تاۋلە قۇماش ۇلى
بۇگىنگى جاراسىمدى قوعام، بەرەكەلى وتباسىن قۇرىپ، ادامگەرشىلىكتى قاستەرلەۋدى جولعا قويىپ وتىرعان وسى تۇستا، اقشادان ادامگەرشىلىك ءالى جوعارى ەكەندىگىن سەزىنۋگە بولادى. ويتكەنى اقشانى ادام تابادى، ادام بولعاندا عانا اقشا بازارعا كىرىپ اينالىمىن تەزدەتىپ، تاعى ادامداردىڭ يگىلىگىنە جۇمسالادى. قازىر ءبىر ءبولىم كوللەكتيۆ نەمەسە جەكەلەر اقشا تابۋعا اسىعىپ، ادامگەرشىلىكتى، ار- ۇياتتى قايىرىپ قويىپ، كوزدى جۇمىپ، الاقانىن اشىپ اقشا دەپ جانتالاساتىندى تاپتى. بىلاي دەيتىنىم، قازاننىڭ 6-كۇنى باقتى وتكەلىنە بارىپ، قازاقستاننان كەلەتىن تۋىسىمدى توسىپ تۇردىم، جولاۋشى تاسىپ كىرە تارتاتىندار نەگىزىنەن قازاق ازاماتتارى ەكەن قۋانىپ قالعان ەدىم، سوڭىنالا قىلىقتارىن كورىپ جەك كوردىم. ەلىمىزدىڭ نەمەسە قازاقستاندىق جولاۋشى بولسىن تەكسەرۋدەن وتە سالىسمەن « دالادان التىن تاپقانداي» تالاسا-تارماسا كەتسە، ەندى بىرەۋلەرى جولاۋشىنىڭ سومكاسىن الىپ كولىگىمە وتىرماساڭ بەرمەيمىن دەپ جالىندىرىپ ءجۇر، قويشى. كاسىپ ىستەپ اقشا تاپقاننىڭ ءجونى وسىلاي دەپ ار ۇيات، ازاماتتىقءمورالدى قايىرىپ قويساق وسىدا ءجون بە ؟ شەتەلدىك قوناقتار قالاي قاراپ، قانداي ويدا بولادى، كوپكە سالقىنىمىزدى تيگىزبەي تۇرىپ، ات باسىن تارتۋىمىز كەرەك.
تاعى ءبىر مىسال، قىركۇيەك ايىنىڭ ءبىر كۇنى بارلىق تاۋىنىڭ التىن كۇزگى كوركەم كونسەرتتەرىن كامەراعا ءتۇسىرىپ قايتار جولى كورشىلەس اۋداننىڭ بەلگىلى ءبىر اۋىلىنا كەلگەنىمدە، اۋىلدىڭ ءتورت كوشەسىندە بالا كوتەرگەن جاستاۋ كەلىنشەك جول توسىپ، «اۋدان قالاشىعىنا دەيىن الا كەتسەڭىز، بالام تۇماۋراتىپ، قىزۋى تۇسبەي تۇر» دەگەنسوڭ اۆتوكولىگىمە شىعاردىم. سولاق ەكەن 3 دە 4 ادام بىرگە شىعىپ الدى، «قاتىناس جوق توسقانىمىزعا تالاي ساعات بولدى، كۇن باتىپ بارادى، الا كەتىڭىز» دەدى. مەن ولارعا مىناۋ كىرە كولىك ەمەس دەگەنشە، فورما كيگەن قاتىناس قىزمەتكەرى كەلىپ «جەكە كولىكتىڭ ادام الۋىنا بولمايدى، ءوزىمىزدىڭ كولىگىمىز كەلەدى» دەپ ءتۇسىرىپ الدى. ەندى جۇرگەلى جاتقانىمدا الگى بالا كوتەرگەن كەلىنشەك اۆتوكولىكتىڭ الدىنا تۇرىپ الىپ: «قاتىناس قىزمەتكەرى وتىرىك ايتادى، تالاي كولىككە تۇسىرمەي قويدى، جالىنعانىم بولسىن اعا، مىنا بالاما قاراڭىزشى، تالىقسىپ بارادى» دەگەنسوڭ ەت جۇرەكتى پاندەمىز-عوي، كولىككە قايتا شىعارىپ جۇرگەلى جاتقانىمدا، الگى قاتىناس قىزمەتكەرى تاعى كەلىپ: «جۇرەكتى، اقشاڭ مول ازامات ەكەنسىڭ، كەتە بەر » دەپ قولفونىن الىپ، قارسى جاققا مەنىڭ كولىگىمنىڭ ءنومىرىن ايتىپ جاتتى. مەن:« اي جولداس مىنا بالا سىرقاتتانىپ تۇر ەكەن اۋىلدان قالاعا دەيىنگى كىرە اقىسىن ساعان تولەسىن، بالاسىن شيپاحاناعا جەتكىزىپ قويايىن» دەسەم دە كونبەدى، قايتا ماعان الا كوزبەن قاراپ، سۇق قولىن شوشاڭداتقانسوڭ بەتىم قايتىپ، ارتىما بۇرىلدىم.
الگى كەلىنشەك قاتىناس قىزمەتكەرىنە ەگەر بالام ءبىر ىسكە جولىقسا جاۋاپ قىلاسىڭ دەپ ايتىپ جاتقانسىڭ تاۋەكەل الىپ ءجۇرىپ كەتەيىن دەسەم، «قاتىناس ەرەجەسىندە جەكە كولىك جولاۋشى تاسىپ كىرە تارتسا 20 دا 30 مىڭ يۋان ايىپ سالىنادى، دەگەن بەلگىلەمەنى ويلاپ جۇرمەكشى بولدىم، سوندادا 20 مينۋتتاي ايالداعانسوڭ شاعىن تۇرپاتتى اۆتوبۋز كەلدى، ولار قاپتاپ شىعىپ جاتتى، مەنىڭ دە كوڭىلىم ورنىقتى. سونىمەن اۋدان قالاشىعىنا تاياعاندا قاتىناس بەكەتىنىڭ 2 اۆتوكولىگى جول شەتىندە مەنى توسىپ تۇرعان سياقتى، كولىكتى ءسال باياۋلاتتىم، ءبىر ازامات ۇڭىلە قارادى، ءبىراق كولىكتە ادام جوق، سونسوڭ توسبادى.
ءيا، ءبىر ءبولىم ادامدار ايىپ تولەيمىن دەپ اقشادان قورقىپ بالاسى سىرقاتتانعان ايەلدى كولىگىنە وتىرعىزبادى دەيتىندەردە شىعار، ايتا بەرسىن. ءبىراقتا ەلمىزدىڭ زاڭ، ساياسات، بەلگىلەمە، ەرەجەلەرىنە سانالى بويسۇنۋ بارلىق ازاماتتىڭ مىندەتى. ال اقشادان ادامگەرشىلىك قىمبات، ەرەكشە جاعدايدا بەلگىلەمەگە قاتىپ-سەنىپ قالماي، كوپكە كوڭىل بولگەن ءجون.!
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.