ەەڭ جاڭا مازمۇندار
امەريكانىڭ شينجياڭعا ساياتىن «زاڭ جوباسىن» ماقۇلداعاندىعىنا قاتتى كەكتەنەتىندىگىن جانە باتىل قارسى تۇراتىندىعىن ءبىلدىردى
ءارقانداي ادامنىڭ لاڭكەستىك كۇشتەرگە بولىسۋىنا استە جول بەرمەيمىز
امەريكا جاقتىڭ «شينجياڭ ارقىلى جۇڭگونى شاۋجايلاۋ» قاسكۇنەمدىگى مۇلدە ىسكە اسپايدى
وتانشىلدىق تۋىن بيىك جەلبىرەتىپ، وتانشىلدىق تاربيەنى كۇشەيتىپ وتانشىلدىقتى بەرىك سەنىمگە،رۋحاني كۇشكە،ارەكەت سانالىلىعىنا اينالدىرۋ كەرەك
2019-جىلى 12-ايدىڭ 6-كۇنى 283-سان
مەملەكەتتىك نەگىزگى زاڭ كۇنى مەن «نەگىزگى زاڭدى ۇگىتتەۋ اپتالىعىنىڭ» ۇگىتى
اكىمشىلىك مەكەمەسى 2019-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق توپتىق ۇيرەنۋىن وتكىزدى 
اكىمشىلىك مەكەمەسى 2019-جىلعى 15-رەتكى پارتيا باسشىلىق گرۋپپاسى ءماجىلىسىن اشتى
ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى «حابارلاندىرۋ» باسىپ تاراتتى
شي جينپيڭ رەسەيدىڭ زۇڭتۇڭى پۋتينمەن بەينە ەكراندا كەزدەسىپ
چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
2019-جىلى 12-ايدىڭ 5-كۇنى 282-سان
2019-جىلى 12-ايدىڭ 4-كۇنى 281-سان
2019-جىلى 12-ايدىڭ 3-كۇنى 280-سان
ساۋان اۋدانىنداعى حالىق بۇقاراسى ارالاپ قىزمەت وتەۋ قيمىلىن القادى
2019-جىلى 12-ايدىڭ 2-كۇنى 279-سان
«تارباعاتاي تاڭداي قاقتىراتىن جاعى كوپ جەر ەكەن»
ساۋان اۋدانى 100 مىڭ دانا ەلەكتروندى سالاماتتىق كارتچكاسىن تاراتتى
2019-جىلى 11-ايدىڭ 30-كۇنى 278-سان
اۋىل-قىستاققا ساياحاتتاپ، حالىقتىق تۇسەلحانادا جاتا-جاستانا ءدامدى تاعامداردان ءدام تاتىڭىز
ورتالىق كاسىپورىنى شارۋالاردىڭ قانت قىزىلشاسى كاسىبىن دامىتۋىنا دەم بەردى
جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جەردى كوتەرمەگە الۋ قاتىناسىنىڭ ورنىقتىلىعىن ساقتاۋ جانە ۇزاق ۋاقىت وزگەرتپەۋ جونىندەگى پىكىردى جاريالادى
ساۋان اۋدانى 4-كەزەكتى ءمورال ۇلگىلەرىنە سيلىق تاراتۋ سالتىن وتكىزدى
كوپشىلىك ءوزارا كومەكتەسىپ، قيىنشىلىعى بار وتباسىلاردىڭ كەدەيلەسۋىنىڭ الدىن الدى
اۋىل شارۋاشىلىق ونىمدەرى جەر-جەرگە ساتىلدى
ءورت ءوشىرۋ، ورتتەن ساقتانۋ بازاسىن ەكسكۋرسيالادى
سەكسەننىڭ سەڭگىرىندەگى قارتتىڭ باقىتتى تۇرمىسى
2019-جىلى 11-ايدىڭ 29-كۇنى 277-سان
2019-جىلى 11-ايدىڭ 28-كۇنى 276-سان
اۋەلگى ماقساتتى، بورىشتى امالياتتا ايگىلەپ، ساياسي دەڭگەيدى جوعارىلاتىپ، جاۋاپكەرشىلىك ارقالاۋدى كۇشەيتىپ، پارتيا ورتالىق كوميتەتىنىڭ شەشىمدەرىنىڭ، اۆتونوميالى رايوندىق پارتكومنىڭ ورنالاستىرۋلارىنىڭ تياناقتانىپ، تامىر تارتۋىنا كەپىلدىك ەتۋ كەرەك

وسەك-اياڭ تاراتىپ،اقشاعا ارانىن اشقان جالعان تىلشىلەردىڭ تۇمسىعى تاسقا ءتيدى

جولدانعان ۋاقىتى : 2013/12/16 17:00:42

«حالىق گازەتىنىڭ» ءتىلشىسى جاڭ ياڭ

      جۋىردا قوعام حاۋىپسىزدىگى ورگاندارى توراپتا ۇيىمدى تۇردە وسەك-اياڭ تاراتۋ سياقتى زاڭعا قايشى قىلمىستارعا سوققى بەرۋ ارناۋلى قيمىلىندا تىڭ تابىسقا قول جەتكىزىپ، ءتىلشى اتىن جامىلىپ، الداپ-ارباپ، مال-مۇلىك  قىمقىرۋعا  قاتىسقان  گى چي-ۋي سياقتىلاردى زاڭ بويىنشا تۇتقىندادى. ۇعىسۋعا قاراعاندا، ساقشى جاق العاشقى  ادىمدا ولاردىڭ 200 نەشە قىلمىس دەرەگىن تاپقان، 36 سىن العاشقى ادىمدا انىقتاعان، 10 نەشە ولكە، قالاداعى كاسىپورىن، ءىسورىن جانە كادر-بۇقارا ولاردىڭ شىرعاسىنا تۇسكەن، دەلو نەشە ميلليون يۋان قارجىنى شارپىعان.
 
  ۇستەلگە «180000» دەپ جازادى، مۇنىسى تويتارىلعاندا، توراپتا جاعىمسىز حابار تاراتقان
 
  گى چي-ۋيدىڭ اسىلگى اتى جوۋ بو، حۋنان ولكەسى حىڭياڭ قالاسى چيدۇڭ اۋدانىنىڭ ادامى، 2004-جىلى شينانداعى بەلگىلى ۋنيۆەرسيتەتتەن احپارات كاسىبىن تاۋىسقان، وتكەندە سىچۋانداعى توراپ ايالدامالارى مەن گازەت مەكەمەلەرىندە      پراكتيكانت بولعان، ۋاقىتتىق قىزمەت ىستەگەن. 2009 - جىلى حۋناننىڭ چيدۇڭ اۋدانىنا قايتىپ كەلىپ، ءوزىن بەساسپاپ احپارات قۇرالدارىنىڭ ءتىلشىسىمىن، ەرىكتى قالامگەرمىن،  «احپارات سالاسىندا اجەپتاۋىر اتاعىم بار» دەگەن.

  تانىستىرۋعا قاراعاندا، 2011 - جىلى گى چي-ۋي جاڭ حىڭرۇيمەن (سول كەزدە وسى زامانعى تۇتىنۋشىلارعا جەتەكشىلىك ەتۋ گازەتى مەكەمەسىنىڭ ورىنباسار باستىعى بولعان، پروكۋراتۋرا ورگاندارى جاعىنان قولعا الىنعان) تانىسىپ، الداپ-ارباۋ، بوپسالاۋ قىلمىستىق توبىن قۇرادى. گى چي-ۋي جاڭ حىڭرۇيدىڭ اقىلىمەن وسى زامانعى تۇتىنۋشىلارعا جەتەكشىلىك ەتۋ گازەتىنىڭ توراپ ايالداماسى «وسى زامانعى تۇتىنۋشىلار تورابى» احپارات ورتالىعىنىڭ ورىنباسار مەڭگەرۋشىسى اتىن جامىلىپ، «احپاراتتىق حابارلاۋ» قيمىلىمەن  ۇنەمى شۇعىلدانادى. سونىمەن بىرگە، ول تىڭشۇن، شينلاڭ   سياقتى توراپ ايالدامالارىندا شىن اتىمەن بلوگ اشىپ، «يۇنناننىڭ چياۋجيا اۋدانىنداعى لي چاڭكۇيدىڭ ادام ءولتىرۋ دەلوسى» سياقتى ءبىرسىپىرا ۇرىمتال وقيعالاردى دابىرالى ۇگىتتەپ،  بلوگتاعى وقىرماندارى 700 مىڭنان اسقان.

  2102-جىلى قىركۇيەكتە  گى چي-ۋي جاڭ حىڭرۇيدىڭ ورنالاستىرۋىمەن وسى زامانعى تۇتىنۋ تورابىندا «حاڭجوۋ قالاسى يۇيحاڭ رايوندىق ەلەكترمەن قامداۋ مەكەمەسى نەشە ءجۇز ميلليون   يۋانمەن قازىرگى كەڭسە اۋدانىنىڭ 19 ەسەسىندەي كەلەتىن‹باسقارۋ عيماراتىن› سالدى» دەگەن سياقتى شىندىققا جاناسپايتىن حابارلار جاريالاپ، كوپتىڭ نازارىن اۋداردى. وسىدان كەيىن گى چي-ۋي  سياقتىلار حاڭجوۋ قالاسىنىڭ يۇيحاڭ رايونىنا بارىپ وسى  حاباردا ايتىلعان مەكەمەگە «تىلشىلىك ىستەپ»، شىندىقتى دالەلدەۋگە  قىسىم  ءتۇسىرىپ،  «بۇل رەت حاڭجوۋعا كەلۋدەگى ماقساتتارى ءىستىڭ سوڭىنا ءتۇسىپ حابارلاۋ ەكەندىگىن ايتىپ ايقۇلاقتانادى». سونىمەن بىرگە،      «وسىنىڭ الدىنداعى حابار    ءبىرتالاي ىقپال تۋدىرعانىمەن،  ءبىراق ءالى دە مۇنى جايماشۋاقتاۋ مۇمكىندىگى بار ەكەنىن» ەمەكسىتەدى.

  ايتسە دە قاتىستى تاراۋلاردىڭ تەكسەرۋىندە، سول كەزدە وسى مەكەمەنىڭ سالدىرعان قىزمەت عيماراتى زاڭدى بەكىتۋدەن وتكەن، ونىڭ ۇستىنە قاڭقاسى ءالى تۇرعىزىلماعان، توراپتاعى «ولشەمدى جاتاق، دەنە شىنىقتىرۋ ءۇيى، قىزمەت عيماراتى اۋدانىنان 19 ەسە ارتىق» دەگەن سياقتىلار ويدان قۇراستىرىلعان بولىپ شىعادى. دەگەنمەن قوعامدىق ىقپالىن جويىپ، جاماعات پىكىرى قىسىمىن ازايتۋ ءۇشىن، وسى مەكەمە «جارناما قاراجاتى» اتىمەن گى چي-ۋي مەن جاڭ حىڭرۇيعا جەكە-جەكە 200 مىڭ يۋان   بەرەدى.

  «الدىمەن قارسى جاقتىڭ  تەلەفون ءنومىرىن تاۋىپ الىپ،  وعان كەلتە حات جولداپ، گى چي -ۋي ەكەنىمدى ايتىپ، ونىڭ نە ىستەگەنىن بىلەتىنىمدى، وعان تاعى ءوزىمنىڭ مەملەكەتكە ىقپالدى حابار جازاتىنىمدى، ەگەر بۇل ءىستى جاريا ەتسەم، ءدۇمپۋى كۇشتى بولاتىنىن ەسكەرتىپ، سوڭىندا وعان ءوزىمنىڭ تەلەفون ءنومىرىمدى ايتىپ بەرەمىن. ەگەر قارسى جاق ماعان حابارلاسسا، وعان جولىعاتىنىمدى ايتىپ، قارسى جاقتان مەنىڭ بەلگىلى جارناما مىندەتىمدى قولداۋىن تالاپ ەتەمىن، تالاپ ەتكەن قارجىم نەشە ون مىڭ، ءتىپتى نەشە ءجۇز مىڭ يۋانعا دەيىن بارادى. ەگەر قارسى جاق جولىعۋدى قالاماسا نەمەسە ەشقانداي پايدا بەرمەسە، توراپتا وعان ادەيى شابۋىل جاساپ، وعان قىسىم تۇسىرەمىن، ونى قىساپ كوندىرەمىن» ، - دەيدى گى چي-ۋي.

  وقيعاعا قانىق كوپتەگەن  ادام: ءبىر جول «باعا ايتقاندا» گى چي -ۋي اۋىز اشپايدى، تەك ساۋساعىن سۋعا ماتىرىپ ۇستەلگە     «180000» دەپ جازادى، مۇنىسى 180 مىڭ يۋان الامىن دەگەنى؛ قارسى جاق مۇنى قابىلداماسا ۇستەلگە تاعى «160000» دەپ جازىپ، «بۇل ەڭ تومەنگى باعا» دەيدى. سونىمەن سوڭىندا ەكى جاق كەلىسپەي قالسا، گى چي- ۋي توراپتا جاعىمسىز حابار تاراتىپ، توراپتاستاردىڭ نازارىن بۇرىپ، ءىستىڭ باسى-قاسىندا بولعان ادامدى ياناتتاتادى.
 
تاپسىرىسپەن ادەيى ءتيسىپ حابار جازادى،زيانكەستىككە  ۇشىراعان مەكەمەلەر امالسىزدان تىنىشتىق ءۇشىن،ونىڭ اۋزىن جابادى

  گى چي-ۋيدىڭ نازارىندا پارتيا، ۇكىمەت تاراۋلارىنىڭ، كاسىپورىنداردىڭ، ءىسورىندار مەن كادر-بۇقارانىڭ «كەمشىلىگى» جانە كاسىپورىن قوجايىندارىنىڭ اراسىنداعى الاۋىزدىقتىڭ بارلىعى پايدا تاباتىن تاماشا وراي ەكەن.

  تولىقسىز ساناققا قاراعاندا، قىسقا عانا 3 − 4 جىلدا چيدۇڭ اۋدانىنداعى كوپتەگەن پارتيا،   ۇكىمەت تاراۋلارى مەن ايگىلى كاسىپورىندار، قوعامداعى ايگىلى ادامدار دا گى چي-ۋيدىڭ شىرعاسىنا تۇسكەن.

  2013 -جىلى ساۋىردە حۋنانداعى بەلگىلى گازەت مەكەمەسىنىڭ حىڭياڭدا تۇراتىن تىلشىلەر پۋنكتىنىڭ ءتىلشىسى گو xx تىڭ (ايىرىم دەلو تۇرعىزىلىپ ءبىر جاقتى ەتىلەدى) دەرەگىنە قاراعاندا، گى چي-ۋي توراپتا     «ءسىڭىرى شىققان كەدەي اۋدان بەلگىلەمەگە قايشىلىق جاساپ، قۇرىلىس كوتەرمەگە بەرىپ قارىزعا بەلشەسىنەن باتتى، ساۋداگەرلەرگە جەردى ارزان باعادا ساتىپ قارىزىن جاپتى» دەگەن تاقىرىپتا ماقالا جاريالاپ، چيدۇڭ اۋداندىق حالىق ۇكىمەتى زاڭدى راسمياتتارىن وتەمەي، ءبىر بولەك جەردى تومەن باعادا حىڭياڭداعى ءبىر قۇرىلىس سەرىكتەستىگىنە ساتىپ جىبەرگەن دەيدى. وسىدان كەيىن ول وسى سەرىكتەستىكپەن وزدىگىنەن حابارلاسىپ، قارسى جاقتىڭ ۇيلەسىمدى ءبىر جاقتى ەتۋىن تالاپ ەتەدى. سوڭىندا جاماعات پىكىرى قىسىمىنان وسى سەرىكتەستىك جارناما ۇگىتى قاراجاتى اتىمەن گى چي-ۋي مەن گو xx كە 60 مىڭ يۋان بەرەدى.

  2011 -جىلى بەلگىلى كاسىپورىننىڭ جاۋاپتىسى لي xx گى چي-ۋيدى ءوزى ىزدەپ كەلىپ، جوۋ xx تىڭ سەرىكتەستىگىمەن جەر تۋرالى ەكونوميكالىق داۋ-شار تۋىلعانىن     ايتىپ، وعان 200 مىڭ يۋان سىرىڭكەلىك بەرەتىن بولىپ، گى چي-ۋي سياقتىلاردان وسى ءىستى ەبىنە كەلتىرىپ بەرۋدى وتىنەدى. گى چي-ۋي ەشقانداي تەكسەرىپ-انىقتاماستان «ولكە ۋاكىلدەرىنىڭ تالاس-تارتىسى» دەگەن سياقتى ميكرو بلوگ حابارىن جاريالايدى، مۇنى كەيبىر توراپ ايالدامالارى كوشىرىپ جاريالايدى، ءداستۇرلى احپارات قۇرالدارى دا مۇنى ىلەسە جاريالايدى. قىسىمنان قورىققان جوۋ xx گى چي-ۋيدىڭ تالابى بويىنشا «كومەك اقشاسى» دەگەن اتپەن لي xx تىڭ سەرىكتەستىگىنە ءبىر ميلليون 200 مىڭ يۋان بەرەدى.

  ساقشى گى چي-ۋيدى قولعا العاندا ونىڭ تۇراعىنان دەلو تۋدىرعاندا استىرتىن كەسكىن الۋعا، دىبىس الۋعا ىستەتەتىن اسپاپتاردى، جالعان تىلشىلىك كۋالىگى سياقتى نارسەلەردى ءارى الداپ العان ءبىر توپ ايگىلى ماركالى تەمەكى مەن 27 پارشا جيىنى 960 مىڭ يۋاندىق اقشا تالونىن قولعا تۇسىرەدى.
 
كاسىپورىنداردىڭ قالىپتى شارۋاشىلىعى مەن جەرگىلىكتى ورىننىڭ ساۋداگەر شاقىرىپ، قارجى ەنگىزۋىنە ىقپال جاسادى

  گى چي-ۋيدىڭ ارەكەتى داۋگەرگە اۋىر سوققى بولىپ ءتيدى.

  گى چي-ۋيدىڭ تاراتقان      «حۋنان ولكەسى چيدۇڭ اۋدانىنداعى قاتىناس ساقشىلارىنىڭ  ادام ۇرۋ وقيعاسى» سىندى  وسەك -اياڭى توراپتا قىزۋ تۇيىنگە   اينالدى. ءار دارەجەلى باسشىلار بۇل ءىستى تۇبەگەيلى، قاتاڭ ءبىر جاقتى ەتۋدى تالاپ ەتىپ، ولكە، قالا، اۋدان 3 دارەجەنىڭ قاتىستى تاراۋلارى بىرلەسكەن تەكسەرۋ گرۋپپاسىن ۇيىمداستىرىپ، سوڭىندا سول كەزدەگى قاتىناس ساقشىلارىنىڭ زاڭدى دۇرىس اتقارعان ءارى ءىستى ءبىر جاقتى ەتۋىندە اعاتتىق جوق دەگەن قورىتىندى شىعاردى. ءبىراق ناشار ىقپالدى جويۋ ءۇشىن، جەرگىلىكتى پارتكوم مەن ۇكىمەت سول كەزدەگى قاتىناس ساقشىلارىنا مىندەتىنەن قالدىرۋ    سياقتى شارالار قولدانۋدى ۇيعاردى.

  بۇل سول كەزدەگى قاتىناس ساقشىلارىنىڭ ناقاق جازالانىپ، كوڭىلدەرىنە اۋىر داق سالىپ قالماستان، ءبىر مەزگىل چيدۇڭداعى قاتىناس ساقشىلارىنىڭ قاتىناسقا قايشى ىستەردى زاڭ بويىنشا ءبىر جاقتى ەتكىسى كەلمەيتىن، زاڭ بويىنشا ءبىر جاقتى ەتۋگە باتىلدىق ەتپەيتىن جايتتەرىن كەلتىرىپ شىعارىپ، جەرگىلىكتى جول، قاتىناس حاۋىپسىزدىگىن باسقارۋ قىزمەتىنە اۋىر ىقپال جەتكىزدى.

  گى چي-ۋيدىڭ ەسىنە الۋىنشا، ول بۇرىن كوپ رەت حۋنان ولكەلىك حالىق قۇرىلتايىنىڭ ۋاكىلى جوۋ xx تى جاعىمسىز حابارمەن شىرعالاپ الداماق بولعان، ءبىراق جوۋ xx ونىمەن جولىعۋدان باس تارتقان. گى چي -ۋي 3 جىلدا جوۋ xx پەن ونىڭ كاسىپورنىنا قاراتا شىندىققا جاناسپايتىن 36 حابار جاريالاپ،  ونىڭ بەدەلىن تۇسىرگەن.

  چيدۇڭداعى بەلگىلى سەرىكتەستىكتىڭ جاۋاپتىسى جوۋ xx: ول ساۋدا جايىن كەڭەسكەن كەزدە، سەلبەسكەن سەرىكتەستىك توراپتان ونىڭ كاسىپورنىنا قاتىستى شىندىققا جاناسپايتىن قىرۋار جاعىمسىز حابارىن كورگەن، «كىمنىڭ مەنىمەن ساۋدا جاساسقىسى كەلسىن، مەن مۇنى قالاي تۇسىندىرەمىن؟»، -دەيدى.

  گى چي-ۋيدىڭ ءىس-ارەكەتى تاعى جەرگىلىكتى ورىننىڭ ساۋداگەر شاقىرىپ، قارجى ەنگىزۋىنە ىقپال جاسادى. بەلگىلى كاسىپورىننىڭ باس ديرەكتورى دىڭ xx: گى چي-ۋي جاريالاعان كەيبىر مازمۇندار «جەرگىلىكتى ورىننىڭ وبرازىنا اۋىر داق كەلتىردى، قارجى قوسۋشىلاردىڭ كوبى توراپقا شىعىپ، چيدۇڭ جايلى جاعىمسىز حابارلار كورگەن سوڭ، جەرگىلىكتى ورىننىڭ قوعامدىق ورتاسى ناشار دەپ قاتە ءتۇسىنىپ، كوپ ادام كەلمەيتىن بولدى»، -دەدى.
 
ادامداردىڭ «اۋىز باسىتقى بەرۋ» ويىنان پايدالانىپ،ارانى بارعان سايىن اشىلدى

  گى چي-ۋي سياقتىلاردىڭ اسىعىنىڭ الشىسىنان ءتۇسۋى، بىرىنشىدەن، بۇگىندەرى توراپ باسقارۋداعى ساڭلاۋدان پايدالانىپ، شىندىققا جاناسپايتىن حابار جاريالاسا دا ونى باسقاراتىن ەشكىم بولماعان؛ ەكىنشىدەن،    ادامداردىڭ تىنىشتىقتى قالايتىن پسيحيكاسىنان پايدالانىپ، الىنەن اسا ەسىردى؛ ۇشىنشىدەن، ەڭ جوعارى حالىق سوتى مەن ەڭ جوعارى حالىق پروكۋراتۋراسىنىڭ   ادىليالىق تۇسىنىك جاساۋدىڭ الدىنداعى زاڭداعى كۇڭگىرت ورىندارىنان پايدالانعان، -دەيدى حىڭياڭ قالاسىنىڭ  ورىنباسار باستىعى، قوعام حاۋىپسىزدىگى مەكەمەسىنىڭ باستىعى جوۋ شۋەنۇڭ.

  زيانكەستىككە ۇشىراۋشى جوۋ xx تىڭ ءسوزىن كوپشىلىكتىڭ پىكىرى دەپ تۇسىنۋىمىزگە دە بولادى. «اقشا    ءبارىن شەشەدى» دەگەن،    بىرىنشىدەن، ويتكەنى توراپتا جاعىمسىز پىكىر شىققاننان كەيىن وعان قارسى تۇرا المايتىندىقتان، ۋاقىتىن، كۇش -قۋاتىن سارىپ ەتە المايدى،   امالسىز اقشا جۇمساپ، بۇل     «اپاتتان» قۇتىلادى؛ ەكىنشىدەن، توراپتاستاردىڭ انىقتار ارناسى، زەيىن - زەردەسىن جۇمساپ توراپ وقيعاسىنىڭ شىن-جالعانىن پارىقتاۋعا زاۋقى جوق،  وعان سەنۋگە بار بولسا دا، جوق دەگەنگە سەنبەيدى، زاۋدەعالام،   ءمالىم كوزقاراس قالىپتاسا قالسا، ونى جونگە سالۋى قيىنعا سوعادى.

  گى چي-ۋي تەرگەۋ بارىسىندا ەرەكشە وكىندى. «ويتكەنى بۇرىن كەيبىر حابارلارىممەن ات -اتاعىم اسپانداپ، ماعان نازار   اۋداراتىندار مولايعاندىقتان، نەشە ءجۇز مىڭ اۋەسكەردىڭ ۋيچاتتاعى پىكىر باسشىسىنا اينالدىم، ايتسە دە مەن سەنىمسىز ينفورماتسيا قاينارى ارقىلى شىندىققا جاناسپايتىن مازمۇنداردى مەيلىنشە تاراتىپ، قوعامعا جانە جاماعات پىكىرىنە وتە ناشار ىقپال جاسادىم»، - دەدى. ول ءتىپتى دە كوپ ادامنىڭ توراپ تارتىبىنە قۇرمەت ەتىپ، ءتىپتى دە كوپ توراپكەردىڭ ينتەرنەتتى دۇرىس، زاڭدى تۇردە پايدالانۋىن، وسى تەكشەدەن پايدالانىپ ۇنامدى   ۇگىت جۇرگىزۋىن ءۇمىت ەتتى.

  ساقشىلار بىلاي دەدى: ەڭ جوعارى حالىق سوتى مەن ەڭ جوعارى حالىق پروكۋراتۋراسى قاتىستى ادىليالىق تۇسىنىك جاساپ، توراپ ءسوز - ارەكەتىنە ايقىن زاڭدىق شەكارا بەلگىلەۋى، ونان دا ماڭىزدىسى، توراپ ارقىلى پالە جابۋ سياقتى زاڭعا قايشى قىلمىستىق ارەكەتتەرگە پارمەندى سوققى بەرىپ، قوعام حاۋىپسىزدىگى تاراۋلارى توراپتاعى بەتالدى جايتتى زاڭ بويىنشا قاتاڭ جونگە سالىپ، زاڭسىز ەلەمەنتتەردى جازالاۋى كەرەك. سونىمەن بىرگە، كادرلار مەن بۇقاراعا ەگەر وسى تەكتەس زيانكەستىككە   ۇشىراسا، زاڭ قارۋىنان باتىل پايدالانىپ، ءوز ۇقىق-مۇددەسىن قورعاۋىن، سونداي-اق توراپكەرلەردىڭ دە توراپ قيمىلىنا بايىپپەن ارالاسىپ، توراپتىڭ    الەۋمەتتىك ورتاسىن اقاۋسىز،  ءتارتىپتى تۇردە بىرگە قورعاۋ كەرەكتىگىن ەسكەرتەمىز.
قازىر دەلو ىشكەرىلەي تەكسەرىلۋدە.
 
«ءتاڭىرتاۋ تورابىنان»


   رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn