ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

قايتا قاۋىشتىرعان ەستەمە

جولدانعان ۋاقىتى : 2013/12/10 16:35:47

جياتىڭكاڭنان (جاپونيا)
 

    تەلەفاكس اپپاراتىنىڭ كومەيىندە جولدانعالى تۇرعان حۇجات «نەكەدەن اجىراسۋ قاعازى» ەدى. وعان ايەلدىڭ قولى قويىلعان.

   ايەل تەرەڭ تىنىس الدى، ايالداي بەرسە وپىق جەپ قالاتىنداي، «جولداۋ» تۇيمەشىگىن جەدەل باسىپ جىبەردى. «نەكەدەن اجىراسۋ قاعازى» اقىرىن قوزعالدى. تەلەفاكس اپپاراتىنىڭ كورسەتكىش ەكرانىنان «ءساتتى جولداندى» دەگەن جازۋ كورىندى.

  الگى ايەل ىشتەي «قازىرگى زامان شىنىمەن قولايلى بولدى  عوي، مىناداي قاتارداعى جاي قوناقجايدا تەلەفاكس اپپاراتىنىڭ بولعانى قانداي كورىم. ەگەر تەلەفون سوعار بولسام، ونىڭ داۋىسىن ەستىگەننەن كەيىن بالكىم ەكى ۇداي بولىپ قالارمىن. ال، تەلەفاكسپەن جولدانعاندا، ەشقانداي ءارى-ءسارى بولمايدى ەكەنسىڭ. ەندى  ونىڭ ‹نەكەدەن اجىراسۋ قاعازىنا› قول قويۋىن توسسام بولعانى، بارلىعى دا اقىرلاسادى» دەپ ويلادى.

  ايەل ءوز بولمەسىنە قايتىپ كەلدى. دەسەدە، تۇنىمەن ارى- بەرى اۋناقشىپ ۇيىقتاي المادى. باس قۇراعاننان قازىرگە دەيىنگى ىستەر كوز الدىنان ءبىر-بىردەن تىزبەكتەلىپ وتە باستادى.
ول ەندىگى ۇيگە قايتىپ كەلىپ، تەلەفاكسپەن بارعان حۇجاتتى كورگەن بولار. ول قايتەر ەكەن؟

  ايەل بۇرىن دا كوپ رەت ۇيىنەن شىعىپ كەتىپ، « اجىراسامىن» دەپ الەك سالعان، دەسەدە، بۇل جولى كۇيەۋىمەن شىنداپ ات كەكىلىن كەسىسكەلى وتىر.  وسىنى  ويلاعاندا ايەل ءوزىن ۇستاي الماي، كوز جاسىنا ەرىك بەردى.

  قالاي عانا سۇيىسپەنشىلىكتەرى وسىنشالىق قوجىرادى ەكەن دەشى؟ ونىمەن العاش كەزىككەندە جىگىتتىڭ سالماقتى دا سالاۋاتتى بەينەسى ءوزىن شۇڭەتىنە ءيىرىپ اكەتپەپ پە ەدى. ماحاباتتاسىپ جۇرگەندە دە، نەكەلەنگەننەن كەيىن دە بالداي ءتاتتى كەزدەرى بولماپ پا ەدى. دەسەدە، جىلداردىڭ جىلجىپ، ايلاردىڭ اۋناۋىمەن جىگىتتىڭ اتتەگەن-اي دەگىزەتىن ىستەرى بارعان سايىن كوزگە ۇرا باستاپتى. قازىرگە دەيىن ونىڭ نە ءبىر تۇراقتى كاسىبى جوق. اشتى شىندىق الدىندا، ول ىلعي سەبەپتى وزگەدەن ىزدەپ، ءوزىن تالەيسىز سانايدى. بۇدان سىرت، تۇرمىسقا سالاق، تازالىققا ءمان بەرمەيدى...

  دەسەدە، وندا ارتىقشىلىقتار دا جوق ەمەس. رومانتيكاعا باي، تۋعان كۇنىمدى، نەكەلەنگەن كۇنىمىزدى ەسىنەن شىعارمايدى... نەكەلەنگەن العاشقى كۇن-اي دەسەڭشى! نەكەلەنگەن كۇنى ول ءوزى ءۇزىپ اكەلگەن ءبىر شوق ءلالا گۇلىن قولىما ۇستاتپاپ پا ەدى. سول كەزدە قارداي اپپاق نەكە كويلەگىن كيىپ ونىڭ جانىنا بارعانىمدا، ءوزىمدى الەمدەگى ەڭ باقىتتى جانداي سەزىنبەپ پە ەدىم!.. سول كەزدە ودان: «نە ءۇشىن اپپاق كويلەك كيگەنىمدى بىلەسىڭ بە؟» دەپ سۇراعانىمدا، ول:

  -سۇيىكتىم ءوزىڭنىڭ اپپاق قاردان كىرشىكسىز ەكەنىڭدى بىلدىرگەنىڭ ەمەس پە، -دەدى.

  سوندا كۇلىپ تۇرىپ:

   -اقىماق، اق ءتۇس تىرلىكتىڭ جاڭا باستاماسىن نىشاندايدى ، بۇگىننەن باستاپ سەنىڭ ايەلىڭ بولىپ، تىڭ تىرلىگىمدى باستايمىن. اق ءتۇس بارلىعىن قايتا باستان باستاۋدى بىلدىرەدى، ءبىزدىڭ بولاشاعىمىز نۇرلى بولادى ءالى، -دەگەنمىن.

  ول مەنىڭ ايتقاندارىمدى كۇبىرلەي قايتالاپ، شاتتانا قۇشاعىنا باسقان ەدى، «اھ ، سول كەزدە ونى قانداي سۇيەتىن ەدىم، قازىر ودان شىنىمەن الىستاعانىم با؟ جوق، ونى ءالى سۇيەمىن. ول دا ءالى تۇراقتى قىزمەتى بولماسا دا قاراپ جاتپاي قۇلشىنىپ كەلەدى، ال تۇرمىسقا سالاقتىعىن ايتار بولساق، قانشا ەركەك ودان ارتىق دەيسىڭ؟ ەرتەڭ ۇيگە ەرتەمەن قايتايىن، ودان ىرگەمدى استە بولمەيىن.

  ايەل وسىلاردى ويلاپ جاتىپ ۇيىقتاپ كەتتى... ەرتەڭىندە ەرتەمەن ەسىكتى جىتىرمەلەتە قاققان   داۋىستان    ويانىپ، ەسىكتى اشسا، كۇيەۋى ەكەن.

  -قالاي كەلىپ قالدىڭ بۇل اراعا ؟

  -سەنىڭ جولداعان فاكسىڭدى تاپسىرىپ الدىم.

  ايەل سەلت ەتتى.  قىرسىق شالدى. ول « نەكەدەن اجىراسۋ قاعازىنا» قالايدا قول قويىپ تاستادى، قۇدايىم-اۋ بارلىعىنان كەش قالدىم دەشى.

  جىگىت اسىعىپ-اپتىعا:

  -ساعان ايتارىم بار، -دەدى.

  -كەشە تەلەفاكسىڭدى تاپسىرىپ العاننان كەيىن تۇنىمەن مۇقيات ويلاندىم.

  -مەن دە.

  -سەن جولداعان تەلەفاكس ەكەۋىمىزدىڭ نەكەلەنگەن كۇنىمىزدى ەسىمە سالدى.

  -نەمەنە؟ ءيا، مەندە سولاي.

  -جولداعان تەلەفاكسىڭنىڭ ءمانىسىن ءتۇسىندىم، پىكىرىڭە قوسىلامىن!

  -جو، جوق، ءاسىلى مەن كەيىن...

  ايەلىنىڭ ءسوزىن توسپاي جاتىپ جىگىت اسەرلەنگەننەن:

  - ءبىز نەكەلەنگەن كۇنى سەن اق ءتۇس قايتا باستاۋدى بىلدىرەدى دەگەنىڭ ەسىمە كەلدى. ءبىز بارلىعىن باسىنان باستايىق، -دەدى.

  ايەلى تۇك تۇسىنە الماي تۇر، ال كۇيەۋى جالعاستى سويلەپ جاتىر:

  -سەن جولداعان اق قاعازدى العاش كورگەندە، ءمانىسىن تۇسىنە الماي دال بولدىم. تۇنىمەن ويلانىپ، نەكەلەنگەن كەزىمىزدە ايتقان «اق ءتۇس تىرلىكتىڭ جاڭا باستاماسىن نىشاندايدى. ءبىزدىڭ بولاشاعىمىز، ءسوزسىز، نۇرلى بولادى» دەگەن ءسوزىڭ ارقىلى اقىرى ءتۇسىندىم. بۇگىننەن باستاپ ءبىر تۇراقتى قىزمەت قاراستىرامىن دا سەنى باقىتتى تۇرمىسقا كەنەلتەمىن.

  كۇيەۋى قولىنداعى ءبىر جاپىراق تەلەفاكس قاعازىن ايەلىنە بەردى.

  تەلەفاكس شىنىمەن جازۋسىز اق قاعاز ەكەن.

  ايەلى اق قاعازدى كورىپ، سەنەر-سەنبەسىن بىلە المادى.

  كەشە اپ-انىق  «نەكەدەن اجىراسۋ قاعازىن» جولداعان ەدى عوي. شىنىمەن ءتاڭىردىڭ بۇيرىعىمەن تاعدىرلارىنا ءبولىنۋدىڭ جازىلماعانى ما؟

  ەرلى-زايىپتى ەكەۋى اسەرلەنگەننەن ءبىرىن-ءبىرى باۋىرىنا باستى.

  تەرەزەدەن كىرگەن سامال جەلمەن ۇستەل ۇستىندە تۇرعان «قوناقجاي جابدىقتارىن پايدالانۋ قولدانبا كىتاپشاسى» ۇشىپ جەرگە ءتۇستى. مۇندا «تەلەفاكس جولداعاندا قاعازدىڭ جازۋى بار جاعىن استىنا قاراتىڭىز» دەگەن تارماق بار ەدى.
 
اۋدارعان -قانات جۇماش ۇلى

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn