەدى.

  سونىمەن بىرگە، سىرتقى قاتىناس شارت-جاعدايىندا دا وسىنداي وزگەرىستەر تۋىلۋدا. لياۋتا جاڭا رايونىن تەكشە ەتە وتىرىپ العا قويىلعان قارامايلى -شاۋەشەك جوعارى قارقىندى تاس جولىندا مەجە بويىنشا كەلەر جىلدىڭ الدىڭعى جارىمىندا اۆتوموبيل قاتىنايدى، قارامايلى -شاۋەشەك بىرلەسىپ قارجى قوسىپ سالاتىن تەمىر جول نىسانى جوسپارعا ەنگىزىلدى، مەجە بويىنشا  كەلەر جىلى  باستاپ سالىنادى.

  لياۋتا جاڭا رايونى وڭىرلىك دامۋدىڭ ماڭىزدى تۇيىنىنە اينالۋدا، ءبىر جاعىنان، توڭىرەكتىڭ نەگىزدىك قۇرىلعى جانە دامۋ ورتاسى جونىندەگى قىزعىندىلىعىن ارتتىرسا، ەندى ءبىر جاعىنان، ادام كوبەيىپ، زات، قارجى اينالىمى توعىسا تۇسۋدە.

  قامال الۋ ۇلگىسى: ەڭ العاشقى كۇننەن باستاپ قاتەر تانىمىن ورناتىپ،جاسامپاز وي جەلىسى مەن مۇمكىندىگى بار ءارقانداي فورمادان پايدالانىپ،باسەكە بارىسىندا قامال الۋعا ۇمتىلۋ

  لياۋتا جاڭا  رايونىنداعى الىپ قۇرىلىس شوعىرىنا قاراپ تاڭداي قاقپاي تۇرا المايسىز. جاڭا رايونداعى ۋىنبو كىتاپحاناسى، مەملەكەت جەر بايلىعى كورگىزبەحاناسى  سياقتى  بەلگى  سيپاتتى  قۇرىلىستاردىڭ توبەسى جابىلىپ، ليۋحى الاڭىنىڭ نەگىزدىك قۇرىلعىسى، لياۋتا گانشاڭ  سارايى، وتكەل كوميتەتىنىڭ كەدەنگە مالىمدەۋ، تەكسەرۋگە مالىمدەۋ عيماراتى سياقتى 40 نەشە نىسان جەدەل ءجۇرىلىپ جاتىپتى.

  وسىنشاما كوپ نىساندى نەگىزىنەن ءبىر ۋاقىتتا سالۋدا قارجى قايدان كەلگەن؟ لياۋتا جاڭا رايونى قارجىگەرلەردى قالاي باۋراعان؟

  قۇرىلىس قارجىسى جاعىندا، لياۋتا جاڭا رايونى بايلىقتى مۇلىككە اينالدىرۋ، مۇلىكتى كاپيتالعا اينالدىرۋ، كاپيتالدى اكتسياعا اينالدىرۋ ۇلگىسىندە قارجى قۇرادى. وڭىرلىك قارجى  قۇراۋ  تەكشەسىن  بەلسەنە اشىپ، لياۋتا قارجى قوسۋ سەرىكتەستىگى مەن قالا قۇرىلىس قارجى قوسۋ سەرىكتەستىگىن قۇردى. جەرگىلىكتى زايوم تاراتتى؛ مەملەكەتتىك وركەندەتۋ بانكەسىنىڭ شينجياڭ بولىمشەسىمەن، لياۋنيڭ بولىمشەسىمەن ت.ب بايلانىس ورناتىپ، قارجى توپتاۋدان ىلگەرگى دايىندىق قىزمەتتەردى ويداعىداي جاقسى ىستەدى؛ ازيا وركەندەتۋ بانكەسىنەن العان 83 ميلليون دوللار قارىز اقشانى نەگىزدىك قۇرىلعى قۇرىلىسىنا ىستەتتى؛ لياۋنيڭ ولكەسىنىڭ تەمىر-كومىر توبى سياقتى ءىرى كاسىپورىندارىن باۋرادى، BT ۇلگىسىنەن پايدالانىپ، جاڭا رايونداعى نىسانداردى قۇرۋعا كۇش سالدى... قارجى توپتاۋداعى قيىن تۇيىننەن قامال الىپ، لياۋتا جاڭا رايونىنىڭ اقاۋسىز دامۋىنا بەرىك نەگىز قالادى.

  سونىمەن بىرگە، « لياۋنيڭ-تارباعاتاي اپتالىعى » ساۋداگەر شاقىرۋ قيمىلىن اتاپ ءوتۋ تاماشا باستاما بولدى. تارباعاتاي ايماعى 2012-جىلى شىلدەدە لياۋنيڭ ولكەلىك پارتكوم مەن ولكەلىك ۇكىمەتتىڭ قولداۋىندا، لياۋنيڭ ولكەسىندە لياۋنيڭ-تارباعاتاي اپتالىعى ساۋداگەر شاقىرۋ جەلىلەس قيمىلىن وتكىزىپ، ولكەگە توتە  قاراستى  تاراۋلار جانە ءتۇيىندى كاسىپورىنداردى ارالاپ، 72 نىسانعا قول قويدى. بيىل ماۋسىم ايىندا «لياۋنيڭ-تارباعاتاي اپتالىعى» قيمىلى  تاعى دا  وتكىزىلدى، بۇل جولى باقشا رايونى قۇرىلىسىن ماقسات ەتىپ، قالا-اۋدانداردىڭ باعىتتامالىلىق شەكتەمەسىن بۇزىپ، 100دەن اسا نىسان توقتامىنا قول قويىپ، قارجى قوسۋ كولەمى 100 ميلليارد يۋانعا  تاياپ، 15 ميلليارد  يۋاننان استام قارجى تياناقتاندى.

  مۇنان تىس، سىرت ورىنداردى تارباعاتاي جانە لياۋتا جاڭا رايونى جونىندە اناعۇرلىم تولىق تۇسىنىككە يە ەتۋ ءۇشىن، شينجياڭعا باعىتتامالى كومەكتەسكەن كادرلار تارباعاتايدىڭ جەرگىلىكتى ورىنداعى كادرلارىن باستاپ شاڭحاي، گۋاڭجوۋ، شىنجىن سياقتى قالالاردان ساۋداگەر شاقىردى، ءىرى نىسانداردى تانىستىرۋ كورمەسىن اشىپ، لياۋنيڭ ولكەسىنىڭ ساۋداگەر شاقىرۋ تورابى مەن بايلىعىن پايدالاندى، 100 دەن اسا كاسىپورىندى ارالاپ،  ەلىمىزدەگى ەكونوميكالىق دامۋى ەڭ تەبىندى چاڭجياڭ اتىراۋى، جۋجياڭ  اتىراۋىنا  تارباعاتايدى   تانىستىردى.

  وسى تەكتەس ساۋداگەر شاقىرۋ جەلىلەس قيمىلى شينجياڭعا كومەكتەسكەن ولكە، قالالاردىڭ توراپ بايلىعى مەن كاسىپورىن بايلىعىن مۇمكىندىكتىڭ بارىنشا اشىپ، شينجياڭعا باعىتتامالى كومەكتەسۋ ونىمدىلىگى بارىنشا زورايىپ، لياۋتا جاڭا رايونىنىڭ قامال الۋ ۇلگىسىن ىسكە قوسۋىنداعى ەڭ تاماشا ۇلگىگە اينالدى.

  بۇرىلىس جاساۋ تانىمى: تارباعاتاي ايماعى باتىل بۇرىلىس جاساپ «كەدەي وڭىردەن » « باتىس قاقپاعا » اينالۋ بارىسىندا وتكەل باسىمدىعىن بارىنشا ايگىلەدى

  20-قازان تۇستەن بۇرىن شاۋەشەك قالاسىنىڭ يۇڭلي ساۋدا شەكتى جاۋاپكەرلىك  سەرىكتەستىگىنىڭ  باس ديرەكتورى يۇي شينلي كوكونىس، جەمىس ەكسپورتىمەن ابىگەر بولدى. بىرنەشە ايدان بەرى يۇڭلي سەرىكتەستىگى باقتى وتكەلىنەن ورتا ازيا بازارىنا اپتاسىنا نەشە 10 كولىك كوكونىس، جەمىس ەكسپورت ەتتى. ەڭ قاربالاس بولعاندا كۇنىنە 100 دەن استام  اۆتوكولىكپەن  كوكونىس، جەمىس ەكسپورت ەتكەن كەزى دە بولدى.

  يۇي شينلي بىلاي دەدى: سوڭعى جىلدارى تارباعاتاي ايماقتىق پارتكوم مەن اكىمشىلىك مەكەمەسى باقتى وتكەلىنىڭ دامۋىنا ەرەكشە  ءمان بەردى. وسى  ايدىڭ  سوڭىندا اۋىل شارۋاشىلىعى  ونىمدەرىنىڭ جاسىل وتكەلى اشىلعاننان كەيىن قاتىستى ەكسپورت ىستەرى ءتىپتى دە قولايلى بولا ءتۇستى.

  يۇي  شينليدىڭ  ايتىپ  وتىرعان  « جاسىل وتكەل » _ باقتى وتكەلى جۇڭگو -قازاقستان اۋىل شارۋاشىلىعى  ونىمدەرىن  جەدەل  جەتكىزۋ « جاسىل وتكەلى» بويىنشا سىناق ەتىلەتىن بىردەن-ءبىر وتكەل بولىپ تۇراقتاندىرىلىپتى. بۇل قيمىل باقتى وتكەلىنىڭ كوكونىستەر مەن جەمىستەردى ەكسپورت ەتۋ باسىمدىعىن ارتتىرىپ، وتكەلدىڭ پارىقتى باسەكە جۇرگىزۋىنە پايدالى بولدى. سونىمەن باقتى  وتكەلى  ۇزاق  ۋاقىتتىق، ورنىقتى  اشىق  وتكەلگە اينالدى.

  ورنىقتى وتكەل قۇرۋدىڭ ءمانى تەز ارادا كورنەكتىلەندى؛ قىركۇيەك ايىنا دەيىن باقتى وتكەلىنىڭ بيىلعى يمپورت-ەكسپورت مولشەرى بىلتىرعى ۇقساس مەزگىلدەگىدەن 2.3 ەسە، جولاۋشىلار مەن اۆتوكولىكتەر سانى بىلتىرعىدان 2 ەسە ارتتى.

  شينجياڭدا شەكارا حالىقتارىنىڭ تۇڭعىش رەتكى 3 كۇندىك ۆيزاسىز ساۋدا بازارىنىڭ اشىلۋى وتكەل دامۋىنىڭ جارقىن تۇيىنىنە اينالدى. قازاقستان جولاۋشىلارىنىڭ شەكارادان وتكەن  سوڭ  شاۋەشەك  قالاسىنا،  ءدوربىلجىن، شاعانتوعاي اۋداندارىنا ساياحاتتاي بارۋىنا بولادى. قىركۇيەك ايىنىڭ سوڭىنا  دەيىن 3 كۇندىك ۆيزاسىز جولاۋشى سانى 10 مىڭ ادام رەتتەن استى. وسىلاي دامي بەرسە تارباعاتايداعى حالىقتىڭ جىلجىمالىلىعىن ارتتىرىپ، ساياحات، سەيىل-سەرۋەن كاسىبىنىڭ دامۋىن جەبەيدى.

  سۇڭ يانلين تارباعاتاي ايماقتىق پارتكوم مەن اكىمشىلىك مەكەمەسىنىڭ بۇرىلىس جاساۋ تانىمى اسا كۇشتى، شاۋەشەكتى وتكەلدىڭ ىرگەسىندە وتىرىپ ىشكى  ولكەلەرگە بەيىمدەلگەن « كەدەي وڭىردەن » ورتا ازياعا  بەت العان  شىن  مانىندەگى « باتىس قاقپاعا »، جىبەك  جولى  ەكونوميكالىق  بەلدەۋىنىڭ ماڭىزدى قۇرامداس بولەگىنە اينالدىردى دەپ قارادى.

  بۇرىلىس جاساعاننىڭ جولى اشىق، جاڭالىق اشقاننىڭ بولاشاعى جارقىن. اشىق،  جاريا  وي  جەلىسىنىڭ   جەتەكشىلىگىندە لياۋتا جاڭا رايونى شينجياڭعا باعىتتامالى  كومەكتەسۋ ىسىندەگى، وي جەلىنى جاڭالاۋداعى، توعىسپالى دامۋداعى  سىناق رايونعا اينالۋدا.
 
( شينجياڭ گازەتىنەن )

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn