■ ايماعىمىزدىڭ جەر-جەرى،تاراۋلارى «مەن بۇقارا ءۇشىن ناقتى ءىس ىستەيمىن» امالياتتىق قيمىلىن ىشكەرىلەي ورىستەتتى
ءتىلشىمىز لي ۋىنحۇڭ حابارلايدى. جاقىنعى كۇندەردەن بەرى ايماعىمىزدىڭ جەر-جەرى،تاراۋلارى «مەن بۇقارا ءۇشىن ناقتى ءىس ىستەيمىن» امالياتتىق قيمىلىن پارتيا تاريحىن ۇيرەنۋ تاربيەسىنىڭ ماڭىزدى مازمۇنى ەتە وتىرىپ،تاريحتى ۇيرەنۋ ارقىلى ۇمتىلا ىستەۋدى ءتارتىپتى ىلگەرىلەتتى.
6-ايدىڭ 4-كۇنى ايماقتىق وتكەل كوميتەتى شاۋەشەك قالالىق جينچىڭ قوجالىق قىزمەت وتەۋ شەكتى جاۋاپكەرشىلىك سەرىكتەستىگىمەن بىرلىكتە «پارتيا تاريحىن ۇعىنىپ،قىزىل وتكەل مادەنيەتىن ساۋلەلەندىرەيىك» نەگىزگى تاقىرىبىنداعى پارتيا تاريحىن ۇيرەنۋ تاربيەسى قيمىلىن ورىستەتتى.
قيمىل بارىسىندا،ساقا پارتيا مۇشەسى ءادىل باقتى وتكەلىنىڭ تاريحى مەن دامۋىن بايانداپ،باي مازمۇندى،شىنايى ءارى تولىق تاريحي ماتەريالدار ارقىلى پارتيا مۇشەلەرىن جۇڭگو كوممۋنيستىك پارتياسىنىڭ قۇلاشىن كەڭ جايعان 100 جىلدىق كۇرەس تاريحىن ەسكە تۇسىرۋگە باستاپ،پارتيا مۇشەلەرىنىڭ ءىس تىندىرىپ،شارۋاشىلىق قۇرۋ قىزعىندىلىعىن اناعۇرلىم قوزعادى.
جينچىڭ قوجالىق قىزمەت وتەۋ شەكتى جاۋاپكەرشىلىك سەرىكتەستىگىنىڭ باس ديرەكتورى ما چىن: «كاسىپورىن رەتىندە،ءسوزسىز،سەنىم ورناتىپ،كاسىپورىندى بازار قيمىلى بارىسىندا ءتىپتى دە قۋاتتى قىزمەت وتەۋ كاسىپورىنى ەتىپ قۇرىپ شىعۋىمىز كەرەك» دەدى.
شيحۋ قالاسى ەگىنشى-مالشى پارتيا مۇشەلەرىنىڭ پارتيا تاريحى بىلىمدەرىنەن زەيىن سىناۋ جارىسىن وتكىزدى.
جارىسقا قاتىناسۋشى گو فۋچياڭ: «وسى رەتكى پارتيا تاريحى بىلىمدەرىنەن زەيىن سىناۋ جارىسىنا قاتىناسۋ ارقىلى كوپتەگەن پارتيا تاريحى بىلىمدەرىن يگەردىم» دەدى.
توبىلعىتى موڭعۇل ۇلتتىق اۋىلدىق پارتكومنىڭ مۇشەسى،ۇيىمداستىرۋ جوراسى لي ۋانۋان: «زەيىن سىناۋ جارىسى ءبىزدىڭ پارتيا تاريحى جونىندەگى تۇسىنىگىمىزدى ءتىپتى دە تەرەڭدەتە ءتۇستى،الداعى قىزمەت بارىسىندا،پارتيا مۇشەلەرىنىڭ اۆانگاردتىق،ۇلگىلىك رولىن اناعۇرلىم ويداعىداي ساۋلەلەندىرىپ،بۇقارا ءۇشىن ناقتى ءىس ىستەيمىز» دەدى.
مەملەكەتتىك سالىق ىستەرى باس مەكەمەسىنىڭ ساۋان قالالىق سالىق ىستەرى مەكەمەسى پارتيا تاريحىن ۇيرەنۋ تاربيەسىن وراي ەتىپ،«ۋ شياۋحۇڭ قىزمەت بولمەسىن» دەن قويا قۇردى.
«ۋ شياۋحۇڭ قىزمەت بولمەسى» «جەدەل اڭىس قايتارۋى جۇزدە-ءجۇز بولۋ،جوعارى ءونىمدى شەشىمدەۋى جۇزدە-ءجۇز بولۋ،قىزمەت وتەۋگە رازى بولۋ مولشەرى جۇزدە-ءجۇز بولۋدى» ولشەم ەتە وتىرىپ،سالىق تاپسىرۋشىلار مەن اقى تاپسىرۋشىلاردىڭ جۇرەك سىرىنا جاقىننان قۇلاق اسىپ،سالىق اقىسىن تاپسىرۋ بارىسىنداعى قيىن،كىلتەڭ،بوگەتتى ماسەلەلەردى جالپى بەتتىك شەشىمدەدى.
«قىزمەت بولمەسى سالىققا تىركەلۋدەن باستاپ،تالون الۋ،سالىقتى مالىمدەۋ،سالىق تاپسىرۋعا قاتىستى ءتيىمدى ساياساتتار سياقتى جاقتاردان دالمە-ءدال قىزمەت وتەپ،دامۋدى دەن قويا ىلگەرىلەتۋىمىزگە مۇمكىندىك جاسادى» دەدى شينجياڭ ءوندىرىس-قۇرىلىس بيڭتۋانى اۋىل شارۋاشىلىق 8-شى 121-تۋانىنىڭ شۋاڭفىڭينۇڭ جەمىس-جيدەك،كوكونىس ەگىمشىلىگى كاسىپتىك سەلبەستىك كووپەراتيۆىنىڭ القا باستىعى فىڭ شيڭپيڭ.
كەزەكتە،قىزمەت بولمەسى سالىق تاپسىراتىندار مەن اقى تاپسىراتىنداردىڭ سالىققا قاتىستى 112 قيىن ماسەلەسىن شەشىمدەپ،سالىق ىستەرىنە قاتىستى سۇرانىسى مەن تالابىنان 32 سىن قابىلداپ،تۇگەلىمەن شەشىم ەتكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى