ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ءتىلشىمىز جاڭ پەيچي حابارلايدى. 2 -ايدىڭ 18 -كۇنى ايماقتىق پارتكوم مۇشەلەر (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 36 ـ رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، ۇگىت ءبولىمى باستىقتارىنىڭ مەملەكەتتىك ءماجىلىسىنىڭ رۋحىن جەتكىزدى، ۇيرەندى، تاياۋدا اشىلعان اۆتونوميالى رايوندىق پارتكوم تۇراقتى كوميتەتىنىڭ كەڭەيتىلگەن ماجىلىستەرىنىڭ رۋحىن، ۇگىت ءبولىمى باستىقتارىنىڭ اۆتونوميالى رايوندىق ءماجىلىسىنىڭ رۋحىن، 7 -كەزەكتى اۆتونوميالى رايوندىق ءمورال ۇلگىلەرىن ماداقتاۋ -سيلاۋ جينالىسىنىڭ رۋحىن جەتكىزدى، ۇيرەندى، ايماقتىڭ دايەكتىلەندىرۋ، تياناقتاندىرۋ پىكىرىن اقىلداستى. ءماجىلىستى ايماقتىق پارتكومنىڭ شۋجيى ۋي جيانگو باسقاردى.
ءماجىلىس مىنالاردى اتاپ كورسەتتى: ايماقتاعى ءار دارەجەلى پارتكومدار، ۇكىمەتتەر جانە قالىڭ پارتيا مۇشەلەرى مەن كادرلار “ەكىنى تۇراقتاندىرۋدىڭ” شەشۋشى ماڭىزىن تەرەڭ ءتۇسىنىپ،”ءتورت تانىمدى“ كۇشەيتىپ، ”ءتورت سەنىمدى“بەكەمدەپ،”ەكىنى قورعاۋدى“ ورىنداپ، ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيدانى تۇسىنۋگە تاباندى بولىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن دەر كەزىندە، ۇزدىكسىز، ىلەسە ۇيرەنىپ، ءسوزدىڭ رۋحىن ءتۇرلى قىزمەتتەردە شىن مانىندە دايەكتىلەندىرۋ، تياناقتاندىرۋ كەرەك.
شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ جانە كومىر قىشقىل گازىن بەيتاراپتاندىرۋدىڭ كەلەلى ءمانىن جەتە تانىپ، دامۋ مەن كومىر قىشقىل گازىنىڭ شىعارىلۋىن ازايتۋدىڭ قاتىناسىن، جالپىلىق پەن ءىشىنارالىقتىڭ قاتىناسىن، ۇزاق بولاشاقتىق نىسانا مەن قىسقا مەرزىمدىك نىسانانىڭ قاتىناسىن، ۇكىمەت پەن بازاردىڭ قاتىناسىن ويداعىداي ءبىر جاقتى ەتۋگە باسا ءمان بەرىپ، ساقتالۋ مولشەرىن ازايتۋعا، ءتۇيىندى يگەرۋگە، شەشۋشى ءتۇيىندى مىقتى ۇستاۋعا، باسىمدىقتى يگەرۋگە، بىرىككەن كۇش ۇيىستىرۋعا تاباندى بولىپ، جاسىل، تومەن كومىرتەكتى دامۋ جولىمەنءجۇرىپ، جاسىل كاسىپ تىزبەگىن قالىپتاستىرىپ، “ەنەرگيا مەن سارىپ ەتۋدى بىردەي تىزگىندەۋدى” ويداعىداي ىستەپ، ەكولوگيانى قورعاۋدىڭ قىزىل سىزىعىن، قورشاعان ورتا ساپاسىنىڭ تومەنگى شەگىن، بايلىقتان پايدالانۋدىڭ جوعارى شەگىن باتىل ساقتاۋ كەرەك. ايماقتىڭ ەنەرگيا، بايلىق ەرەكشەلىگىن تياناق ەتىپ، جاسىل، تومەن كومىرتەكتى دامۋدى ىلگەرىلەتىپ،”ەكى جوعارى“ نىسانداردى دالمە -ءدال باسقارۋدى كۇشەيتىپ، ەنەرگيا ۇنەمدەپ، قورشاعان ورتانى قورعايتىن، تازا ءوندىرىس جۇرگىزەتىن كاسىپتەردى كۇش سالا دامىتىپ، ەكونوميكالىق، قوعامدىق دامۋدىڭ جاپپاي جاسىلعا وزگەرۋىن جەبەۋ كەرەك.
كەدەيلىكتەن ارىلتۋدىڭ جەتىستىكتەرىن اۋىل -قىستاقتى گۇلدەندىرۋمەن ءونىمدى ۇشتاستىرۋدى بەكەمدەپ،كەڭەيتىپ، قايتا كەدەيلەسۋدەن ساقتانۋدى يكەمدى قاداعالاۋ جانە كومەكتەسۋ -سۇيەمەلدەۋ مەحانيزمىن تياناقتاندىرىپ، اۋىل -قىستاقتى گۇلدەندىرۋدەن ۇلگى كورسەتەتىن اۋدان، اۋىل، قىستاق قۇرىلىسىن ىشكەرىلەي ىلگەرىلەتۋ كەرەك. بىرلىكساپ قىزمەتىن كۇشەيتىپ، پارتيا سىرتىنداعى قايراتكەرلەردىڭ بەلسەندى رولىن تولىق ساۋلەلەندىرىپ، ولاردى تارباعاتايدىڭ رەفورما، دامۋ امالياتىنا بەلسەنە ات سالىسۋعا جەتەكتەۋ كەرەك. ساياسي دەڭگەيدى جوعارىلاتىپ، جاۋاپكەرشىلىكتى ساتىلار بويىنشا نىعايتىپ، قوعامدىق پىكىرگە جەتەكشىلىك ەتۋدى كۇشەيتىپ، قوسىننان شەگىنگەن اسكەريلەرگە قىزمەت وتەۋ جانە قامتاماسىز ەتۋ قىزمەتىن ويداعىداي يگەرۋ كەرەك.
قار ـ مۇز بايلىعى باسىمدىعىن ساۋلەلەندىرىپ، ۇگىتتەۋ، تانىستىرۋ ارناسىن ۇزدىكسىز كەڭەيتىپ، قار ـ مۇز سپورت الاڭى قۇرىلىسىن، قار ـ مۇز سپورت دارىندىلارىن باۋلۋ جانە زاپاس ساقتاۋدى جەدەلدەتىپ، قار ـ مۇز سپورتىن “جالپى حالىقتىق قۇرىلىس” كاتەگورياسىنا ەنگىزىپ جالپىلاستىرىپ، دەنە تاربيە كاسىبى مەن قار -مۇز كاسىپ سالاسىن تولىق ۇشتاستىرىپ، قار -مۇز ەكونوميكاسىنىڭ دامۋىن جەبەپ، بۇقارانىڭ تۇرمىسىن بايىتۋ كەرەك.
ورتالىقتىڭ ەكولوگيالىق قورشاعان ورتانى قورعاۋ بويىنشا رەتتەۋ -تۇزەتۋدى قۋزاۋىنا قاتىستى قىزمەت ورنالاستىرۋلارىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنا ساي، تۇنىق سۋ، جاسىل تاۋدىڭ ءوزى باعالى بايلىق ۇستانىمىن بەرىك ورناتىپ، دەر كەزىندە تەكسەرىپ، دەر كەزىندە تۇزەتۋ، دەرەۋ ىسكە كىرىسىپ، دەرەۋ تۇزەتۋدى ىسكە اسىرىپ، رەتتەۋ -تۇزەتۋ مىندەتىن دەر كەزىندە جوعارى ساپامەن ورىنداپ، ەكولوگيانى قورعاۋدى باسقارۋدىڭ باياندى مەحانيزمىن جەدەل ورناتىپ جانە كەمەلدەندىرىپ، ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: ۇگىت ءبولىمى باستىقتارىنىڭ مەملەكەتتىك ءماجىلىسىنىڭ جانە ۇگىت ءبولىمى باستىقتارىنىڭ اۆتونوميالى رايوندىق ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ۇگىتتى پارتيا باسقارۋدى، يدەولوگيانى پارتيا باسقارۋدى، اقپارات قۇرالدارىن پارتيا باسقارۋدى باتىل تياناقتاندىرىپ، نازاريامەن قارۋلانۋدى ۇزدىكسىز تەرەڭدەتىپ، تاماشا ۇگىت ورتاسىن كۇش سالا قالىپتاستىرىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ۇگىت كادرلارى قوسىنى قۇرىلىسىن كۇشەيتىپ، ايماقتىڭ ۇگىت قىزمەتىندە جاڭا جاعداي اشۋدى ىلگەرىلەتۋ كەرەك. ءمورال ۇلگىلەرىن باعالاۋ، ماداقتاۋ -سيلاۋ قيمىلىن ورىستەتۋدىڭ كەلەلى ءمانىن جەتە تانىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، ءمورال ۇلگىلەرىنىڭ ۇلگىلىك، جەتەكشىلىك رولىن ساۋلەلەندىرۋگە باسا ءمان بەرىپ، جاڭا داۋىردەگى يدەيا ـءمورال قۇرىلىسىن كۇشەيتىپ، تۇتاس قوعامنىڭ العا ۇمتىلاتىن، ىزگىلىككە تالپىناتىن وڭ ەنەرگياسىن ۇزدىكسىز قاۋلاتۋ كەرەك.
ءماجىلىس مىنالاردى تالاپ ەتتى: ايماقتاعى ءار دارەجەلى پارتكومدار، ۇكىمەتتەر اۆتونوميالى رايوندىق پارتكومنىڭ ورنالاستىرۋى بويىنشا، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىسىن جەدەل ىلگەرىلەتىپ،”ارنا ەكونوميكاسىنىڭ“”كاسىپ سالاسى ەكونوميكاسىنا“،”وتكەل ەكونوميكاسىنا“قاراي بۇرىلىس جاساۋىن ىلگەرىلەتۋ كەرەك. ءار دارەجەلى پارتكومدار، ۇكىمەتتەر مىندەتتى ىرىقتىلىقپەن قابىلداپ، تياناقتاندىرۋدى سانالى تۇردە مىقتى يگەرىپ، ايماقتىق پارتكومنىڭ قىزمەت تالاپتارىنىڭ تياناقتانىپ، ونىمدىلىك جاراتۋىنا شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
ايدىن تولەۋقان، جۇماعازى قادىربەك، جۋ گاڭ، جاۋ سۇيفاڭ، كى شۇي، جاڭ ليدۇڭ، مۇقتار كالىمبەك، چى گوجۇن، جارقىن جاڭبىرباي قاتارلى ايماقتاعى ءتورت باسشىلىق القانىڭ باسشىلارى، ايماقتىق ورتا دارەجەلى حالىق سوتى مەكەمەسى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى