ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

تاقيا

جولدانعان ۋاقىتى : 2013/12/24 18:09:33

قيداش جۇبانىش   (اڭگىمە)
 
  و، تاۋبا! نە كۇلەرىمدى، نە جىلارىمدى، نە ىزا بولارىمدى بىلمەدىم. نەگە دەيسىز عوي؟

  اسىقپاڭىز، مەن ايتايىن. بالكىم، ءسىز دە وسى ءبىر قىپ-قىسقا اڭگىمەنى ەستىگەن سوڭ مەنىڭ كۇيىمدى كەشۋىڭىز ابدەن مۇمكىن.
 
  ەلدى بىلمەيمىن، مەن ايتەۋ كۇندە قاربالاسپىن. ءبىراق تىندىرىپ جاتقان تۇگىم جوق. ۇيگە كىرەم، شىعام. ءالسىن-ءالى شاي ىشەمىن. «اي، سەن ءوزى وتارداعى مالدان جاڭا كەلدىڭ بە؟» دەپ زەكيدى الدەكىم. مىناۋ شارقايا جان تەگى كىم؟ كاپەرگە المايمىن. راس، مەن ءىن اۋزىنان ونشا الىستاپ كەتپەيتىن سۋىر ءموندىنى تاقىلەتتى اۋلامىزدان ۇزاپ اناۋ بىرەر شاقىرىمداي اۋلاعىراق ماڭداعى ە ركىن  بازارعا دا ايىنا ءبىر دە ەكى-اق بارىپ قايتامىن. قاشان؟ ءيا، وتكەن ايدا سوناۋ قالاشىق شەتىندەگى ءبىر اعايىننىڭ ۇيىنە تويعا بارىپ، قايتار جولدا كىشى دارەت قاتتى قىسقاندىقتان، كەز كەلگەن ءبىر داۋال تۇبىنە تۇرا قالىپ، «ساري»  سالماق ەدىم. قارسىدان الدەكىم: «ەي، انداعى كاۋ باسىڭداعى، ءسىرا، نە؟» دەپ ايعاي سالعانى. ۇيات-اي! ءبىراق، ۇياتتى بىلگەنىم -اقىلدىلىعىم. مىنە، سودان كەيىنگى اۋلامنان الىستاپ شىعۋىم بۇگىن. ەركىن بازاردا  دۇكەن  ارالاپ ءجۇرمىن...

  -انانىڭ باعاسى قانشا؟

  دۇكەنشى قىزدىڭ كىرتىك قوڭىر كوزى جاۋدىراپ ماعان سۇرانا قارادى دا قازاقشا ءتىل قايىردى:

  -اعا، نە دەيسىز؟

  مەن سورەدەگى قازاقى تاقيانى نۇسقادىم:

  -انا تاقيانى ايتام

  -ە، بۇل ون يۋان.

  مەن باسىمدى شايقاپ، وقىس كۇرسىنىپ جىبەردىم.

  -ون يۋان قىمبات پا؟ -قىز ماعان تاڭدانا قارادى.

  -جۇگەرى سابانىنان جاسالعان سىبىرتكى ون بەس يۋان.

  قىز ساق-ساق ەتىپ ساقىلداپ ءبىر ءسات كۇلىپ، قىتىعىن زورعا باستى دا:

  -ۇشەۋ الساڭىز سەگىز يۋاننان بەرەم، -دەدى كوزى وتشا جانىپ.

  مەن ۇستىڭگى سورەدە تۇرعان ءتورت قىرلى تاقيانى نۇسقادىم:

  -اناۋ قانشاعا تۇرادى؟

  قىز جىمىڭ ەتتى:

  -بۇل قىمبات، سەكسەن يۋان.

  -قىزىق ەكەن ءا؟

  -مەن بە؟

  -جوق، -قاسىمدى كەرە، يەگىمە باس بارماعىمدى تىرەپ، وعان سۇزە وڭكيە قارادىم، -تۇسىنبەدىم، اراداعى پارىق قالايشا سونشا زور؟ ەكەۋى دە ۇقساس تاقيا عوي.

  ءتورت قىرلى تاقيانى اقىرىن ەپپەن سىلاپ قويعان قىز كوز قيىعىنا مەنى ۇرلاتتى. ونىڭ داۋىسى نازىك، اۋادا جەڭىل قالقيدى:

  -بۇل ساپالى...

  مەن قاباعات قاپالانا قالىپ استىڭعى كونتەك ەرنىمدى شيراق ءتىل ۇشىمەن جالاپ-جالاپ جىبەردىم دە مۇكىستەنە سۇراۋ قويىپ، ونىڭ ءسوزىن ءۇزىپ جەردىم:

  -ا-ا-اناۋشى؟

  -ساپاسىز، -دەپ قىز كەسىپ ايتتى، -اقشا تابۋ ءۇشىن قول ۇشى تىگىلگەن، ساپاعا ءمان بەرمەگەن.

  مەن جانە كۇرسىندىم. قىز ەندى ماعان وتە ىنتالى، وتە يبالى، دەسەدە ءبىر ءتۇرلى سىرلى جۇزبەن سىناي قارادى:

  -كەشىرىڭىز، كوڭىلىڭىزگە اۋىر الماڭىز، اعا.

  -نەنى؟

  -قازىر شىن سويلەۋ اقىماقتىق قوي.

  -ءبارى جالعان، ساپاسىز.

  -اعا نە نارسە ساپاسىز بولسا... -قىز ءسوزىن ءۇزىپ از ايال تاپتى دا كوزىن ويناقشىتا قۇبىلتىپ، -سول نارسە قادىرسىز بولادى عوي، -دەدى.

  دەنەم مۇزداپ كەتتى، وي، سۇمدىق، سۇمدىق-اي دەشى! وسىدان بىرنەشە اي بۇرىن كورشى اۋىلعا الدەنە جۇمىسپەن بارا قالماسىم بار ما. سوندا كورگەم، وسى كوشەنىڭ اناۋ باسىنداعى ءبىر اۋىل بالاسىنا سۇندەت توي  جاساعاندا، بۇل اۋىلداعى ۇلكەن كىسىنى قۇرمەتتەپ، كوپ الدىندا باسىنا كيگىزگەن كوكشىل پۇلىشتان تىگىلگەن تاقياعا قاراڭىزشى. انە، جەم سالىنىپ تاۋىقتاردىڭ الدىندا جاتىر. نامىستان جارىلا جازداعان مەن:

  -ءۇي، اقساقال-اۋ بۇلارىڭىز نە؟ - دەگەن ەدىم، قاتتى ساسىپ قالعان سۇرىقسىز كورشى شال:

  -بۇ... بۇل وتە ساپاسىز تىگىلگەن ەكەن، -دەپ ورسيا كۇلگەن ەدى.

  قاپ، قايدان كوردىم، قايدان بازارعا باردىم اتتەڭ! اۋلاما قاراي اقىرىن باسىپ ءىلبىپ كەلەمىن. كوڭىلىم استان-كەستەن. انە قاقپاما دا تاياپ قالعام، كەنەت، توساتتان ۇيتقي سوققان كۇشتى قۇيىن كورشى اۋىلدىڭ كۇرەڭ ءتۇستى تارعالاڭ قاقپاشاسىنىڭ جارما  ەسىگىن شارق-شۇرق ەتكىزىپ جۇلقىلاپ بارىپ شالقالاتا اشىپ تاستاعان ەدى، الگى تاۋىق جەمى سالىنعان قارابايىر جۇنتەك تاقيا ەسىكتەن قالباقتاي ۇشىپ شىقتى دا سالگە بيىكتەپ بارىپ، ءدال الدىما كەلىپ توپ ەتە ءتۇستى. عاجاپ، وعان  ءتىل ءبىتتى. وقىس، زىرك-زىرك ەتتى:

  -ەي، سەن اقشا ءۇشىن مەنىڭ قۇنىمدى تۇسىرمە! مەن تاقيا -قازاقپىن!

  مەن اڭ-تاڭمىن. ايتسەدە وتە كۇيرەكپىن بە؟ ايتەۋ دەنەمدى سۋىق قارا تەر باسىپ كەتتى. تاقيا  جانە ءتىل قاتتى:

  -مەنى ءوزىڭ سانا. مەن سەنىڭ بەلگىڭمىن. مەن ساپاسىز بولسام، مەنى كيگەن سەن دە ساپاسىز  سانالاسىڭ. وسىنى ءبىل، اقىماعىم.

  تاقيا كىلت كوزدەن عايىپ بولىپ كەتتى. ال مەنىڭ كوڭىلىم الدەقالاي ءبىر ۇرەيگە تۇنشىعىپ تىنىسىم تارىلا بەردى.

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn