تىلشىمىز ليۋ ۋي حابارلايدى. 12 -ايدىڭ 3 -كۇنى شاۋەشەك قالاسىنداعى جاڭ شينشىڭ شەكىلدەۋىكتى قاربىز ءدانىن مانەرلەۋ كاسىپتىك سەلبەستىك كووپەراتيۆىندە تەحنيكا قىزمەتكەرلەرى بۇكىلدەي اۆتوماتتى قوراپتاۋ ٴوندىرىس جەلىسىن سىناق ەتۋدە. ٴوندىرىس جەلىسى ىسكە قوسىلعاننان كەيىن، ٴوندىرىس ونىمدىلىگى ٴبىر ەسە جوعارىلايدى ەكەن.
شاۋەشەك قالاسىنداعى جاڭ شينشىڭ شەكىلدەۋىكتى قاربىز مانەرلەۋ كاسىپتىك سەلبەستىك كووپەراتيۆى شاۋەشەك قالاسىنداعى قازىرگى ەڭ ۇلكەن شەكىلدەۋىكتى قاربىز ۇرىعىن ءوندىرۋ كاسىپتىك سەلبەستىك كووپەراتيۆى بولىپ،”تا -يۇي“ ماركاسىن تىركەۋگە الدىرىپ، نەگىزىنەن جەرگىلىكتى ورىندا قۋىرىلعان شەكىلدەۋىكتى قاربىز ۇرىعى، شەكىلدەۋىك، قاباق ۇرىعى سياقتى ونىمدەردى ساتادى، ونىمدەرى بەيجيڭ، شاڭحاي سياقتى قالالارعا دەيىن ساتىلادى.
سەلبەستىك كووپەراتيۆىنىڭ ۇزدىكسىز دامۋى توڭىرەكتەگى ەگىنشىلەرگە باقىت اكەلدى. بيىل شاۋەشەك قالاسى ابدىرا اۋىلى گۇجىباي سولتۇستىك قىستاعىنىڭ تۇرعىنى لي چۇنلي 300 مۋدان استام جەرگە ەككەن شەكىلدەۋىكتى قاربىزىنىڭ ءدانىن تۇگەلىمەن وسى كووپەراتيۆكە ساتىپ بەرگەن.
”ٴار كيلوگرامى 24 يۋان، باعاسى وتە جاقسى، ونىڭ ۇستىنە سەلبەستىك كووپەراتيۆىنىڭ سەنىمدىلىگى دە جاقسى، كەلەر جىلى ولارمەن ۇزدىكسىز سەلبەسكىم كەلەدى“ دەدى لي چۇنلي.
كەلەر جىلى سەلبەستىك كووپەراتيۆى شاۋەشەك قالاسىنىڭ اۋىل ـ قالاشىقتارىنان، سونداي ـ اق توڭىرەكتەگى تۋان ـ الاڭدارىنان 20 مىڭ مۋ جەرگە تاپسىرىس بەرىپ، ٴتىپتى دە كوپ ەگىنشىلەردىڭ شەكىلدەۋىكتى قاربىز ەگۋ ارقىلى كىرىسىن ارتتىرىپ، اۋقاتتانۋىنا مۇمكىندىك جاسايدى ەكەن.
”’سەلبەستىك كووپەراتيۆى + بازا + مۇشە + تيجارات‘ ۇلگىسى ارقىلى توڭىرەكتەگى شارۋا وتباسىلارىنىڭ كىرىسىن ارتتىرىپ، اۋقاتتانۋىنا جەتەكشىلىك ەتەمىز. سونىمەن بىرگە، سەلبەستىك كووپەراتيۆىنىڭ ىشكى قوزعاۋشى كۇشىن ۇزدىكسىز ساۋلەلەندىرىپ، اۋىل ـ قىستاقتى گۇلدەندىرۋگە ۇلەس قوسۋ كەرەك“ دەدى سەلبەستىك كووپەراتيۆىنىڭ القا باستىعى جاڭ شينشىڭ.
تاياۋ جىلداردان بەرى شاۋەشەك قالاسى كاسىپ سالاسىن دامىتۋدى جەتەكشى ەتىپ، دامۋ ۇلگىسىندە ۇزدىكسىز جاڭالىق اشىپ، كاسىپ سالاسىن دامىتۋدىڭ قوزعاۋشى كۇشىن جوعارىلاتىپ، اۋىل ـ قىستاقتى گۇلدەندىرۋ ستراتەگياسىن اتقارۋ بارىسىندا قۇرىلىمدى رەتتەۋدى تياناق ەتىپ، كاسىپ سالاسىن گۇلدەندىرۋدىڭ نەگىزىن بەكەمدەدى.
تارباعاتاي چۋلۇي استىق، ماي توبى ۇن مانەرلەۋ شەكتى سەرىكتەستىگى استىق، ماي ساتىپ الۋ، زاپاس ساقتاۋ، مانەرلەۋ، زەرتتەۋ ـ اشۋ، ساتۋ، يمپورت ـ ەكسپورت ەتۋ ٴبىر تۇلعالانعان كاسىپورىن، قازىر سەرىكتەستىك كۇنىنە 400 توننا ٴبيدايدى مانەرلەيدى.
سەرىكتەستىك تاپسىرىس بويىنشا 110 مىڭ مۋ جەرگە ٴبيداي ەگىپ، 1500 دەن استام شارۋا وتباسىنا جەتەكشىلىك ەتىپ، جەرگىلىكتى ەكونوميكانىڭ ارتۋىنداعى، اۋىل شارۋاشىلىعىنىڭ ونىمدىلىگىن ارتتىرۋداعى، شارۋالاردىڭ كىرىسىن جوعارىلاتۋىنداعى وسىزاماندانعان باستاۋشى مانەرلەۋ كاسىپورنىنا اينالدى.
”بۇدان بىلاي ٴبىز كاسىپورىننىڭ دامۋىن ۇزدىكسىز ويداعىداي يگەرىپ، وسى زامانعى اۋىل شارۋاشىلىعىنان ۇلگى كورسەتىپ ەگۋدى ىلگەرىلەتىپ، تۇتاس كاسىپ تىزبەگىندىك دامۋدى ويداعىداي ىستەپ، ٴتىپتى دە كوپ ەگىنشىلەردىڭ كىرىسىن ارتتىرىپ، اۋقاتتانۋىنا جەتەكشىلىك ەتەمىز“ دەدى سەرىكتەستىكتىڭ ورىنباسار مەڭگەرۋشىسى ۋان جينگو.
قازىر شاۋەشەك قالاسىندا ٴبىر ميلليون 519 مىڭ 500 مۋ جەرگە استىق ەگىلىپ، ٴبىر ميلليون 200 مىڭ مۋدان جوعارى بولۋ جاعدايى ساقتالىپ، استىقتىڭ جالپى ٴونىمى ٴبىر ميلليون 49 مىڭ 400 تونناعا جەتتى. 4 ۇلگى كورسەتۋ بازاسى قۇرىلىپ، 41 مىڭ 400 مۋ جاسىل، ساپالى، جوعارى ٴونىمدى ۇلگى كورسەتۋ اتىزى قۇرىلىپ، 68 مىڭ 600 مۋ جەرگە ولشەمدى تۇقىم سەبىلدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى