ءتىلشىمىز جاڭ پەيچي حابارلايدى. 11 -ايدىڭ 1 -كۇنى اكىمشىلىك مەكەمەسى 2021 -جىلعى 2 -رەتكى جالپى ءماجىلىسىن اشتى، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ايدىن تولەۋقان ماجىلىسكە قاتىناستى ءارى ءسوز سويلەدى. ءماجىلىس اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنىپ، 1 -ايدان 10 -ايعا دەيىنگى ايماقتىڭ ەكونوميكالىق، قوعامدىق دامۋ جاعدايىن قورىتىندىلاپ، سوڭعى 2 ايداعى ەكونوميكالىق قىزمەتتى ورنالاستىردى.
ءماجىلىس مىنالاردى باسا دارىپتەدى: اۋدان -قالالار، تاراۋلار اۆتونوميالى رايوندىق 10 -رەتكى پارتيا قۇرىلتايىنىڭ رۋحىن ۇيرەنۋدى، دايەكتىلەندىرۋدى قوزعاۋشى كۇش ەتىپ، ساياسي دەڭگەيدى جوعارىلاتىپ، ۇيىمدىق باسشىلىقتى كۇشەيتىپ، قىزمەت شارالارىن اشالاپ، جىلدىق بەلگىلەنگەن نىسانا - مىندەتتەردىڭ تولىق ورىندالۋىنا شىنايى كەپىلدىك ەتىپ، ”14-بەسجىلدىقتا“ تاماشا باستاما اشۋدى جۇزەگە اسىرۋ كەرەك. قوعام ورنىقتىلىعى، ىندەتتەن ساقتانۋ-تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانى جوعارى ساپالى دامىتۋ قىزمەتتەرىن ءبىر تۇتاس جوسپارلاپ ويداعىداي يگەرۋ كەرەك. شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن جوعارى ولشەممەن قۇرىپ، بيىلعى قىس پەن كەلەر جىلعى كوكتەمدەگى اۋىل شارۋاشىلىعى، اۋىل -قىستاق قىزمەتىن ويداعىداي ىستەپ، ونەركاسىپ ەكونوميكاسىنىڭ دامۋىن جەدەلدەتىپ، نىسان قۇرىلىسىن كورنەكتى تۇردە ويداعىداي يگەرىپ، ەكولوگيالىق ورتانى قورعاۋ مەن قۇرۋدى كۇشەيتىپ، ءتۇيىندى سالالارداعى رەفورمانى ۇزدىكسىز ويداعىداي يگەرۋ كەرەك. حالىق تۇرمىسىن جالعاستى قامتاماسىزداندىرىپ جانە جاقسارتىپ، جۇمىستاندىرۋ، وقۋ-اعارتۋ، ەمدەۋ، قوعامدىق قامتاماسىزداندىرۋ سياقتىلاردى ءتۇيىن ەتكەن ون ءتۇرلى حالىققا تيىمدىلىك جەتكىزۋ ينجەنەرياسىن تىڭعىلىقتى ىلگەرىلەتىپ، ءار ۇلت بۇقاراسىنىڭ ”شۇعىل، قيىن، ۋايىمداعان، ءزارۋ“ ماسەلەلەرىن كۇش سالا ويداعىداي شەشىپ، بىرگە بايۋدى جۇزەگە اسىرۋدى ىلگەرىلەتۋ كەرەك. كەلەر جىلعى قىزمەتتەردى دەن قويا جوسپارلاپ، 2022 -جىلى ”التى ءتۇيىندى قىزمەت“ تىزىمدىگىن ويداعىداي جوسپارلاپ جانە جاساپ، ماسەلەنى باعدار ەتۋگە تاباندى بولىپ، ولقىلىقتاردى تولىقتاۋدى، ءالسىز تۇستاردى كۇشەيتۋدى كورنەكتىلەندىرىپ، ءتۇيىندى قىزمەتتەردەن قامال الۋ ارقىلى تۇتاس تۇلعالىق قىزمەتتى ىلگەرىلەتۋگە جەتەكشىلىك ەتىپ، كەلەر جىلعى قىزمەتتە جاقسى باستاما اشۋعا بەرىك نەگىز قالاۋ كەرەك.
ءماجىلىس مىنالاردى تالاپ ەتتى: اۋدان -قالالار، تاراۋلار پارتيانىڭ باسشىلىعىنا تاباندى بولىپ، زاڭ بويىنشا اكىمشىلىك جۇرگىزۋدى كۇشەيتىپ، ستيلگە ۇزدىكسىز بۇرىلىس جاساپ، پاكتىك قۇرىلىسىن كۇشەيتىپ، ۇكىمەت دامۋدى يگەرۋ نەگىزگى جاۋاپكەرشىلىگىن تىعىز ارقاۋ ەتە وتىرىپ ىرىقتىلىقپەن ءىس تىندىرىپ، ۋاقىتپەن جارىسىپ، بار ىنتا -پەيىلىمەن قىزمەت ىستەپ، زەيىن -زەردەنى شوعىرلاندىرا وتىرىپ تياناقتاندىرۋدى يگەرىپ، پارتيا ورتالىق كوميتەتىنىڭ شەشىمدەرىنىڭ، اۆتونوميالى رايوندىق پارتكومنىڭ ورنالاستىرۋلارىنىڭ جانە ايماقتىق پارتكومنىڭ قىزمەت تالاپتارىنىڭ جاپپاي تياناقتانۋىنا شىنايى كەپىلدىك ەتىپ، ءتۇرلى قىزمەتتە تىڭ تابىستارعا قول جەتكىزۋدى تىڭعىلىقتى ىلگەرىلەتۋ كەرەك.
ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ۋاليى شۋە گۇيچياڭ ءماجىلىستى باسقاردى، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ۋاليى لي يۇڭ، ايماقتىق حالىق قۇرىلتايى قىزمەت كوميتەتىنىڭ ورىنباسار مەڭگەرۋشىسى ماينۇر جاقان، اكىمشىلىك مەكەمەسىنىڭ ورىنباسار ۋاليلەرى الي، يان فىڭ، بي حاي، تولقىن تولەگەن، اكىمشىلىك مەكەمەسىنىڭ باس حاتشىسى، ورىنباسار باس حاتشىلارى، سونداي -اق ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى