ەەڭ جاڭا مازمۇندار
2019-جىلى 10-ايدىڭ 18-كۇنى 241-سان
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى اڭگىمە ماجىلىستە سويلەنگەن ءسوز
ءوزارا سەنۋ، ءوزارا كومەكتەسۋ، ءوزارا پايدا جەتكىزۋ پرينسيبىن ۇستانىپ، دۇنيە جۇزىندەگى ءار ەل حالىقتارىن تەڭىز-مۇحيت ەكونوميكاسىنىڭ دامۋ جەتىستىكتەرىنەن بىرگە يگىلىكتەندىرەيىك
«مەيىرىم ساتراشحاناسى» قارتتاردىڭ كوڭىلىنەن شىقتى
ەكسكۋرسيالاپ، ۇيرەنىپ، پارتيالىلىق جاقتان شىنىقتى
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى
باتىس قالاماڭى الەۋمەتتىك اۋماعى شىنايى سۇيىسپەنشىلىكپەن حالىقتىڭ مۇڭ-مۇقتاجىن شەشىمدەدى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنى تىڭعىلىقتى ورىستەتىپ، ورنىقتىلىق،
قابىر كۇزەتۋشى جاڭ چيۋلياڭ حۋ شيانجىن قۇرباننىڭ تۋىس-تۋعاندارىن ىستىق ىقىلاسپەن قارسى الىپ الدى
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى

جىلىنار ەم كولەڭكەڭدى جامىلىپ

جولدانعان ۋاقىتى : 2013/12/9 18:19:03

نۇرجان قادىرالى  (قازاقستان)
   
    رۋح...
         
(مونولوگ)

ىلەسىپ كەلەم اۋىر ساعىمعا،
كۇرەسىپ كەلەم جەڭىلمەي!
دالالىق اساۋ داۋىلدارىم دا
بابامنىڭ سوڭعى دەمىندەي...

اق ساۋىت تاۋلار -جاراسقان تۇلعا،
بيىكتىگىندەي اقىلدىڭ،
كوتەرىپ تۇرعان كوك اسپاندى دا
اق بىلەگىندەي باتىردىڭ.

جايراتايىن با، قايرالايىن با؟!
مايدان دا ەردىڭ عۇمىرى...
جارق ەتكەن نامىس-نايزاعايىم دا
سەمسەر مەن سەرتتىڭ سىنىعى.

اينالدىرامىن ادىرناسىنا،
تاريحتىڭ تەۋىپ جاقشاسىن،
ادام اتانىڭ قابىرعاسىنا،
حاۋانىڭ بايلاپ اق شاشىن.

جەبەمدى سىلتەپ جولدى قارايمىن،
سۋىرىپ الىپ جانىمنان.
يەسى ولگەن دومبىرادايمىن،
قوبىزدىڭ ءۇنىن ساعىنعان...

جانىممەن بولشى جىرىمدى بولسەڭ،
سىر بولىپ ءجۇرمىن ەلەنبەي.
تاعدىردى جەڭگەن ءتۇرىمدى كورسەڭ،
تاڭىردەن تاياق جەگەندەي...

قىرانعا عانا قورەك جۇرەگىم،
پەرىشتەم قايدا بولەيتىن؟!
ەلىمدى عانا دەمەپ جۇرەمىن،
ال مەنى كىم بار ەلەيتىن؟!

جەبەسە مەنى حالقىم جەبەيدى،
جەرلەسە دە ەگەر جاقىن كەپ...
جوقتاۋشى بولىپ قالعىم كەلمەيدى،
جوقتالۋعا دا حاقىم جوق.

ۇرانداپ كوكتەن جەكە تۇسەتىن،
ۇمىتپايتىنداي سەن قالدىڭ.
قاسىرەتىڭدى كوتەرىسەتىن،
قارا شاڭىراقتا مەن بارمىن.

ۇمىتپا!
   
و زامان دا بۇل زامان...
كەلەر-كەتەر، كىمدەر جاقسى، نە جامان؟
دەرت وسىلار اسقىناتىن، داۋا دا...
-ايەل دەگەن ءازازىل عوي دەدى ادام،
-ەركەك دەگەن ءيت دەدى وعان حاۋا انا.

ءبىرىن-ءبىرى وت پەن سۋداي ءوپتى دە،
ءبىر-ءبىرىنىڭ جان مەن ءتانىن تاۋىستى.
ەكى بەيباق ەكى جاققا كەتتى دە
اسپان مەن جەر،
      كۇن مەن ءتۇن بوپ الىستى.

بيىك شىڭدار تىلگىلەدى ەركەكتى،
ايەل وتىر مۇحيتتارعا تۇنشىعىپ.
ادام اتام جەڭەمىن دەپ سەرت ەتتى،
حاۋا انام دا جەڭىلمەدى قىرسىعىپ.

ءبىر-بىرىنە ايتا الماستان سوڭعى ءسوز،
ءبىر جول جاپتى سوڭىنداعى مىڭ ءىزدى.
ماڭدايىمەن تاستى جاردى ەر مىنەز،
كەكشىل ارۋ كەكىلىنەن گۇل ءۇزدى.

بۇكىل عاسىر سول ەكەۋىن ءسوز قىلدى،
(سەزىم كەگى بۇگىنگى ەمەس، بۇرىنعى...)
ءپاني سودان ءوز ەركىمەن كوز جۇمدى،
باقي قايتىپ ءوز ەركىمەن ءتىرىلدى.

اڭىزداردى اۋزىنا قاراتىپ،
ءبىر-ءبىرىنىڭ سەزىمىنەن سەس تاپتى.
كوپ نۇكتەنىڭ اراسىنان تاڭ اتىپ،
كوپ نۇكتەنىڭ اراسىنا كەش باتتى.

اقىرىندا ەكەۋىنەن قاشىپ كەك،
ءومىر ءسۇردى ءوز-وزىنە وشىگىپ.
ادام قالدى ازازىلگە عاشىق بوپ،
حاۋا قالدى ول يتتىگىن كەشىرىپ.

بۇل زاماننىڭ كوپ بولسا دا قاتەسى،
و زاماندا قالىپ كەتتى داۋا دا...
ادام ەندى سۇلۋلاردىڭ اكەسى،
باتىرلارعا شەشە بولدى حاۋا انا.
   
سەن ءھام كوكتەم

اتا سالام، ماعان ەندى وق بەرمە،
نە ءتىرى ەمەس، نە ءولى ەمەس وتكەندى.
سەنى ەسكە الام، قارايمىن دا كوكتەمگە،
ساعان قاراپ ۇمىتامىن كوكتەمدى.

كوزىڭدە جاس، ماعان قاراپ كۇلسەڭ دە،
ال مەن ءالى سول قايعىڭدى ۇناتام...
جاڭبىرلاردى جۇباتا الماي جۇرسەم دە،
جاڭبىرلارمەن ەكەۋىمىزدى جۇباتام.

ءتوزىم سەرتكە، كوزىم ورتكە دۋشار ما،
نەگە ولاي، جۇرەگىمە ەن سالام -
نايزاداي بوپ مايدانىمنان سىنسام دا
نايزاعايداي ەلەستەيمىن مەن ساعان؟!

جۇرەگىم دە جۇرەگىڭنەن قۋىلا،
قاشقىندارداي ءولى كەش پەن ءتىرى تاڭ...
سەنى ەسكە الام ماس بولعاندا ۋىما،
سەنى كورسەم، ساۋ كەزىمدى ۇمىتام.

قامشىسىمەن ءومىرىمدى ولشەۋدە،
ولشەگىشتىڭ ءبىرى جانىم، ءبىرى ءتان.
سەنى ەسكە الام ءار سۇلۋدى كورسەم دە،
ال سەن كەلسەڭ، ءوز-ءوزىمدى ۇمىتام.

كۇننەن جاۋراپ، ايدان اۋلاق  سەندەلسەم،
جۇلدىزدارىم ءولدى ساعان تابىنىپ.
جاۋراپ بارام، ەي پەرىشتە، سەن كەلسەڭ،
جىلىنار ەم كولەڭكەڭدى جامىلىپ.

سوڭعى قانداي جۇرەگىمدى شولدەتكەن
سوڭعى دەمدەي سوڭىمدا جىر جىلاپ تۇر.
مەنى ولەردەي وكپەلەتكەن ول كوكتەم،
سەنى ولەردەي قۋانتادى ءبىر-اق گۇل.
           
جانقايعى

شيمايلاعان كوڭىلىن جىر، كوزىن جاس،
قۇستار سىندى نە ۇشپايمىز، قۇشپايمىز...
ءبىز ەكەۋىمىز ماڭگى باقي قوسىلماس،
و دۇنيە مەن بۇ دۇنيەگە ۇقسايمىز.

قوس قولىمدى ءبىر-اق سىلتەپ كوكتەمگە،
سەزىمىمنىڭ سوڭعى دەمىن جۇتقان ەم.
مەن سەن ءۇشىن اسپاندى اتتاپ كەتكەندە،
سەن مەن ءۇشىن جەردەن گۇلدەپ شىققان ەڭ.

قۇشاعىڭا قاناتىمدى جايدىردىڭ،
جالعىز ەرىپ جەتەگىنە مىڭ ويدىڭ،
سەن قاسىمدا قالمادىڭ دەپ قايعىردىڭ،
مەن سوڭىما ەرمەدىڭ دەپ مۇڭايدىم.

-ايتا قويشى، ۋاقىت نەگە كەشىكتى؟
-ەرتە كەلسە باقىت ودان ۇركەدى...
سەنىڭ جانىڭ عاشىقتاردىڭ مەشىتى،
ال مەنىكى، جالعىزداردىڭ شىركەۋى.

جۇلدىزداردىڭ ءبارى مەنىڭ وتانىم،
قارا جەردە ساعان عانا بوتەن ەم.
ال اي مەنىڭ ءتۇن ۋ قۇيعان بوكالىم،
مەن سەن ءۇشىن ونى كوككە كوتەرەم.

كوتەرۋگە كۇنالارىم كۇشتەيدى،
بيلەتپەك بوپ بۇل ومىردە جوق انگە...
ال  تاڭىرلەر قۇلدارىمەن ىشپەيدى،
مەنىڭ باسقا ەشكىمىم جوق، امال نە...

سوعىستىرىپ ويدى وياتام كوز ىلسە،
توعىستىرىپ كەشتى تاڭنىڭ وتىنە.
ءتۇننىڭ ۋىن جالعىزداردىڭ كوزىنشە،
شاشىپ كەتەم جالعىزدىقتىڭ بەتىنە!

سەنى ىزدەيمىن جىلاسام دا، كۇلسەم دە،
ارمانىمىز نەكەلەسكەن نازىمنان.
سەن جۇماقتا مەن توزاقتا جۇرسەم دە،
پەشەنەمىز ءبىر نۇكتەمەن جازىلعان.

بالكىم ءبىزدىڭ كۇزدەن كەيىن جاز قالماس،
نە ۇشپايتىن، نە قۇشپايتىن قۇستايمىز.
...ءبىز ەكەۋىمىز ءبىر ساتكە دە اجىراماس،
بۇل دۇنيە مەن و دۇنيەگە ۇقسايمىز!
             
كۇيىنۋ

جۇباتادى كوكتەم مۇڭداس بولعان سوڭ،
قاناتى جوق ارقامىزدان كۇز قاعىپ.
سەن جالعىزبىن دەپ جىلادىڭ سودان سوڭ،
سەنى ءسۇيدىم جالعىزدىقتان قىزعانىپ.

ءتىلىم بارماي ساعان باقىت تىلەۋگە،
قارعاۋعا دا.
جوق ۋادەڭدى بۇزعان كىم؟
سەن جالعىزبىن دەپسىڭ تاعى بىرەۋگە،
سوسىن سەنەن...
           جالعىزدىقتى قىزعاندىم.

مەن ءتۇن جاقتان،
سەن كۇن جاقتان قۇلايسىڭ،
ءبىز سەبەبى قوس قاناتتى ماڭگى ۇزدىك.
جالعىزدىققا جالعىزبىن دەپ جىلايسىڭ،
ەندى سەنى قىزعانادى جالعىزدىق.

سەن تەك مەنى ماعان قوستىڭ جولىمدا،
مەن تەك سەنىڭ تاڭدارىڭا كەش قوسام.
ءبىز جالعىزبىز باسىندا دا سوڭىندا،
ال جالعىزدىق جالعىز ەمەس ەشقاشان!

مەنىڭ جالعىز جالعىزدىعىم ولەڭىم،
ال سەنىكى سۇلۋلىعىڭ  ۇدايى...
ءوز-وزىمە «مەن جالعىزبىن» دەپ ەدىم،
«مەن دە» دەيدى عاشىقتاردىڭ قۇدايى...
             
  ۋاقىت

ۋاقىت ەمشى، سەنەرسىڭ باتىپ مۇڭعا،
ول دا سىرقات، جارالى باقىتى كوپ.
ءبىزدى قويشى ەي، ءبىز تۇگىل ۋاقىتتىڭ دا،
ءوزىن-ءوزى ەمدەۋگە ۋاقىتى جوق.

ءبىرى ۇمىتسا، بىرەۋى ۇمىتا الماي،
تىك سويلەيدى داۋىرلەر كولدەنەڭنەن.
ورتەنەدى وت ءوز-ءوزىن جىلىتا الماي،
اعىن سۋدىڭ تالايى شولدەپ ولگەن.

شەشىلە مە بىلمەيمىن ۋاقىتسىز داۋ،
اسقىنۋدا تاعدىر دا اسىققانعا.
مەن تۇگىلى باقىت تا باقىتسىزداۋ،
سەن تۇگىلى جالعىز ءجۇر عاشىقتار دا.

وزگەلەرگە ءوز-ءوزىن شاقىرعان جىل،
ءوزىن-ءوزى قورعايتىن قارۋ بار ما؟!
ءوزىن-ءوزى جەڭە الماي باتىرلار ءجۇر،
ءوزىن-ءوزى جەك كورىپ ارۋلار دا.

وزگەلەرگە اتسا دا كۇيىپ تاڭدار،
ءوز-وزىمەن باتادى شاقىرىمعا.
ءوز-وزىنەن اسا الماي بيىك تاۋلار،
تىڭدامايدى ءوز-ءوزىن اقىلىم دا.

ءوز-ءوزىمنىڭ ءمىنىمدى مۇقاتقاندا،
قۋراتادى ءوز-ءوزىن مازامداي گۇل.
ءوزىن-ءوزى وقىماي كىتاپتار دا،
ولەڭدەر دە وزدەرىن جازا الماي ءجۇر.

جالىنىمدى بيلەتىپ وتتى انىمەن،
تاريحىم دا ءوز-ءوزىن جوقتاپ قالعان.
ساعاتىمنىڭ جۇرەگى سوققانىمەن،
جۇرەگىمنىڭ ساعاتى توقتاپ قالعان.

ايدىنىڭنان ءبىر ورىن بەرشى قونسام،
ەمشى ۋاقىت، تيسە دە كوڭىلىڭە،
داۋاسى جوق دەرتىم بار، ەمشى بولساڭ،
كەلىپ كەتشى جان ساقتاۋ بولىمىنە.

مەن سەنى كۇتەم...

          دايىنداعان - ق. ايدارحان

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn