ەەڭ جاڭا مازمۇندار
بەلگىلەنگەن كۇرەس نىساناسىنان جازباي، تاسقىنداعان جىگەرمەن بولاشاققا بەت الايىق
ءماجىلىس رۋحىن ۇيرەنىپ، جىگەردى تاسقىنداتتى
جالپى ءماجىلىس رۋحى كاسىپورىننىڭ دامۋىنا جەتەكشىلىك ەتتى
ەرەكشە ۇگىت لەكسيا جۇرت جۇرەگىنە ۇيالادى
ءىس جۇزىندىك ارەكەتتەرى ارقىلى جالپى ءماجىلىس رۋحىن تياناقتاندىردى
100 جىلدىق شۇعىلالى تاريحتى سەزىنىپ، ەكپىندەي ىلگەرىلەۋ كۇش -قۋاتىن تاسقىنداتتى
وتانعا دەگەن ماحاببات جەر-الەمگە جار سالۋدى قاجەت ەتپەيدى
بارلىق تاۋى باۋرايىنداعى شەكارا قورعاۋشى جۇبايلار
پارتيانى جاپپاي قاتاڭ باسقارۋدى ماڭگى جالعاستىراتىن تاباندىلىق پەن قايسارلىقتى كۇشەيتەيىك
2021-جىلى 11-ايدىڭ 29-كۇنى 270سان
2021-جىلى 11-ايدىڭ 27-كۇنى 269سان
قارجى قوسىپ، شارۋاشىلىقتى گۇلدەندىرۋدىڭ ىرىستى مەكەنى شارتاراپتان كەلگەن ساۋداگەرلەردى قارسى الادى
سىناق رايونىن جوعارى ساپامەن قۇرۋ جاقسى باستالدى
پارتيا مەن حالىقتىڭ سىن ساعاتتاردا ءبىر - بىرىنە سۇيەنىش بولاتىن، بەينەت پەن زەينەتتە بىرگە بولاتىن ەتەنە بايلانىسىن جەتە تانۋ كەرەك
تاريحتى ۇيرەنىپ، بورىش ارقالاپ، حالىق ءۇشىن ناقتى ىستەر ىستەپ، اۋەلگى ماقساتتى امالياتتا ايگىلەدى
جاڭا ساپاردا ەكپىندەي ىلگەرىلەپ، جاڭا داۋىردە ەسەلى ۇلەس قوسامىز
حوش ءيىسى بۇكىل ەلگە تاراعان توقاش -پراندىكتەن ءدام تاتىڭىز
2021-جىلى 11-ايدىڭ 26-كۇنى 268سان
جاپونيا جۇرتشىلىعىنا شينجياڭنىڭ شىنايى جاعدايىن اڭگىمەلەپ بەردى
ۇيرەنۋ ونىمدىلىگىن شىن مانىندە ناقتى قىزمەت ناتيجەسىنە اينالدىرايىق
اۋىل شارۋاشىلىعى كاسىپورىندارى ”ينتەرنەتكە قوسىلىپ“، ءوندىرۋ مەن ساتۋدىڭ دالمە - ءدال ۇشتاسۋىن جەدەلدەتتى
اۆتونوميالى رايوندىق حالىق قۇرىلتايى تۇراقتى كوميتەتى 149 - رەتكى مەڭگەرۋشىلەر ءماجىلىسىن اشتى
اتىز باستارىندا قاۋىرت ۇگىت لەكسيا جۇرگىزىلدى، كىرىستى ارتتىرىپ بايۋ سەنىمدەرى نىعايدى
پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەيىك
نيە حايشىڭعا ”1 - دارەجەلى عارىش ۇلەسكەرى مەدالىن“ بەرۋ، ليۋ بوميڭگە ”2 - دارەجەلى عارىش ۇلەسكەرى مەدالىن“ بەرۋ، تاڭ حۇڭبوعا ”قاھارمان عارىشكەر“ داڭق اتاعىن بەرۋ جانە ”3 - دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى
وسى زامانعى ارتقى شەپتىڭ جوعارى ساپالى دامۋىن جەدەل ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا پارمەندى تىرەك ازىرلەۋ كەرەك
جاپالى كۇرەسپەن كەلگەن باقىت بالدان ءتاتتى ەكەن
انار گۇلى قۇلپىرا شەشەك اتتى
سۇرلەنگەن ەت ەگىنشى -مالشىلاردىڭ كىرىسىن ارتتىرۋداعى جارقىن تۇيىنگە اينالدى
قۇرلىقتىق مەملەكەت شەكاراسى زاڭىن مەكتەپتەردە ۇگىتتەدى

انار گۇلى قۇلپىرا شەشەك اتتى

جولدانعان ۋاقىتى : 2021/11/25 17:48:24

ــ شاعانتوعاي اۋدانىنىڭ ۇلتتار ىنتىماعى قىزمەتى جونىندە

□ ءتىلشىمىز ۋاڭ گاۋشىڭ

بارلىق تاۋىنىڭ باۋرايىنداعى شاعانتوعاي   اۋدانى از ۇلت شوعىرلى قونىستانعان جەر، حانزۋ، قازاق، حۇيزۋ سياقتى 19 ۇلتتان قۇرام تاپقان وسى بەرەكەلى شاڭىراقتا، قازاق ۇلتى جالپى حالىق  سانىنىڭ %35.9 ىن يەلەيدى. ۇزاق ۋاقىتتىق ءوندىرىس، تۇرمىس بارىسىندا ءار ۇلت بۇقاراسى ىنتىماقتى، قارايلاسىمدى   بولىپ، ءوزارا توعىسىپ، ءبىرىن ـءبىرى جەبەپ، ءبىر ءۇيلى جانداي ەتەنە بولىپ كەلەدى.

بۇل ارا توڭكەرىستىك قۇربان سۇن لۇڭجىننىڭ ەرلىكپەن شايقاس جاساعان جەرى، چاڭجياڭ وزەنىنىڭ تۇستىگى مەن تەرىستىگىنە دەيىن شىرقالعان”اق تەرەك“ ءانىنىڭ شىققان جەرى، وتانشىل قايراتكەر باسباي شولاقتىڭ اتا مەكەنى.

جاڭا داۋىردە جاڭا بەينەگە ەنگەن. بۇل  مەكەنگە توڭكەرىستىك قىزىل گەن ءسىڭىپ، ۇلتتار ىنتىماعى سۇيىسپەنشىلىگى كەرنەپ، ”تىنىش، ىنتىماقتى، ەكولوگياسى كوركەم، قونىستانۋعا جايلى، كورىكتى دە باقىتتى “ جاڭا شاعانتوعاي قۇرۋعا تىڭ ءتۇس قوسىپ، جاڭا تىرشىلىك ورايىن ازىرلەپ، تىڭ قوزعاۋشى كۇش ۇستەدى.

 
تيپتەردى سومداپ، تۋ كوتەرىپ، جۇرەكتەردى نارلەندىرە ءتۇستى

جايىلما كوشەسى الەۋمەتتىك اۋماعىنىڭ   تۇرعىنى وقاس سۇلەيمەن بيىل 66 جاسقا    كەلدى، 2015 -جىلى اۋداندىق مال شارۋاشىلىعى شيپاحاناسىنان زەينەتكە شىققان. شاعانتوعاي   اۋدانىندا ونىڭ ەسىمى مەن اڭگىمەسىن بىلمەيتىن جان جوق.

 44جىلدىق ەمدەۋ قىزمەتىمەن شۇعىلدانۋ ساپارىندا وقاس بارلىق تاۋى، مايلى تاۋى جانە قۇلىستاي جايىلىمىنىڭ جىلجىمالى ەمدەۋ  تۇيىندەرىندە قىزمەت وتەپ، 100 مىڭنان استام رەت ارالاپ ناۋقاس كورىپ، 3200 دەن استام نارەستەنىڭ كىندىگىن كەسەدى، ەگىنشى -   مالشىلار ونى قۇرمەتتەپ بارلىق تاۋىنىڭ  باۋرايىنداعى ”اق حالاتتى پەرىشتە“ دەپ  اتايدى، ول ىلگەرىندى -كەيىندى مەملەكەتتىك ۇلتتار ىنتىماعى ءمورال ۇلگىسى، مەملەكەتتىك 1 ـ مامىر ەڭبەك ەرى، اۆتونوميالى رايوندىق    تاڭداۋلى پارتيا مۇشەسى سياقتى كوپتەگەن   اتاقتارعا يە بولعان.

2019 -جىلى الەۋمەتتىك اۋماقتىڭ  كومەگىندە ”وقاس تەگىن ناۋقاس كورۋ ءبولىمى“ قۇرىلىپ، ءار اپتانىڭ دۇيسەنبى كۇنى وقاس الەۋمەتتىك اۋماق تۇرعىندارىنىڭ دەنساۋلىعىن تەگىن تەكسەرىپ، قوعامعا ۇلەس قوسىپ كەلەدى. ونىڭ زەينەتكە شىقسا دا توقتاۋسىز يگى ءىس ىستەۋى ەمدەۋ قىزمەتكەرلەرىن بارىنشا شابىتتاندىرىپ، دەنساۋلىق ساقتاۋ جاعىنان ەرىكتى قىزمەت وتەۋ قوسىنى ۇزدىكسىز زورايدى، قازىر ءار كۇنى 23 ەرىكتى ناۋقاس كورەدى.

“وقاس تەگىن ناۋقاس كورۋ ءبولىمى” ەڭ العاشقى دەنساۋلىق جونىندە جالاڭ كەڭەس الۋدان قازىرگى سالاماتتىق تاربيەسى، ەمدەۋ جونىندەگى حالىققا تيىمدىلىك جاساۋ ساياساتىن ۇگىتتەۋ    سياقتى مازمۇنداردى ءبىر تۇلعالاندىرعان  امبەباپ سالاماتتىق قىزمەت وتەۋ    تۇعىرىنا اينالىپ، ءار ۇلت بۇقاراسىنىڭ    عىلمي، وركەنيەتتى، اقاۋسىز تۇرمىس ۇستانىمىن ورناتۋىنا جەتەكشىلىك ەتۋدە بەلسەندى رول  اتقاردى.

سونىمەن بىرگە، الەۋمەتتىك اۋماق”وقاس ەرىكتى قىزمەت وتەۋ ۇگىت لەكسيا اترەتىن“ قۇرىپ، مەملەكەت تۋى استىندا جانە الەۋمەتتىك  اۋماق، الاڭ، شاعىن كينوحانا سياقتى تۇرلىشە دانەكەرلەردەن پايدالانىپ، تۇرعىندارعا ۇگىت لەكسيا جاساۋدى ۇدايىلاندىردى.

قازىرگە دەيىن ”وقاس تەگىن ناۋقاس كورۋ ءبولىمى“ سالاماتتىق بىلىمدەر جونىندە 45 رەت ۇگىت جۇرگىزىپ، قاراستى اۋماقتاعى  ءجۇرىس -تۇرىسى قولايسىز تۇرعىنداردىڭ   دەنساۋلىعىن 26 رەت وتباسىنا بارىپ   تەكسەرىپ، 18 رەت تەگىن ناۋقاس كورۋ     قيمىلىن ورىستەتىپ، ءار ۇلت بۇقاراسىنىڭ    قارسى الۋىنا يە بولدى.

بيىل اۋداندىق پارتكوم ءبىر ميلليون يۋانعا جۋىق نىسان قارجىسىن قولعا كەلتىرىپ،    وقاستىڭ ءۇيىن وتانشىلدىق تاربيە بازاسى  ەتىپ قۇردى، جاڭادان 79.48 شارشى مەترلىك داڭق كورمە زالى، 124.35 شارشى مەترلىك تۇرمىس رايونى جانە 3.1 شارشى مەترلىك    الەۋمەتتىك تازالىق بولمەسىن سالدى. سونىمەن بىرگە، بۇرىنعى 3 قۇرىلىستى جاڭالاپ، بولمە سىرتىنداعى جەر بەتىن سەمەنتتەپ، سۋمەن   قامداۋ، لاس سۋ ىعىستىرۋ، ەلەكتر قۋاتى   سياقتى قاتىستى سايكەستى قۇرىلعىلاردى     كەمەلدەندىردى.

وتانشىلدىق تاربيە بازاسى مەجەمەن  كەلەر جىلى 1-ايدا سىرتقا رەسمي اشىق   ۇستالىپ، شاعانتوعاي اۋدانىنىڭ ”باسباي كورمە سارايى“ مەن ”اق تەرەك قاراۋىل ورنى كورمە سارايىنان“ كەيىنگى تاعى ءبىر قىزىل گەندى جالعاستىراتىن وتانشىلدىق تاربيە بازاسىنا      اينالادى ەكەن.

الەۋمەتتىك اۋماق پارتيا ياچەيكاسىنىڭ شۋجيى لي شۋەمي:”وقاس وتانشىلدىق تاربيە بازاسى شاعانتوعاي قىزىل ساياحاتىنىڭ جاڭا جارقىن تۇيىنىنە، جاڭا ورىسىنە اينالىپ،   تۇتاس اۋدانداعى ءار ۇلت بۇقاراسىنىڭ ۇلتتار ىنتىماعىن قورعاپ، ۇلتتار ىنتىماعىن جەبەۋدەگى ‘ۇدەتكىشى’ مەن’ماي قۇيۋ پۋنكتى‘ بولاتىنى داۋسىز“ دەدى.


 
ۇلگىدەن ۇيرەنىپ، ونەگە كورسەتۋ قۋانىشتى ىسكە اينالدى

ول ارزان باعادا مايعا بەرىلەتىن ۇيدە  تۇرادى، 16 جىلدان بەرى ءۇش دوڭگەلەكتى   موتوتسيكلمەن كوشە -كوشەلەردى كەزىپ  ءۇي كوشىرىپ، كومىر جەتكىزىپ، ۇن تاسىپ  وتباسىن اسىراپ كەلەدى. اسىرەسە،   2020 -جىلعى ەكى رەتكى ىندەتتەن ساقتانۋ-تىزگىندەۋ كەزىندە ول پىڭحۋۋان، تاۋ گۇلى،   ورتالىق باقشا، جيندي، جاسىل اۋلا سياقتى 5 شاعىن رايوننىڭ تۇرعىندارىنا تۇرمىستىق   بۇيىمداردى جەتكىزۋگە جاۋاپتى بولىپ،   تۇرعىندارعا جاقسى تانىس بولىپ كەتكەن، ول جايىلما الەۋمەتتىك اۋماعىنىڭ تۇرعىنى باعدامان حوزام ەدى.

بيىل 31 جاستاعى باعدامان 5 اعايىندىنىڭ كەنجەسى ەدى. شەشەسى 2003 -جىلى راك   اۋرۋىنان قايتىس بولادى، اكەسى اۋدان   قالاشىعىنداعى قابات ۇيلەرىن ساتىپ ناۋقاس كورسەتكەنىمەن، شەشەسىنىڭ ومىرىنە   اراشاشى بولا المايدى.

2005 -جىلى باس قۇراعاننان كەيىن باعدامان ەكى اۋىزدى جەر ءۇي مايلاپ وتىرادى،     سول ۋاقىتتا قارىزدانا ءجۇرىپ ءبىر 3   دوڭگەلەكتى موتوتسيكل ساتىپ الىپ، اۋدان    قالاشىعىندا كىرەكەشتىك ىستەپ، ءۇپى -ءتاپى تۇرمىس كەشىرەدى. 2012 -جىلى باعداماننىڭ  وتباسىنداعى ءبىر ءۇيلى 3 جان الەۋمەتتىك  اۋماقتىڭ كومەگىندە 60 شارشى مەترلىك       ارزان باعادا مايعا بەرىلەتىن ۇيگە كوشىپ كىرەدى.

ارادا قانشاما جىلدار وتسە دە باعداماننىڭ تۇرمىسى ونشا وڭالىپ تا كەتپەدى. ەكى بالالى بولعان سوڭ تۇرمىس قىسىمى ءتىپتى دە اۋىرلاسىپ، بالا - شاعانىڭ قامى ءۇشىن تاڭ بوزىنان تۇرىپ، قاس قارايعاندا قايتىپ تىربانىپ كەلەدى. سويتە تۇرسا دا ول شاماسى كەلىسىنشە باسقالارعا كومەكتەسىپ، بىرەۋ -مىرەۋ كومەك سۇراي قالسا قولىنداعى شارۋاسىن تاستاي     سالىپ، شىن پەيىلىمەن سوعان كومەكتەسە    كەتەدى.

باعدامانمەن ءبىر كوشەدە تۇراتىن باقىتگۇل سەرىك اۋرۋشاڭ بولعاندىقتان ءجۇرىپ -تۇرۋى قولايسىز ەدى. كۇيەۋى 5 جىلدىڭ الدىندا   قايتىس بولعان، ۇلى اۋداندا كومەكشى ساقشى بولىپ ىستەيتىندىكتەن، ۇيىنە قارايلاسۋعا  مۇرساسى جەتپەيتىن. وسى جاعدايلارىن ەسكەرگەن باعدامان وعان ۇنەمى كومەكتەسىپ   تۇرادى. ءبىر قالتا ۇن كەرەك بولسا دا   باقىتگۇل باعدامانعا تەلەفون سوعىپ كومەك سۇرايدى.

بيىل 7-ايدا باعدامان باقىتگۇلگە ءوزى  باسىپ، ءوزى ءتۇسىرىپ، 3 توننا كومىر   جەتكىزىپ بەرىپ، كىرە اقىسىنا نەبارى 50 يۋان عانا الادى. ەگەر بازار باعاسىمەن ەسەپتەسە   كەم دەگەندە 300 يۋان بولاتىن ەدى،  وسىنداي ىزگى ىستەردى باعدامان ۇنەمى     ىستەپ كەلەدى.

وسى جونىندە باعدامان:”اقشا تابۋ بارىنە   دە وڭاي ەمەس، ازعانتاي تاپسام بولعانى،     كوبىرەك كىرىس كىرگىزگىم كەلسە،   كوبىرەك شاپقىلاسام جەتىپ جاتپاي ما، ازداپ شارشاپ -شالدىققانىم تۇككە تۇرمايدى“  دەدى.

بيىل 43 جاستاعى الەۋمەتتىك اۋماقتىڭ  تۇرعىنى ۋاسىلي وتباسىلىق سەبەبىنەن    سوققىعا ۇشىراپ، قازىرگە دەيىن ۇيلەنبەگەن، ول دا ارزان باعادا مايعا بەرىلەتىن    ۇيدە تۇرادى. 2020 -جىلى 11-ايدا ۋاسىليدىڭ شەشەسى قايتىس بولعاننان  كەيىن جالعىز    قالعان ول، كەيدە ۋاعىندا تاماعىن دا ىشە الماي  قالادى.

ىندەتتەن ساقتانۋ-تىزگىندەۋ كەزىندە 3  ۋاقىت تاماعىن باعدامان جەتكىزىپ بەرىپ  تۇرادى. ىندەتتەن ساقتانۋ-تىزگىندەۋ اياقتالعان سوڭ دا باعدامان جالعاستى وعان قارايلاسىپ،ۋاقىتى بولسا تاماعىن جەتكىزىپ بەرىپ،   قولى بوساماسا ۇيىنە تاماققا شاقىرادى.

ۋاسىليدىڭ كيىم -كەشەگىن، كورپە تىسىن  باعداماننىڭ ايەلى ۋاقىتىن شىعارىپ جۋىپ  بەرىپ تۇرادى، ونىڭ ءۇي شارۋاسىنا  كومەكتەسۋدى باعداماننىڭ ايەلى داعدىعا   اينالدىرعان.

باعدامان: ”باسباي ءبىزدىڭ قاھارمانىمىز،وقاس مەنىڭ ۇلگى تۇتاتىن ادامىم.  باسقالارعا كومەكتەسۋ -كومەكتەسپەۋ باي - كەدەي بولۋىڭمەن قاتىسى جوق، 16جىل   بويى تاباندىلىق كورسەتىپ كەلدىم، بۇدان   كەيىن دە جالعاستىرا تۇسەمىن“ دەدى.

 
انار گۇلى شار تاراپتان قۇلپىرا اشىلدى

التىن ەمىل اۋىلى جاڭابۇلاق قىستاعىندا  الەۋمەتتىك يگىلىك ىستەرىنە ات سالىسۋعا       ىنتالى، باسقالارعا كومەكتەسۋدى قۋانىش  سانايتىن قىستاق تۇرعىنى بار، ونىڭ اتى  كادىرقان ماكەن.

   9- ايدىڭ- 10 كۇنى ”وقىتۋشىلار مەرەكەسى“ كۇنى كادىرقان التىن ەمىل اۋىلدىق سەنترلى مەكتەپكە 20 مىڭ يۋان  جىلۋ اتادى. ول” :مەكتەپتەگى تۇرمىسىندا   قيىنشىلىعى بار  بالالاردىڭ وقۋىن ءساتتى  تامامداۋىنا كومەكتەسكىم كەلەدى“ دەيدى.    وسى قىستاقتىڭ تۇرعىنى داۋلەتبەك پانابەك ول كىسىنىڭ كومەگىنە يە بولعانداردىڭ ءبىرى. داۋلەتبەكتىڭ وتباسىندا 4 جان سانى بار، 2   بالاسى دا مەكتەپتە وقيدى، قولىنداعى مالى   شاعىن بولعاندىقتان، جۇبايى ەكەۋى سىرتتاي جۇمىس ىستەپ كۇنەلتىپ كەلگەن ەدى.

2020 -جىلى داۋلەتبەك العان 15 مىڭ يۋان   كەدەيلەردى سۇيەمەلدەۋ قارىز اقشاسىن   ۋاعىندا قايتارا الماي، كادىرقاننان كومەك  سۇراي بارادى. قىستاقتا وسىنداي ىستەرگە   جولىققاندا كادىرقان قىستاق تۇرعىندارىنىڭ   لەبىزىن قايتارماي، نە تىلەگى بولسا سونى   ورىنداپ وتىراتىن، ءسويتىپ، ول قازىرگە دەيىن  قانشا ادامعا كومەكتەسكەنىن ءوزى دە انىق   بىلمەيدى.
مەكتەپكە جىلۋ اتاۋ ءىسى كەڭ تارالعاننان كەيىن جۇڭچيۋ مەرەكەسى قارساڭىندا وسى  قىستاقتاعى پارتيا مۇشەسى دۋان شياۋلۇڭ    وتباسىندا قيىنشىلىعى بار داشۋە وقۋشىلارىنا، سالماقتى ناۋقاسقا شالدىققاندارعا جانە   تۇرمىسىندا قيىنشىلىعى بارلارعا 20 مىڭ يۋان جىلۋ اتادى.

گۇلميرا ەرعازى سالماقتى ناۋقاسقا   شالدىعىپ، قوماقتى ەمدەلۋ قاراجاتى بۇرىننان قوڭىر قالتا وتباسى ءۇشىن جىعىلعان ۇستىنە   جۇدىرىق بولعانداي اۋىر ەكونوميكالىق     سالماق ءتۇسىردى. وسىنداي قىسىلتاياڭ    جاعداي استىندا دۋان شياۋلۇڭ اتاعان 5000 يۋان، ونىڭ قيىن وتكەلدەن وتۋىنە   دەمەۋ بولدى.

قىستاق پارتيا ياچەيكاسىنىڭ ورىنباسار شۋجيى بەيسەنبەك گىمىڭبەك: “ىنتىماق ــ كۇش. كادىرقان مەن دۋان شياۋلۇڭ بىزگە ۇلگى كورسەتتى، ولاردىڭ ءوزارا كومەكتەسۋ رۋحىنان ۇيرەنۋىمىز كەرەك” دەدى.

قازىر شاعانتوعاي اۋدانى ۇلتتار ىنتىماعىنان  ۇلگى كورسەتۋ تۇيىنىنەن 15 ىن، ۇلتتار  ىنتىماعى، العاباسارلىعىنان ۇلگى كورسەتۋ   بازاسىنان 4 ىن قۇردى. اۋدان بويىنشا مەملەكەت جاعىنان ۇلتتار ىنتىماعى، العاباسارلىعىنداعى 2 وزات جەكە ماداقتالىپ ـ سيلانسا؛ اۆتونوميالى رايون جاعىنان 2 وزات كوللەكتيۆ، 7 وزات جەكە ماداقتالىپ ـ سيلاندى؛ ايماق جاعىنان سيلانعان وزات كوللەكتيۆ 4 كە، وزات جەكە 11 گە   جەتتى.

شاعانتوعاي اۋداندىق ۇلتتار ىنتىماعى، العاباسارلىعىنداعى وزات ورىن قۇرۋ كەڭسەسىنىڭ مەڭگەرۋشىسى فان شياۋيۇڭ: ”ۇلتتار ىنتىماعى جاعىندا ۇلگىلەردىڭ كۇشى كۇن سايىن ايگىلەنىپ، جەتەكتەۋ جانە ۇلگى كورسەتۋ  جاعىندا بەلسەندى رول اتقاردى، شىنىندا، انار گۇلى قۇلپىرا شەشەك اتتى“ دەدى.




رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn