ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

قۇز-قياعا شالقىتىپ قيالىمدى

جولدانعان ۋاقىتى : 2013/12/24 18:06:27

كامالبەك بوقان ۇلى

 ساياتشى

بيالايىنا مىقتاپ قوندىرعان،
تۇلعاسى-اي، قىران بۇركىتتىڭ.
سانامدى سانعا بۇرعىزعان،
ارتىنان ەردىم قۇسبەكتىڭ.

ءىز شالعان تازى ءيت الدىندا،
ءبىرقانشا قىر مەن بەلدى استىق.
شارلايدى ماڭىن قىران دا
بارىنەن قۇستىڭ دەسى ارتىق.

توماعاسىن الىپ سىپىردى،
تۇرعىعا شىعىپ ءبىر بيىك.
پىشتاكتاپ قىران قومداندى،
سالارداي بولەك «قيعىلىق».

قاناتىن جايىپ شىقتى ورلەپ،
ەكپىنىنەن تولقىپ ءۇن.
قاراساڭىز كوكپەڭبەك،
ءتىلىپ اسپان تولقىنىن.

بەتكە الىپ باراد تاۋ جاقتى،
سەرىسى كوكتىڭ تاعىسى.
قىرىمنان كورىپ قىزىلدى،
ىلەرى - جەردىڭ «اككىسى».

بيىكتەپ، شىرقاپ الدى دا،
قىران كوكتەن ساڭق ەتتى.
توسكە ورلەگەن تۇلكىگە،
ءتۇيىلدى كوكتەن، جارق ەتتى.

زاۋلادى زاپقى تاسىنداي،
ەكى يىعىن قومداپ اپ.
نايزاعاي قانات ىسقىردى،
سەگىز نايزا سورعالاپ.

شابىسىپ تاۋدان اڭشىلار،
جەل كوتەرىپ ايعايىن.
باسىلدى اتقا قامشىلار،
ابايلاماستان جەر جايىن.

تاس تۇياق ءىلىپ اكەتتى،
قىزىل جالىن تۇلكىنى.
شىبىن جان ءۇشىن ولداعى،
استىندا تالاي بۇلقىندى.

جىبەردى قىران ساڭق ەتىپ،
بۇرگەندە تۇلكى سىلقيعان.
ولجاسىن كىمگە بايلايدى،
دامەلى ءبارى بۇل سيدان...
     
پارنيك ىشىندە...

قوشتاسقان اق تاياقپەن وتارداعى،
ديقان ول بۇگىن باپتى قاتارداعى.
پارنيگىنە كىردىم ءبىر ازاماتتىڭ،
تىرشىلىگى ءتاپ-ءتاۋىر وسىنداعى.

قىس بولسا دا ماۋسىمداي جاز ديدارلى،
تىنىستاپ ميۋا تولى باقتان جايلى.
جانىمدى الديلەيدى، تەربەتەدى،
الما ۇسىنعان قىزداردىڭ سىرنايلى ءانى.
قۇز-قياعا شالقىتىپ قيالىمدى،
ءبىر جالىن شارپىپ ءوتتى شىرايىمدى.
ءۇزىم ۇزگەن ءبىر ارۋ جىمىڭ ەتىپ،
ءبىر نازىك نازىمەنەن شىر اينالدى.

وي سالىپ ماعان مىناۋ ميۋا باعى،
كورگەندەي بولدىم جانعان قىزۋلى ايدى.
ىشىندە پارنيگىنىڭ ماعان دەگەن،
سولايشا ءبىر كوڭىلدى شاق سيلاندى.

 تاۋداعى قىس كۇنى

تۋعان جەردىڭ ساعىنىپ قىسىن قاتتى،
كەلگەنىمدە سان قيال سىرعىپ اقتى.
قىس دەيتىن وسى دەگەن ەش بەلگى جوق،
ويىما اكەپ سالدى سان جۇمباقتى.

جەر جاتىر بوز بوراننان ىعىر بولعان،
جۇقارىپ اق كورپەسى جۇعىن قالعان.
ات باۋىرىنان كەلەتىن ومبى قايدا،
سۇزبەدەي سۇرى قارى ءسىڭىر بولعان.

شىعارداي جورتۋىلعا ات تاعالاپ،
قىرعا شىقتىم، تاۋ استىم قونالقىلاپ.
اكەم سالعان تاس ءۇيدىڭ ءبىرى دە جوق،
قي ءتۇتىنى تۇراتىن مەنمۇندالاپ.

تاۋ قوينىندا زاۆودتار ساپ قۇراعان،
جەر جۇرەگىن سىلكىنتىپ القىندىرعان.
ونداعى تۇنىق اۋا تاعى دا جوق،
ىس-تۇتەك ماڭ دالامدى جابى قىلعان.

قىس ءتاڭىرى تۇراتىن قار جاۋدىرىپ،
بابام تاۋعا كەتەتىن تاڭدى اتىرىپ.
ول كەزدەگى، وتىنىشىنىڭ ءبىرى دە جوق،
كەرۋەندەي ساپ تۇزەيتىن تاۋ جاڭعىرتىپ.

نەسىبەسىن الاتىن اي، اپتادان،
قىس قىزىعى ەدى-اۋ ءبىر سايات ماعان.
بۇركىتىنىڭ تارتا الماي توماعاسىن،
بۇركىتشى ءجۇر جوق ىزدەپ ساي-سالادان.

شاڭعى تەۋىپ شانامەن زىمىراعان،
قىس كۇندەرى-اي ونداعى قىزىق قۋعان.
قۇرداسىمنىڭ ول كەزگى ءبىرى دە جوق،
بالا اڭشىداي شىلدارعا تۇزاق قۇرعان.

ۇيدە جاتپاي، قۇرىسى تارقاپ وندا،
وڭشەڭ اڭشى شىعاتىن قانسونارعا.
سول اڭشىنىڭ بۇل كۇندە ءبىرى دە جوق،
كوكجال قاسقىر سۇلايتىن تاقىمىندا.

ءبىر بەلگى تاپپاعانداي تاڭعاجايىپ،
تىنىسىنان زاماننىڭ جايدى اڭعارىپ.
يەن تاستاپ قىستاۋىن كەتكەن شوپان،
ىرگە كومىپ جاتىپتى ويعا بارىپ.

ءتۇن بولدى،
شارلاپپىن-اۋ! كوپ ءوڭىردى،
شارشاتىپ استىمداعى كولىگىمدى.
زاڭعار تاۋدان جەتكەن ءبىر قۇلاعىما،
باياعىداي ۇلىعان ءبورى ءۇنى...

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn