الدىڭعى جارىم جىلدا شاۋەشەك كەدەنى باسقارعان يمپورت-ەكسپورت تاۋارىنىڭ قۇنى مەجەمەن 700 ميلليون دوللارعا جەتىپ، سايكەس مەزگىلدەگىدەن %686 ارتقان
ءتىلشىمىز ماقپال مىرزاقان، ەرىكتى ءتىلشى دي ۋي حابارلايدى. تىركەمەلى جۇك اۆتوموبيلى باقتى شەكارا وتكەلى كەدەنىنىڭ باقىلاۋ-باسقارۋ ورنىندا باياۋ ايالدادى، ەكى كەدەن قىزمەتكەرى دەرەۋ تەكسەرۋ قىزمەتىن باستادى ءارى تەكسەرىپ وتكىزىپ العاننان كەيىن تىركەمەنى ءىلىپ الىپ تاسىمالداۋ جۇمىسى ءجۇرىلىپ، تىركەمەنى ءىلىپ العان جۇك اۆتوموبيلى مەملەكەت قاقپاسىنان باياۋ شىعىپ بارا جاتتى. بۇل 8-ايدىڭ 7-كۇنگى شاۋەشەك كەدەنىنىڭ ەكسپورت ەتىلەتىن ءىرى تۇرپاتتى جەل ەلەكتر جابدىقتارىن تەكسەرىپ وتكىزگەن بارىسى ەدى.
«كەدەن قىزمەتكەرلەرىنىڭ دەر كەزىندە جوعارى ونىمدىلىكپەن تەكسەرىپ وتكىزىپ،كەدەننەن ءوتۋ ۋاقىتىمىزدى ۇنەمدەگەنىنە العىس ايتامىن!» دەدى تارباعاتاي سىبەتى ساۋدا شەكتى سەرىكتەستىگىنىڭ ديرەكتورى لو جىچياڭ.
ۇعىسۋعا قاراعاندا، وسى توپتاعى ەكسپورت ەتىلەتىن ءىرى تۇرپاتتى جەل ەلەكتر جابدىقتارىن ەلىمىزدىڭ دامۋ-رەفورمالاۋ كوميتەتى باس بولىپ قازاقستان رەسپۋبليكاسىندا اتقارعان «اقتوعاي 1-مەرزىمدىك 100 مەگاۆاتتىق جەل ەلەكتر ستانسياسى نىسانىنا» ارناۋلى پايدالاناتىن جابدىق ەكەن.
زاتتىڭ جالپى سالماعى 198.88 توننا، تاۋار قۇنى 254 مىڭ 900 دوللار بولىپ، 400 جۇك اۆتوموبيلمەن تىركەمەنى ءىلىپ شەكارادان شىعارۋ بويىنشا جوسپارلانىپ،قازىرگە دەيىن 16 جۇك اۆتوموبيلى شەكارادان وتكەن.
ۇعىسۋعا قاراعاندا، الدىڭعى جارتى جىلدا شاۋەشەك كەدەنى شەكارادان كىرىپ-شىققان 9906 جۇك اۆتوموبيلىن باقىلاپ-باسقارىپ، جۇك سالماعى 88 مىڭ تونناعا، تاۋار قۇنى شامامەن 700 ميلليون دوللارعا جەتىپ، جۇك تاسىمال مولشەرى سايكەس مەزگىلدەگىدەن %260، تاۋار قۇنى سايكەس مەزگىلدەگىدەن %686 ارتقان.
جىل باسىنان بەرى شاۋەشەك كەدەنى «مەن بۇقارا ءۇشىن ناقتى ءىس ىستەيمىن» امالياتتىق قيمىلىن تىڭعىلىقتى ورىستەتىپ، كەدەننەن وتكىزۋ جۇمىسىن كومپيۋتەردە ءبىتىرۋ، كۋالىكتى قاراپايىمداستىرۋ، كەدەن سالىعىنا كەپىلدىك ەتۋ، قامسىزداندىرۋ، العاش وندىرگەن ورىن كۋالىگىن زەردەلى تەكسەرۋ سياقتى كاسىپورىندارعا تيىمدىلىك جاساۋ، قولايلىلىق اكەلۋ شارالارىن جاپپاي تياناقتاندىرعان.
سونىمەن بىرگە، ىندەتتەن ساقتانۋ-تىزگىندەۋ قاجەتىمەن ۇشتاستىرىپ، قىزمەتكەر جىبەرىپ، شەكارا وتكەلى وڭىرىندە تاۋلىك بويى باقىلاۋ-باسقارۋ جۇرگىزىپ، كەدەننەن ءوتۋدى قولايلىلاندىرۋ دەڭگەيىن ونان ارى جوعارىلاتىپ، كاسىپورىنداردىڭ ءىس جۇزىندىك قيىنشىلىقتارىن شەشۋگە كومەكتەسكەن.
شاۋەشەك كەدەنى باقىلاۋ-باسقارۋ ءبولىمىنىڭ باستىعى سۇن باۋحۋانىڭ تانىستىرۋىنشا، كەزەكتە شاۋەشەك كەدەنى ەكسپورت ەتەتىن زاتتار نەگىزىنەن كۇندەلىكتى تۇتىنۋ بۇيىمدارى، جابدىق زاپچاستارى، كيىم- كەشەك، اياق كيىم، شەكارا اتتاعان ەلەكتروندى ساۋدا، حالىقارالىق پوچتا جولدامالارى جانە بالالار ويىنشىعىن قامتيدى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى