ەەڭ جاڭا مازمۇندار
2019-جىلى 11-ايدىڭ 19-كۇنى 268-سان
2019-جىلى 11-ايدىڭ 18-كۇنى 267-سان
2019-جىلى 11-ايدىڭ 16-كۇنى 266-سان
پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن جاپپاي دايەكتىلەندىرىپ،
ماركسيزمنىڭ نەگىزگى نازارياسىن ۇيرەنۋ كوممۋنيستەردىڭ مىندەتتى وقيتىن ساباعى
تۇرعۇن: ەكى حانزۋ ۇلىن ماپەلەپ ءوسىردى
شاعانتوعاي اۋدانى: تۇرعىنداردىڭ اۋىز سۋ قيىنشىلىعىن شەشتى
ساۋان اۋدانى: جاڭبىر جامىلا ەگىس جۇمىسىن ىستەپ، جۇرت كوڭىلىن جادىراتتى
پارتياعا كىرگەندەگى حيكايانى تىڭداپ، اۋەلگى ماقساتتى ەسكە ءتۇسىردى
جالپى ءماجىلىس رۋحىن ۇيرەنىپ، تياناقتاندىرۋدى يگەردى
ادالدىقپەن شەكارانى كۇزەتىپ، باتىلدىقپەن بورىش ارقالادى
كاسىپورىن قىزمەتكەرلەرى پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندى
اۆتوكولىككە جارىق شاعىلىستىرعىش جاپسىرىپ، بۇقارانىڭ تۇنگى حاۋىپسىزدىگىنە كەپىلدىك ەتتى
قىلمىسكەردىڭ اۆتوماتى استىندا قۇربان بولعان قۇرىش جاۋىنگەر گاۋ ۋىنلياڭ
ەرەكشە رايوننىڭ ادال قورعاۋشىسى: فۋ يۇڭيوۋ
1 - دارەجەلى قاھارمان ۇلگى لي جۇڭگۇي: باسىن ءباي تىگىپ، گرانات جارعان قىلمىستىعا تاپ بەردى
شاعانتوعاي: العاشقى قار اسەم كورىنىس قالىپتاستىردى
قوبىقسارى اۋدانى: عاجايىپ قىزىل بۇلت
وتباسىلىق اسحانا قامقورلىق ايالداماسىنا اينالدى
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن، ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ

ج ك پ 18-كەزەكتى ورتالىق كوميتەتىنىڭ ءۇشىنشى جالپى ءماجىلىسى بەيجيڭدە وتكىزىلدى

جولدانعان ۋاقىتى : 2013/12/4 18:19:30

ج ك پ 18-كەزەكتى ورتالىق كوميتەتىنىڭ ءۇشىنشى جالپى ءماجىلىسى بەيجيڭدە وتكىزىلدى
جۇڭگو كوممۋنيستىك پارتياسى 18-كەزەكتى ورتالىق كوميتەتىنىڭ ءۇشىنشى جالپى ءماجىلىسى 2013-جىلى 9-قاراشادان 12-قاراشاعا   دەيىن بەيجيڭدە وتكىزىلدى. جالپى ءماجىلىستى ورتالىق كوميتەتتىڭ ساياسي بيۋروسى باسقاردى.   ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
 

جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى  

جالپى ءماجىلىس «ج ك پ ورتالىق كوميتەتىنىڭ رەفورمانى جاپپاي تەرەڭدەتۋدەگى ءبىرقانشا كەلەلى ماسەلە جونىندەگى قارارىن» قاراپ ماقۇلدادى  

جالپى ءماجىلىس بۇكىل پارتياداعى جولداستاردى شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ،ءورىس اشا العا ىلگەرىلەپ، قيىن تۇيىندەردەن قامال الىپ، رەفورما جاساۋ، ەسىك اشۋ ۇلى ءىسىنىڭ تاريحي تىڭ داستانىن جازىپ،جاپپاي دوڭگەلەك داۋلەتتى قوعام قۇرىپ، جۇڭگوشا سوتسياليزم    ىستەرىنىڭ تىڭ جەڭىسىنە تىنباي قول جەتكىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن جۇڭگو ارمانى ءۇشىن كۇرەسۋگە ۇندەدى

   جۇڭگو كوممۋنيستىك پارتياسى  18-كەزەكتى ورتالىق كوميتەتى ءۇشىنشى جالپى ءماجىلىسىنىڭ مازمۇنداماسى
  
  (جۇڭگو كوممۋنيستىك پارتياسى 18-كەزەكتى ورتالىق كوميتەتىنىڭ    ءۇشىنشى جالپى ماجىلىسىندە  2013-جىلى 12-قاراشادا ماقۇلداندى).
 
  جۇڭگو كوممۋنيستىك پارتياسى 18-كەزەكتى ورتالىق كوميتەتىنىڭ ءۇشىنشى جالپى ءماجىلىسى 2013-جىلى 9-قاراشادان 12-قاراشاعا   دەيىن بەيجيڭدە وتكىزىلدى.

  جالپى ماجىلىسكە ورتالىق كوميتەت مۇشەلەرىنەن 204 ادام، ورتالىق كوميتەتتىڭ كانديدات مۇشەلەرىنەن 169 ادام قاتىناستى. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى جانە قاتىستى جاقتاردىڭ جاۋاپتى جولداستارى ماجىلىسكە سىرتتاي قاتىناستى. پارتيا 18-قۇرىلتايى ۋاكىلدەرىنىڭ نەگىزگى ساتىداعى ءبىر ءبولىم جولداستارى جانە  مامان-وقىمىستىلار دا ماجىلىسكە سىرتتاي قاتىناستى.

  جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

  جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «ج ك پ ورتالىق كوميتەتىنىڭ رەفورمانى جاپپاي تەرەڭدەتۋدەگى ءبىرقانشا كەلەلى ماسەلە جونىندەگى قارارىن» قاراپ  ماقۇلدادى. شي جينپيڭ «قارار (تالقى نۇسقاسى)» جونىندە جالپى ماجىلىسكە تۇسىنىك جاسادى.

  جالپى ءماجىلىس پارتيا 18-قۇرىلتايىنان بەرگى ورتالىق كوميتەت ساياسي بيۋروسىنىڭ قىزمەتتەرىن  تولىق تۇراقتاندىردى. جالپى ءماجىلىس بىلاي دەپ ەسەپتەدى: اسا كۇردەلى  حالىقارالىق جاعداي جانە ەل ىشىندەگى رەفورما، دامۋ، ورنىقتىلىقتىڭ   جاپالى دا قات-قابات مىندەتتەرى الدىندا، ورتالىق كوميتەتتىڭ ساياسي بيۋروسى پارتيا 18-قۇرىلتايىنىڭ جانە پارتيا 18-كەزەكتى ورتالىق كوميتەتى ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگوشا سوتسياليزم ۇلى تۋىن بيىك كوتەرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرا باستاپ، ورنىقتىلىق بارىسىندا ىلگەرىلەۋدەي قىزمەت جالپى جەلىسىنەن جازباي، ەكونوميكانىڭ ارتۋىن ورنىقتىرۋعا، قۇرىلىمدى رەتتەۋگە، رەفورمانى جەبەۋگە كۇش  سالىپ، ءار ءتۇرلى حاۋىپ-قاتەر مەن سىن-سايىستارعا بايسالدىلىقپەن  توتەپ بەرىپ، سوتسياليستىك ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن، پارتيا قۇرىلىسىنىڭ جاڭا ۇلى ينجەنەرياسىن جان-جاقتى ىلگەرىلەتىپ، پارتيانىڭ بۇقارالىق لۋشيان تاربيەسى جانە امالياتتىق قيمىلىن تىڭعىلىقتى ىلگەرىلەتىپ،   ءتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزىپ، دامۋ    جەتىستىكتەرىنىڭ بۇكىل حالىققا   ءتىپتى كوپ، ءتىپتى ءادىل يگىلىك  اكەلۋىن جەبەپ، پارتيا 18-قۇرىلتايى رۋحىن دايەكتى تياناقتاندىرۋدىڭ    العاشقى جىلىنىڭ يگى باستاماسىن جۇزەگە اسىردى.

  جالپى ءماجىلىس پارتيا 11-كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلعان 35 جىلدان بەرگى رەفورما جاساپ، ەسىك اشۋدىڭ تابىستى امالياتى مەن ۇلى جەتىستىگىنە جوعارى باعا بەرىپ، رەفورمانى جاپپاي تەرەڭدەتۋدەگى ءبىرقانشا كەلەلى ماسەلەنى زەرتتەپ بىلاي دەپ ەسەپتەدى: رەفورما جاساۋ، ەسىك اشۋ − پارتيانىڭ جاڭا ءداۋىر شارت-جاعدايىندا بۇكىل ەلدەگى ءار ۇلت حالقىن باستاپ جۇرگىزگەن جاڭا ۇلى توڭكەرىسى،  بۇگىنگى تاڭداعى جۇڭگونىڭ ەڭ ايقىن ەرەكشەلىگى، بۇگىنگى تاڭداعى جۇڭگونىڭ تاعدىرىن بەلگىلەيتىن شەشۋشى تالعام، پارتيا مەن حالىق ىستەرىنىڭ داۋىرگە ارشىندى قاداممەن ىلەسۋىندەگى ماڭىزدى اسىل. جاڭا جاعداي، جاڭا مىندەت الدىندا، جاپپاي دوڭگەلەك داۋلەتتى قوعام قۇرىپ، ودان ارى قاراي باي، قۇدىرەتتى، دەموكراتيالى، وركەنيەتتى، جاراسىمدى سوتسياليستىك  وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن ىسكە اسىرۋ ءۇشىن، ءسوز جوق، جاڭا تاريحي بەلەستە رەفورمانى جاپپاي تەرەڭدەتۋ كەرەك.

  جالپى ءماجىلىس بىلاي دەپ باسا دارىپتەدى: رەفورمانى جاپپاي تەرەڭدەتۋدە، ءسوز جوق، جۇڭگوشا سوتسياليزم ۇلى تۋىن بيىك كوتەرىپ، ماركسيزم-لەنينيزمدى، ماۋ زىدۇڭ  يدەياسىن، دىڭ شياۋپيڭ نازارياسىن،   «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، سەنىمدى بەكەمدەپ، ورتاق تانىمدى ۇيىستىرىپ، ءبىرتۇتاس جوبا جاساپ، سايكەسە ىلگەرىلەتىپ، سوتسياليستىك بازار شارۋاشىلىعىنىڭ   رەفورما بەتالىسىنان جازباي، قوعامدىق ادىلدىك پەن تۋراشىلدىقتى جەبەۋدى، حالىقتىڭ باقىتىن ارتتىرۋدى ارقاۋ جانە تابان تىرەر تياناق ەتىپ، يدەيانى ونان ارى ازات ەتىپ، قوعامدىق وندىرگىش كۇشتەردى ازات ەتىپ جانە دامىتىپ، قوعامدىق ومىرشەڭدىك كۇشتى ازات ەتىپ جانە كۇشەيتىپ، ءار جاقتاعى تۇزىلىستىك، مەحانيزمدىك كەسىرلەردى باتىل الاستاپ، جۇڭگوشا سوتسياليزم ىستەرىنىڭ ءتىپتى دە جارقىن بولاشاعىن قۇلشىنا اشۋ كەرەك.

  جالپى ءماجىلىس بىلاي دەپ اتاپ كورسەتتى: رەفورمانى جان-جاقتى تەرەڭدەتۋدىڭ جالپى نىساناسى: جۇڭگوشا سوتسياليزم ءتۇزىمىن كەمەلدەندىرىپ جانە دامىتىپ، مەملەكەتتى وڭاۋ جۇيەسى مەن وڭاۋ قابىلەتىن وسىزامانداندىرۋدى ىلگەرىلەتۋ. ءسوز جوق، رەفورمانىڭ جۇيەلىلىگىنە، جالپى تۇلعالىعىنا، سايكەستىلىگىنە ءتىپتى دە باسا ءمان بەرىپ، سوتسياليستىك بازار شارۋاشىلىعىن، دەموكراتيالىق ساياسيدى، وزىق مادەنيەتتى، جاراسىمدى قوعامدى، ەكولوگيالىق وركەنيەتتى جەدەل دامىتىپ، بارلىق ەڭبەكتىڭ، ءبىلىمنىڭ، تەحنيكانىڭ، باسقارۋدىڭ، كاپيتالدىڭ ومىرشەڭدىك كۇشىن    باسەكەلەسە العا باستىرۋ، قوعامدىق بايلىق جاراتاتىن بارلىق قايناردى  تولىق اشىپ، بۇكىل حالىقتى دامۋ جەتىستىكتەرىنەن ءتىپتى كوپ، ءتىپتى ءادىل يگىلىكتەندىرۋ.

    جالپى ءماجىلىس مىنالاردى اتاپ كورسەتتى: بازار شارۋاشىلىعىنىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاساۋدى ارقاۋ ەتە  وتىرىپ، ەكونوميكالىق ءتۇزىلىس رەفورماسىن تەرەڭدەتىپ، نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، وسى زامانعى بازار جۇيەسىن، ماكرولىق رەتتەۋ-مەڭگەرۋ جۇيەسىن، اشىق ەكونوميكالىق جۇيەنى كەمەلدەندىرۋدى، ەكونوميكانىڭ دامۋ ۇلگىسىنە بۇرىلىس جاساۋدى، جاسامپاز ەل قۇرۋدى جەدەلدەتىپ، ەكونوميكانىڭ اناعۇرلىم ۇتىمدى، اناعۇرلىم ءادىل، اناعۇرلىم باياندى دامۋىن ىلگەرىلەتۋ؛ پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋدى ارقاۋ ەتە وتىرىپ ساياسي ءتۇزىلىس رەفورماسىن تەرەڭدەتىپ، سوتسياليستىك دەموكراتيالىق ساياسيدىڭ تۇزىمدەنۋىن، جۇيەلەنۋىن، تارتىپتەنۋىن جەدەل ىلگەرىلەتىپ، زاڭمەن باسقارىلاتىن سوتسياليستىك مەملەكەت قۇرىپ، اناعۇرلىم كەڭ، اناعۇرلىم كەمەلدى، اناعۇرلىم اقاۋسىز حالىق دەموكراتياسىن دامىتۋ؛ سوتسياليستىك وزەكتى قۇن جۇيەسىن، مادەنيەتى  قۇدىرەتتى سوتسياليستىك ەل قۇرۋدى ارقاۋ ەتە وتىرىپ مادەنيەت ءتۇزىلىسى رەفورماسىن تەرەڭدەتىپ، مادەنيەت ىستەرىن باسقارۋ ءتۇزىلىسى مەن مادەنيەت، ءوندىرىس، تيجارات مەحانيزمىن كەمەلدەندىرۋدى جەدەلدەتىپ، وسى زامانعى جالپىلىق مادەنيەت قىزمەت وتەۋ جۇيەسىن، وسى زامانعى مادەنيەت بازار جۇيەسىن ورناتىپ جانە  اقاۋسىزداندىرىپ، سوتسياليستىك مادەنيەتتىڭ بارىنشا دامۋىن، بارىنشا كوركەيۋىن ىلگەرىلەتۋ؛ حالىق تۇرمىسىن اناعۇرلىم ويداعىداي قامتاماسىزداندىرۋدى جانە جاقسارتۋدى، قوعامدىق ادىلدىكتى، تۋراشىلدىقتى جەبەۋدى  ارقاۋ ەتە وتىرىپ، قوعامدىق ءتۇزىلىس رەفورماسىن تەرەڭدەتىپ، كىرىس ءبولىسى تۇزىمىنە رەفورما جاساپ، ورتاق اۋقاتتانۋدى جەبەپ، قوعامدىق سالالارداعى تۇزىمدەرگە جاڭالىق ەنگىزۋدى، نەگىزدىك الەۋمەتتىك قىزمەت وتەۋدىڭ ءبىركەلكى بولۋىن ىلگەرىلەتىپ، عىلمي، ۇتىمدى قوعامدىق وڭاۋ ءتۇزىلىسىن جەدەل قالىپتاستىرىپ، قوعامنىڭ ومىرشەڭدىك قۋاتىنىڭ مىعىم ءارى جاراسىمدى، تارتىپشەڭ بولۋىنا شىنايى كەپىلدىك ەتۋ؛ جۇڭگونى كوركەيتۋدى ارقاۋ ەتە وتىرىپ ەكولوگيالىق وركەنيەت ءتۇزىلىسى رەفورماسىن تەرەڭدەتىپ، ەكولوگيالىق وركەنيەت ءتۇزىمىن جەدەل ورناتىپ، مەملەكەت جەرىن، كەڭىستىگىن اشۋ، بايلىقتان ۇنەمشىلدىكپەن پايدالانۋ، ەكولوگيالىق ورتانى قورعاۋ ءتۇزىلىسى مەحانيزمىن اقاۋسىزداندىرىپ، ادام مەن تابيعات جاراسىمدى داميتىن وسىزاماندىرۋ قۇرىلىسى جاڭا جاعدايىنىڭ قالىپتاسۋىن ىلگەرىلەتۋ؛ بيلىكتى عىلمي، دەموكراتيالى، زاڭ بويىنشا جۇرگىزۋ ورەسىن جوعارىلاتۋدى ارقاۋ ەتە وتىرىپ پارتيا قۇرىلىسى ءتۇزىمى رەفورماسىن تەرەڭدەتىپ، دەموكراتيالىق ورتالىقتاندىرۋ ءتۇزىمى قۇرىلىسىن نىعايتىپ، پارتيانىڭ باسشىلىق ءتۇزىلىسى مەن بيلىك جۇرگىزۋ  ءتاسىلىن كەمەلدەندىرىپ، پارتيانىڭ العاباسارلىعى مەن پاكتىگىن ساقتاپ، رەفورما جاساۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا ساياسي جاقتان پارمەندى كەپىلدىك ەتۋ كەرەك.

  جالپى ءماجىلىس مىنالاردى اتاپ كورسەتتى: رەفورمانى جاپپاي تەرەڭدەتۋدە، ءسوز جوق، ەلىمىزدىڭ سوتسياليزمىنىڭ العاشقى ساتىسىندا تۇرۋداي ەڭ ۇلكەن امالياتىن تياناق ەتىپ، دامۋدىڭ ءالى دە ەلىمىزدەگى بارلىق ماسەلەنى شەشۋدىڭ تەتىگى بولۋداي ماڭىزدى ستراتەگيالىق تۇجىرىمنان جازباي، ەكونوميكالىق قۇرىلىستى وزەك ەتىپ، ەكونوميكالىق ءتۇزىلىس رەفورماسىنىڭ جەتەكشىلىك رولىن ساۋلەلەندىرىپ، وندىرىستىك قاتىناس پەن وندىرگىش كۇشتىڭ، قوندىرما مەن بازيستىڭ ءوزارا سايكەسۋىن، ەكونوميكا مەن قوعامنىڭ باياندى، اقاۋسىز دامۋىن جەبەۋ كەرەك.

  جالپى ءماجىلىس مىنالاردى اتاپ كورسەتتى: ەكونوميكالىق ءتۇزىلىس رەفورماسى − رەفورمانى جاپپاي تەرەڭدەتۋدىڭ ءتۇيىنى، ونداعى وزەكتى ماسەلە−  ۇكىمەت پەن بازاردىڭ قاتىناسىن ويداعىداي ءبىر جاقتى ەتىپ، بازاردىڭ بايلىقتى جايعاستىرۋدا شەشۋشى رول اتقارۋىنا جانە ۇكىمەت رولىن ءتىپتى جاقسى ساۋلەلەندىرۋگە مۇمكىندىك جاساۋ.

  ءماجىلىس مىنالاردى باسا دارىپتەدى: رەفورما جاساۋ، ەسىك اشۋداعى تابىستى اماليات رەفورمانى جاپپاي تەرەڭدەتۋدى ماڭىزدى تاجىريبەلەرمەن قامدادى، وعان، ءسوز جوق، ۇزاق ۋاقىت تاباندى بولۋ كەرەك. ەڭ ماڭىزدىسى − پارتيانىڭ باسشىلىعىنا تاباندى بولىپ، پارتيانىڭ نەگىزگى لۋشيانىن دايەكتىلەندىرىپ، توماعا-تۇيىق، كونە سۇردەككە تۇسپەي، بۇرىس جولدان اۋلاق بولىپ، جۇڭگوشا سوتسياليزم جولىنا تاباندى بولىپ، رەفورمانىڭ دۇرىس بەتالىسىنا باستان-اياق كەپىلدىك ەتۋ؛ يدەيانى ازات ەتۋدەن، شىندىقتى ءىس جۇزىنەن ىزدەۋدەن، داۋىرمەن بىرگە ىلگەرىلەۋدەن، شىندىققا جۇگىنىپ، ناقتى ءىس ىستەۋدەن جازباي، بارلىعىندا ءىس جۇزىندىك جاعدايدى ارقاۋ ەتىپ، ەل ىشىندەگى تابىستى ادىستەردى قورىتىندىلاپ، شەتەلدەردىڭ ءتيىمدى تاجىريبەلەرىنەن پايدالانىپ، نازاريا مەن امالياتتا جاڭالىق جاساۋدى باتىلدىقپەن ىلگەرىلەتۋ؛ ادامدى نەگىز ەتۋدەن جازباي، حالىقتىڭ نەگىزگى تۇلعالىق ورنىنا قۇرمەت ەتىپ، بۇقارانىڭ ءتول جاسامپازدىق رۋحىن ساۋلەلەندىرىپ، حالىققا سۇيەنە وتىرىپ، رەفورمانى ىلگەرىلەتىپ، ادامنىڭ جان-جاقتى دامۋىن جەبەۋ؛ رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس ءبىر جايلى ەتۋدەن جازباي، باتىل بولۋ، قادامدى نىق تاستاۋ، جوعارى دەڭگەيدە جوبالاۋ مەن ابايلاپ ىستەۋدى ۇشتاستىرۋدى كۇشەيتىپ، تۇلعالىق جاقتان ىلگەرىلەتۋ مەن ءتۇيىندى تۇردە تابىسقا جەتۋدى قاتار جەبەپ، رەفورمانىڭ، شەشىمنىڭ عىلميلىعىن جوعارىلاتىپ، كەڭ كولەمدە ورتاق تانىم ورناتىپ، رەفورمادا ۇيتقى كۇش قالىپتاستىرۋ كەرەك.

  جالپى ءماجىلىس مىنالاردى تالاپ ەتتى: 2020-جىلى ماڭىزدى سالالار مەن شەشۋشى بۋىندار رەفورماسىندا شەشۋشى ناتيجەگە قول جەتكىزىپ، جۇيەلى دە كەمەلدى، عىلمي دا ۇتىمدى ءتۇزىم جۇيەسىن قالىپتاستىرىپ، ءار جاقتاعى ءتۇزىمدى اناعۇرلىم كەمەلدەندىرە ءتۇسۋ كەرەك.

  جالپى ءماجىلىس رەفورمانى جاپپاي تەرەڭدەتۋ جونىندە جۇيەلى ورنالاستىرۋ جاساپ، بىلاي دەپ باسا دارىپتەدى: نەگىزگى ەكونوميكالىق تۇزىمگە تاباندى بولىپ جانە كەمەلدەندىرىپ، وسى زامانعى بازار جۇيەسىن كەمەلدەندىرۋدى، ۇكىمەت فۋنكتسياسىنا بۇرىلىس جاساۋدى جەدەلدەتىپ، قازىنا، باجى ءتۇزىلىس رەفورماسىن تەرەڭدەتىپ، قالا، اۋىلداردىڭ دامۋىن ءبىر تۇلعالاندىرۋ ءتۇزىلىس مەحانيزمىن اقاۋسىزداندىرىپ، اشىق ەكونوميكا جاڭا ءتۇزىلىسىن قالىپتاستىرۋ، سوتسياليستىك دەموكراتيالىق ساياسي ءتۇزىم قۇرىلىسىن كۇشەيتىپ، جۇڭگونى زاڭمەن باسقارۋ قۇرىلىسىن ىلگەرىلەتىپ، ۇقىقتان پايدالانۋدى تەجەۋ جانە باقىلاۋ جۇيەسىن نىعايتۋ، مادەنيەت ءتۇزىلىسى مەحانيزمىنە جاڭالىق ەنگىزۋدى، قوعامدىق ىستەر رەفورماسىنا جاڭالىق ەنگىزۋدى، قوعامدىق وڭاۋ تۇزىلىسىنە جاڭالىق ەنگىزۋدى ىلگەرىلەتۋ، ەكولوگيالىق وركەنيەت ءتۇزىمى قۇرىلىسىن جەدەلدەتۋ، مەملەكەت قورعانىسى مەن ارميا رەفورماسىن تەرەڭدەتىپ، پارتيانىڭ رەفورمانى جاپپاي تەرەڭدەتۋگە باسشىلىق ەتۋىن نىعايتۋ جانە جاقسارتۋ كەرەك.

  جالپى ءماجىلىس مىنالاردى العا قويدى: جالپىلىق مەنشىك نەگىزگى تۇلعا ەتىلگەن، كوپ ءتۇرلى مەنشىكتەگى شارۋاشىلىق قاتار دامىتىلاتىن نەگىزگى   ەكونوميكالىق ءتۇزىم− جۇڭگوشا سوتسياليستىك ءتۇزىمنىڭ ماڭىزدى تىرەگى ءارى سوتسياليستىك بازار شارۋاشىلىعى ءتۇزىلىسىنىڭ ءتۇپ نەگىزى. جالپىلىق مەنشىكتەگى شارۋاشىلىق پەن جالپىلىق مەنشىككە جاتپايتىن شارۋاشىلىق ەكەۋى دە سوتسياليستىك بازار شارۋاشىلىعىنىڭ ماڭىزدى قۇرامداس بولىگى، ەلىمىزدىڭ ەكونوميكالىق، قوعامدىق دامۋىنىڭ ماڭىزدى نەگىزى. جالپىلىق مەنشىكتەگى شارۋاشىلىقتى، ءسوز جوق، تاباندىلىقپەن بەكەمدەپ جانە دامىتىپ، جالپىلىق مەنشىكتىڭ نەگىزگى تۇلعالىق ورنىنان جازباي، مەملەكەت مەنشىگىندەگى شارۋاشىلىقتىڭ جەتەكشىلىك رولىن ساۋلەلەندىرىپ، مەملەكەت مەنشىگىندەگى شارۋاشىلىقتىڭ ومىرشەڭدىك كۇشىن، مەڭگەرۋ قۋاتىن، ىقپالىن ۇزدىكسىز نىعايتۋ كەرەك. جالپىلىق مەنشىككە جاتپايتىن شارۋاشىلىقتىڭ دامۋىنا، ءسوز جوق، تاباندىلىقپەن شابىت بەرىپ، ونى قولداپ جانە وعان جەتەكشىلىك ەتىپ، جالپىلىق مەنشىككە جاتپايتىن شارۋاشىلىقتىڭ ومىرشەڭدىك كۇشى مەن جاسامپازدىق قۋاتىن قوزعاۋ كەرەك. مال-مۇلىك ۇقىعىن قورعاۋ ءتۇزىمىن كەمەلدەندىرىپ، ارالاس جالپىلىق مەنشىكتەگى شارۋاشىلىقتى بەلسەنە دامىتىپ، مەملەكەت مەنشىگىندەگى كاسىپورىنداردىڭ وسىزاماندانعان كاسىپورىن ءتۇزىمىن كەمەلدەندىرۋىن ىلگەرىلەتىپ، جالپىلىق مەنشىككە جاتپايتىن شارۋاشىلىقتىڭ  اقاۋسىز دامۋىن قولداۋ كەرەك.

  جالپى ءماجىلىس مىنالاردى العا قويدى: بىرلىككە كەلگەن، اشىق، ءتارتىپتى باسەكەلەسەتىن بازار جۇيەسىن قالىپتاستىرۋ − بازاردىڭ بايلىقتى ورنالاستىرۋدا شەشۋشى رول اتقارۋىنا مۇمكىندىك جاساۋدىڭ نەگىزى. كاسىپورىندار دەربەس شارۋاشىلىق جۇرگىزەتىن، ءادىل باسەكەلەسەتىن، تۇتىنۋشىلار ەركىن تاڭدايتىن، دەربەس تۇتىناتىن، تاۋار مەن فاكتورلار ەركىن اينالىمدا، ءادىل ايىرباسقا تۇسەتىن وسىزاماندانعان بازار جۇيەسىن جەدەل قالىپتاستىرىپ، بازار قامالىن تالقانداپ، بايلىقتى ورنالاستىرۋداعى ونىمدىلىك پەن ادىلدىكتى كۇشەيتۋ كەرەك. ءادىل، اشىق، جاريا بازار ەرەجەسىن ورناتىپ، باعانى باستىسى بازار بەلگىلەيتىن مەحانيزمدى كەمەلدەندىرىپ، قالا، اۋىلداردىڭ قۇرىلىسقا پايدالاناتىن ءبىر تۇتاس جەر بازارىن قۇرۋ، فينانس بازارى جۇيەسىن كەمەلدەندىرۋ، عىلىم-تەحنيكا ءتۇزىلىس رەفورماسىن تەرەڭدەتۋ كەرەك.

  جالپى ماجىلىستە مىنالار العا قويىلدى: عىلمي ماكرولىق رەتتەۋ-مەڭگەرۋ، ۇتىمدى ۇكىمەتتىك وڭاۋ − سوتسياليستىك بازار شارۋاشىلىعى ءتۇزىلىسى ابزالدىلىعىنىڭ ماندىك تالابى. ۇكىمەت فۋنكتسياسىنا، ءسوز جوق، بۇرىلىس جاساپ، اكىمشىلىك ءتۇزىلىس رەفورماسىن تەرەڭدەتىپ، اكىمشىلىك باسقارۋ ءتاسىلىن جاڭالاپ، ۇكىمەتتىڭ سەنىمدىلىگى مەن اتقارۋ قابىلەتىن كۇشەيتىپ، زاڭمەن باسقارىلاتىن ۇكىمەت جانە قىزمەت وتەۋ ۇلگىسىندەگى ۇكىمەت قۇرۋ كەرەك. ماكرولىق رەتتەۋ-مەڭگەرۋ جۇيەسىن   اقاۋسىزداندىرىپ، ۇكىمەت فۋنكتسياسىن جان-جاقتى دۇرىس اتقارىپ، ۇكىمەتتىڭ ۇيىمدىق قۇرىلىمىن ساپالاندىرىپ، عىلمي باسقارۋ دەڭگەيىن جوعارىلاتۋ كەرەك.

  جالپى ءماجىلىس مىنالاردى العا قويدى: قازىنا − مەملەكەتتى وڭاۋدىڭ نەگىزى جانە ماڭىزدى تىرەگى، عىلمي قازىنا-باجى ءتۇزىلىسى− بايلىقتى ساپالى ورنالاستىرۋدىڭ، بازاردىڭ تۇتاستىعىن قورعاۋدىڭ، قوعامنىڭ ادىلدىگىن جەبەۋدىڭ، مەملەكەتتىڭ باياندى تىنىشتىعىن جۇزەگە اسىرۋدىڭ تۇزىمدىك كەپىلى. زاڭ شىعارۋدى، ءسوز جوق، كەمەلدەندىرىپ، ءىس بيلىگىن ايقىنداپ، باجى تۇزىلىسىنە رەفورما جاساپ، باجى، سالىقتاردى ورنىقتىرىپ، مەجە ەسەپتى جاريا ۇستاپ،     ونىمدىلىكتى جوعارىلاتىپ، وسىزاماندانعان قازىنا ءتۇزىمىن ورناتىپ، ورتالىق پەن جەرگىلىكتى ورىنداردىڭ بەلسەندىلىگىن ساۋلەلەندىرۋ كەرەك. مەجە ەسەپتى باسقارۋ ءتۇزىمىن جاقسارتىپ، باجى ءتۇزىمىن كەمەلدەندىرىپ، ءىس بيلىگى مەن شىعىس جاۋاپكەرلىگى ءوزارا سايكەسكەن ءتۇزىمدى ورناتۋ كەرەك.

  جالپى ءماجىلىس مىنالاردى العا قويدى: قالا مەن اۋىل سىندى ەكى نەگىزدىك قۇرىلىم − قالا مەن اۋىل دامۋىنىڭ ءبىر تۇلعالانۋىن تەجەيتىن باستى كەدەرگى. سوندىقتان ءتۇزىلىس مەحانيزمىن، ءسوز جوق، اقاۋسىزداندىرىپ، ونەركاسىپ ارقىلى اۋىل شارۋاشىلىعىن جەبەيتىن، قالا ارقىلى اۋىلدى جەتەكتەيتىن، ونەركاسىپ پەن اۋىل شارۋاشىلىعى ءبىر-بىرىنە    تيىمدىلىك جاسايتىن، قالا، اۋىلدار ءبىر تۇلعالانعان ونەركاسىپ پەن اۋىل شارۋاشىلىعىنىڭ، قالا مەن اۋىلدىڭ جاڭاشا قاتىناسىن قالىپتاستىرۋ، شارۋالاردى   وسىزامانداندىرۋ بارىسىنا تەرەزەسى تەڭ تۇرعىدا ات سالىستىرۋ، وسىزامانداندىرۋ جەتىستىكتەرىنەن تەڭ يگىلىكتەندىرۋ كەرەك. جاڭاشا اۋىل شارۋاشىلىق تيجارات جۇيەسىن جەدەل قۇرىپ، شارۋالاردى اناعۇرلىم كوپ مال-مۇلىك ۇقىعىنان    يگىلىكتەندىرىپ، قالا، اۋىل فاكتورلارىنىڭ تەڭ تۇرعىدا ايىرباسقا ءتۇسۋىن، الەۋمەتتىك بايلىقتىڭ بىركەلكى ورنالاسۋىن ىلگەرىلەتىپ، قالا-قالاشىقتاندىرۋدى    اقاۋسىز دامىتۋ ءتۇزىلىس مەحانيزمىن كەمەلدەندىرۋ كەرەك.

  جالپى ءماجىلىس مىنالاردى العا قويدى: ەكونوميكانىڭ جاھاندانۋىنىڭ تىڭ بەتالىسىنا ۇيلەسۋدە، ءسوز جوق، ىشكە، سىرتقا ەسىك اشۋدىڭ ءوزارا جەبەۋىن  ىلگەرىلەتىپ، ەنگىزۋ مەن شىعارۋدى    ءتىپتى دە جاقسى ۇشتاستىرىپ، حالىقارالىق، ەل ءىشى ماڭىزدى فاكتورلارىنىڭ ءتارتىپتى، ەركىن اينالىمىن، بايلىقتى جوعارى ءونىمدى ۇلەستىرۋدى، بازاردى تەرەڭ توعىستىرۋدى جەبەپ، حالىقارالىق ەكونوميكالىق سەلبەستىككە، باسەكەگە ات سالىساتىن جانە وعان جەتەكشىلىك ەتەتىن تىڭ باسىمدىلىقتى جەدەل باۋلىپ، ەسىك اشۋ ارقىلى رەفورمانى جەبەۋ كەرەك. قارجى قوسۋعا رۇقسات ەتۋدى كەڭ ۇستاپ، ەركىن ساۋدا رايونى قۇرىلىسىن جەدەلدەتىپ، ىشكى قۇرلىقتاعى شەكارا بويلارىن اشۋدى كەڭەيتۋ كەرەك.

  جالپى ءماجىلىس مىنالاردى العا قويدى: سوتسياليستىك دەموكراتيالى ساياسيدى كەڭەيتۋدە، ءسوز جوق، حالىقتىڭ قوجايىندىق ورنىنا كەپىلدىك ەتۋدى    تياناق ەتىپ، حالىق قۇرىلتايى تۇزىمىنە، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ تۇزىمىنە، ۇلتتىق تەرريتوريالى اۆتونوميا تۇزىمىنە، سونداي-اق نەگىزگى ساتىداعى جۇرتشىلىقتىڭ ءوزىن-ءوزى باسقارۋ تۇزىمىنە تاباندى بولۋ جانە ونى كەمەلدەندىرۋ، دەموكراتيالىق  ءتۇزىمدى اقاۋسىزداندىرۋعا، دەموكراتيالىق فورمانى بايىتۋعا اناعۇرلىم دەن قويىپ، ەلىمىزدىڭ سوتسياليستىك ساياسي ءتۇزىمىنىڭ ابزالدىلىعىن تولىق ساۋلەلەندىرۋ كەرەك. حالىق قۇرىلتايى ءتۇزىمىنىڭ داۋىرمەن تەڭ ىلگەرىلەۋىن جەبەپ، كەڭەس دەموكراتياسىنىڭ كەڭ كولەمدى، كوپ ساتىلى تۇزىمگە قاراي دامۋىن ىلگەرىلەتۋ، نەگىزگى ساتى دەموكراتياسىن دامىتۋ كەرەك.

  جالپى ءماجىلىس مىنالاردى العا قويدى: زاڭمەن باسقارىلاتىن جۇڭگو قۇرۋدا، ءسوز جوق، ادىليا ءتۇزىلىسى رەفورماسىن تەرەڭدەتىپ، ءادىل، جوعارى ءونىمدى، بەدەلدى سوتسياليستىك ادىليا ءتۇزىمىن جەدەل ورناتىپ، حالىقتىڭ ۇقىق-مۇددەسىن قورعاۋ قاجەت. نەگىزگى زاڭنىڭ، زاڭداردىڭ بەدەلىن قورعاۋ، اكىمشىلىك زاڭ اتقارۋ ءتۇزىلىسى رەفورماسىن تەرەڭدەتۋ، سوت جۇرگىزۋ ۇقىعىن، تەكسەرۋ  ۇقىعىن زاڭ بويىنشا دەربەس، ءادىل جۇرگىزۋگە شىنايى كەپىلدىك ەتىپ،    ادىليا ۇقىعىنىڭ اتقارىلۋ مەحانيزمىن  اقاۋسىزداندىرىپ، ادامدىق ۇقىقتى ادىليالىق جاقتان قامتاماسىزداندىرۋ ءتۇزىمىن كەمەلدەندىرۋ كەرەك.

  جالپى ءماجىلىس مىنالاردى العا قويدى: ۇقىقتى، ءىستى، ادامدى تۇزىممەن باسقارىپ، مەڭگەرىپ، ۇقىقتى حالىققا باقىلاتقىزىپ، ۇقىقتى اشىق، جاريا جۇرگىزۋ ۇقىقتى تۇزىممەن مەڭگەرۋدەگى   ءتۇبىرلى شارا. ءسوز جوق، شەشىم جاساۋى عىلمي، اتقارۋى باتىل، باقىلاۋى پارمەندى ۇقىق جۇرگىزۋ جۇيەسىن جەدەل قۇرىپ، ءىرىپ-شىرىگەندەردى جازالاۋ جانە     ءىرىپ-ءشىرۋدىڭ الدىن الۋ جۇيەسىن  اقاۋسىزداندىرۋ، ساياسيدى كىرشىكسىزدەندىرىپ، كادرلاردىڭ كىرشىكسىز، ۇكىمەتتىڭ پاك، ساياساتتىڭ ايقىن بولۋىن قۇلشىنا جۇزەگە اسىرۋ كەرەك. ۇقىقتى تەجەۋدىڭ جانە سايكەستىرۋدىڭ عىلمي، ءونىمدى مەحانيزمىن قالىپتاستىرىپ، ءىرىپ-شىرۋگە قارسى تۇرۋ ءتۇزىلىس مەحانيزمىندە جاسامپازدىق پەن ءتۇزىم كەپىلدىگىن كۇشەيتىپ، ستيلدى جاقسارتۋدىڭ باياندى ءتۇزىمىن اقاۋسىزداندىرۋ كەرەك.

  جالپى ءماجىلىس مىنالاردى العا قويدى: مادەنيەتتە قۇدىرەتتى سوتسياليستىك ەل قۇرىپ، مەملەكەتتىڭ مادەنيەت جۇمساق قۋاتىن كۇشەيتۋدە، ءسوز جوق، سوتسياليستىك وزىق مادەنيەتتىڭ العا باسۋ باعىتىنا تاباندى بولىپ، جۇڭگوشا سوتسياليستىك مادەنيەتتى دامىتۋ جولىنان جازباي، حالىقتى وزەك ەتكەن قىزمەت بەتالىسىندا تاباندى بولىپ، مادەنيەت ءتۇزىلىسى رەفورماسىن ونان ارى تەرەڭدەتۋ كەرەك. مادەنيەتتى باسقارۋ ءتۇزىلىسىن كەمەلدەندىرىپ، وسى زامانعى مادەنيەت بازارى جۇيەسىن قۇرىپ جانە  اقاۋسىزداندىرىپ، وسى زامانعى الەۋمەتتىك مادەنيەت قىزمەت وتەۋ جۇيەسىن ورناتىپ، مادەنيەت جاعىنداعى ەسىك اشۋ ورەسىن جوعارىلاتۋ كەرەك.

  جالپى ءماجىلىس مىنالاردى العا قويدى: بۇكىل حالىقتى دامۋ جەتىستىكتەرىنەن ءتىپتى كوپ، ءتىپتى ءادىل يگىلىكتەندىرۋدە، ءسوز جوق، قوعامدىق ىستەردىڭ رەفورماسىن جەدەلدەتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن ويداعىداي ءبىر جايلى ەتىپ، حالىقتىڭ قاجەتىن بارىنشا قاناعاتتاندىرۋ كەرەك. وقۋ-اعارتۋ سالاسىنداعى جالپىلىق رەفورمانى تەرەڭدەتۋ، كاسىپتەندىرۋدى، شارۋاشىلىق قۇرۋدى جەبەۋ ءتۇزىلىسى مەحانيزمىن اقاۋسىزداندىرىپ، لايىقتى، ءتارتىپتى كىرىس   ءبولىسى جاعدايىن قالىپتاستىرىپ، اناعۇرلىم ءادىل، باياندى قوعامدىق قامتاماسىزداندىرۋ ءتۇزىمىن قۇرىپ، ەمدەۋ، ءدارى-دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ كەرەك.

  جالپى ءماجىلىس مىنالاردى العا قويدى: قوعامدىق باسقارۋدى جاڭالاۋدا، ءسوز جوق، ەڭ كەڭ حالىق بۇقاراسىنىڭ ءتۇبىرلى مۇددەسىن قورعاۋدى كوزدە ۇستاپ، جاراسىمدىلىق فاكتورلارىن بارىنشا مولايتىپ، قوعام دامۋىنىڭ ومىرشەڭدىك كۇشىن نىعايتىپ، قوعامدى وڭاۋ ورەسىن جوعارىلاتىپ، مەملەكەتتىڭ حاۋىپسىزدىگىن قورعاۋ، حالىقتىڭ قام-قايعىسىز تىرشىلىك ەتۋىنە، قوعامنىڭ تىنىش،   ءتارتىپتى بولۋىنا شىنايى كەپىلدىك ەتۋ كەرەك. قوعامدى وڭاۋ ءتاسىلىن جاقسارتىپ، قوعامدىق ۇيىمداردىڭ ومىرشەڭدىك كۇشىن قوزداتىپ، قوعامدىق قايشىلىقتان ءونىمدى ساقتاناتىن جانە ونى شەشەتىن تۇزىلىستە جاڭالىق جاساپ، الەۋمەتتىك حاۋىپسىزدىك جۇيەسىن اقاۋسىزداندىرۋ كەرەك. مەملەكەتتىك حاۋىپسىزدىك كوميتەتىن قۇرىپ، مەملەكەتتىڭ حاۋىپسىزدىك ءتۇزىلىسى مەن مەملەكەتتىڭ حاۋىپسىزدىك ستراتەگياسىن كەمەلدەندىرىپ، مەملەكەتتىڭ حاۋىپسىزدىگىنە شىنايى كەپىلدىك ەتۋ كەرەك.

  جالپى ءماجىلىس مىنالاردى العا قويدى: ەكولوگيا وركەنيەتىن ورناتۋدا، ءسوز جوق، جۇيەسى كەمەلدى ەكولوگيالىق وركەنيەت ءتۇزىمى جۇيەسىن ورناتىپ،   ەكولوگيالىق ورتانى تۇزىممەن قورعاۋ كەرەك. تابيعي بايلىق، مال-مۇلىك   ۇقىعى ءتۇزىمى مەن ىستەتىلۋىن قاداعالاۋ ءتۇزىمىن اقاۋسىزداندىرىپ، ەكولوگيانى قورعاۋدىڭ ەڭ تومەنگى شەگىن بەلگىلەپ، بايلىقتان اقىلى پايدالانۋ ءتۇزىمى مەن  ەكولوگياعا تولەم بەرۋ ءتۇزىمىن اتقارىپ، ەكولوگيالىق ورتانى قورعاۋ، باسقارۋ ءتۇزىلىسىن رەفورمالاۋ كەرەك.

  جالپى ءماجىلىس مىنالاردى العا قويدى: پارتيانىڭ جاڭا جاعدايدا ارميانى قۇدىرەتتەندىرۋدەگى پارتيانىڭ قولباسشىلىعىنا قۇلاق اساتىن، سوعىستا جەڭەتىن، ستيلى تاڭداۋلى حالىق ارمياسىن قۇرۋ نىساناسىن بەرىك ارقاۋ ەتىپ، مەملەكەت قورعانىسى مەن ارميا قۇرىلىسىنىڭ دامۋىنا تۇساۋ بولاتىن كورنەكتى قايشىلىق پەن ماسەلەنى كۇش سالا شەشىپ، اسكەري ىستەر نازارياسىن دامىتۋدا جاڭالىق جاساپ، اسكەري ىستەر ستراتەگياسىنا جەتەكشىلىك ەتۋدى كۇشەيتىپ، جاڭا داۋىردەگى اسكەري ىستەر ستراتەگياسى باعىتىن كەمەلدەندىرىپ، جۇڭگوشا وسىزاماندانعان اسكەري كۇش جۇيەسىن قۇرۋ كەرەك. ارميا ءتۇزىلىسىن، شتاتىن رەتتەۋ رەفورماسىن تەرەڭدەتىپ، ارميانىڭ ساياسات ءتۇزىمىن رەتتەۋ رەفورماسىن جەبەپ، ارميا مەن حالىقتىڭ ءسىڭىسىپ، ىشكەرىلەي دامۋىن ىلگەرىلەتۋ كەرەك.

  جالپى ءماجىلىس مىنالاردى باسا دارىپتەدى: رەفورمانى جاپپاي تەرەڭدەتۋدە، ءسوز جوق، پارتيانىڭ باسشىلىعىن كۇشەيتىپ جانە جاقسارتىپ، پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، پارتيانىڭ باسشىلىق ەتۋ ورەسى مەن بيلىك جۇرگىزۋ قابىلەتىن جوعارىلاتىپ، رەفورمادا تابىسقا جەتۋگە شىنايى كەپىلدىك ەتۋ كەرەك. ورتالىق رەفورمانى جاپپاي تەرەڭدەتۋ باسشىلىق گرۋپپاسىن قۇرىپ، رەفورمانىڭ تۇلعالىق جوباسىن جاساۋعا، ءبىر تۇتاس ورنالاستىرىپ، جاپپاي سايكەستىرۋگە، تۇلعالىق جاقتان ىلگەرىلەتۋگە، قۋزاۋشىلىق ەتىپ تياناقتاندىرۋعا جاۋاپتاندىرادى. ءار دارەجەلى پارتكوم   رەفورماعا باسشىلىق ەتۋ جاۋاپكەرشىلىگىن شىنايى ادا ەتۋى كەرەك. كادرلار   ءتۇزىمى رەفورماسىن تەرەڭدەتىپ، دارىندىلاردى ۇيىستىرۋ ءتۇزىلىسى مەحانيزمىن ورناتىپ، حالىق جۇرتشىلىعىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، جەرگىلىكتى ورىنداردى، نەگىزگى ساتى مەن جۇرتشىلىقتى جۇرەكتىلىكپەن ىزدەنىس جاساۋعا شابىتتاندىرىپ، تاجىريبەلەردى دەر كەزىندە قورىتىندىلاپ وتىرۋ كەرەك.

  جالپى ءماجىلىس قازىرگى جاعداي مەن مىندەتتەرگە تالداۋ جاساي كەلىپ، مىنانى باسا دارىپتەدى: بۇكىل پارتياداعى جولداستار يدەيا مەن ارەكەتتى ورتالىقتىڭ رەفورمانى جاپپاي تەرەڭدەتۋ جونىندەگى كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، العا ۇمتىلۋ تانىمىن، وراي تانىمىن، جاۋاپكەرشىلىك تانىمىن كۇشەيتىپ، باعىتتى بەرىك    يگەرىپ، اماليات بارىسىندا جۇرەكتىلىكپەن ىزدەنىس جاساپ، ءبىر تۇتاس جوسپارلاپ سايكەستىرۋگە دەن قويىپ،     رەفورمانىڭ ورتاق تانىمدارىن ۇيىستىرىپ، باسشىلىق جاۋاپكەرشىلىكتى تياناقتاندىرىپ، ورتالىقتىڭ رەفورما جاساۋ شەشىمدەرى مەن ورنالاستىرۋلارىن بۇلجىتپاي جۇزەگە اسىرۋ ءتيىس. ورتالىقتىڭ شەشىمدەرى مەن ورنالاستىرۋلارىنا ساي ورنىقتىلىق بارىسىندا ىلگەرىلەۋگە، ورنىقتىلىق بارىسىندا ۇلەس قوسۋعا تاباندى بولىپ، ءتۇرلى قىزمەتتەردى جاقسى ىستەپ، ەكونوميكالىق، قوعامدىق دامۋدىڭ تەبىنىن ساقتاپ، بۇقاراعا، وتە-موتە،    قيىنشىلىعى بار جۇرتشىلىققا كوڭىل ءبولۋ، قوعامنىڭ جاراسىمدىلىعىن، ورنىقتىلىعىن قورعاۋ، پارتيانىڭ بۇقارالىق لۋشيان تاربيەسى جانە امالياتتىق قيمىلىن ۇزدىكسىز تىڭعىلىقتى ىلگەرىلەتىپ، ەكونوميكالىق، قوعامدىق دامۋدىڭ    مەجەدەگى نىساناسىن قۇلشىنا جۇزەگە  اسىرۋ كەرەك.

  جالپى ءماجىلىس بۇكىل پارتياداعى جولداستاردى شي جينپيڭ جولداس باس شۋجي بولعان پارتيا ورتالىعىنىڭ توڭىرەگىنە تىعىز ىنتىماقتاسىپ، ءورىس اشا العا ىلگەرىلەپ، قيىن تۇيىندەردەن قامال الىپ، رەفورما جاساۋ، ەسىك اشۋ ۇلى   ءىسىنىڭ تاريحي تىڭ داستانىن جازىپ، جاپپاي دوڭگەلەك داۋلەتتى قوعام قۇرىپ، جۇڭگوشا سوتسياليزم ىستەرىنىڭ تىڭ جەڭىسىنە تىنباي قول جەتكىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن جۇڭگو ارمانى ءۇشىن كۇرەسۋگە ۇندەدى!

 
« شينجياڭ گازەتىنەن»


    رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn