ەەڭ جاڭا مازمۇندار
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان
2022-جىلى 7-ايدىڭ 2 -كۇنى 147 ـ سان
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى

ۇرپاعىمىز پاراساتتى بولسا، بولاشاعىمىز نۇرلى بولماق

جولدانعان ۋاقىتى : 2013/12/9 16:23:54

مادەن جانىمقان ۇلى

  كەيبىر بالالار وقىتساڭ، ناتيجەلى وقىمايدى، كاسىپتەندىرسەڭ، قىزمەتتى جاقسى ىستەمەيدى، اۆتوكولىك الىپ بەرسەڭ، دۇرىستاپ ايدامايدى، دۇكەن  اشىپ بەرسەڭ قارىزدانادى، ت.ب. قويشى ايتەۋ، جاستار قويان بۇلتاققا سالىپ، وتىرىس پەن باس قوسۋلاردى كوبەيتىپ، اتا-انانىڭ، قوعامنىڭ  كۇتكەن ءۇمىتىن اقتاماي، ءوز قادىرىن ءوزى كەتىرۋدە.

  جاستار اتا- انا بولعان بىزدەردى دۇنيە قور، سىعان، ويناپ-كۇلگەندى بىلمەيدى، كونەنىڭ سارقىنى، زامانعا ۇيلەسپەيدى» دەپ شاۋجايلايدى، مىنەيدى.

  ال اتا-انا بولعان ءبىز  بالالارىمىزدى كىشى پەيىلدىككە، ادەپتىلىككە، ىزگىلىككە، ادامگەرشىلىككە باۋليمىز. كورسە قىزارلىقتان ساقتانۋعا، باسقالارعا كومەكتەسۋگە، كۇيىنۋگە، ايالاۋعا، وتىرىك ايتپاۋعا، وسەك تاسىماۋعا، جالقاۋلىققا سالىنباۋعا، ارامتاماقتىقتان ساقتانۋعا، بۇگىنگى شارۋانى ەرتەڭگە قالدىرماۋعا، باسقالارمەن رەنجىسىپ توبەلەسپەۋگە، ۇلكەندى سيلاپ، كىشىنى ايالاۋعا، ۇيات–ارسىز  ىستەردەن اۋلاق بولۋعا، ەڭبەكتى ءسۇيۋدى، ۇنەمشىل بولۋدى، ۇلتتىق عۇرىپ –ادەتتەردى، سالت- سانانى ۇيرەنۋگە جەتەلەيمىز.

  اتا-انا بولعان بىزدەر قۇنىتتىلىقتى، ەڭبەكشىلدىكتى، نىساپتىلىقتى بويىمىزعا  بويتۇمار ەتىپ، تاپقانىمىز تاڭدايىمىزدا قالسىن، ەل قاتارى كۇن كورەيىك دەپ از عانا قولداعى بار دۇنيەگە   ۇقىپتى بولاتىنىمىز شىن. ايلانىپ كەلگەندە، جيعان- تەرگەنىمىز وسى ۇرپاق ءۇشىن ەكەنىن، وتباسىنداعى وشارلى جاندى اسىراۋ  ءۇشىن  ەكەنىن بالالارىمىز بىلسە ەكەن.

  جاستارىمىز وتىرىس پەن باس قوسۋلاردى كوبىندە سالتاناتتى تۇردە رەستروندا قارىزدانىپ وتكىزەدى. تاعامى مول داستارقان جايىپ، اراق-شاراپتى مولىنان قۇيىپ، ماس بولعانشا ىشەدى. تاڭعا دەيىن تاڭسا تەۋىپ، ەس-اقىلى باردى-جوقتى كەزدە ۇشتەن-تورتتەن موتوتسيكلگە مىنگەسەدى، توپتاسىپ جەڭىل اۆتوكولىككە نىعالادى. اتامىز قازاقتىڭ ماقالىندا :« شولمەك مىڭ كۇندە سىنبايدى، ءبىر كۇندە سىنادى. قازا – قاس-قاعىمدا» دەگەن -دى. قايتقان جولدارىندا قاتىناس شىرعالاڭىنا ۇشىراپ، ەلدى شۋىلداتىپ، جۇرتتى دۇرلىكتىرىپ،  اتا- اناسىنا قان جۇتقىزىپ، بارماقتارىن شايناتادى.

  ال ەندى بۇل وتىرىس پەن باس قوسۋلاردا ۇستەلدى شاعۋ، مۇرنىن بەت قىلۋ، قول-اياقتى مەرتىكتىرۋ، باستى جارۋ، قۇلاقتى شۇنتيتۋ، ءىشىپ الىپ اكە-شەشەگە قوقانلوقى جاساپ اقشا الۋ، ولاردى ۇركەردەي ەتىپ پەش تۇبىنە تىعۋ، باسقالاردى جارالاپ 15 كۇنگە بارىپ كەلۋ، ۇياتتان اتتاپ وتىرىك ايتۋ، ۇرلىق ىستەۋ ت.ب  قۇبىلىستار ساناپ تاۋىسقىسىز.

  وسى جاستار ۋاقىتى ۇزاردى، قۇنىن جويدى دەپ جەردى مايعا بەردى، از عانا مال ارتىنان ەرىپ سالپاقتاۋدىڭ قاجەتى قالعان جوق دەپ مال باققاندى قويدى، قوسىمشا كاسىپ ىستەگەن بولادى،   ونىسى كەشكى وتىرىسىنان اسپايدى، ايلانىپ كەلىپ اتا-اناسى بولعان بىزدەردى الدامالاپ نە ساتقان مالدىڭ، نە بانكەدەن العان از عانا اقشامىزعا اۋزىن اشادى. مىنە وسىلايشا كۇندى اۋناتىپ، ايدى الداپ، جىلدى وتكىزۋدە.

  قاراپ وتىرساڭىز، ۇلىمىز وسى وتىرىستا قالىڭدىق تاۋىپ،   كۇيدىم–  ءسۇيدىم دەپ الىپ قاشىپ كەلەدى دە وڭ جاعىڭدى قىزارتادى، اي اتتاعان سوڭ بەت جىرتىسىپ، اجىراسىپ تىنادى. ال قىزدارىمىز اراقكەشتىڭ ەتەگىنەن ۇستاپ، قىزبا تاباندا موتوتسيكلىنە مىنگەسە قاشادى، جىلعا تولماي، ءوز ءۇيىن قايتا تابادى. بۇل ۇلدارىمىز بەن قىزدارىمىزدى  جامانداعاندىق   ەمەس، كوبىندە اتا-انانىڭ باسىن قاتىرىپ، بالتىرىن سىزداتىپ،  كوزىنە جاس، كوكىرەگىنە شەر بايلايدى. قارىزداندىرىپ، كەدەيلەستىرىپ، تازا تاقىرعا وتىرعىزادى، وتىرسا وپاق، تۇرسا سوپاق قامىتىن كيگىزەدى.

  ەڭ سوراقىسى،  ۇلدىڭ اكەسىنە قولى ءتيدى،  قىزدىڭ شەشەسىنە ءتىلى ءتيدى. سونىمەن كەيبىر وتباسىندا بالاسىنا اكەسى جات، قىزىنا شەشەسى سۋىق باۋىر بولۋ كەلىپ شىقتى.  قىستاقتا، اۋىلدا، قالادا بۇل سياقتى احۋالدار كەزىگۋدە. مۇنىڭ ءبارىن تۋدىرىپ وتىرعان ارزان ويىن، ازعان وتىرىس. بۇل وتىرىس پەن باس قوسۋلار ءاربىر وتباسىنا تۇرلىشە دارەجەدە ىقپالىن تيگىزىپ، بەرەكەنىڭ قايماعىن شايقالتىپ، ىرىستى كەتىرىپ، كەلەڭسىزدىك اكەلۋدە. قايتكەندە  جاستاردى ارزان ويىننان تەجەۋگە بولادى دەگەن قولامتالى سۇراۋ ءاربىر وتباسىن ازاپتاعان سۇراۋعا اينالدى.

  سول ءۇشىن، بارلىق وتباسىنداعى اتا- انالار تومەندەگى بىرنەشە تۇيىنگە كوڭىل بولسە دەگەن ويدامىن:

   1. ەڭ الدىمەن، اتا-انا بولعان بىزدەر بالاعا جاستايىنان ءتالىم–تاربيەنى جاقسى بەرۋىمىز، وقىتىپ كوز  اياسىن اشۋىمىز، بارلىق ىستە بالاعا ۇلگى بولۋعا، ءسوزىمىز بەن ءىسىمىز ءبىر جەردەن شىعاتىن بولۋى كەرەك. تەمەكى تارتۋدان، اراق ىشۋدەن اۋلاق بولۋىمىز، بالانى تويعا، باس قوسۋلارعا ەرتىپ بارماۋىمىز، ىشىمدىك اتاۋلىعا الباتى ءۇيىر ەتپەۋىمىز، بالانى تەڭ كوزقاراسپەن تاربيەلەۋىمىز، الالاماۋىمىز، اقشانى الباتى قولىنا بەرىپ، جەپ– ءىشىپ، ويناپ-كۇل دەۋدەن اۋلاق بولۋىمىز كەرەك.

   2. بالانى وقىتقان سوڭ، كاسىپتەنۋىنە وراي جاراتىپ بەرۋىمىز قاجەت. ءتۇرلى جولدارمەن بالانى ەڭبەكتەنىپ، بازاردان ورنىن تاۋىپ، بولاشاق باقىتىن جاراتۋىنا دەمەۋشى بولۋىمىز كەرەك.
 
  3. توي داستارقانىنا قازاقي تاعامدارىمىزدى شىعارىپ، اراق–شاراپ قۇيۋدى شەكتەۋىمىز ءتيىس.

   قورىتىپ ايتقاندا، ءاربىر وتباسىنداعى اتا- انالار ارزان ويىننان بالالارىن تەجەۋى ءتيىس. «جالعىزىم، ەركەم» دەپ شولجاڭداتىپ، اقشانى كول-كوسىر قولىنا ۇستاتۋدان اۋلاق بولۋى، جالعىزىم دەگەننىڭ جالماۋىز بولۋىنان ساقتانۋى، ال جاستارىمىز دا اتا-انانىڭ قادىرىن ءبىلىپ، قوعامنىڭ جارامدى ازاماتى بولۋعا كۇش سالۋلارى كەرەك.

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn