تىلشىلەرىمىز ليۋ ۋي، داي جياۋمەي، ۋاڭ زىلين حابارلايدى. 2 -ايدىڭ 20 ـ كۇنى كەشتە بەيجيڭ 24 ـ كەزەكتى قىسقى وليمپيادا سپورت جارىسىنىڭ جابىلۋ سالتى مەملەكەتتىك دەنە تاربيە الاڭىندا وتكىزىلدى. ايماعىمىزداعى قالىڭ كادر مەن بۇقارا راديو، تەلەۆيزور، ينتەرنەت تىكە تاراتىلىمى، جىلجىمالى جاڭا اقپارات قۇرالدارى سياقتى كوپ ءتۇرلى فورمالار ارقىلى جابىلۋ سالتى تىكە تاراتىلىمىنىڭ سالتاناتتى جاعدايىن تىڭدادى، كوردى.
كوپشىلىك جابال مىنالاردى ءبىلدىردى: قىسقى وليمپيادا سپورت جارىسىنىڭ جابىلۋ سالتى بارشامىزدى تەبىرەنتىپ، كوزىمىزگە ىستىق جاس تولتىردى. قىسقى وليمپيادا سپورت جارىسى زامانىمىزداعى جۇڭگونىڭ وبرازىن ايگىلەۋمەن بىرگە، قىسقى وليمپيادا سپورت جارىسىنىڭ ەرەكشەلىگىن تولىق بەينەلەپ، جۇرتتى تاڭ قالدىرىپ، ماقتانىشىمىزدى اسىردى، قار-مۇز قىسقى وليمپيادا سپورت جارىسىنىڭ ورايىنان پايدالانىپ، قايراتتانا ۇمتىلىپ، قۇلشىنا ناقتى ىستەپ، ايماعىمىز ىستەرىنىڭ تىڭ ساتىعا كوتەرىلۋىن ىلگەرىلەتۋىمىز كەرەك.
ساۋان قالاسى سىداۋحىزى قالاشىعى ليجياجۋاڭ قىستاعى پارتيا ياچەيكاسىنىڭ شۋجيى جياڭ تيڭ تەلەۆيزوردان قىسقى وليمپيادا سپورت جارىسىنىڭ جابىلۋ سالتىن ۋاعىندا كوردى.
”قىسقى وليمپيادا سپورت جارىسىنىڭ جابىلۋ سالتى ەلىمىزدەگى قىسقى وليمپيادا سپورت جارىسىنىڭ تابىستى وتكىزىلگەندىگىنە ۋاكىلدىك ەتەدى. جۇڭگو وليمپيادا ساڭلاقتارى باستان -اياق قۇلشىنا كۇرەس جۇرگىزىپ، ءىس جۇزىندىك ارەكەتتەرى ارقىلى وتانعا داڭق اپەرۋدەگى اۋەلگى ماقساتتى، بورىشتى امالياتتا ايگىلەدى، ءبىز دە جۇڭگو ساڭلاقتارىنىڭ باتىلدىقپەن كۇرەس جاساۋ رۋحىن ساۋلەلەندىرىپ، اۋىل -قىستاقتى گۇلدەندىرۋ جاعىندا باتىلدانا العا ۇمتىلىپ، ءتىپتى دە كوپ ءۇمىت ۇشقىنىن قاۋلاتىپ، بۇقارانى باستاپ بولاشاققا بىرگە اتتانامىز“ دەدى جياڭ تيڭ.
بەيجيڭ 24 ـ كەزەكتى قىسقى وليمپيادا سپورت جارىسىنىڭ اشىلۋ سالتىنداعى ”مەملەكەت تۋىن قولدان -قولعا جالعاۋ“سالتىنا قاتىناسقان شاۋەشەكتىك ازامات ەسىل ۇلۇنباتى: ”وسىنداي ماڭىزدى قيمىلعا قاتىناسۋ تاماشا شىنىعۋ ورايىمەن جانە تاجىريبە الماستىرۋ تۇعىرىمەن قامدادى، ماڭىزدى قيمىلعا قاتىناسىپ ءوز ۇلەسىمدى قوسىپ، كوڭىلىم تولقىپ، جان دۇنيەم كىرشىكسىزدەنىپ، شەكسىز شاتتىققا بولەندىم“ دەدى.
”قىسقى وليمپيادا سپورت جارىسىنىڭ جابىلۋى اياقتالۋ ەمەس، قايتا جاڭا باستاما بولماق، الداعى ۇيرەنۋ، تۇرمىس بارىسىندا، مەن وليمپيادا رۋحىن مەكتەپكە جەتكىزىپ، جاقسى ۇيرەنۋدىڭ قوزعاۋشى كۇشىنە اينالدىرىپ، وليمپيادا رۋحىن ۇزدىكسىز تاراتامىن“ دەدى ەسىل ۇلۇنباتى.
ايماقتىق كاسىپتەن سىرتقى دەنە تاربيە مەكتەبىنىڭ باستىعى شى جۋ: ”جۇڭگو دەنە تاربيە ساڭلاقتارى 9 التىن مەدال الىپ، 3 ـ ورىندى يەلەۋ سىندى ۇزدىك ناتيجەمەن بەيجيڭ قىسقى وليمپيادا سپورت جارىسىن تابىسپەن اياقتاتىپ، جۇرت جۇرەگىن جەلپىندىرىپ، ۇلتتىق رۋحتى سەرپىلتتى“ دەدى.
اۆتونوميالى رايوندىق 14-كەزەكتى سپورت جارىسى بيىل وتكىزىلمەكشى، بۇل ءارى تۇڭعىش رەتكى قىسقى سپورت جارىسى ەسەپتەلەدى. نەگىزگى ساتىداعى دەنە تاربيە قىزمەتكەرى رەتىندە شى جۋ ءوزىنىڭ ارقالاعان جاۋاپكەرشىلىگىنىڭ توتەنشە اۋىر ەكەنىن سەزىندى.
”ءبىزدىڭ قازىرگى باستى مىندەتىمىز ــ اۆتونوميالى رايوندىق سپورت جارىسىندا قايتكەندە جاقسى ناتيجەگە قول جەتكىزۋ. قازىر ءبىز ۇيىرمە ۇيىمداستىرۋ جانە سپورتشىلاردى سارالاۋ، قارجى دايىنداۋ قىزمەتىن، سونداي -اق قاتىستى جاتتىعۋ ورىندارىمەن سايكەستىرۋ سياقتى قىزمەتتەردى ورىستەتىپ، اۆتونوميالى رايوندىق 14-كەزەكتى سپورت جارىسىندا ۇزدىك ناتيجەلەرگە قول جەتكىزۋگە قۇلشىنۋ“ دەدى شى جۋ.
سول كۇنى كەشتە ءدوربىلجىن اۋداندىق وقۋ -اعارتۋ جانە عىلىم -تەحنيكا مەكەمەسىنىڭ ءدوربىلجىن قالاشىعى بينحى الەۋمەتتىك اۋماعىندا تۇراتىن قىزمەت اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى بۇلبۇل داكەش قىسقى وليمپيادا سپورت جارىسىنىڭ تىكە تاراتىلىمىن كوردى. قىسقى وليمپيادا سپورت جارىسىنىڭ جابىلۋ سالتىن كورۋ ارقىلى بۇلبۇل داكەش دوستىق سۇيىسپەنشىلىكتى، ءوزارا ۇلگى الۋدى، كوڭىل توعىستىرۋدى، جاراسىمدىلىقتى سەزىندى.
”مەن جۇڭگو ۋاكىلدەر ۇيىرمەسىن ماقتانىش ەتەمىن، ولارعا الاقاي ايتامىن! جۇڭگو دۇنيە جۇزىنە ۇنەمشىل، حاۋىپسىز، تارتىمدى سپورت جارىسى سالتاناتتى جينالىسىن تارتۋ ەتتى. جۇڭگو ساڭلاقتارى جۇڭگونىڭ قىسقى وليمپيادا سپورت جارىسىنا قاتىناسقاننان بەرگى تاريحتاعى ەڭ جاقسى ناتيجەگە قول جەتكىزىپ، وتان مەن حالىق ءۇشىن داڭق اپەردى، ولارعا القاۋ جاۋدىرامىن“ دەدى بۇلبۇل داكەش.