ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

ءۇش ۇرپاق تاباندىلىقپەن اعاش ەگىپ،تۇرعان جەرلەرىن جاسىلداندىردى

جولدانعان ۋاقىتى : 2021/5/31 17:29:15



 □ 5-ايدىڭ 20-كۇنى مۋ سىنلين ورمان بەلدەۋىن ارالاۋدا. 

سۋرەتتى ءتىلشىمىز ۋاڭ گاۋشىڭ تۇسىرگەن


 
  «مۋ سىنلين» دەگەن ەسىم قۇلاعىڭىزعا تيگەن زامان،ورمانمەن قاتىسى بار-اۋ دەگەن تۇجىرىم كەلەرى ءشۇباسىز.

  ويتكەنى وسى ەسىمدەگى ‹森林› ورمان دەگەن اتاۋ ەدى.

  بالكىم،اتاسى ات قويعاندا اينالامىز     ورمانمەن كومكەرىلىپ تۇرسا دەگەن ءوزىنىڭ ارمانىن سىڭىرگەن بولسا كەرەك.

  الايدا،تالاي جىلدان كەيىن ونىڭ وسى  ارمانى شىندىققا اينالدى.

  2002-جىلدان باستاپ،مۋ سىنلين 20 جىل ۋاقىت جۇمساپ 600 مىڭ تۇپكە جۋىق تەرەك ەكتى.

  وسى بارىستا ول تاۋداي تاباندىلىق تانىتتى،باتپان جاپا شەكتى،شارشاپ-شالدىقتى، قۋانىشقا دا بولەندى.

  وسى كۇنى ەكى كيلومەتردەن استام    ۇزىندىقتاعى ورمان بەلدەۋى «شاعىن ورمان»  قالىپتاستىرىپ،توڭىرەكتەگى 5 قىستاقتىڭ،50 كيلومەترگە جۋىق اۋماقتىڭ «ەڭ كوركەم» كورىنىسىنە اينالدى. 
  مۋ سىنليننىڭ اعاش ەگۋگە سونشالىقتى   اۋەس بولۋى اتاسىمەن بىرگە تۇرمىس    كەشىرگەن كەزىنەن باستاۋ العان.

  ادام قونىستانعان جەرگە،ءسوزسىز،اعاش ەگۋ كەرەك

  ۋاقىت زىمىراپ وتسەدە،جاپالى جولداردىڭ ەلەسى ءالى ەسىنەن كوتەرىلمەدى.

  54 جاسقا كەلگەن مۋ سىنلين سول كەزدە ۇيدەگى 8 بالانىڭ تۇڭعىشى ەدى. ۇيدە بالا كوپ،باعىپ-قاعۋ قيىن بولعاندىقتان،     ءبىر جاسىنان باستاپ اتاسىمەن بىرگە جەر كەپەدە وسەدى.

  اتاسى مۋ جينساڭ 1958-جىلى نيڭشيادان تۋىس-تۋعان،دوس-جاراندارىن قارا تارتىپ ءدوربىلجىن اۋدانىنا كەلىپ،ەمىل فەرماسىنا ىرگە تەۋىپ،اۋىل شارۋاشىلىق اترەتىنە   جەم-ءشوپ ەگۋگە ورنالاسادى. سول كەزدەگى اۋىل شارۋاشىلىق اترەتى مەن شينجياڭ بيڭتۋان 9-شىنىڭ 169-تۋانىن ءبىر وزەن عانا ءبولىپ تۇراتىن. 

  مۋ جينساڭ ورنالاسقاننان كەيىنگى      3-جىلدان باستاپ اعاش ەگە باستادى.   قاراعاش كوشەتى مەن تەرەك كوشەتىن   تۇگەلدەي 169-تۋاننىڭ كوشەت باقشاسىنان ساتىپ الادى.

  بىرنەشە جىلدان كەيىن ەككەن قاراعاشى ءوسىپ،مۋ جينساڭ ءوزى كوشەت جەتىلدىرەدى.
 
  مۋ سىنلين 6 جاسىنان باستاپ اتاسىمەن بىرگە اعاش ەگەدى. 

  ءار رەت اعاش ەككەندە،اتاسى ۇنەمى:    «بالام،ادام بار جەردە،اعاش بولۋى كەرەك. اعاش بولادى ەكەن،سول جەردە تىرشىلىك تىنىسى بولادى» دەيتىن.

  نەشە ون جىل وتسەدە،مۋ سىنلين بۇل  ءسوزدى جادىندا ساقتاعان.

  كەيىن اكەسىنەن اتا مەكەندەرىندە اعاش ەگۋ ءداستۇرى بار ەكەنىن بىلەدى.

  سول جىلدارى اۋىل-قىستاقتاعىلار،وتە-موتە،تاۋلى رايوندار تابيعاتقا سۇيەنىپ    كۇنەلتەتىن،بارلىق جەر قىلتانسىز تاقىر دالا بولاتىن.

  ءبىراق اعاش كوپ جەردى كورسە بولعانى،ءسوز جوق،ول ارادا قونىستانعان ادامدار بار دەپ بىلگەن.

  تولىق جەتىلگەن اعاشتان ءۇي سالۋعا، شىلىڭگىر ىستىقتا كۇن نۇرىنان تاسالانۋعا، قۋراعان اعاش بۇتاعىن وتىنعا ىستەتۋگە   بولادى.

  مۋ سىنليننىڭ اتاسى وسىلاي ويلاعان ءارى 1983-جىلى ناۋقاستانىپ،ءۇش جىلدان  كەيىن قايتىس بولعانعا دەيىن اعاش ەگۋىن    جالعاستىرعان. 

  مۋ جينساڭنىڭ اعاش ەگۋ ءىسىن اۋىزعا  العاندا،زەينەتكە شىققانىنا كوپ جىل بولعان مال فەرماسى مەكتەبىنىڭ ساقا مەڭگەرۋشىسى نۇرلان اقىمەتبەك ونىڭ ەڭبەكشىلدىگىنە   مويىنسال بولىپ: «سول جىلدارى كوپشىلىكتىڭ تۇرمىسى وتە جۇپىنى ەدى. اعاش ەگۋ    ءۇشىن مۋ اعاي تارتا جەپ،جيعان اقشاسىنا اعاش كوشەتىن ساتىپ الاتىن. قازىر ويلاپ    كورسەڭ،شىنىندا وڭاي ەمەس ەكەن!»    دەدى.

  سول كەزدە مۋ وتباسىنىڭ اۋلاسىنىڭ الدى-ارتىنا تۇگەلدەي اعاش ەگىلگەن. كوكتەم-جاز ماۋسىمدارىندا بەينە «جاسىل ءتۇستى» مۇنارا سياقتى الىستان كوزگە تۇسەتىن. 
  ......

  ول جىلدار كەلمەسكە كەتسە دە،سول ءبىر بىتىك وسكەن ورماندى جەر وسى  فەرماداعى قارتتاردىڭ ەسىندە ساقتالىپ قالدى.

  بۇل ەستەمە،جاسىل ءتۇستى ەستەمە.

  قايدا كوشىپ بارسا،سول جەردە اعاش  ەكتى

  ۋاقىت مەيىرىمسىز بولعانىمەن،ءىزى ەستە قالادى.

  مۋ اۋلەتىنىڭ ەكىنشى ۇرپاعى دا جاسىل ەستەمەنى اۋەلگىدەي جالعاستىردى.

  اتاسى اعاش ەگىپ،يەن دالانى ورماندىققا اينالدىرسا؛اكەسى اعاش ەگىپ،قايدا كوشىپ بارسا،سول جەردى ورماندىققا اينالدىرىپ  وتىردى. 

  1963-جىلى اكەسى مۋ جۇڭحۋا      ۇيلەنگەننەن كەيىن 13 جىل بويى ءبىر   جەرگە تۇراقتاپ تۇرماي،كوشىپ-قونىپ  جۇرەدى.

  1976-جىلى بالالارىن وقىتۋ ءۇشىن،مۋ جۇڭحۋا بۇعىتىداعى كۇزەۋلىككە كەلىپ    قونىستانۋدى ءوتىنىش ەتىپ،جىلى قورا مەن جايىلىمدى كۇزەتۋگە جاۋاپتى بولادى،ول كەزدە قورعانى تاستان قالانعان تاس ۇيدە  وتىراتىن.

  3 جىلدان كەيىن ۋحۋ قىستاعىنا كوشكەن كەزدە،بۇعىتىداعى كونە اۋلاسى تالمەن   كومكەرىلگەن ەدى. 

  قازىر 78 جاسقا كەلگەن مۋ جۇڭحۋا   اقساقال اعاش ەگۋ جۇمىسىن اۋىزعا السا  بولعانى،قايراتتانىپ كەتەدى ەكەن.

  ول: « ‹الدىڭعىلار ەككەن اعاش كەيىنگىلەرگە سايا بولادى› دەپ جاقسى ايتىلعان. سول جىلدارى تۇرمىس جاپالى بولعانىمەن،اكەممەن سالىستىرعاندا،ءبىزدىڭ شارت-جاعدايىمىز  الدەقايدا جاقسى ەدى. ول كىسىنىڭ تاباندىلىقپەن ىستەگەن جۇمىستارىن ءبىز جالعاستىرۋعا قاقىلىمىز» دەدى. 
 
  كۇيەۋىنىڭ اعاش ەگۋگە عانا ءمان بەرىپ،ۇيگە قارايلاسپاعانىنا ايەلى ما مەييىڭنىڭ دا ىشتەي رەنىشى بار ەكەن.

  ول: «ءوندىرىس دۇيى كەزىندە،ول   دۇيدەگى جۇمىستارىن تىندىرىپ بولعاننان  كەيىن ۇستەمەلەپ جۇمىس ىستەپ،بيىكتىگى 1.5 مەتر،ۇزىندىعى 2.5 مەتر كەلەتىن 7  داۋال تۇرعىزىپ،7 ەڭبەك ءنومىرىن الىپ، دۇيدەن العان 1 يۋان قوسىمشا قاراجاتىنا  تۇگەلدەي اعاش كوشەتىن ساتىپ الاتىن. بۇدان سىرت،ءبىر جۇمىرتقا 5 تيىن،ءبىر ءتۇپ اعاش كوشەتى 2 تيىن كەزىندە دە ول جۇمىرتقاعا اعاش كوشەتىن اۋىستىرىپ اكەلەتىن. كەيىن رەفورما جاساپ،ەسىك اشقاننان كەيىن باسقالار امالىن تاۋىپ اقشا تابۋعا كىرىسكەندە،ول  اۋەلگىسىندەي تاعى دا اعاش ەگۋ جۇمىسىمەن قاربالاس بولدى...» دەدى.
  ايەلى كەيىستىك بىلدىرگەندە،مۋ جۇڭحۋا باسىن تومەن سالىپ ۇندەمەي قۇتىلادى.

  1983-جىلى اكەسى ناۋقاستانىپ قالعاندىقتان،مۋ جۇڭحۋا 25 كيلومەتر شالعايداعى مال شارۋاشىلىق دۇيىندەگى ۋحۋ قىستاعىنان اۋىل شارۋاشىلىق دۇيىندەگى اكەسىمەن بىرگە فەرما ورتالىعىنا كوشىپ كەلەدى.

  بۇل مۋ جۇڭحۋانىڭ 4-رەت قونىس  جاڭالاۋى ءارى ەڭ سوڭعى رەت قونىس  جاڭالاۋى ەدى.

  العاش كەلگەن كەزدە قىستاقتا نەبارى 7 وتباسى عانا بار بولىپ،بۇكىل قىستاق قاعىر دالا ەدى.

  قونىس جاڭالاعاننان كەيىن تۇرمىس ورتاسى دا وزگەردى،الايدا اعاش ەگۋ ادەتى استە وزگەرىپ كورگەن ەمەس.


اعاش ەككەننەن سىرت،مۋ    جۇڭحۋا قىستاقتا اعاش قالامشاسىن جەتىلدىرۋدىڭ مايتالمانى ەدى.     تالاي جىلداردان بەرى فەرمانى    جاسىلداندىرۋعا ىستەتىلگەن      قالامشالاردىڭ بارلىعىن ول      قامداعان.

1986-جىلى فەرمانىڭ جەر  باسقارۋ بولىمشەسىنىڭ باستىعى   بولعان گىميڭجان ءشارىپقان        مۋ جۇڭحۋانىڭ اعاش ەككەنىنىڭ   ەڭ سەنىمدى كۋاگەرى.

سول كەزدە فەرما مۋ جۇڭحۋاعا  8 مۋ جەر بەرىپ،الما اعاشىن    ەكتىرەدى. 

مۋ جۇڭحۋا الما اعاشىن اينالدىرا تەرەك ەگەدى. بىرنەشە جىل     وتپەي،تەرەكتەرى تەگىس    كوكتەپ،الما اعاشتارى تۇگەل    قۋراپ قالادى.

سونىمەن مۋ جۇڭحۋا بۇرىنعى الما  اعاشىن ەككەن جەر مەن اينالاسىنداعى 20 نەشە مۋ قاعىر جەرگە 8 جىلدا تۇگەلىمەن تەرەك ەگىپ شىعادى.

قازىر مۋ جۇڭحۋانىڭ ءۇيىنىڭ   ارتىنداعى 50 نەشە مۋ جەردە    مولشەرمەن 300 مىڭ ءتۇپ تەرەك بار. قىستاقتاعى 361 وتباسىنىڭ ىشىندە ونىڭ اۋلاسىندا تەرەك اعاشى      ەڭ كوپ ەكەن.
كىشى قىزى مۋ ۋيۋي كۇلە   سويلەپ: «ءبىزدىڭ ۇيگە كەلمەكشى بولعاندار تالى ەڭ كوپ جەرگە    قاراي جۇرسە بولدى،اداسپايدى»   دەدى.

كوزدى اشىپ-جۇمعانشا 40    نەشە جىل اعاش ەككەن مۋ جۇڭحۋا قارتايادى. ول تەبىرەنە:        «ءومىرىمنىڭ سوڭعى كەزدەرىندە   شالقىعان زاماندا جاساعانىم      ءۇشىن پارتياعا العىس ايتامىن»    دەدى. ول ۇلى مۋ سىنلينگە قاراپ:   «اعاش ەككەننىڭ پايداسى        ازىراق بولعانىمەن،مەملەكەتتىڭ     ۇنىنە ءۇن قوسىپ،كوبىرەك      اعاش ەك،اتاڭنىڭ ءۇمىتىن جەردە قالدىرما» دەدى.

جاسىل كاريدور قالىپتاستىردى

  2002-جىلى مۋ سىنلين ۇيلەنىپ، بولەك وتاۋ بولىپ شىعادى. ول   وتباسىنىڭ اعاش ەگۋ ءداستۇرىن   جالعاستىرىپ،ءوز اۋلاسىنا      اعاش ەگەدى،ءۇيىنىڭ الدى-ارتى تولعان سوڭ،قىستاقتاعى قاعىر   جەرلەردى كوتەرمەگە الىپ      ەگەدى. ءبىر وتباسىنداعى 4     جان نەگىزىنەن 44 مۋ جەردەن    كىرگەن كىرىسكە سۇيەنىپ تۇرمىس كەشىرەدى. ەگىس جۇمىسى       سايابىر كەزدە ۇساق ساۋدا      ىستەپ،كىرىس كىرگىزىپ تۇرمىسىنا ىستەتەدى.

مۋ سىنليننىڭ اعاش ەككەن    جەرى ءدال سارعۇسىن جەل وتىندە بولاتىن.
  بىلايعى ەل تارباعاتايدى      بىلمەسەدە،سارعۇسىن الا سۇرعان بورانمەن ءتورت بۇرىشقا      ايگىلى.

بۇل ارادا ءار جىلى 150 كۇننەن ارتىق ۋاقىت 8 بالدان جوعارى بوران سوعاتىندىقتان «اجال وتكەلى»     دەپ اتالعان،دۇنيەگە ايگىلى جەل وتتەرىنىڭ ءبىرى. 

سوندىقتان دا مۋ سىنليننىڭ     اعاش ەگۋدەگى العاشقى ويى      اتاسى مەن اكەسىنەن بولەكشە.

مۋ سىنلين جاسىل كاريدور    قالىپتاستىرىپ،ەكولوگيالىق      قالتقى جاراتۋدى ماقسات      ەتەدى.

الايدا اعاش ەگۋدەن ماندىمدى كىرىس بولماعانى بىلاي تۇرسىن،   وتە جاپالى جۇمىس ەدى. اسىرەسە،  قاعىر دالادا اعاش ەگۋ ءتىپتى دە   وڭايعا تۇسپەيتىن،ۇسىنىلىم بار،    ونىمدىلىك جوقتىڭ قاسى.
2017-جىلى مۋ سىنلين ءبىر تابيعي وزەكتى تەگىستەپ،اعاش    ەگۋ ءۇشىن،ىلگەرىندى-كەيىندى    4 قازۋ ماشيناسىن شاقىرادى. الدىڭعى  3 شوفەر جۇمىستى اۋىر كورىپ،  ەكى كۇن ىستەمەستەن كەتىپ    قالادى. 

ون نەشە جىل جاپامەن اعاش ەكسەدە اعاش كوشەتتەرى بوراندا جىعىلىپ قالادى،ونىڭ ۇستىنە   توپىراعى قۇنارسىز بولعاندىقتان،  قاتارعا قوسىلۋ سالىستىرماسى     تومەن بولىپ،ءار جىلى ەككەن    اعاشتارىنىڭ جارىمىنان استامىن تولىقتاپ ەكسەدە،اۋماعى     زورايمايدى. 

وسىلاي بولا تۇرا مۋ سىنلين   رايىنان قايتىپ كورمەدى.

بۇل جونىندە ول: «باعىما     جاراي،مەملەكەت ەگىستىك      جەردى ورمانعا قايتارۋعا قوسىمشا قاراجات بەردى،ايتپەگەندە      باياعىدا تاقىرعا وتىرۋشى ەدىم» دەدى كۇلە سويلەپ. 

2019-جىلى مۋ سىنلين جەل   كوپ سوعاتىن قوبىقسارى موڭعۇل اۆتونوميالى اۋدانىن ەكسكۋرسسيالاپ،تەرەڭ وزەك قازىپ اعاش ەگۋدىڭ جاڭا ءتاسىلىن ۇيرەنەدى.

وتكەن جىلى مۋ سىنليننىڭ    سىناق رەتىندە ەككەن اعاش     قالامشالارى ونشا جاپىرىلماي،     سۋ سىمىرگىشتىگى دە جاقسى   بولىپ،قاتارعا قوسىلۋ مولشەرى   ارتادى. ونىڭ بيىلعى ەككەن      30 مىڭ ءتۇپ قاراعاش،        تەرەك قالامشاسى نەگىزىنەن دەرلىكتەي قاتارعا قوسىلعان،بۇل ونىڭ   سەنىمىن ءتىپتى دە ارتتىرا     ءتۇسىپ،4 كيلومەترلىك قۇبىر توعانىن قازىپ،ورمانعا تامشىلاتىپ سۋارۋ قۇبىرىن ورناتۋعا دايىندالدى.

مۋ سىنلين تاعى دا اعاش    اراسىنا جوڭىشقا ەگىپ،كىرىسىن    ارتتىرىپ،اعاش ەگۋگە قور     توپتادى...

وسىنشاما جىل اعاش ەگۋگە تاباندى بولعاندىعى جونىندە مۋ سىنلين:     «اتا-انام،ايەلىم،اعا-باۋىرلارىمنىڭ   قولداۋى ماعان ەڭ ۇلكەن قوزعاۋشى كۇش بولدى،ونى قويعاندا اتام   مەن اكەم ىستەگەن جۇمىستى    مەندە،ءسوزسىز،ىستەي الامىن»   دەدى.

«ەڭبەككەر بولساڭ جەر جومارت» دەگەندەي،بيىلعى جاڭا ەككەن اعاش قالامشالارىنىڭ بالعىن جاپىراقتارى قاۋلاپ،جاسىل ءتۇس قوستى. سامال جەلمەن تەربەلىپ،سىلدىرلاعان    جاپىراقتار بەينە مۋ سىنليندى     قولداپ،وعان «قايراتتان» دەپ   تۇرعانداي.

 
تاباندىلىق سەنىم مەن جاۋاپكەرشىلىكتەن كەلەدى
□ شۇي حۇييان

  «ءۇش ۇرپاق تاباندىلىقپەن اعاش ەگىپ، تۇرعان جەرلەرىن جاسىلداندىردى» اتتى   ماقالانى وقي وتىرىپ،مۋ اۋلەتىنىڭ ءۇش ۇرپاق بويى اينىماس سەنىم مەن جاۋاپكەرشىلىك ارقىلى جاسىل ارمان مەن ءۇمىت  ارقالاپ،جاسىل تىرشىلىك داستانىن جازعانىنان تەرەڭ اسەر الدىم.

  سەنىم بولعاندىقتان،ءۇش ۇرپاق بويى  تاماشا وتباسىلىق سالتتى — اعاش ەگۋدى ۇزبەي جالعاستىردى. قايدا بارسا دا اعاش ەگىپ،قونىس تەپكەن جەرلەرىن جاسىل  جامىلعىمەن كومكەردى. جىلدار وتە كەلە ءۇش ۇرپاق ادام ماڭداي تەرى مەن جاپالى ەڭبەگى ارقىلى قۋانىش پەن باقىتقا كەنەلدى.

  جاۋاپكەرشىلىك بولعاندىقتان،ءۇش ۇرپاق ادام تاباندىلىعىمەن ماڭايىنداعىلاردى تەبىرەنتتى. «ادامدار قونىستانعان جەرگە اعاش ەگۋ كەرەك،تال بار جەردە تىرشىلىك تىنىسى اڭقىپ تۇرادى» دەگەن اتاسىنىڭ ءتالىمى مەن  «اعاش ەگۋدە ازداپ زيان تارتۋ بولىپ   تۇرادى،الايدا،ءسوزسىز،مەملەكەتتىڭ    ۇندەۋىنە ءۇن قوسىپ،اعاشتى كوبىرەك ەگۋ كەرەك» دەگەن 40 نەشە جىل بويى اعاش ەككەن اكەسىنىڭ ايتقاندارىن جادىندا ساقتاپ،ءۇرتىس 20 جىل بويى اعاش ەككەن، سارعۇسىن جەل وتىندە 60 مىڭعا تارتا    اعاش وتىرعىزعان مۋ سىنلين: «مەن ءبىر جاسىل ءدالىز قۇرىپ،ەكولوگيالىق قالتقى جاسايمىن» دەيدى.

  كىشكەنتاي قالامشادان ءوسىپ ۇلكەن  تەرەك بولعانعا دەيىن،ءاربىر ءتۇپ تالعا ءۇش ۇرپاق ادامنىڭ توككەن تەرى ويىپ جازىلعان؛قۇبا تۇزدەن جاسىل جامىلعى ءيىن تىرەسكەن اسەم كورىنىس جەلىسىنە دەيىن مۋ اۋلەتى ءۇش ۇرپاق بويى ورمان وتىرعىزۋشىلاردىڭ تالپىنىسىن ارەكەتتەرى ارقىلى ايگىلەدى.

  60 جىلدىق اعاش ەگۋ ساپارى قاراپايىم وتباسىنداعى ءۇش ۇرپاق ادامنىڭ حيكمەتكە تولى ءومىر جولىنا نۇر شۇعىلاسىن شاشسا، جاسىل جامىلعى وتىرعىزۋ ىنتالارى      قاراپايىم وتباسىنداعى ءۇش ۇرپاقتىڭ    ورتانى قورعاۋ سىندى تاماشا ءمورالىن    ايگىلەدى.





رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
 
powered by IlgharCMS 3.2 www.ilghar.cn