ءتىلشىمىز داي جياۋمەي حابارلايدى. بىرنەشە كۇننەن بەرى شاۋەشەك قالا رايونىنداعى كوپتەگەن نەگىزگى جولدىڭ ەكى جاعىنداعى جاياۋلار جولىندا ماشينالار گۇرىلدەپ،قۇرىلىس جۇرگىزۋشىلەر قارا تەرگە مالشىنىپ،جاياۋلار جولىنىڭ قۇرىلعىلارىن جاڭالاۋ قۇرىلىسى جەدەل جۇرگىزىلە باستادى.
سوڭعى جىلداردان بەرى شاۋەشەك قالالىق پارتكوم مەن ۇكىمەت قالانىڭ بوگەتسىزدەندىرۋ قىزمەتتەرىنە باسا ءمان بەرىپ،«جاسىل شاۋەشەك، گۋمانيتارلىق شاۋەشەك،قونىستانۋعا جايلى شاۋەشەك،جاراسىمدى شاۋەشەك» قۇرۋ،باقىتتى شاۋەشەك قۇرۋ ايبىندى نىساناسىن جۇزەگە اسىرۋدى نەگىز ەتىپ،«مەملەكەتتىك بوگەتسىز قالا» قۇرۋدى تۇتقا ەتە وتىرىپ،«ەكونوميكانى دامىتۋمەن بىرگە،اسىرەسە، حاۋىپسىزدىكتى الدىمەن ويلاستىرۋ» قىزمەت وي جەلىسىن العا قويىپ، قالا ەكولوگيالىق ورتاسىن بەلسەنە جاقسارتىپ،بوگەتسىز ورتا جاراتۋعا قۇلشىنۋدا.
شاۋەشەك قالاسىنىڭ تۇرعىنى ۋاڭ جياندۇڭ: «كەيبىر جاياۋلار جولى ويلى-شۇڭقىر،دەر كەزىندە جوندەلمەگەن،قالا تۇرعىندارى بۇعان ايرىقشا نازار اۋدارۋدا،وسى رەتكى جاڭالاۋ بارىسىندا تۇبەگەيلى جوندەلىپ،قالا تۇرعىندارىنا حاۋىپسىز، جايلى تۇرمىس ورتاسىن ازىرلەۋىن ءۇمىت ەتەمىز» دەدى.
شاۋەشەك قالالىق تۇرعىن ءۇي جانە قالا،اۋىل قۇرىلىسى مەكەمەسى پارتيا باسشىلىق گرۋپپاسىنىڭ مۇشەسى،قالا قۇرىلعىلارى اينالىمىن قورعاۋ ورتالىعىنىڭ مەڭگەرۋشىسى ۋ لەي: «قالا رايونىنداعى باسىم كوپ ساندى قالا جولدارىنداعى جاياۋلار جولىنىڭ كەدەرگىسىز قۇرىلعىلارى تولىق ەمەس،سوقىرلار جولى ورنالاستىرىلماعان ەدى. ءىشىنارا مەكەمە-ورىنداردىڭ كىرىپ-شىعاتىن جول اۋىزىندا بوگەتسىز كولبەۋ جول جانە جاياۋلاردىڭ كوشەدەن ءوتۋ قۇرىلعىلارى كەمشىل بولاتىن،جولداعى قۇدىق قاقپاقتارى دا وپىرىلىپ،ءبۇلىنىپ،حاۋىپسىزدىك كومەسكى قاتەرى ساقتالعان، وزگەرتىلگەننەن كەيىن تۇرعىنداردىڭ ءجۇرىس-تۇرىس حاۋىپسىزدىگى بارىنشا جوعارىلايتىن بولادى» دەدى.
بۇل رەتكى نىسان قۇرىلىسى قالا رايونىنداعى شينحۋا جولى،ىنتىماق جولى،مادەنيەت جولى،نۇرلانعان جول،تارباعاتاي جولى سياقتى نەگىزگى جولدار كولەمىندەگى 25 جولدىڭ جاياۋلار جولىن جاڭالاۋ،ماڭايداعى بۇلىنگەن جولدى جوندەۋ جانە الاڭداردى قاتىرۋدى قامتىپ،جاڭالاناتىن جولدىڭ ۇزىندىعى 27.1 كيلومەتر، قاتىرىلاتىن جەردىڭ كولەمى 205 مىڭ شارشى مەتر،بۇلىنگەن جولدى جوندەۋ كولەمى 20 مىڭ شارشى مەتر،الاڭنىڭ كولەمى 5500 شارشى مەترگە جەتەدى. قۇرىلىس 5-ايدىڭ باسىندا باستالىپ، مەجەمەن 6-ايدىڭ 20-كۇنى اياقتايدى ەكەن.
ۋ لەي: «شاۋەشەك قالالىق پارتكوم مەن ۇكىمەت ‹مەن بۇقارا ءۇشىن ناقتى ءىس ىستەيمىن› امالياتتىق قيمىلىن پارتيا تاريحىن ۇيرەنۋ تاربيەسىنىڭ ماڭىزدى مازمۇنى ەتىپ،جاياۋلار جولىن جاڭالاۋ جانە ويلى-شۇڭقىر جولداردى جوندەۋ نىساندارىن ۇكىمەتتىڭ حالىق ءۇشىن ناقتى ىستەر ىستەپ،حالىق رازى بولاتىن ۇكىمەت قۇرۋ قىزمەتىنە ەنگىزدى. نىساننىڭ اتقارىلۋى قونىستانۋ ورتاسىن جاڭالاپ،قالا وبرازى مەن قالا ساپاسىن جوعارىلاتۋعا ءتيىمدى،قۇرىلىس جۇرگىزۋ بارىسىندا قالا تۇرعىندارىنا الا كەلگەن قولايسىزدىقتاردى دۇرىس ءتۇسىنۋىن ءۇمىت ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى