ءتىلشىمىز ليۋ ۋي حابارلايدى. 10-ايدىڭ 22 -كۇنى ايماقتىق پارتكومنىڭ اقپارات ورتالىعى، اكىمشىلىك مەكەمەسىنىڭ اقپارات كەڭسەسى كەزەكتى اقپار جاريالاۋ ءماجىلىسىن باسقارىپ اشتى، ايماقتىق مادەنيەت -دەنە تاربيە، راديو-تەلەۆيزيا جانە ساياحات مەكەمەسى ايماقتىڭ 2021 -جىلعى ساياحات كاسىبىنىڭ دامۋ جاعدايىن جاريالادى ءارى قاتىستى قىزعىندى ماسەلەلەر جونىندە تىلشىلەردىڭ سۇراۋىنا جاۋاپ قايتاردى.
ايماقتىق مادەنيەت -دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى چاي حۇڭحۋا بىلاي دەپ تانىستىردى: 1-ايدان 9-ايعا دەيىن ايماق 8 ميلليون 953 مىڭ ادام (رەت) ساياحاتشى قابىلداپ، سايكەستى مەزگىلدەگىدەن ％ 85.5 ارتسا؛ ساياحات كىرىسى 5 ميلليارد 517 ميلليون يۋانعا جەتىپ، سايكەستى مەزگىلدەگىدەن 72.9％ ارتتى، تۇتاس ايماقتىڭ ساياحات بازارى ورنىقتى، ءتارتىپتى بولدى.
چاي حۇڭحۋا: ”كەلەسى قادامدا ايماقتىق مادەنيەت -دەنە تاربيە، راديو -تەلەۆيزيا جانە ساياحات مەكەمەسى ورايدى مىقتى يگەرىپ، ءتۇيىندى ساياحات نىساندارى قۇرىلىسىن ىلگەرىلەتەدى؛ كوپ ءتۇرلى شارانى قاتار قولدانىپ، ساياحاتتى ۇگىتتەۋدى ويداعىداي ىستەيدى؛ ءتۇرلى فورماداعى مەرەكەلىك مادەنيەت -ساياحات قيمىلدارىن ۇيىمداستىرادى، اۋدان وڭىرلەرىنىڭ ساياحات باسىمدىعى مەن ەرەكشەلىگىن ۇشتاستىردى، ساياحاتتىڭ قاۋىرت مەزگىلىن قولدان بەرمەي، شيحۋ سىرا مەرەكەسى، ساۋان ءدامدى تاعامدار مەرەكەسى، ءدوربىلجىن قار-مۇز، سالت -سانا مادەنيەت -ساياحات مەرەكەسى سياقتى قيمىلداردى جاقسى وتكىزەدى“ دەدى.
ايماقتىق مادەنيەت -دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋاڭ ياندۇڭ: 2021” ــ 2022- جىلعى قىس ماۋسىمىندا ايماق ءتۇرلى قار مۇز سەيىل -سەرۋەن، كوڭىل اشۋ قيمىلدارىن دانەكەر ەتە وتىرىپ، تارباعاتاي ءدوربىلجىن 10-كەزەكتى قار-مۇز مادەنيەت -ساياحات مەرەكەسى، ‹ءۇش جەرگىلىكتى ورىن، ەكى شىنىڭ› كۇز-قىس ماۋسىمىنداعى نادام جينالىسى، 2021-جىلعى ‹قار-مۇز كورىنىسىن تاماشالاۋ، ومىرشەڭدىككە تولى تارباعاتاي› جالپى حالىقتىق قىسقى مالتاۋ ۇسىنىس جارىسى سياقتى مادەنيەت-ساياحات، دەنە تاربيە قيمىلدارىن ورىستەتىپ، تارباعاتاي ساياحاتىنىڭ تانىمالىلىعىن جوعارىلاتادى“ دەدى.
مادەنيەت-ساياحات كاسىبىن دامىتۋ كەڭسەسىنىڭ باستىعى يىن شياۋفىڭ بىلاي دەپ تانىستىردى: مەملەكەت جولى 219-لەنياسى (تارباعاتاي بولەگى) ”قاتىناس + ساياحات“ نىسانىنىڭ 0 كيلومەترىنەن 520 كيلومەترىنە دەيىنگى رومانتيكالى تاس جولعا 2 ەسكەرتكىش ورناتۋ، قوبىقسارى موڭعۇل اۆتونوميالى اۋدانى ماحاببات كولىنە ءبىر كورىنىستىك تاس ورناتۋ، شاعانكولگە ءبىر كورىنىستىك تاس ورناتۋ، 4 كورىنىس تاماشالاۋ ءتۇيىنىن سالۋ، كورىنىس رايونىنا 6 سىلتەمە تاقتا ورناتۋ سياقتى قۇرىلىستار سالىنىپ بولدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى