ەەڭ جاڭا مازمۇندار
2019- جىلى 9-ايدىڭ 20-كۇنى 218-سان
جۇڭحۋا حالىق رەسپۋبليكاسى ءتوراعاسىنىڭ بۇيرىعى
مەملەكەت ءتوراعاسى شي جينپيڭ ءتوراعا بۇيرىعىنا قول قويدى
نەگىزگى ارقاۋدى كورنەكتىلەندىرىپ، رەتتەۋ-تۇزەتۋگە كىرىسىپ، ناقتى ونىمدىلىگىنە ءمان بەردى
شىنياڭنىڭ اۋىز قۋىسى اۋرۋلارى ماماندارى شاۋەشەككە كەلدى
مادەنيەت-دەنە تاربيە ىستەرى كوركەيە ءتۇستى
تۇرمىسىمىز بارعان سايىن جاقسارا ءتۇستى
شاعانتوعاي: قارجى ۇسىنىلىمىن ارتتىرىپ، ساياحاتتىڭ نەگىزىن بەكەمدەدى
دوستىق داۋرەن رەستورانىنىڭ قاقتامالارى مەن ءدامدى تاعامدارى
2019-جىلى 9-ايدىڭ 19-كۇنى 217-سان
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، «ۇشتە ۇلگى» بولۋدى امالياتتا ايگىلەپ، ونەگەلى ورگان قۇرۋعا قۇلشىنۋ كەرەك
حاۋىپسىز، تىزگىندەمەلى بولۋعا جانە اشىق، جاسامپاز بولۋعا بىردەي ءمان بەرۋدەن جازباي، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن،حاۋىپسىزدىك سەزىمىن جوعارىلاتۋ كەرەك
ايماعىمىز جاراسىمدى، ەكولوگياسى كوركەم، قونىستانۋعا جايلى ورتا جاراتۋعا كۇش سالدى
تەرەڭدەي ۇيرەنىپ، ەگجەي-تەگجەيلى ۇعىنىپ، دەن قويا سالىستىرىپ، شىنايى ىستەدى
سوتسياليستىك وزگەرىس جاساۋدىڭ ورىندالۋى
جۇڭحۋا ۇلتىنىڭ ۇلى شاڭىراعى
جۇڭگونىڭ ءوز جولى جونىندەگى تولعانىس جانە ىزدەنىس
شۇعىلالى مادەنيەتتى ايگىلەپ، وتانعا دەگەن سۇيىسپەنشىلىكتى ءبىلدىردى
مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز
شيحۋ سىراسى ءوندىرىستى قاربالاس جۇرگىزۋدە
نىسانانى ايقىنداپ، نەگىزگى تاقىرىپتىق تاربيەنى جوعارى ساپالى ورىستەتتى
مەملەكەت تۋىن ءىلىپ، مەملەكەت مەرەكەسىن قارسى الدى
شيحۋ: وقۋ-اعارتۋدى بارىنشا دامىتىپ، بۇقاراعا تيىمدىلىك جەتكىزدى
2019-جىلى 9-ايدىڭ 18-كۇنى 216-سان
ءدوربىلجىن اۋدانىنىڭ ساياحات كورىنىس تۇيىندەرى(1)
جۇڭچيۋ مەرەكەسىن قارسى الۋ ۇلتتار ىنتىماعى دوستىق قيمىلىن وتكىزدى
قىزىقتى دەنە تاربيە جارىسىمەن جۇڭچيۋ مەرەكەسىن قارسى الدى
ءدوربىلجىن: «مەيىرىم ايكۇلشەسى» جان شۋاعىنا بولەدى
ءتۇپ نۇسقانى وقىپ، ءماتىندى ۇيرەنىپ، قاعيدانى ۇعىندى
شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتايىق

بىنشي شينجياڭعا كومەكتەسىپ،«كەدەيلەردى سۇيەمەلدەۋدە اقىل-پاراسات جاعىنان سۇيەمەلدەپ»،مول قارجى قوسىپ،ۇلكەن ءىس تىندىردى

جولدانعان ۋاقىتى : 2019/6/6 16:37:32

 ـــ لياۋنيڭ ولكەسى بىنشي قالاسىنان شينجياڭعا كومەككە كەلگەن قىزمەت اترەتىنىڭ تۇيىندە تۇرىپ تەكسەرىپ-زەرتتەۋ بايانداماسى
  ءتىلشىمىز ۋاڭ گاۋشىڭ 
 
2011 -جىلى لياۋنيڭ ولكەسىنىڭ بىنشي قالاسى تولى اۋدانىنا باعىتتامالى كومەكتەستى.
 
وتكەن 8 جىلدا بىنشيدان  شينجياڭعا   كومەككە كەلگەن قىزمەت اترەتى قولىنان كەلگەن كومەكتەرىن اياماي،«قاتتى بولشەك، جۇمساق بولشەك» قۇرىلىسىندا ەكى ءتۇرلى شارانى قاتار قولدانىپ،كەدەيلەردى سۇيەمەلدەۋ مەن اقىل- پاراسات جاعىنان سۇيەمەلدەۋدى بىرگە ىلگەرىلەتىپ،نەگىزگى قۇرىلعىلارعا قوماقتى قارجى قوسىپ،وقۋ –اعارتۋ سالاسىنا زور ءىس تىندىرىپ،تولى اۋدانىنىڭ كەدەيلىكتەن ءساتتى قۇتىلىپ،كەدەيلىك قالپاعىن الىپ تاستاۋىنا بار كۇشپەن كومەك كورسەتتى.
 
بار كۇشىن سالىپ،حالىق تۇرمىسىنا تيىمدىلىك جاسادى 
 
2011-جىلدان بەرى بىنشي تولى اۋدانىنداعى 112 قۇرىلىس نىسانىنا كومەكتەسىپ، شينجياڭعا كومەكتەسۋ قارجىسى جيىنى 866 ميلليون يۋانعا جەتكەن. بۇل قارجىنىڭ %80 تىن حالىق تۇرمىسى قۇرىلىسىنا جۇمساعان،  بەيقۇت ءۇي سالۋعا،لاشىقتى ءوڭىر جانە  قاتەرلى،ەسكى ۇيلەردى جاڭالاپ سالۋعا قولداپ -قۋاتتاۋ كورسەتسە،جىلۋمەن   شوعىرلى قامداۋ ماسەلەسىن شەشىم ەتىپ،  ءبىر توپ مەكتەپ پەن شيپاحانانىڭ الەۋمەتتىك قۇرىلعىلارىن جاڭادان جانە كەڭەيتىپ سالىپ بەرىپ،ءار ۇلت بۇقاراسىنىڭ ءوندىرىس، تۇرمىس نەگىزىن نىعايتىپ،كەدەيلىكتەن    ارىلتۋدان قامال الۋدىڭ ناتيجەسىن اناعۇرلىم    بەكەمدەپ،دارەجەسىن جوعارىلاتۋعا مىعىم كۇش توپتاعان. 
 
شينجياڭعا كومەككە كەلگەن ءبىرىنشى جىلى بىنشي 52 ميلليون 240 مىڭ يۋان قارجى قوسىپ،تولى اۋدانىنىڭ جىلۋمەن شوعىرلى قامداۋ 2-مەرزىمدىك ينجەنەرياسىنا كومەكتەستى. نىسان 2011-جىلى 6-ايدان باستاپ جۇمىس باستاعان. جاڭادان سالىنعان الاڭ 7049 شارشى مەتر،46 توننالىق جانە  58 توننالىق جوعارى تەمپەراتۋرالى ىستىق سۋ پار قازانىنىڭ اربىرەۋىنەن بىردەن جانە قوسالقى جابدىقتاردى دا ساتىپ الىپ،ورناتىپ بەرگەن. جاڭادان 5 جىلى سۋ اۋىستىرعىش پۋنكتىن سالىپ،7307 مەتر كەلگەن جىلۋمەن قامداۋ قۇبىر تورىن جاتقىزىپ،ىستەتىلگەن جالپى قارجى 58 ميلليون 510 مىڭ يۋانعا جەتكەن، مۇنىڭ ىشىندە 52 ميلليون 240 مىڭ يۋانى شينجياڭعا كومەك قارجىدان كەلگەن. 
 
ۇعىسۋعا قاراعاندا،تولى اۋدانىنىڭ جىلۋمەن قامداۋ سەرىكتەستىگى 2005-جىلى رەسمي قۇرىلعان. 2007-جىلدان باستاپ جىلۋمەن شوعىرلى قامداي باستاعانىمەن،سول كەزدە 15 توننالىق،20 توننالىق،40 توننالىق پار قازانىنىڭ اربىرەۋىنەن بىردەن  بار بولىپ، جىلۋمەن قامداۋ كولەمى تەك  900 مىڭ شارشى مەتر،قامتۋ مولشەرى % 80  عانا بولعان،سونىمەن بىرگە،مۇنداي سيىمدىلىعى كىشكەنە توننالىق پار قازانىندا ورتانى لاستاۋ،جىلۋدان پايدالانۋ مولشەرى تومەن،باقىلاپ-باسقارۋ قيىن بولۋ سياقتى ماسەلەلەر دە ساقتالعان. 
 
جىلۋمەن قامداۋ سەرىكتەستىگىنىڭ كەڭسە مەڭگەرۋشىسى چۇن جىچياڭ: «شينجياڭعا  كومەكتەسۋ قارجىسىنىڭ پارمەندى قۋاتتاۋىنىڭ ارقاسىندا،2013-جىلى 5-ايدا 2-مەرزىمدىك ينجەنەريا ءساتتى تامامدالىپ ءارى ىسكە قوسىلىپ،جىلۋمەن قامداۋ كولەمى ءبىر ميلليوننان استام شارشى مەترگە جەتىپ،قامتۋ مولشەرى %95 تەن استى،سونىمەن بىرگە، جىلىتۋ تەمپەراتۋراسىنىڭ تۇراقتىلىعى دا   تۇرعىنداردى جاپپاي رازى ەتىپ،28 مىڭ تۇرعىننىڭ قىسقى جىلۋمەن قامداۋ ماسەلەسىن تۇبەگەيلى شەشىمدەدىك» دەدى. 
 
تولى اۋدانى حالىق شيپاحاناسى 1953-جىلى قۇرىلعان،2013-جىلدان بۇرىن شيپاحانادا 161 توسەك ورنى عانا بار بولاتىن. 2010-جىلى 3-ايدا جاڭا شيپاحانانى سالۋ جۇمىسى باستالعان،جالپى كولەمى   13332.73 شارشى مەترلىك بۇل قۇرىلىسقا جالپى 39 ميلليون 600 مىڭ يۋان قارجى قوسىلعان،مۇنىڭ ىشىندە 8 ميلليون يۋانى    لياۋنيڭنىڭ شينجياڭعا كومەك قارجىسىنان كەلگەن.
 
سول جىلى 5-ايدا شينجياڭعا كومەكتەسۋ قارجىسىمەن جاڭادان سالىنعان امبولاتوريا  عيماراتى مەن بالنيتسيا عيماراتى دا ىسكە   قوسىلىپ،كولەمى 23 مىڭ شارشى مەتر،    300 توسەك ورنى بار قۇرىلىس اۋدانداعى ءار ۇلت بۇقاراسىنىڭ سالاماتتىق قاجەتىن  قاناعاتتاندىرىپ،ەمدەلۋ قيىن بولۋ،ەمدەلۋ اقىسى قىمبات بولۋ ماسەلەسىن نەگىزىنەن شەشىم ەتكەن.
 
شيپاحانانىڭ ورىنباسار باستىعى لي يۇڭشيان:  «جاڭا شيپاحانا ىسكە قوسىلعاننان كەيىن ءار ۇلت بۇقاراسىنىڭ،اسىرەسە،ەگىن-مال شارۋاشىلىق رايونىنداعى بۇقارانىڭ اۋرۋ سەبەبىنەن كەدەيلەسۋ،كەدەيلىك سەبەبىنەن اۋرۋ بولۋ، اۋرۋ سەبەبىنەن قايتا كەدەيلەسۋ ماسەلەسىن زور كۇشپەن شەشىمدەپ،بۇكىل اۋداننىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىندە ماڭىزدى تىرەكتىك رول اتقاردى» دەدى.
 
 بار كۇشتى سارقا جۇمساپ، وقۋ-اعارتۋدى كۇشەيتتى 
 
تولى اۋداندىق 2-ورتا مەكتەپ 1974-جىلى سالىنعان،ورتالاۋ،تولىق ورتا كلاسى  ءبارى بار بولعانىمەن،مەكتەپتىڭ جالپى وقۋشى سانى 1000 عا جەتپەيدى. تولىق ورتا كلاسىنان نە بارى 2 كلاس قانا بار بولىپ،وقۋشى سانى جۇزگە دە جەتپەيتىن. 
 
2014-جىلى اۋداندىق 2-ورتا مەكتەپ وراسان زور وزگەرىس ورايىنا يە بولدى. بىنشي قالاسى 11 ميلليون 630 مىڭ يۋان قارجى قوسىپ،ىزگىلىك عيماراتى مەن دەنە تاربيە عيماراتىن سالدى،دەنە تاربيە عيماراتىنىڭ كولەمى 1289 شارشى مەتر،ىزگىلىك عيماراتىنىڭ كولەمى 3902 شارشى مەتر. 
 
ىلە-شالا تاعى دا شينجياڭعا كومەكتەسۋ قارجىسىنان 10 ميلليون 500 مىڭ يۋان قارجى شىعارىپ،مەكتەپتىڭ قاقپاسىن،قورعانىن    جاڭالاپ،ەسىك الدىن جاسىلداندىرۋ،الاڭدى قاتتىلاندىرۋ سياقتى جۇمىستاردى جۇرگىزدى؛شينجياڭعا كومەكتەسۋ قارجىسىنان 4 ميلليون 800 مىڭ يۋان قارجى شىعارىپ،كوپ مەديالى وقىتۋ كلاسى مەن تاجىريبەحانانى جاڭادان سالىپ،كومەكشى جابدىقتاردى ساتىپ الىپ بەردى. 
2014-جىلى اۋداندىق 2-ورتا مەكتەپ جاڭا مەكتەپكە كوشىپ بارعاننان كەيىن    تولىق ورتا كلاستارىنداعى وقۋشىلاردىڭ سىرت ورىنعا كەتىپ قالۋ جاعدايى ازايىپ،قايتىپ كەلگەندەر كوبەيدى. 2017-جىلى تولىق ورتا جىلدىعىنداعى وقۋشىلاردىڭ سانى 700 گە جەتسە،مەكتەپتەگى جالپى وقۋشى سانى 2000 عا جەتتى. 2018-جىلى مەكتەپتەردى بىرىكتىرگەننەن كەيىن اۋداندىق 2-ورتا مەكتەپ دەربەس تولىق ورتا مەكتەپكە اينالدى. 
 
اۋداندىق 2-ورتا مەكتەپتە 21 جىل قىزمەت ىستەپ،قازىر مەكتەپتىڭ پارتيا ياچەيكاسىنىڭ شۋجيى بولعان لي سايلي: «شينجياڭعا كومەكتەسۋ قارجىسىنىڭ جاردەمىندە 2-ورتا   مەكتەپتىڭ نەگىزگى قۇرىلعىلارى مەن وقىتۋ ساپاسىندا كورنەكتى جوعارىلاۋ بولدى. 2016-جىلعى جوعارى مەكتەپ ەميتحانىندا تولى اۋدانى تاريحىندا تۇڭعىش چيڭحۋا  داشۋەسىنە وقۋشى قابىلداندى. تاريحي سيپاتتى وسى جاقسى ناتيجەنىڭ قولعا كەلۋى 2-ورتا مەكتەپتىڭ ماقتانىشى بولىپ قانا قالماستان، اۋداننىڭ دا ماقتانىشى،اسىرەسە،شينجياڭعا كومەككە كەلگەن وقىتۋشىلاردىڭ قاجىرلى ەڭبەگى مەن تىنباي قۇلشىنۋىنىڭ ناتيجەسى» دەدى. 
 
2018-جىلى تولى اۋدانىنىڭ جاڭادان سالعان تەسپاققان قوس ءتىلدى جاتاقتى مەكتەبىنىڭ (تولى اۋداندىق 4-باستاۋىش مەكتەپ) يەلەگەن جەر كولەمى 31867 شارشى مەتر    بولىپ،30 كلاس اشۋدى جوسپارلاعان،نىسانعا جيىنى 80 ميلليون يۋان قارجى قوسىلدى. 
 
بىنشي قالاسى وقۋ-اعارتۋ ارقىلى شينجياڭعا كومەكتەسۋگە جالعاستى كۇش شىعارىپ،   نىساننىڭ 1-مەرزىمدىك قۇرىلىسىنا كومەكتەسىپ سالۋ قارجىسىنان 20 ميلليون يۋان قارجى قوسىپ،اكىمشىلىك ۋنيۆەرسال عيماراتى،اسحانا جانە جاتاق عيماراتىن جاڭادان سالىپ،قۇرىلىس كولەمى 9500 شارشى مەترگە جەتىپ،سول جىلى 11-ايدىڭ سوڭىندا قۇرىلىستىڭ نەگىزگى تۇلعاسى تولىق سالىنىپ بولعان. 
 
بيىل نىساننىڭ 2-مەرزىمدىك قۇرىلىسىنا كومەكتەسىپ سالۋ قارجىسىنان 28 ميلليون 800 مىڭ يۋان شىعارىپ،قۇرىلىس كولەمى 11000 شارشى مەتر كەلەتىن وقىتۋ عيماراتىن جاڭادان سالۋدى جوسپارلاۋدا. كەزەكتە     العاشقى مەرزىمدىك دايىندىق قىزمەتىن ورىنداپ بولىپ،مەردىگەر شاقىرۋ،مەردىگەرلىككە الۋ جۇمىسىن جۇرگىزۋگە دايىندالۋدا. 
 
اۋداندىق وقۋ-اعارتۋ،عىلىم-تەحنيكا مەكەمەسىنىڭ نىسان قىزمەتىنە جاۋاپتىسى   ۋاڭ حۇڭبين: «مەكتەپ سالىنىپ بولعان سوڭ قالا مەن اۋىلداعى باستاۋىش مەكتەپ وقۋشىسىنان 1500 ىن ءبولىپ ورنالاستىرىپ،   قازىرگى باستاۋىش مەكتەپتەردىڭ وقۋشى  قابىلداۋ جانە وقىتۋ جاعىنداعى قىسىمىن بارىنشا جەڭىلدەتۋگە  بولادى. باستاۋىش مەكتەپ وقۋشىلارىنىڭ تۇرمىس،ۇيرەنۋ ورتاسى   تۇبەگەيلى جاقسارىپ،وقىتۋ قاتتى بولشەك قۇرىلعىلارى ءتىپتى دە كەمەلدەنىپ،وقىتۋ ساپاسىن جوعارىلاتۋعا بەلسەندى جەبەۋشىلىك رولىن اتقارادى» دەدى. 
 
ۇعىسۋعا قاراعاندا،2018-جىلعا دەيىن بىنشي قالاسى وقۋ-اعارتۋ ارقىلى شينجياڭعا كومەكتەسۋگە جيىنى 65 ميلليون 350 مىڭ يۋان قارجى قوسىپ،نەگىزدىك قۇرىلعى جانە كومەكشى قۇرىلعى قۇرىلىسىنا پايدالانعان. 
 
سونىمەن بىرگە،«لياۋنيڭ بىنشي كلاسىن» اشۋ،«ءبىر وقىتۋشى ءۇش وقىتۋشىنى جەتەكتەۋ» سىندى جۇپ قۇراپ كومەكتەسۋ-جەتەكتەۋ،«وقۋ-اعارتۋدى شينجياڭعا جەتكىزۋ» سياقتى قيمىلداردى بەلسەنە ورىستەتىپ،  اۋداننىڭ وقۋ-اعارتۋ ورەسىن جاپپاي جوعارىلاتتى. كەزەكتە  شينجياڭعا كومەككە    كەلگەن 74 وقىتۋشى ۇلگىلى ساباق ءوتۋ،ۇلكەن ساباقحانا سياقتى قيمىلداردى 450 مايدان رەت ورىستەتىپ،جەرگىلىكتى ورىنداعى 600 دەن ارتىق وقىتۋشىعا كومەكتەسىپ جانە   جەتەكتەپ،وقىتۋشىلار قوسىنىنىڭ «قان بەرۋدى» قابىلداۋدان ءوز الدىنا «قان جاساۋعا» ءوتۋىن بەلسەندى جەبەدى. 
 
اۋداندىق 2-ورتا مەكتەپتىڭ ورىنباسار مەكتەپ باستىعى،التىنشى توپتاعى وقۋ-اعارتۋ ارقىلى شينجياڭعا كومەكتەسۋ اترەتىنىڭ   باستىعى ۋاڭ حۇي ماقتانىشپەن: «كوپشىلىكتىڭ بىرلىكتە قۇلشىنۋىندا ءۇرتىس بىرنەشە جىلدان بەرى تولى اۋدانىنىڭ تولىق كۋرسكە قابىلدانۋ سالىستىرماسى %30 تەن اسىپ،ايماقتاعى    ادەتتەگى جوعارى مەكتەپتەردىڭ ىشىندە    الدىڭعى 3 ورىن ىشىندەگى ناتيجەسىن ورنىقتى ساقتاپ،ءبىر توپ وقۋشى ايگىلى داشۋەگە قابىلدانىپ،چيڭحۋا داشۋەسىنە وقۋشى     قابىلدانباۋ وتكەلىن بۇزدى» دەدى. 
 
«ءور-اسۋدى قۇرىش قامال دەمە استە  وتە الماس،بۇگىن قايتا اسساق تا قادام    تالماس». وتكەنگە قايىرىلا قاراۋ بولاشاققا  ءتىپتى دە جاقسى نازار سالۋ ءۇشىن. 2019-جىلى   كەدەيلىكتەن ارىلتۋدان قامال الۋدىڭ شەشۋشى جەڭىسىنە جەتۋ كەزەڭىندەگى    ماڭىزدى جىل. بىنشي قالاسى شينجياڭعا   كومەكتەسۋگە تاعى دا جالعاستى قوماقتى قارجى قوسىپ،جاڭادان 15 نىسان قۇرىلىسىن   جۇرگىزىپ،شينجياڭعا  كومەكتەسۋ قارجىسىنان 106 ميلليون يۋان قوسۋدى جوسپارلاپ،تولى اۋدانىنىڭ كەدەيلىكتەن ارىلتۋدان قامال الۋ ناتيجەسىن بەكەمدەپ،دارەجەسىن جوعارىلاتۋىنا جالعاستى كومەكتەسىپ،اۋدانداعى ءار ۇلت جۇرتشىلىعىنىڭ بىرلىكتە اۋقاتتانىپ،دوڭگەلەك داۋلەتتى قوعام قۇرۋعا ۇمتىلۋىنا ۇلەس قوسپاقشى. 


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn