ءتىلشىمىز داي جياۋمەي حابارلايدى. 8-ايدىڭ 26-كۇنى ايماقتىق پارتكومنىڭ ورىنباسار شۋجيى،اكىمشىلىك مەكەمەسى پارتيا باسشىلىق گرۋپپاسىنىڭ شۋجيى،ۋالي ايدىن تولەۋقان اكىمشىلىك مەكەمەسىنىڭ 2021-جىلعى 14-رەتكى پارتيا باسشىلىق گرۋپپاسى ءماجىلىسىن باسقارىپ اشتى.
ءماجىلىس 8-ايدىڭ 20-كۇنى اشىلعان اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ،8- ايدىڭ 14-كۇنى اشىلعان اۆتونوميالى رايوننىڭ اۋىل-قىستاق دارەتحانا توڭكەرىسى بويىنشا جۇمىس باسىنا بارىپ كوزدەن كەشىرۋ جانە وتباسى دارەتحاناسى ماسەلەسىن ءبىر-بىرلەپ انىقتاۋ قىزمەتىن ىلگەرىلەتۋ ءماجىلىسىنىڭ،8-ايدىڭ 14-كۇنى اشىلعان اۆتونوميالى رايوننىڭ سۋ بايلىعىن قورعاۋدى، باسقارۋدى كۇشەيتۋ جانە جەر استى سۋىن اسىرا تارتۋدى ارناۋلى جونگە سالۋدى ورىستەتۋ قىزمەتى جونىندەگى اڭگىمە ءماجىلىسىنىڭ،8-ايدىڭ 15-كۇنى اشىلعان اۆتونوميالى رايوننىڭ زەردەلى اۋىل شارۋاشىلىعى بويىنشا جۇمىس باسىندا كوزدەن كەشىرۋ ءماجىلىسىنىڭ،8-ايدىڭ 17-كۇنى اشىلعان اۆتونوميالى رايوننىڭ ەنەرگيا جۇمسالىمىنداعى «قوس تىزگىندەۋ» قىزمەتى ءماجىلىسىنىڭ،8-ايدىڭ 17-كۇنى اشىلعان اۆتونوميالى رايوننىڭ اۋىل شارۋاشىلىعىندا اپاتتان ساقتانۋ،اپات زيانىن ازايتۋ جانە كۇزگى استىق ءوندىرىسى جونىندەگى بەينە ەكراندىق ورنالاستىرۋ ءماجىلىسىنىڭ رۋحىن جەتكىزدى،ۇيرەندى،ايماعىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى.
ءماجىلىس مىنالاردى باسا دارىپتەدى: اۋدان-قالالار،تاراۋلار پارتيا 19–قۇرىلتايىنىڭ،19-كەزەكتى ورتالىق كوميتەتتىڭ ەكىنشى،ءۇشىنشى،ءتورتىنشى،بەسىنشى جالپى ماجىلىستەرىنىڭ،3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ،جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە-ءدال دايەكتىلەندىرىپ،جالپى حالىقتىڭ بىرگە بايۋىن جەبەۋدى «جۇڭگو حالقىن باقىتقا كەنەلتۋدىڭ،جۇڭحۋا ۇلتىن گۇلدەندىرۋدىڭ» كوزدەۋ ءتۇيىنى مەن كۇش سالۋ ءتۇيىنى ەتىپ،قوعامدىق تەڭدىك پەن ادىلەتتىلىكتى قورعاۋعا،نەگىزگى الەۋمەتتىك قىزمەت وتەۋدىڭ بىركەلكىلىگىن جەبەۋگە،بۇقارانىڭ كىرىسىن ارتتىرىپ،اۋقاتتانۋىن جەبەۋگە كۇش سالىپ،فينانس حاۋىپ-قاتەرىنەن ساقتانىپ جانە ونى جويىپ،زاڭسىز فينانس قيمىلدارىنا قاتاڭ سوققى بەرۋ كەرەك.
ءماجىلىس مىنالاردى تالاپ ەتتى: يدەيالىق تانىمدى جوعارىلاتىپ،اۋىل-قىستاقتارداعى وتباسى دارەتحاناسى ماسەلەسىن ءبىر-بىرلەپ انىقتاۋ،رەتتەۋ-تۇزەتۋ قىزمەتىن ناقتى، ەگجەي-تەگجەيلى،ويداعىداي ىستەپ، «دارەتحانا توڭكەرىسىن» تاباندىلىقپەن ىلگەرىلەتىپ،بۇقارانىڭ تۇرمىس ساپاسىنا ىقپال جاسايتىن ولقىلىقتاردى تولىقتاۋ كەرەك. زەردەلى اۋىل شارۋاشىلىعىنىڭ جاڭا تەحنيكاسىن،جاڭا كاسىپ سالاسىن،جاڭا كاسىپ كۇيىن،جاڭا ۇلگىسىن كۇش سالا جەتىلدىرىپ،ءوندىرىستى زەردەلىلەندىرۋدى،باسقارۋدى ساندى مالىمەتتەندىرۋدى،تيجاراتتى توراپتاندىرۋدى جانە قىزمەت وتەۋدى جەلىلەندىرۋدى جەدەل جۇزەگە اسىرۋ كەرەك. سۋدى عىلمي پايدالانۋدى ءبىر تۇتاس جوسپارلاپ،سۋعا قاراي قاجەتتى بەلگىلەۋگە،سۋ جاعدايىنا قاراي ىستەتۋگە،سۋ مولشەرىنە قاراي جۇرگىزۋگە تاباندى بولىپ،سۋ ۇنەمدەۋدى،سۋ ساقتاۋدى،سۋ جوتكەۋدى ءبىر تۇتاس جوسپارلاپ،سۋ بايلىعىن باياندى پايدالانۋدى جانە تاماشا سۋ ەكولوگيالىق ورتاسىن تارباعاتاي ايماعى ەكونوميكاسىنىڭ جوعارى ساپالى دامىتۋدىڭ تىرەگى ەتۋ كەرەك.
اكىمشىلىك مەكەمەسى پارتيا باسشىلىق گرۋپپاسىنىڭ مۇشەلەرىنەن الي،يان فىڭ،بي حاي ماجىلىسكە قاتىناستى،اكىمشىلىك مەكەمەسىنىڭ باس حاتشىسى،ورىنباسار باس حاتشىلارى،سونداي-اق ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە سىرتتاي قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى