ۇسىنىس ەتىلگەن ءتىلشى ياڭ حۋاگۋاڭ حابارلايدى. اۋلا سىرتىندا كوك قاڭىلتاق كەرپىش، اق داۋال قابىرعالارى مەن قىزىل تەرەزەلەر اقشا قارمەن شاعىلىسىپ ەرەكشە كوز تارتسا؛ ءۇي ىشىندە ساۋلەتتى داڭق تاقتاسىنا اۋدان دارەجەلىدەن مەملەكەت دارەجەلىگە دەيىن 50 گە تارتا سيلىق قاعازدارى تولتىرا ىلىنگەن وقاس سۇلەيمەننىڭ اۋلاسىنا ەكسكۋرسيالاي بارعانداردىڭ كوكىرەگىن تابيعي تۇردە قۇرمەت سەزىمى كەرنەيدى.
بيىل شاعانتوعاي اۋدانى وقاس سۇلەيمەننىڭ ءۇيىن وتانشىلدىق تاربيە بازاسى ەتىپ قۇرىپ، جاڭادان 79.48 شارشى مەترلىك داڭق كورمە زالىن سالدى. تاربيە بازاسىندا سۋرەت كورمەسى، كەسكىن قويۋ سياقتى فورمالار ارقىلى وقاس سۇلەيمەننىڭ تۇرمىسى مەن قىزمەت جاعدايى كورسەتىلەدى.
بۇل شاعانتوعاي اۋدانىنداعى”باسباي وتانشىلدىق تاربيە كورمە سارايى“ مەن”اق تەرەك قاراۋىل ورنى كورمە سارايىنان“ كەيىنگى قۇرىلعان تاعى ءبىر وتانشىلدىق تاربيە بازاسى.
وقاس سۇلەيمەن شاعانتوعاي اۋداندىق مال شارۋاشىلىق رايون شيپاحاناسىنىڭ شيپاگەرى، ەمدەۋ قىزمەتىمەن شۇعىلدانعان 44 جىلدان بەرى ول بارلىق تاۋى، مايلى تاۋى جانە قۇلىستاي جايىلىمىنىڭ جىلجىمالى ەمدەۋ تۇيىندەرىندە قىزمەت وتەپ، 100 مىڭنان استام ادام رەت ارالاپ ناۋقاس كورىپ، 3200 دەن استام نارەستەنىڭ كىندىگىن كەسكەن، ەگىنشى - مالشىلار ونى قۇرمەتتەپ بارلىق تاۋىنىڭ باۋرايىنداعى”اق حالاتتى پەرىشتە“ دەپ اتايدى. ول ىلگەرىندى -كەيىندى مەملەكەتتىك ۇلتتار ىنتىماعى، العاباسارلىعىنداعى وزات جەكە، مەملەكەتتىك 1 ـ مامىر ەڭبەك ەرى، اۆتونوميالى رايوندىق تاڭداۋلى پارتيا مۇشەسى سياقتى كوپتەگەن اتاقتارعا يە بولعان. سونىمەن بىرگە، وقاس سۇلەيمەننىڭ وتباسى مەملەكەتتىك وركەنيەتتى وتباسى بولىپ باعالانعان.
2015 -جىلى وقاس سۇلەيمەن شاعانتوعاي اۋداندىق مال شارۋاشىلىق رايون شيپاحاناسىنان زەينەتكە شىققاننان كەيىن دە باياعىسىنشا حالىق ءۇشىن قىزمەت وتەپ، اقىسىز ناۋقاس كورۋدى تاباندىلىقپەن جالعاستىردى.
2019 -جىلى شاعانتوعاي اۋدانى قارابۋرا قالاشىعى جايىلما الەۋمەتتىك اۋماعى ”وقاس اقىسىز ناۋقاس كورۋ ءبولىمىن“ قۇرىپ، وقاس سۇلەيمەن ۇيىمداستىرعان اقىسىز ناۋقاس كورۋ ەرىكتىلەر اترەتى ءار ۇلت بۇقاراسىنىڭ عىلمي، وركەنيەتتى، اقاۋسىز تۇرمىس ۇستانىمىن ورناتۋىنا جەتەكشىلىك ەتۋ سياقتى جاقتاردا بەلسەندى رول اتقاردى.
وقاس سۇلەيمەن:”مەن پارتيا مۇشەسىمىن، پارتيا مۇشەسى زەينەتكە شىقپايدى، شيپاگەرلىك جاۋاپكەرشىلىگىم تۇرعاندا زەينەتكە شىعۋىما ءتىپتى دە بولمايدى، ءار ۇلت بۇقاراسىنا باستان -اقىر قىزمەت وتەۋىم كەرەك“ دەدى.
ۇعىسۋعا قاراعاندا، شاعانتوعاي اۋدانىندا جاڭادان قۇرىلعان بۇل وتانشىلدىق تاربيە بازاسى كەلەر جىلدىڭ باسىندا اشىلىپ، شاعانتوعاي اۋدانىنىڭ قىزىل ساياحاتىنىڭ جاڭا جارقىن تۇيىنىنە، جاڭا ورىسىنە اينالىپ، تۇتاس اۋدانداعى ءار ۇلت بۇقاراسىنىڭ ۇلتتار ىنتىماعىن اسقاقتاتۋداعى، قىزىل گەندى جالعاستىرۋداعى”ۇدەتكىشى“ مەن”ماي قۇيۋ پۋنكتىنە“ اينالادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى