ءتىلشىمىز ۋاڭ گاۋشىڭ حابارلايدى. بيىل ءدوربىلجىن اۋدانى اۆتونوميالى رايوننىڭ «ۇعىسۋ،تيىمدىلىك جاساۋ،توعىستىرۋ» بويىنشا قىستاقتا تۇرۋ قىزمەتىنىڭ جاڭا تالابىنا ساي،داۋىرمەن بىرگە العا باسىپ،«التىنى مىقتى يگەرۋ» قىزمەت مەحانيزمىندە جاڭالىق اشىپ،قىستاقتا تۇرۋ قىزمەتىنىڭ جاڭا جاعدايىن اشتى.
قاراەمىل قالاشىعىنىڭ ۇيەڭكى قىستاعى قايقاڭ جايلاۋىنىڭ ەتەگىنە ورنالاسقان، قىستاقتا تۇراتىن قىزمەت اترەتى ايماقتىق جاراتىلىستىق بايلىق مەكەمەسىنەن بارعان.
«التىنى مىقتى يگەرۋدەگى» «اۋىلدى كوتەرمەگە الىپ،قىستاقتى باقىلاۋ» قىزمەت مەحانيزمىنە ساي،وسى قىزمەت اترەتى اۋداندىق «ۇعىسۋ،تيىمدىلىك جاساۋ،توعىستىرۋ» كەڭسەسىنىڭ مەڭگەرۋشىسى لي يۇن جاۋاپتى بولعان وڭىردە تۇراتىن قىزمەت اترەتى سانالادى.
4-ايدىڭ باسىندا لي يۇن وسى قىزمەت اترەتىنە قۋزاۋ-جەتەكشىلىك ەتۋ بارىسىندا،قىستاق تۇرعىندارىنىڭ ءۇيىنىڭ الدى-ارتى مەن جولدىڭ ەكى جاعالاۋى ويلى-شۇڭقىر بولىپ،قۋراعان اعاش تامىرلارىنىڭ كەز- كەلگەن جەردەن كەزىگەتىنىن،رەتتى سالىنعان اۋىل-قىستاق بەيقۇت ۇيلەرىمەن،تەپ-تەگىس اۋىل-قىستاق اسفالت جولدارىمەن مۇلدەم سايكەسپەيتىندىگىن بايقاپ،ناق مايداندا رەتتەۋ-تۇزەتۋ تالابىن ورتاعا قويادى.
جارىم ايدان كەيىن لي يۇنمەن بىرگە ۇيەڭكى قىستاعىنا بارعانىمىزدا،قىستاق تۇرعىندارىنىڭ ءۇيىنىڭ الدى-ارتى مەن جولدىڭ ەكى جاعالاۋىنىڭ تۇگەلدەي تەگىستەلگەندىگىن كوردىك.
قىزمەت اترەتىنىڭ باستىعى،قىستاقتىڭ ءبىرىنشى شۋجيى حۋاڭ حوۋپيڭ بىلاي دەدى: «رەتتەۋ-تۇزەتۋ تالابىن ورتاعا قويعاننان كەيىن،قىزمەت اترەتى جۇمىسقا كىرىسىپ كەتتى. ءبىر اپتا ۋاقىت جۇمساپ،قۇرىلىس ماشينالارىن،اۆتوكولىكتەردى سايكەستىرىپ،بۇقارانى اتتانىسقا كەلتىرىپ 2000 تەكشە مەتر توپىراق قازىپ،تاسىپ،شۇڭقىرلاردى تولتىرىپ،دوڭەستەردى تەگىستەپ،قۋراعان اعاش تامىرلارىن تازالادى».
سونىمەن بىرگە،قىزمەت اترەتى سايكەستىرۋ ارقىلى 200 مىڭ يۋان جاسىلداندىرۋ نىسانى قارجىسىن قولعا كەلتىرىپتى،وسى قارجىعا قىستاقتاعى نەگىزگى جولدىڭ ەكى جاعالاۋىنا 2000 ءتۇپ كورىنىس اعاشىن ەگىپ،قىستاقتى شىت جاڭا تۇسكە ەنگىزۋدى جوسپارلاپ وتىر ەكەن.
2018-جىلدان باستاپ تارباعاتاي كۇنلۇن قىستاق-قالاشىق بانكەسىنىڭ قىزمەت اترەتى قالاماڭى اۋىلى عويىرمودىن قىستاعىندا تۇرادى. 3 جىلدان بەرى قىزمەت اترەتى بايلىق باسىمدىعىن ساۋلەلەندىرىپ،قىستاق تۇرعىندارىنا كوپتەگەن يگى ىستەر،ناقتى ىستەر ىستەپ بەرگەن،الايدا ۇگىت قىزمەتى ويداعىداي جۇرگىزىلمەگەندىكتەن،جىبەرگەن ورىن رازى بولماي،قىستاق تۇرعىندارى دا ىستەگەن ىستەردەن دەرلىك حابارلى بولا الماي، قىزمەتتە ىرىقسىز كۇيگە تۇسكەن.
بيىل اۋداندىق «ۇعىسۋ،تيىمدىلىك جاساۋ، توعىستىرۋ» كەڭسەسى شىعارعان «التىنى مىقتى يگەرۋ» مەحانيزمىنىڭ ءبىرى ۇگىت قىزمەتى مەحانيزمى. وندا قىزمەت اترەتىنىڭ ۇگىت قىزمەتىنە قاتاڭ تالاپ قويىلىپ، ىشكى قوزعاۋشى كۇشتى قاۋلاتىپ،كورنەكتى ونىمدىلىككە قول جەتكىزدى. 164 قىزمەت اترەتى 420 ماقالا جاريالاپ،سايكەس مەزگىلدەگىدەن %20 ارتقان.
عويىرمودىن قىستاعى قىزمەت اترەتىنىڭ باستىعى،قىستاقتىڭ ءبىرىنشى شۋجيى گۇڭ فيلۇڭ: «الدىڭعى مەزگىلدە،ءبىز تەك باس الماي ىستەۋدى عانا ءبىلىپ،ۇگىت قىزمەتىنە ءمان بەرمەپتىك. بىلتىر ماقالا جولداۋ مولشەرى نولگە تەڭ بولدى. بيىل قازىرگە دەيىن ءار دارەجەلى اقپارات قۇرالدارىندا 34 ماقالا جاريالاندى،جىبەرگەن ورىن مەن قىستاق تۇرعىندارىنىڭ اڭىسى ءبىرشاما جاقسى» دەدى.
عويىرمودىن قىستاعىنىڭ قىزمەت اترەتى سياقتى اۋداندىق وقۋ-اعارتۋ جانە عىلىم-تەحنيكا مەكەمەسىنىڭ ءدوربىلجىن قالاشىعى نانيۋان الەۋمەتتىك اۋماعىندا تۇراتىن قىزمەت اترەتى دە «التىنى مىقتى يگەرۋ» قىزمەت مەحانيزمىنىڭ يگىلىگىن كوردى.
قىزمەت اترەتىنىڭ باستىعى يان في جاس وقىتۋشى ەدى،الەۋمەتتىك اۋماققا العاش كەلگەندە قالاي ىستەرىن بىلمەي قينالادى. قالاشىقتاعى ءار ايدا ءبىر رەت وتكىزىلەتىن كەزەكتى ماجىلىستە ول مول تابىسقا يە بولىپ،اترەت مۇشەلەرىن باستاپ قىزمەتتىڭ جاڭا جاعدايىن اشتى.
قالاشىق «ۇعىسۋ،تيىمدىلىك جاساۋ، توعىستىرۋ» كەڭسەسىنىڭ جاۋاپتىسى گاۋ شۇيدىڭ تانىستىرۋىنشا،اۋىلدىق كەزەكتى ءماجىلىس پەن اۋداندىق كەزەكتى ءماجىلىس قىزمەت مەحانيزمى تىعىز بايلانىسقان بولىپ،تۇتاس قالاشىقتاعى قىزمەت اترەتىنىڭ باستىقتارى تۇگەل قاتىناسادى ەكەن.
ماجىلىستە ءاربىر قىزمەت اترەتى وزدەرىندە ساقتالعان ماسەلەلەردى،ولقىلىقتارىن ورتاعا بۇكپەسىز سالادى. ونان سوڭ كوپشىلىك كوپ بولىپ اقىل قوسىپ،ءادىس-امال قاراستىرىپ، سول ارقىلى ولقىلىقتاردى تولىقتاپ،ءالسىز تۇستاردى نىعايتىپ،دەر كەزىندە قورىتىندىلاپ، ارتىقشىلىعىن قابىلداپ،كەمشىلىگىن تولىقتاپ، بىرلىكتە العا باسۋ ماقساتىنا جەتەدى ەكەن.
قازىر بۇل قىزمەت اترەتى قاتىستى تاراۋلارمەن سايكەسىپ،قاراستى اۋماقتاعى 14-ءنومىرلى تۇرعىندار عيماراتىنداعى 30 تۇرعىنعا كوپ جىلدان بەرى بىتىرە الماي كەلگەن جىلجىمايتىن مۇلىك كۋالىگىن توپتىق ءبىتىرىپ بەرۋ جۇمىسىنا كىرىسىپ،تۇرعىنداردىڭ جاقسى باعاسىنا يە بولعان.
اۋداندىق «ۇعىسۋ،تيىمدىلىك جاساۋ، توعىستىرۋ» كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى جۋ چۋان: «ءبىزدىڭ ‹التىنى مىقتى يگەرۋ› قىزمەت مەحانيزمىمىز تاعى كاسىپتىك قىزمەتكە تاربيەلەۋ،ناق مايدان ءماجىلىسىن كەز-كەلگەن ۋاقىتتا اشىپ،جەتەكشىلىك ەتۋدى جانە ‹ۇعىسۋ،تيىمدىلىك جاساۋ،توعىستىرۋ وتاۋى› اينالىم مەحانيزمىن قامتيتىن بولىپ،دەرلىكتەي امالياتتىڭ سىنىنان وتۋمەن بىرگە،تاماشا ونىمدىلىك جاراتىپ وتىر» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى