ەەڭ جاڭا مازمۇندار
بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الايىق
ءماجىلىس رۋحىن ۇيرەنىپ، جىگەردى تاسقىنداتتى
جالپى ءماجىلىس رۋحى كاسىپورىننىڭ دامۋىنا جەتەكشىلىك ەتتى
ەرەكشە ۇگىت لەكسيا جۇرت جۇرەگىنە ۇيالادى
ءىس جۇزىندىك ارەكەتتەرى ارقىلى جالپى ءماجىلىس رۋحىن تياناقتاندىردى
100 جىلدىق شۇعىلالى تاريحتى سەزىنىپ، ەكپىندەي ىلگەرىلەۋ كۇش -قۋاتىن تاسقىنداتتى
وتانعا دەگەن ماحاببات جەر-الەمگە جار سالۋدى قاجەت ەتپەيدى
بارلىق تاۋى باۋرايىنداعى شەكارا قورعاۋشى جۇبايلار
پارتيانى جاپپاي قاتاڭ باسقارۋدى ماڭگى جالعاستىراتىن تاباندىلىق پەن قايسارلىقتى كۇشەيتەيىك
2021-جىلى 11-ايدىڭ 29-كۇنى 270سان
2021-جىلى 11-ايدىڭ 27-كۇنى 269سان
قارجى قوسىپ، شارۋاشىلىقتى گۇلدەندىرۋدىڭ ىرىستى مەكەنى شارتاراپتان كەلگەن ساۋداگەرلەردى قارسى الادى
سىناق رايونىن جوعارى ساپامەن قۇرۋ جاقسى باستالدى
پارتيا مەن حالىقتىڭ سىن ساعاتتاردا ءبىر - بىرىنە سۇيەنىش بولاتىن، بەينەت پەن زەينەتتە بىرگە بولاتىن ەتەنە بايلانىسىن جەتە تانۋ كەرەك
تاريحتى ۇيرەنىپ، بورىش ارقالاپ، حالىق ءۇشىن ناقتى ىستەر ىستەپ، اۋەلگى ماقساتتى امالياتتا ايگىلەدى
جاڭا ساپاردا ەكپىندەي ىلگەرىلەپ، جاڭا داۋىردە ەسەلى ۇلەس قوسامىز
حوش ءيىسى بۇكىل ەلگە تاراعان توقاش -پراندىكتەن ءدام تاتىڭىز
2021-جىلى 11-ايدىڭ 26-كۇنى 268سان
جاپونيا جۇرتشىلىعىنا شينجياڭنىڭ شىنايى جاعدايىن اڭگىمەلەپ بەردى
ۇيرەنۋ ونىمدىلىگىن شىن مانىندە ناقتى قىزمەت ناتيجەسىنە اينالدىرايىق
اۋىل شارۋاشىلىعى كاسىپورىندارى ”ينتەرنەتكە قوسىلىپ“، ءوندىرۋ مەن ساتۋدىڭ دالمە - ءدال ۇشتاسۋىن جەدەلدەتتى
اۆتونوميالى رايوندىق حالىق قۇرىلتايى تۇراقتى كوميتەتى 149 - رەتكى مەڭگەرۋشىلەر ءماجىلىسىن اشتى
اتىز باستارىندا قاۋىرت ۇگىت لەكسيا جۇرگىزىلدى، كىرىستى ارتتىرىپ بايۋ سەنىمدەرى نىعايدى
پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەيىك
نيە حايشىڭعا ”1 - دارەجەلى عارىش ۇلەسكەرى مەدالىن“ بەرۋ، ليۋ بوميڭگە ”2 - دارەجەلى عارىش ۇلەسكەرى مەدالىن“ بەرۋ، تاڭ حۇڭبوعا ”قاھارمان عارىشكەر“ داڭق اتاعىن بەرۋ جانە ”3 - دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى
وسى زامانعى ارتقى شەپتىڭ جوعارى ساپالى دامۋىن جەدەل ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا پارمەندى تىرەك ازىرلەۋ كەرەك
جاپالى كۇرەسپەن كەلگەن باقىت بالدان ءتاتتى ەكەن
انار گۇلى قۇلپىرا شەشەك اتتى
سۇرلەنگەن ەت ەگىنشى -مالشىلاردىڭ كىرىسىن ارتتىرۋداعى جارقىن تۇيىنگە اينالدى
قۇرلىقتىق مەملەكەت شەكاراسى زاڭىن مەكتەپتەردە ۇگىتتەدى

ۇلتتار ىنتىماعىن بەكەمدەي ءتۇستى

جولدانعان ۋاقىتى : 2021/10/18 18:27:13

ۇلتتار ىنتىماعىن بەكەمدەي ءتۇستى
□ وقاس اقىسىز ناۋقاس كورۋ قىزمەت وتەۋ ورنىنداعى قىزمەتكەرلەر الەۋمەتتىك اۋماقتاعى قيىنشىلىعى بار بۇقارانىڭ دەنساۋلىعىن تەكسەرۋدە.   سۋرەتتى ەرىكتى ءتىلشى سۇڭ حۇڭشيا تارتقان
 
 
شاعانتوعاي اۋدانى جايىلما كوشەسى الەۋمەتتىك اۋماعى ءار ۇلت تۇرعىندارىنا ءۇش جاقتان ويداعىداي قىزمەت وتەپ ۇلتتار ىنتىماعىن بەكەمدەي ءتۇستى
 
 
□ ءتىلشىمىز ۋاڭ زىلين، ەرىكتى ءتىلشى شۇي يۋە

شاعانتوعاي اۋدانى قارابۋرا قالاشىعى جايىلما كوشەسى الەۋمەتتىك اۋماعىنا حانزۋ، ۇيعۇر، موڭعۇل سياقتى 17    ۇلتتان قۇرالعان 2237 وتباسى   قونىستانعان. قازىر الەۋمەتتىك اۋماق قاراستىلىعىندا بىرنەشە ۇلتتان قۇرالعان 48 وتباسى بار.

كوپ جىلدان بەرى جايىلما كوشەسى الەۋمەتتىك اۋماعى ۇلتتار ىنتىماعى  قىزمەتىن باستان -اياق الەۋمەتتىك  اۋماقتىڭ ءتۇيىندى قىزمەتى رەتىندە ۇستاپ ءارى پارتيا ياچەيكاسىن  باستاماشى، جاڭا ءداۋىر وركەنيەتىن امالياتتا ايگىلەۋ پۋنكتىن دانەكەر ەتىپ، قيىنشىلىعى بار بۇقاراعا كومەكتەسۋ، تۇرعىندارعا قىزىل تاربيە ورىستەتۋ جانە ەمدەۋ-سالاماتتىق جاعىنان جاقسى  قىزمەت وتەۋ سياقتى ءۇش ءتۇرلى    جاقتاعى قىزمەتتى ويداعىداي ىستەپ، ۇلتتار ىنتىماعىنان ۇلگى كورسەتەتىن الەۋمەتتىك اۋماق قۇرىپ، ۇلتتار     ىنتىماعى گۇلىن قۇلپىرتا ءتۇستى.

 
قيىنشىلىعى بارلارعا مەيىر جەتكىزۋ قىزمەتى جاقسى ورىستەتىلدى

2007 -جىلى الەۋمەتتىك اۋماق پارتيا ياچەيكاسىنىڭ قولداۋىندا ”مەيىربان  انالار“ قوعامى قۇرىلدى. حانزۋ، قازاق، ۇيعۇر قاتارلى كوپ ۇلتتان   قۇرالعان ”مەيىربان انالار“ قوعامىنىڭ مۇشەسى باستاپقى 13 ادامنان كوبەيىپ،قازىر 300 ادامنان اسقان.

2012 -جىلى 2 -ايدا 60 جاستاعى الەۋمەتتىك اۋماق تۇرعىنى زابۇحان ساتا اۋىر ناۋقاسقا شالدىعىپ، ىلگەرىندى -كەيىندى 4 رەت وپەراتسيا جاساتادى. وتباسىنداعىلار ناۋقاستى ەمدەتۋ ءۇشىن قولداعى بار مالىن ساتىپ، 60 مۋ   ەگىستىك جەرىن دە كوتەرمەگە بەرەدى.

ول از بولعانداي، تولىقسىز ورتادا وقىپ جۇرگەن قىزى B تيپتى باۋىر  قابىنۋ ناۋقاسىنا شالدىعىپ، ەمدەلۋگە قاراجاتتارى بولماعاندىقتان، وقۋىن    ۋاقىتشا توقتاتىپ، ۇيدە دەمالا تۇرۋعا ءماجبۇر بولادى.  ”مەيىربان انالار “ قوعامى جاعدايدان حابار تاپقاننان  كەيىن، 1000 يۋان مەيىر جەتكىزۋ   قاراجاتىن الىپ، ودان حال سۇراپ    بارادى.

وسىدان سوڭ ”مەيىربان انالار“ قوعامى جەرگىلىكتى ورىنداعى ءار ۇلت كارلارى مەن بۇقارانى جىلۋ جيناۋعا  ۇندەپ، جينالعان 30 مىڭ يۋاننان استام جىلۋ اقشانى زابۇحاننىڭ قىزىنىڭ  B تيپتى باۋىر قابىنۋ ناۋقاسىن ەمدەتۋگە جۇمسايدى.

زابۇحان: “ولار مەنىڭ جاناشىر   جاقىندارىم، ەگەر وسى ءبىر ىزگى نيەتتى اپەكە -سىڭلىلەرىم بولماعاندا   شاڭىراعىمىز شايقالار ەدى، ناۋقاس  جاعدايىم كىشكەنە كورىم بولعان سوڭ، مەن دە ولاردىڭ قاتارىنا قوسىلىپ،  كوپشىلىكپەن بىرگە ءتىپتى دە كوپ ادامدارعا كومەكتەسەمىن” دەدى        تەبىرەنە.

قازىرگە دەيىن، ”مەيىربان انالار“ قوعامى ىلگەرىندى -كەيىندى ءار ۇلت ءالسىز توپتارى مەن قيىنشىلىعى بار   بۇقاراعا 600 مىڭ يۋاننان استام جىلۋ اتاپ، قيىنشىلىعى بار 261 وتباسىنا    كومەكتەسىپ، 549 وقۋشىنى قارجىلاي دەمەگەن.

الەۋمەتتىك اۋماق پارتيا باس  ياچەيكاسىنىڭ شۋجيى لي شۋەمەي: ” ’مەيىربان انالار‘  قوعامى مەيىربان جانداردان قۇرالعان كوللەكتيۆ، قاي جەردە قيىنشىلىق بار بولسا، سول جەرگە مەيىر-شۋاعىن توگەدى“ دەدى.

 
قىزىل تاربيە جاندى جۇزگىزىلدى

پارتيا تاريحىن ۇيرەنۋ تاربيەسى ورىستەتىلگەننەن بەرى جايىلما  كوشەسى الەۋمەتتىك اۋماعى”ميكرو  كينوحانادان“ پايدالانىپ،  پارتيانى ءسۇيۋ،  وتاندى ءسۇيۋ،  مەكەندى ءسۇيۋ ۇگىت تاربيەسىن ورىستەتتى.

الەۋمەتتىك اۋماق تۇرعىنى ايبەك كولباي: ”ساقا پارتيا مۇشەسى رەتىندە، فيلمنەن تەرەڭ اسەر الدىم،  كوممۋنيستىك پارتيا بولماسا    بۇگىنگىدەي باقىتتى تۇرمىسىمىز  بولماس ەدى“ دەدى.

“ميكرو كينوحانادا”  نەنى كورۋدى تۇرعىندار وزدەرى تاڭدايدى،   الەۋمەتتىك اۋماق ۋاقىتىن، قويىلىم سانىن شەكتەمەي اقىسىز قويىپ بەرەدى. الەۋمەتتىك اۋماق قاراستىلىعىنداعى  تۇرعىنداردىڭ كورگىسى كەلگەن  كينوسىن قالاعان ۋاقىتتارىندا قويىپ   بەرىپ، ساقا پارتيا مۇشەلەرىنىڭ،   وسپىرىمدەردىڭ قاجەتىن ويداعىداي  قاناعاتتاندىردى.

5 -ايداعى ۇلتتار ىنتىماعى  تاقىرىبىنداعى فيلمدەر، 4”-مامىر“ جاستار مەرەكەسىندەگى جىگەرلەندىرۋ تاقىرىبىنداعى فيلمدەر مەن كانيكۋلداعى بالالارعا ارنالعان قىزىل تاربيە   تاقىرىبىنداعى فيلمدەر بۇقارانىڭ   ەرەكشە قارسى الۋىنا بولەندى.

قازىرگە دەيىن، ”ميكرو كينوحانا“  ءتۇرلى قىزىل تاربيە تاقىرىبىنداعى فيلمنەن 120 مايدان (رەت) قويىپ،  كورەرمەن سانى 10 مىڭ ادام (رەتكە) جەتكەن.

 
سالاماتتىق جاعىنان قىزمەت وتەدى

الەۋمەتتىك اۋماق تۇرعىنى وقاس  سۇلەيمەن شيپاگەرلىكپەن شۇعىلدانعانىنا 44 جىل بولعان زەينەتكەر، ءار ۇلت ەگىنشى -مالشى قاۋىمى ونى بارلىق    تاۋىنىڭ باۋرايىنداعى ”اق حالەتتى     پەرىشتە“ دەپ اتاپ كەتكەن.

مۇناي سەرىكتەستىگىنەن زەينەتكە شىققان قىزمەتكەر سۇڭ جيساڭ دەمىكپە ناۋقاسىنا شالدىعىپ، وكپە قىزمەتى  السىرەگەندىكتەن،  وقاس ۇنەمى  قاريانىڭ وتباسىنا بارىپ، دەنساۋلىعىن تەكسەرىپ تۇرادى.

سۇڭ جيساڭ: ”وقاس شيپاگەر  جارالماعان جاقسى ادام، مىقتى شيپاگەر. ۇزاق جىلدان بەرى قويۋ دوستىق  ورناتتىق“ دەدى.

2019 -جىلى الەۋمەتتىك اۋماقتىڭ كومەگىندە وقاس اقىسىز ناۋقاس كورۋ قىزمەت وتەۋ ورنى رەسمي قۇرىلدى. وسىدان باستاپ وقاس اپتا سايىن   تۇرعىندارعا اقىسىز ەمدەۋ قىزمەتىن وتەپ كەلەدى.

بۇل كۇندە وقاس اقىسىز ناۋقاس كورۋ قىزمەت وتەۋ ورنى باستاپتاعى ناۋقاس تەكسەرۋ ورنىنان وتانشىلدىق تازالىق ۇگىت -تاربيەسىن جۇزگىزۋ، ەمدەۋ جاعىندا حالىققا تيىمدىلىك   جەتكىزۋ ساياساتتارىن ۇگىتتەۋ سياقتى مازمۇنداردى ءبىر تۇلعالاندىرعان    جالپىلىق سالاماتتىققا قىزمەت وتەۋ    تۇعىرىنا اينالعان.

شاعانتوعاي اۋداندىق وقۋ-اعارتۋ جانە عىلىم -تەحنيكا مەكەمەسىنىڭ    جايىلما كوشەسى الەۋمەتتىك اۋماعىندا تۇراتىن قىزمەت اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى ۋاڭ جيا: ”ءبىزدىڭ الەۋمەتتىك اۋماق ەجەلدەن ىنتىماقتى، جاراسىمدى.  الەۋمەتتىك اۋماق تۇرعىندارى ءىس  جۇزىندىك ارەكەتى ارقىلى ىنتىماق    گۇلىن بارىنشا ماپەلەپ كەلەدى“ دەدى.





رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn