ەرىكتى ءتىلشى فىڭ گۋاڭفۋ حابارلايدى. 5-ايدىڭ 19-كۇنى ايماقتىق،شاۋەشەك قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ،شاۋەشەك قالالىق باس جۇمىسشىلار ۇيىمىنىڭ بىرلەسپە گرۋپپاسى كاسىپورىندارعا بارىپ،پارتيا تاريحىن ۇيرەنۋ تاربيەسىمەن ۇشتاستىرا وتىرىپ،«پارتيا تاريحىن ۇيرەنىپ،بۇقارا ءۇشىن ناقتى ءىس ىستەپ،كاسىپورىندارعا ساياسات جەتكىزىپ،قيىن ماسەلەلەردى شەشۋ» قيمىلىن ورىستەتتى.
بىرلەسپە گرۋپپا ىلگەرىندى- كەيىندى شاۋەشەك قالالىق انحى اماندىق قورعاۋعا قىزمەت وتەۋ شەكتى سەرىكتەستىگىنە جانە تارباعاتاي ايماقتىق جىڭتا قورا-جاي اشۋ شەكتى سەرىكتەستىگىنە بارىپ،كاسىپورىننىڭ تيجارات جاعدايىن،جۇمىسشى ىستەتۋ جاعدايىن جانە جۇمىس جۇرگىزۋ بارىسىندا ساقتالعان قيىنشىلىقتارىن ۇعىستى.
بىرلەسپە گرۋپپانىڭ قىزمەتكەرلەرى كاسىپورىندارعا ادام كۇشى بايلىعى جانە قوعامدىق قامتاماسىزداندىرۋ سالاسىنا قاتىستى زاڭداردى،زاڭ-ەرەجەلەردى، ساياساتتاردى بەتپە-بەت ۇگىتتەپ، ءاربىر جۇمىسكەردىڭ جۇمىس ۇستىندە جارالانۋ قامسىزداندىرۋ قاراجاتىن ۋاعىندا تاپسىرۋدى قاداعالاپ،كاسىپورىننىڭ،ەڭبەكشىلەردىڭ مۇددەسىنە شىنايى كەپىلدىك ەتتى. سونىمەن بىرگە،كاسىپورىن ورتاعا قويعان ەڭبەك توقتامىن جاساۋ قانشا تۇرگە بولىنەدى؟قوعامدىق قامسىزداندىرۋ قاراجاتىن قالاي تولىقتاپ تاپسىرۋعا بولادى؟قىزمەتكەرلەردى قىزمەتتەن بوساتۋدىڭ قانداي ءتارتىبى بار سياقتى ماسەلەلەرىنە دە ناق مايداندا جاۋاپ قايتاردى.
شاۋەشەك قالالىق انحى اماندىق قورعاۋعا قىزمەت وتەۋ شەكتى سەرىكتەستىگىنىڭ جاۋاپتىسى لي ليڭحۋا: «وسى رەتكى قيمىل ءىس جۇزىندىككە توتەنشە جاناسىپ،كاسىپورىننىڭ دامۋىنداعى الاڭداپ وتىرعان ماسەلەلەردى شەشىم ەتتى» دەدى.
ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى تورەلىك ايتۋ ورنىنىڭ باستىعى جاڭ ميڭشيا: «وسى رەتكى قيمىلدى ورىستەتۋدەگى ماقساتىمىز __ جاراستىرۋ،تورەلىك ايتۋدىڭ جۇمىستانۋ ساپاسىن جوعارىلاتۋ،ساۋدا-تيجارات ورتاسىن ساپالىلاندىرۋ،ەڭبەك قاتىناسىنىڭ جاراسىمدىلىعى مەن قوعام ورنىقتىلىعىن قورعاۋ جاقتارىنداعى ماڭىزدى رولىن ونان ارى ساۋلەلەندىرىپ،ءتيىمدى ساياساتتاردى ۇگىتتەۋ،جۇمىسشى ىستەتۋگە جەتەكشىلىك ەتۋ،ەڭبەك داۋ-شارىنان ساقتانۋ،جاراستىرۋ سياقتى جاقتارداعى باعىتتامالى قىزمەت وتەۋدى ناقتى تياناقتاندىرۋ بولىپ تابىلادى. كەلەسى قادامدا جالعاستى قاتىستى ورىندارمەن بىرلەسىپ، كاسىپورىنداردىڭ ءبىرىنشى شەبىنە ىشكەرىلەي بارىپ،كاسىپورىنداردىڭ، ەڭبەكشىلەردىڭ كۇدىك-كۇماندارىنا ناق مايداندا جاۋاپ قايتارىپ،ءىس جۇزىندىك ارەكەتىمىز جانە ۇزدىك ناتيجەمىز ارقىلى پارتيا قۇرىلعاندىعىنىڭ 100 جىلدىعىن قۇتتىقتايمىز» دەدى.
رەداكتورى : الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى