ءتىلشىمىز سۇڭ جيانلياڭ، ەرىكتى ءتىلشى شۇي جىكاڭ حابارلايدى. ساۋان قالالىق پروكۋراتۋرا مەكەمەسىنىڭ 12309 پروكۋراتۋرالىق قىزمەت وتەۋ ورتالىعىنا بارا قالساڭىز، ”حالىقتى بارىنەن جوعارى قويامىز... حالىق جۇرتشىلىعىنىڭ پروكۋراتۋرا قىزمەتىنە بولعان تابىس سەزىمى مەن رازىلىق دارەجەسىن ارتتىرامىز“ دەپ قىزىل ءتۇستى ”ۋادە قابىرعاسىنا“ جازىلعان ايشىقتى سارى ءتۇستى جازۋ بىردەن كوزگە شالىنادى.
بيىل 5 -ايدا ساۋان قالالىق حالىق پروكۋراتۋراسى پارتيا تاريحىن ۇيرەنۋ تاربيەسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا ”حالىقتى وزەك ەتۋ“ ادىليا ۇستانىمىن تىعىز ارقاۋ ەتە وتىرىپ وسى ”ۋادە قابىرعاسىن“ تۇرعىزعان.
ءۇشىنشى پروكۋراتۋرا ءبولىمىنىڭ ورىنباسار مەڭگەرۋشىسى مىڭ شان:“بۇل قابىرعانى تۇرعىزۋداعى ماقساتىمىز قوعامعا اشىق ۋادە بەرىپ، حالىقتىڭ ۇنىنە جاۋاپ قايتارىپ، حالىقتىڭ قاجەتىن شىن مانىندە ورىنداپ، پروكۋرورلارىمىزعا ءار ۋاقىت حالىققا قىزمەت وتەۋ ماقساتىن ەستە بەرىك ساقتاۋدى ەسكەرتىپ، بۇقارانىڭ ارىز-ارمانىنا شىنايى قامقورلىقپەن مامىلە جاساپ، بۇقاراعا ءادىل، قارا قىلدى قاق جارعان ادىليا ابزالدىلىعىن سەزىندىرۋ” دەدى.
زاڭ اتقارۋ امالياتى بارىسىندا زياندالۋشىنىڭ مەرتىگۋ، قايتىس بولۋ دەلولارىندا دەر كەزىندە تولەم الا الماۋى سياقتى ماسەلەلەرگە قاراتا 12309 پروكۋراتۋرالىق قىزمەت وتەۋ ورتالىعى ادىليالىق كومەك بەرۋ مەحانيزمىنەن ويداعىداي، جاندى، جەتكىلىكتى پايدالانىپ، بۇقارانىڭ ”ىزدەپ كەلىپ كومەك سۇراۋىن“ پروكۋراتۋرا ورگانىنىڭ ”ىزدەپ بارىپ كومەكتەسۋىنە“ وزگەرتتى.
قىلمىستىق ىستەر دەلوسىنداعى زياندالۋشىنىڭ جۇبايى ا x تىڭ جاسى ەگدەلەگەن، ءتۇرلى اۋرۋ مەڭدەتكەن، ەڭبەك قۋاتىنان ايىرىلعان، ەشقانداي ەكونوميكالىق كىرىس قاينارى دا جوق ەدى، ال تولەم تولەۋگە ءتيىستى جاقتىڭ دا تولەيتىندەي ەشقانداي مال -مۇلكى جوق ەدى. پروكۋرور وتباسىنا بارىپ ناقتىلى جاعدايدى ۇعىسقاننان كەيىن، ا x ءۇشىن پروكۋراتۋرالىق كومەك كورسەتۋ ءوتىنىشىن بەرىپ، 30 مىڭ يۋان ادىليالىق كومەك قاراجاتىن ا x كە الىپ بەرەدى.
بۇقارانىڭ ارىز-شاعىمىن قابىلداۋ بارىسىندا 12309 پروكۋراتۋرالىق قىزمەت وتەۋ ورتالىعى ادىليالىق كومەك كورسەتۋ مەن اۋىل -قىستاقتى گۇلدەندىرۋدى جەبەۋدى ارىز-شاعىم كونە دەلولارىن شەشىمدەۋ سياقتى قىزمەتتەرمەن ىشكەرىلەي توعىستىرىپ، بۇقارانىڭ ارىز-شاعىمدارىنان بىردە -ءبىرىن قاعىس قالدىرماي جاۋاپ قايتارىپ، قوعامدىق قايشىلىقتاردى، داۋ -شارلاردى شەشىمدەۋدى ىلگەرىلەتتى.
جاڭ x قورا -جاي مال -مۇلىك ۇقىعىن ايقىنداۋ، مۇراگەرلىك ەتۋ، ءۇيىن شاعىپ، كوشىرۋ سياقتى داۋ-شار ماسەلەسىمەن ارىزدانىپ كەلگەن. 12309 پروكۋراتۋرالىق قىزمەت وتەۋ ورتالىعىنىڭ پروكۋرورى ەكى ايدان استام ۋاقىتتا تالاي رەت قاتىستى ورىنداردان سىپات ماتەريالدارىن الىپ، قاتىستى ادامداردان جاعداي ۇعىسىپ، كوپتەگەن سىپاتتاردى ساراپتاپ تەكسەرۋ ارقىلى ءىستىڭ جاي - جاپسارىن انىقتايدى. جاڭ x وسىدان سوڭ اشىلعان كۋاگەرلەردىڭ ءسوزىن تىڭداۋ اشىق سوتىندا ارىز -شاعىمدى اقىرلاستىرۋ ويىن بىلدىرەدى. سونىمەن 30 نەشە جىلدىق اكىمشىلىك تالاس -تارتىس دەلوسى اقىرى شەشىمدەلەدى.
2020-جىلدان قازىرگە دەيىن 12309 پروكۋراتۋرالىق قىزمەت وتەۋ ورتالىعى ادىليالىق كومەك بەرۋ دەلوسىنان 17 سىن شەشىمدەپ، 290 مىڭ يۋاننان استام كومەك قاراجاتىن تاراتقان.
پروكۋراتۋرا مەكەمەسىنىڭ باس پروكۋرورى لي گوجين: «جاڭا داۋىردەگى حالىق بۇقاراسىنىڭ جاڭا ادىليالىق قاجەتىنە ساي، باستان -اياق زاڭ تۇرعىسىنان ادىلدىك پەن ادىلەتتىلىكتى قورعاپ، باستان -اياق بۇقارا تۇرعىسىنان ادىلدىك پەن ادىلەتتىلىككە مامىلە جاساپ، بۇقارانىڭ ‹شۇعىل، قيىن، ۋايىمداعان، ءزارۋ› ماسەلەلەرىن شەشىمدەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرامىز» دەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى