ءتىلشىمىز جاڭ پەيچي حابارلايدى. 6-ايدىڭ 11-كۇنى ايماقتىق پارتكومنىڭ ورىنباسار شۋجيى،اكىمشىلىك مەكەمەسىنىڭ ۋاليى ايدىن تولەۋقان ايماقتىڭ قازىنا-سالىق جانە قازىنالىق باقىلاۋ قىزمەتىنە تەكسەرۋ-زەرتتەۋ جۇرگىزدى.
تەكسەرۋ-زەرتتەۋ بارىسىندا،ايدىن تولەۋقان ىلگەرىندى-كەيىندى مەملەكەتتىك سالىق باس مەكەمەسىنىڭ تارباعاتاي ايماقتىق سالىق مەكەمەسىنە،ايماقتىق قازىنا مەكەمەسىنە،ايماقتىق قازىنالىق باقىلاۋ مەكەمەسىنە بارىپ،ناق مايداندا كوزدەن كەشىرۋ جانە اڭگىمە ءماجىلىسىن اشۋ ارقىلى قازىنا-سالىق،قازىنالىق باقىلاۋ جۇيەسىنىڭ نەگىزگى جاعدايى مەن ءتۇيىندى قىزمەت مىندەتتەرىنىڭ ورىستەتىلۋ جاعدايىن ەگجەي-تەگجەيلى ۇعىستى.
مالىمەتتى تىڭداعاننان كەيىن،ايدىن تولەۋقان ايماقتىڭ قازىنا-سالىق،قازىنالىق باقىلاۋ قىزمەتىندەگى كادرلاردان حال سۇراپ جانە ولارعا قۇرمەت ءبىلدىرىپ،كوپشىلىكتىڭ ۇزاق ۋاقىتتان بەرگى قاجىرلى قىزمەتتەرىن تولىق تۇراقتاندىردى.
كەلەسى قادامداعى قىزمەتتەر جونىندە،ايدىن تولەۋقان مىنالاردى اتاپ كورسەتتى: ساياسي دەڭگەيدى اناعۇرلىم جوعارىلاتىپ،«ءتورت تانىمدى» كۇشەيتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداپ،پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن جانە ايماقتىق پارتكومنىڭ قىزمەت تالاپتارىن شىنايى تياناقتاندىرۋ كەرەك.
ءماجىلىس مىنالاردى باسا دارىپتەدى: قازىنا جانە سالىق ىستەرى تاراۋلارى پارمەندى شارالار قولدانىپ،كىرىس ۇيىمداستىرۋ قىزمەتىن بار كۇشپەن ويداعىداي ىستەۋ؛قازىنالىق شىعىستى مۇقيات مىقتى يگەرىپ،شىعىس ونىمدىلىگىنە ءمان بەرىپ،مەجە ەسەپ شەكتەمەسىن قاتايتىپ،شىعىستى باسقارۋدى كۇشەيتىپ،قازىنالىق قۋاتتى شوعىرلاندىرا وتىرىپ ەڭبەكاقىعا،اينالىمعا،حالىق تۇرمىسىنا كەپىلدىك ەتىپ،قازىنالىق قارجىنىڭ «شاعىن كۇش ارقىلى ۇلكەن ماسەلەلەردى شەشۋ» رولىن ويداعىداي ساۋلەلەندىرۋ؛پارتيا ورتالىق كوميتەتى مەن اۆتونوميالى رايوننىڭ تالابىن مۇقيات تياناقتاندىرىپ،مەملەكەت مەنشىگىندەگى مال-مۇلىك،مەملەكەت مەنشىگىندەگى كاسىپورىن، قازىنا-سالىق،فينانس سياقتى سالالارداعى رەفورمانى تەرەڭدەتىپ،ماكرولىق ساياساتتى،قۇرىلىمدىق ساياساتتى،قوعامدىق ساياساتتى جاپپاي يگەرىپ جانە ودان ويداعىداي پايدالانىپ،رەفورمانىڭ قوزعاۋشى كۇشى مەن بازاردىڭ ومىرشەڭدىك كۇشىن قاۋلاتۋ كەرەك.
ءماجىلىس مىنالاردى تالاپ ەتتى: ءتۇيىندى ساياساتتار مەن شارالاردىڭ دايەكتىلەنۋ،تياناقتانۋ جاعدايىنا ءتۇيىندى تۇردە قاداعالاي قازىنالىق باقىلاۋ جۇرگىزۋ تەبىنىن شىن مانىندە ارتتىرىپ،باقىلاۋ رولىن ءونىمدى ساۋلەلەندىرىپ،تەكسەرۋگە تيىستىلەرىن تۇگەل تەكسەرىپ،تەكسەرۋدى،ءسوز جوق،قاتاڭ جۇرگىزىپ،جاۋاپكەرشىلىكتى قاتاڭ قۋزاستىرۋ كەرەك. حالىق تۇرمىسىنا بولعان قازىنالىق باقىلاۋدى تەرەڭدەتىپ،دامۋ جەتىستىكتەرىنەن قالىڭ حالىق بۇقاراسىن اناعۇرلىم ويداعىداي يگىلىكتەندىرىپ،حالىق بۇقاراسىنىڭ تابىس سەزىمىن،باقىت سەزىمىن جانە حاۋىپسىزدىك سەزىمىن جوعارىلاتۋ كەرەك.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى