تولى قالاشىعى ءتۇرلى فورمالارمەن باس شۋجي شي جينپيڭنىڭ «1-شىلدەدەگى» ماڭىزدى ءسوزىنىڭ رۋحى جونىندە ۇگىت لەكسيا جاسادى
ماڭىزدى ءسوزدىڭ رۋحىن جۇرت جۇرەگىنە ۇيالاتتى
ءتىلشىمىز ليۋ ۋي حابارلايدى. «بەيجيڭنەن شارتاراپقا، باس شۋجيدىڭ ءسوزى شۇعىلاسىن شاشتى، 100 جىلدىق كۇرەس جولىن ەسكە الىپ، نۇرلى بولاشاققا جول اشتى» جۋىقتا تولى اۋدانى تولى قالاشىعى قالاماڭى قىستاعى تۇرعىندار كوميتەتى كەڭسەسىندە لييۋانمەي ۇگىت لەكسيا اترەتىنىڭ مۇشەسى ۋاڭ جيانشى ءوزى دايىنداعان «كوممۋنيستىك پارتيانىڭ يدەياسىن جىرلاپ، جۇڭحۋا رۋحىن اسقاقتاتايىق» تاقىرىبىنداعى تاقپاعى ارقىلى باس شۋجي شي جينپيڭنىڭ «1-شىلدەدەگى» ماڭىزدى ءسوزى رۋحىن ۇگىتتەپ، كوپشىلىكتىڭ القاۋىنا بولەندى.
بىرنەشە كۇننەن بەرى تولى اۋدانىنىڭ تولى قالاشىعى لييۋانمەي، قىزىل اۋەلگى ماقسات، قىزىل ءشارپى، كىشكەنە ورىندىق سياقتى ەرەكشەلىككە يە ۇگىت لەكسيا اترەتىن ۇيىمداستىرۋ ارقىلى اتىز باسىنا، شارۋالار اۋلاسىنا بارىپ، «وبيەكتىلەرگە، توپقا بولگەن، ىقپالداستىققا يە» ارناۋلى تاقىرىپتىق ۇگىت لەكسيا ورىستەتىپ، باس شۋجي شي جينپيڭنىڭ «1-شىلدەدەگى» ماڭىزدى ءسوزىنىڭ رۋحىن جۇرت جۇرەگىنە ۇيالاتىپ، بۇقارانىڭ ماڭىزدى ءسوزدى ۇيرەنىپ، سەنىمدى ارتتىرىپ، دامۋدى جوسپارلاۋىنا كومەكتەستى.
قىستاق تۇرعىنى لي جىحۋا: «جايشىلىقتا ۇيدە قاربالاس بولعاندىقتان، گازەت وقىپ، تەلەۆيزور كورۋگە ۋاقىت شىعارا الماي قالامىز، قالاشىعىمىز وسىنداي ادىستەردەن پايدالانىپ، باس شۋجي شي جينپيڭنىڭ ‹1-شىلدەدەگى› ماڭىزدى ءسوزى رۋحىن ۇگىتتەگەننەن كەيىن، بولاشاقتاعى تاماشا تۇرمىسقا دەگەن سەنىمىم ارتا ءتۇستى» دەدى.
ۇگىت لەكسيا مازمۇنىن بايىتىپ، ۇعىنىقتى ەتۋ ءۇشىن، ۇگىتشى ۋاڭ جيانشى تولىق دايىندىق كورىپ، ءسوزدىڭ رۋحىن الدىن الا، ىشكەرىلەي ۇيرەنىپ، جەرگىلىكتى ورىننىڭ ءىس جۇزىندىك جاعدايىنا نەگىزدەلە وتىرىپ بۇقارا ۇناتاتىن تۋىندىلاردى جاراتۋ ارقىلى ۇگىت لەكسيا جاسادى.
«ۇگىت لەكسيا اۋەلگى نۇسقانى قاز-قالپىندا كوشىرىپ قولدانۋ ەمەس، قايتا ىشكى ءمانىن ىشكەرىلەي ءتۇسىندىرىپ، جۇرت جۇرەگىنە ۇيالاتۋدى ماقسات ەتۋى قاجەت، بۇقاراعا بارىنشا جاناستىرۋ جاعىنا بار كۇشىمىزدى سالىپ، قاراپايىم دا ۇعىنىقتى ۇگىت لەكسيا جاساعاندا عانا، جۇرتتىڭ جۇرەگىنە شىن مانىندە ۇيالاتا الامىز» دەدى ۋاڭ جيانشى.
ۇعىسۋعا قاراعاندا، تولى قالاشىعىنداعى لييۋانمەي، قىزىل اۋەلگى ماقسات، قىزىل شارپى، كىشكەنە ورىندىق سياقتى ۇگىت لەكسيا اترەتىندە جيىنى 57 ۇگىتشى بار بولىپ، قازىرگە دەيىن قالاشىقتاعى 7 الەۋمەتتىك اۋماق، 2 قىستاقتا 28 رەت ۇگىت لەكسيا جاساپ، 2000 نان استام ادام ۇگىت لەكسيا تىڭداعان.
تولى قالاشىعى قىستاق تۇرعىندارىنا بەتپە-بەت ۇگىت جۇرگىزۋ، ىقىلاستى پىكىر اۋىستىرۋ ارقىلى ءار ۇلت بۇقاراسىنىڭ باس شۋجي شي جينپيڭنىڭ «1-شىلدەدەگى» ماڭىزدى ءسوزىنىڭ رۋحىن ءبىلۋ سالىستىرماسىن جوعارىلاتۋمەن بىرگە، «ۇگىت لەكسيا + كوركەمونەر»،«ۇگىت لەكسيا + باۋلۋ»، «ۇگىت لەكسيا + ەرىكتى قىزمەت وتەۋ» سياقتى فورمالار ارقىلى ماڭىزدى ءسوزدىڭ رۋحىن «ەڭ سوڭعى ءبىر شاقىرىمعا»، «ەڭ الىستاعى وتباسىنا» دەيىن جەتكىزىپ، ءار ۇلت بۇقاراسىنا پارتيا مەن مەملەكەتتىڭ حالىققا دەگەن قامقورلىعى مەن ىقىلاسىن سەزىندىرىپ، بارلىق ادام ءسوزدىڭ رۋحىن ۇيرەنەتىن تاماشا راي قالىپتاستىردى.
تولى اۋدانى تولى قالاشىعى پارتكومىنىڭ شۋجيى حۋ ۋىنجۇن: «جانىمىزداعى جاندى مىسالداردى شەبەرلىكپەن كادەگە جاراتىپ، نەگىزگى ساتىداعى ۇگىتشىلەردىڭ بەلسەندىلىگىن ارتتىرىپ، بۇقارانى قۇلاق تۇرۋدەن ىرىقتىلىقپەن ساحناعا شىعۋعا ىنتالاندىرىپ، اۋىس-كۇيىس فورماسىنداعى، ءسىڭىرۋ فورماسىنداعى جانە ىقپالداستىق فورماسىنداعى ۇگىت لەكسيالاردى ورىستەتكەندە عانا، ۇگىت لەكسيا جاناسىمدى، يلاندىرىمدى بولىپ، بۇقارا قۋانا قارسى الىپ، كوكەيىنە ۇيالاتا الاتىن بولادى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى