جۋىقتا پويەزعا وتىرىپ سىرت جەرگە جولاۋشىلاپ شىققانىمدا، ءبىر ۆاگونداعى ايەل ادام پويەزعا شىققاننان باستاپ قول تەلەفونداعى قىسقا بەينە جازبانى توقتاۋسىز شۇقىلاپ وتىردى، قۇلاعىنا تىڭداعىش سالماعاندىقتان، قول تەلەفوننىڭ دىبىسىن اشىپ قويعان. اياداي ۆاگوندا بەينە جازبانىڭ ساڭقىلداعان داۋىسىمەن بىرگە، الگى ايەلدىڭ كۇلكىسى ءالسىن -ءالى قوسانجارلاپ، ماڭايىنداعى جولاۋشىلار ءبىر -بىرىنە قاراپ، لاجىسىز باس شايقاۋمەن بولدى، سوڭىندا پويەز قىزمەتكەرلەرى ەسكەرتكەننەن كەيىن بارىپ، الگى ايەل قول تەلەفوننىڭ ءۇنىن ءوشىردى. الەۋمەتتىك ورىنداردا قول تەلەفوننىڭ دىبىس ۇلعايتقىشىن اشىپ بەينە جازبا كورۋ بولماشى ءىس بولعانىمەن، ىقپالى زور بولىپ، ماڭايىنداعى باسقا جولاۋشىلاردىڭ جولاۋشىلاۋ بارىسىنداعى كوتەرىڭكى كوڭىل كۇيىن بۇزىپ، ىقپال جاسايتىندىعى داۋسىز.
پويەز تاسىمال مولشەرى زور، تۇسەر قۇنى تومەن قاتىناس كولىگى رەتىندە، باسىم كوپ ساندى جولاۋشىلاردىڭ باستى تالعامىنا اينالعان. شاۋەشەكتەن ۇرىمجىگە باراتىن پويەز ادەتتە تۇندە قاراما -قارسى باعىتتا قاتىنايتىندىقتان، كوپتەگەن ادامدار پويەزعا وتىرۋدى قالايدى. بۇل، بىرىنشىدەن، ۋاقىتتى ۇنەمدەۋمەن بىرگە، جاقسىلاپ ۇيىقتاپ تىنىعىپ الۋىڭىزعا وڭتايلى بولسا؛ ەكىنشىدەن، تۇسەر قۇندى ۇنەمدەۋىڭىزگە بولادى. بۇل ءۇشىن تىنىش تا جانعا جايلى ورتا بولۋى كەرەك.
پويەز ۆاگونىنىڭ ءىشى تار، ادام كوپ بولعاندىقتان، ءوزارا قارايلاسۋدى، ءوزارا ءتۇسىنىسۋدى توتەنشە قاجەت ەتەدى، ءسال نازار اۋدارماساڭىز، باسقالارعا كەرى ىقپال جەتكىزەدى، اۋەلدەسەڭ داۋ -داماي تۋىلىپ، قايشىلىقتى ۋشىقتىرادى. ەگەر جولاۋشىلار ءوز ءىس -ارەكەتىن تەجەپ، باسقالاردى تۇسىنە بىلسە، وندا پويەزدا مادەنيەتتى، جاراسىمدى راي قالىپتاسىپ، ساپارىمىز دا سونداي جانعا جايلى، مەيىرگە تولى، كوڭىلدى بولادى.
مادەنيەت بارلىق جەردە دارىپتەلۋى كەرەك، الەۋمەتتىك ورىندا مادەنيەتتىلىكتى ساقتاۋ وتە قاجەتتى. كولىككە وتىرعاندا مادەنيەتتى ساقتاۋ ءبىر ءتۇرلى بەلسەندى، اقاۋسىز ساپا ماسەلەسى، ول زورلىقتى ەمەس، قايتا ءبىر ءتۇرلى سانالى ارەكەت نەمەسە ءبىر ءتۇرلى تاماشا داعدى سانالادى. مادەنيەتتىلىكتى ساقتاۋ تاماشا داعدىسىن سانالىلىقپەن قالىپتاستىرۋ باسقالارعا قولايلىلىق جاراتۋمەن بىرگە، وزىمىزگە دە قۋانىش سيلاپ، مادەنيەتتى تاراتۋدىڭ ءبىر كوركەم كارتيناسىنا اينالارى داۋسىز. سول سەبەپتى كوپشىلىكتىڭ وزدەرىنەن باستاپ ىسكە كىرىسىپ، مادەنيەتتى جولاۋشى بولۋىن ءۇمىت ەتەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى