ءتىلشىمىز سۇڭ جيانلياڭ،ەرىكتى ءتىلشى گۋان بين حابارلايدى. كۇز كىرگەننەن بەرى،ساۋان قالاسى ۇلانۇس قالاشىعى حۋاڭجيالياڭ جاڭا قىستاعىنىڭ سەلەندى ءتاتتى كارتوبىنىڭ پىساتىن مەزگىلى جەتىپ، قىستاق تۇرعىندارى تاماشا اۋا رايىن قولدان بەرمەي جيناۋعا كىرىسىپ،اتىز باسى ءونىم الۋدىڭ قاربالاستىعىنا ءتۇستى.
بىرنەشە كۇننىڭ الدىندا، حۋاڭجيالياڭ جاڭا قىستاعى دۇڭحايزى گرۋپپاسىنىڭ تۇرعىنى ليۋ لي ءوزىنىڭ 100 مۋلىق ءتاتتى كارتوپ اتىزىندا بازارعا ەرتەرەك سالىپ،جاقسى باعادا ساتۋ ءۇشىن،جاڭا قازىپ الىنعان ءتاتتى كارتوبىن ءسىڭلىسى ەكەۋى قوراپتاپ جاتتى.
ليۋ لي: «كەشە ءبىر قاريدار ءار كيلوگرامىنىڭ باعاسى 4 يۋاننان ءبىر توننا ءتاتتى كارتوپقا الدىن الا تاپسىرىس بەرگەن بولاتىن،6 كيلوگرامدىق قورابىن 30 يۋاننان ساتامىز،قازىر مۋ باسىنا 1 توننادان ارتىق ءونىم بەردى دەپ ەسەپتەگەندە، مەجەمەن مۋىنان 5000 يۋاننىڭ اينالاسىندا كىرىس كىرگىزە الامىز» دەدى.
حۋاڭجيالياڭ جاڭا قىستاعى دۇڭحايزى گرۋپپاسى 2000 مۋدان استام جەرگە سەلەندى ءتاتتى كارتوپ ەككەن بولىپ،كىشكەنە ءتاتتى كارتوپ بارا-بارا حۋاڭجيالياڭ جاڭا قىستاعىنداعى تۇرعىنداردىڭ كىرىستى ارتتىرۋىنىڭ نەگىزگى ارناسىنا اينالدى.
ليۋ لي: «كىشكەنە ءتاتتى كارتوبىمىزدىڭ ءار مۋىنان 5000 يۋان دا 6000 يۋان ارالىعىندا كىرىس كىرگىزەمىز،ءتۇسىمى جاقسى بولعان جاعدايدا،بۇدان دا كوپ كىرىس كىرگىزۋگە بولادى» دەدى.
ساۋان قالالىق وقۋ-اعارتۋ جانە عىلىم-تەحنيكا مەكەمەسىنىڭ حۋاڭجيالياڭ جاڭا قىستاعىندا تۇراتىن قىزمەت اترەتى قىستاق تۇرعىندارىنىڭ مۇڭ-مۇقتاجىن شەشۋگە ىرىقتىلىقپەن كومەكتەستى ءارى قىستاق تۇرعىندارىنىڭ كىشكەنە ءتاتتى كارتوبىن ساتىسۋعا امال قاراستىردى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى ما حايلۇڭ: «الداعى جەردە دوۋيىندا ۇگىتتەۋ،تىكە تاراتۋدا ساتۋ سياقتى تاسىلدەرمەن قىستاق تۇرعىندارىنىڭ ونىمدەرىن ساتۋىنا كومەكتەسىپ، كىشكەنە ءتاتتى كارتوپتى،جاقسى باعادا ساتۋعا قۇلشىنىپ،قىستاق تۇرعىندارىنىڭ ەرەكشە ەگىمشىلىكتەن مول پايداعا كەنەلۋىنە مۇمكىندىك جاسايمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى