ءتىلشىمىز زىڭ جاۋمەي حابارلايدى. كورشى -قولاڭدارىنا كومەكتەسىپ مالدارىنا قارايلاسۋ، قىستاق كادرلارىنىڭ قىزمەتىنە سايكەسۋ، پارتيانىڭ ساياساتىن ۇگىتتەۋ سياقتى كىشى -گىرىم ىستەردىڭ بارلىعىن تۇرسىنگۇل سۇلتانبەك دەن قويا ىستەيدى.
بيىل 40 جاستاعى تۇرسىنگۇل ساۋان قالاسى كونە ساۋان قالاشىعى دالياڭپو قىستاعىنىڭ تۇرعىنى، قىستاق تۇرعىندارى ونى جاقىن تارتىپ ”ىنتىماق گۇلى“ دەپ اتايدى.
2020 ـ جىلى قىستا قىستاق تۇرعىنى جياڭ يوۋچين تۇرسىنگۇلدىڭ ۇيىنە بارعانىندا، ونىڭ كۇيەۋىمەن بىرگە شەلەكتەپ سۋ تاسىپ كورشىسىنىڭ قويىن سۋارىپ جۇرگەنىن كورەدى. كۇننىڭ سۋىعىنان قاتتى قالتىراپ كەتسە دە ول كۇلىمسىرەي: ”اعىباي شىحىزىعا جۇمىس بىتىرگەلى كەتكەن، قويىنا قارايلاسا سالۋدى ماعان تاپسىرعان ەدى“ دەيدى.
مۇنداي ءىس تۇرسىنگۇل جونىنەن ۇيرەنشىكتى جۇمىسقا اينالعان، مەيلى قاقاعان قىس بولسىن، الدە شىلىڭگىر ىستىق بولسىن، كورشى - قولاڭداردىڭ قايسىسىنىڭ ۇيىنەن جۇمىس شىعىپ، وعان تاپسىرسا بولعانى، ول ءوز جۇمىسىن قايىرىپ قويىپ دەن قويا كومەكتەسەدى.
اعىباي: “تۇرسىنگۇل كورشى - قولاڭدارىنا جان -جاقتىلى كومەكتەسىپ كەلەدى، ول مەيىرگە تولى ’اناردىڭ دانىندەي‘ كوپشىلىكتى ىنتىماقتاستىرىپ، تۇرمىستارىن جاقسارتۋعا قۇلشىنىپ كەلەدى” دەدى.
بيىل كەزەك اۋىستىرىپ سايلاۋدان بۇرىن جياڭ يوۋچين قىستاقتا ايەلدەر بىرلەستىگىنىڭ ءتوراعاسى بولعاندىقتان، ۇنەمى ءتۇرلى قيمىلداردى ورىستەتەتىن ەدى.
2019 ـ جىلى قىستاقتا ۇلتتار ىنتىماعى بىرلەسكەن دوستىق قيمىلىن وتكىزبەكشى بولعاندا، تىزىمدەلگەن قىستاق تۇرعىندارى وتە از بولادى. جياڭ يوۋچيننىڭ باسى قاتىپ تۇرعاندا، تۇرسىنگۇل كونسەرت ءنومىرىنىڭ دايىندىق جاعدايىن ۇعىسا كەلەدى. قىستاق تۇرعىندارىنىڭ بەلسەندىلىگىنىڭ جوعارى بولماعاندىعىن بىلگەننەن كەيىن، ول: ”ءان ايتىپ، ءبي بيلەۋ ءبىزدىڭ ەرەكشەلىگىمىز، كونسەرت ءنومىرىن دايىنداۋدى ماعان تاپسىرىڭىز“ دەيدى.
سونىمەن تۇرسىنگۇل از ۇلت اپەكە -سىڭلىلەرىنە اقىل -كەڭەس بەرىپ، ءبي بيلەۋگە بەلسەنە جاتتىعادى. سودان باستاپ قىستاقتا ادەبيەت -كوركەمونەر قيمىلدارى ۇيىمداستىرىلسا بولعانى، ۇيعۇر ۇلتىنىڭ ادەمى ءبيى الدىمەن ورىن الاتىن بولدى.
”ءبارىمىز ونى گۇلي دەپ شاقىرامىز، ول قىستاقتا بەينە حوش ءيىسى اڭقىعان گۇلدەي ءار ۇلت قىستاق تۇرعىندارىن وزىنە باۋراپ، ىنتىماقتاستىرىپ كەلەدى، ول قىستاعىمىزدىڭ ’ىنتىماق گۇلى‘. قازىر مەن قىستاقتىڭ ەسەپ وتكىزۋشىسىمىن، ول باياعىسىنداي مەنى قولداپ -قۋاتتاپ كەلەدى، وعان ءدان ريزامىن“ دەدى جياڭ يوۋچين.
قىستاقتاعى از ۇلت قارتتارىنىڭ ەمدەۋ قامسىزداندىرۋىن تاپسىرۋعا زاۋقى سوقپاعاندا، تۇرسىنگۇل ىرىقتىلىقپەن ولاردىڭ ۇيىنە بارىپ، پارتيانىڭ حالىققا تيىمدىلىك جاساۋ ساياساتىن ۇگىتتەپ، قارتتاردىڭ قامسىزداندىرۋعا بەلسەندىلىكپەن قاتىناسۋلارىن ەسكەرتەدى ءارى شابىتتاندىرادى.
بىرنەشە جىلدان بەرى قىستاقتاعى كوپتەگەن اپەكە ـ سىڭلىلەر قالادا بالا وقىتىپ، كۇيەۋلەرى قىستاقتا قالىپ ەگىن ەگەتىندىكتەن، ەگىس قاربالاستىعىندا تاماق ىستەۋگە مۇرساسى كەلمەي، تاماق ءىشۋ ءۇشىن 10 نەشە كيلومەتر جول باسىپ، كوپتەگەن اۋرەشىلىك اكەلگەن.
بيىل تۇرسىنگۇل وتباسى تاعامجايىن اشتى. سول ءۇشىن ول ءتۇرلى كوكونىس ەگىپ، 60 نەشە جەرلىك تاۋىق، 40 نەشە قوي باعىپ، كوپشىلىككە جاسىل كوكونىس پەن ەتتەن ءدام تاتتىرۋمەن بىرگە، ولاردى ۋايىمنان ارىلتتى.
تۇرسىنگۇل توتەنشە مەيىربان دا وپالى جان، مەرەكە ـ مەيرامداردا قىستاقتاعى اپەكەلى -سىڭلىلەرمەن بىرگە ساڭزى، ماي شۇيكە پىسىرىپ، كورشىلەرىنە اپارىپ بەرىپ، بارىس -كەلىستى كۇشەيتىپ، سۇيىسپەنشىلىكتى نىعايتىپ، مەرەكەنى بىرگە وتكىزدى.
تۇرسىنگۇلدىڭ قايىن اجەسى 80 نەشە جاسقا كەلگەن، ول ۇنەمى بارىپ كيىم ـ كەشەگىن جۋىپ، ءۇيىن تازالاپ، ءدامدى تاعامدار اپارىپ بەرەدى.
تۇرسىنگۇل تاڭداي قاقتىرارلىقتاي ىستەر ىستەمەگەنىمەن، 20 نەشە جىلدى ءبىر كۇندەي وتكىزىپ، قىستاقتا كۇيى كەلگەن ىستەردى ىستەپ، ءار ۇلت قىستاق تۇرعىندارىن مەيىرگە بولەپ كەلەدى.
تۇرسىنگۇل: ”مەن قالالىق حالىق قۇرىلتايىنىڭ ۋاكىلىمىن، ءسوزسىز، اۋىلىمنىڭ ىنتىماعى مەن ورنىقتىلىعىنا ءوز ۇلەسىمدى قوسۋىم كەرەك “ دەيدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى