ەەڭ جاڭا مازمۇندار
2019-جىلى 11-ايدىڭ 15-كۇنى 265-سان
-توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى بارىسىندا پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنەيىك، دايەكتىلەندىرەيىك
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى
ۇيرەنۋ مەن ىستەۋدى ۇشتاستىرۋعا تاباندى بولىپ، بۇقارا «اسىعاتىن،ۋايىمدايتىن» ىستەردى شەشىم ەتتى
جاپپاي دوڭگەلەك داۋلەتتى قوعام قۇرۋ
الەمدىك ساۋدا ۇيىمىنا كىرۋ
سيىر بورداقىلاپ كىرىسىن ارتتىردى
يۋبايسايدان مول ءونىم الدى
كەدەيلىكتەن ارىلتۋدىڭ جولىن اشىپ، اۋقاتتانۋ ارناسىن كەڭەيتتى
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ
پارتيا ۋستاۆى تانىمىن بەرىك ورناتىپ، پارتيا ۋستاۆىنىڭ، پارتيا قاعيداسىنىڭ، پارتيا ءتارتىبىنىڭ بەدەلىن قورعاپ، نازاردى باس نىساناعا شوعىرلاندىرىپ، تارباعاتايدى ويداعىداي قورعايىق، ويداعىداي ورنىقتىرايىق، ويداعىداي دامىتايىق
2019-جىلى 11-ايدىڭ 14-كۇنى 264-سان
2019-جىلى 11-ايدىڭ 13-كۇنى 263-سان
2019-جىلى 11-ايدىڭ 12-كۇنى 262-سان
2019-جىلى 11-ايدىڭ 11-كۇنى 261-سان
پارتيا 19-كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ
2019-جىلى 11-ايدىڭ 9-كۇنى 260-سان
2019-جىلى 11-ايدىڭ 8-كۇنى 259-سان
2019-جىلى 11-ايدىڭ 7-كۇنى 258-سان
ناقتى ىستەۋ رۋحىمەن نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتەيىك
ءدوربىلجىن: ەگىنشى-مالشىلارعا سالاماتتىق «قامالىن» ورناتتى
ايناباستاۋ الەۋمەتتىك اۋماعى: «پارتيا قۇرىلىسى + يليان» قىزمەت وتەۋ تەكشەسى ارقىلى بۇقاراعا نولدىك ارالىقتان قىزمەت وتەدى
جالپى حالىق كوڭىل ءبولىپ، جاپپاي ات سالىسايىق
2019-جىلى 11-ايدىڭ 6-كۇنى 257-سان
2019-جىلى 11-ايدىڭ 5-كۇنى 256-سان
2019-جىلى 11-ايدىڭ 4-كۇنى 255-سان
2019-جىلى 11-ايدىڭ 2-كۇنى 254-سان
2019-جىلى 11-ايدىڭ 1-كۇنى 253-سان
2019-جىلى 10-ايدىڭ 31-كۇنى 252-سان

تورى ات جانە مەن

جولدانعان ۋاقىتى : 2013/12/9 16:45:02

بەكمۇقان اكەشە ۇلى
 
          ۇيلەنىپ، باسىما شاڭىراق كوتەرىپ، بولەك قازان اسقان جىلى اكەم  ەنشىمە ءبىر تورى اتتى بەردى. جانۋار وتە جۋاس ەدى. ارباعا جەكسەڭ سونداي كونپىس بولاتىن. سول جىلى كۇزدە مەنىڭ قىزمەتىم كورشى اۋىلعا الماسقاندىقتان، وزىمىزگە تيگەن كورپە-جاستىق، شىنى-شاينەك دەگەندەي، ءۇي مۇلىكتەرىمىزدى تورى اتقا جەككەن اربامىزعا باسىپ، ۇلكەن ۇيدەن ءبولىنىپ، وزىمىزشە ءۇي بولعانىمىزعا قۋانىپ كەتە باردىق.

  تورى ات ارباعا جۋاس بولۋمەن بىرگە، ءوزى كۇشتى ءارى جىلدام جۇرەتىن. ونىڭ تاعى ءبىر ەرەكشەلىگى ۇيدەن شىققان كوكونىس قالدىعى سياقتىلاردىڭ بارلىعىن جەپ الاتىن. ول كەزدە ءبىر وتباسىندا ءبىر ات اربانىڭ بولۋى قازىرگى كەزدەگى ءار وتباسىندا بىردەن كىشى تراكتوردىڭ بولعانىنداي، كوپ جۇمىستى تىندىراتىندىقتان، كورشى-قولاڭ مەنىڭ ات اربامدى سۇراپ كوپ ىستەتەتىن. بىرەۋدىڭ بەتىن قايتارۋدى بىلمەيتىن مەن ولاردىڭ مەسەلدەسىن جەرگە  قالدىرمايتىنمىن. ول  كەزدە اۋىلداعى  ءبىر قىستاقتا حالىق وقىتۋشىسى ەدىم. اۋىل مەن اۋدان اراسى 8 كيلومەتر بولعانىمەن، ارالىققا قاتىنايتىن قاتىناس كولىك بولمايتىن. اۋداننان كەلەتىن بىرنەشە وقىتۋشىنى سەنبى سايىن  سول تورى اتقا جەككەن ارباممەن اۋدانعا اقىسىز جەتكىزىپ قوياتىنمىن. ات ارباعا وتىرعان ولار تورى اتتى ماقتاپ، مەنى ءماز ەتەتىن. ءبىز كەيدە قىزمەتتەن ءتۇسىپ،  زەرىگىپ ازىراق ءىشىپ، قانىمىز قىزىپ العاندا، تورى اتتىڭ جەلىسى باياۋداي سەزىلىپ، ونى قامشىمەن شىقپىرتاتىنبىز. تورى اتتىڭ سورپاسى شىعىپ، شارشاعاندا، قامشىنىڭ دا ءونىمى بولماي قالاتىن. مەن قولىمداعى سەركۋلدىڭ ۇشىمەن سانىنا ءپىسىپ قالعانىمدا، ول ءبىر موڭكىپ جالعاستى شوقىراقتايتىن. مەن قىزمەتتەستەرىمدى جەتكىزىپ قايتقان جولدا تورى اتتىڭ شارشاعانىن بايقاپ، قاتتى اياپ كەتەتىنمىن.   ءوزىمنىڭ  اۋمەسىرلىگىمدى ايىپتاپ، وكىنىپ قالاتىنمىن.

  تورى اتتى توتەنشە جاقسى كورەتىنمىن. ۇيدە جۇرگەندە ونىڭ ۋاعىندا سۋىن بەرىپ، ءشوبىن سالىپ، اجەپتاۋىر جاقسى قارايتىنمىن.

  قىسقى كانيكول كەزى. جۇمىستىڭ دا سايابىر شاعى بولعاندىقتان، تورى اتتىڭ باعىمى جاقسارىپ، كوپ-كورىم سەمىرىپ، ءجۇنى جىلتىراپ، جۇتىنىپ، جاراپ قالدى. ءدال وسىنداي كۇيى جاقسى كەزىندە وسى اۋىلدا تۇراتىن تانىسىم بەكتۇرسىن كاريا كەلىپ، تورى اتىمدى ارباسىمەن بەرىپ تۇرۋىمدى ءوتىندى. اتىمنىڭ كۇيلى، سەمىرىپ قالعانىن ويلاپ، كۇيىسى كەتىپ، بابى بۇزىلىپ  قالۋىنان  الاڭداسام دا ونىڭ جاۋدىرەي جابىسقان حالىن كورىپ، امالسىزدان ات اربامدى بەردىم. سول كەتكەننەن ءۇش كۇن  ات  اربام ورالماي قاتتى الاڭدادىم ءارى سەمىز اتتى بەرە سالعانىما قاتتى وكىندىم. بىرنەشە رەت ۇيىنە دە بارىپ جاعداي ۇعىستىم. بەكتۇرسىن كاريا بالاسى كورشى اۋىلعا كەتكەنىن، ءالى حابارسىزدىعىن ايتىپ قىنجىلدى. ءۇش كۇننەن سوڭ تورى اتىم بوس  اربانى ارەڭ سۇيرەپ ۇيگە ورالدى. اۋىر جۇكتىڭ اسەرىنەن بە؟ اربانىڭ تالاي جابدىعى ۇزىلگەن. اتىمنىڭ اق كوبىك بوپ،  ونان سوڭ قۇرعاعان ءجۇنىنىڭ ۇيپا-تۇيپاسى شىعىپ، كوزى شۇڭىرەيىپ، سەربەگى شودىرايىپ، قۇر سۇلدەرى قالعان. ءوز اتىمدى ءوزىم ارەڭ تانىپ اڭىرىپ تۇرىپ قالىپتىم. اتىمنىڭ مىنا حالىن كورىپ قاتتى اياپ كەتتىم. كوزىمنەن جاس تا شىعىپ كەتتى.  موتورلى كولىك ەمەس، بۇزىلعان جەرىن  تولە   دەۋگە  كەلمەيدى. اتىمدى اربادان بوساتتىم دا قوراعا جەتەكتەدىم. بەكتۇرسىن كاريا راقىمەتىن ايتتى دا جىلدام كەتىپ قالدى. كەيىن ەستىسەم، مەنەن العان ات ارباعا بەكتۇرسىننىڭ بالاسى ەكى جولداسىن ەرتىپ، كورشى اۋىلدان كوكتەمگى تۇقىمدىق ءبيداي باسىپ جولعا شىعادى. الايدا، قار ارالاس جاڭبىر جاۋىپ، لايساڭ باتپاققا اينالعان جول اۋىرلاي تۇسەدى. ال، اتقا جانى اشىمايتىن جۇگەنسىز جىندىلار باسى-كوزىنە سابالاسا دا بولماعان سوڭ، بولدىرعان اتقا جول ورتادا تاعى ءبىر ات اكەپ قوسارلاپ ءجۇرىپ، جارىم تۇندە ارەڭ ۇيىنە جەتكىزىپتى.

  انە سودان باستاپ تورى اتتىڭ كۇيى كەتە باستادى. ول ۇدايى جوتەلەتىن بولدى. ازىقتانۋى دا بۇرىنعىداي جاقسى ەمەس. بارعان سايىن كەتەۋى كەتىپ، ارىقتاي باستادى. كوكتەمگى كۇن جىلىنعان سايىن ونىڭ بۋىنى بوساپ، اربانى سۇيرەۋ تۇگىل ءوزىنىڭ ءجۇرىسى باياۋلاپ، ورنىندا سۇرىنەتىن بولدى. مال دوحتردى اكەلىپ بىرنەشە رەت ۋكىل سالدىرسام دا تورى اتتىڭ بەتى بەرى قاراۋدان قالدى. دوحتر تورى ات قاتتى قينالىپ، زورىققاننان وكپەسى جانە تىنىس جولى ءىرىڭدى ىسىككە اينالعان، مال بولمايدى دەدى. سونىمەن تورى ات كوكتەم شىعا ورنىنان تۇرا الماي «و دۇنيەگە» اتتاندى.

  تورى اتىمىنڭ  جاعدايىنان حابار تاپقان اكەم ۇيگە كەلىپ، ونىڭ ايانىشتى سوڭعى تاعدىرىن كورىپ، ماعان قاراپ:

  -ە، بالام، ءوزىن ءسۇيىپ، ءوزىنىڭ مال-جانىنىڭ قادىرىنە جەتپەگەن جاننىڭ سوڭعى تاعدىرى وسى تورى اتتاي بولادى! -دەدى اۋىر كۇرسىنىپ. 
 
  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn