ءتىلشىمىز زىڭ جاۋمەي، ەرىكتى ءتىلشى جاۋ يانلي حابارلايدى. 2 -ايدىڭ 21-كۇنى ساۋان قالاسى كونەساۋان قالاشىعىنداعى تىڭلۇڭ تامشىلاتىپ سۋارۋ كامەرىن ءوندىرۋ زاۆودىنىڭ ءوندىرىس سەحنا بارعانىمىزدا، ماشينالار جىلدام اينالىمعا ءتۇسىپ، جۇمىسشىلاردىڭ ولشەۋ، شيكىزات سالۋ، وراۋ، پەشەتتەۋ سياقتى ىسىلعان جۇمىستاردى تارتىپپەن ىستەپ، ورام -ورام تامشىلاتىپ سۋارۋ كامەرىن رەتتى ءتىزىپ جاتقانىن كوردىك.
تىڭلۇڭ تامشىلاتىپ سۋارۋ كامەرى زاۆودى 2011 ـ جىلى قۇرىلعان، يەلەگەن جەر اۋماعى 50 مىڭ شارشى مەتردەن اسادى، بۇل زاۆود 5 وزىق زەردەلى تامشىلاتىپ سۋارۋ كامەرىن ءوندىرۋ جەلىسىن ەنگىزىپ، ءار جىلعى ءوندىرىس مەزگىلىندە 30 قىستاق تۇرعىنى وسى ارادا جۇمىس ىستەپ، ءاربىرى ايىنا 6000 يۋان ەڭبەكاقى الادى ەكەن.
” مەن وسى جەردىڭ ساقا جۇمىسكەرىمىن، ىستەگەنىمە 7 جىل بولدى، ءار جىلى قىسقى بوس ۋاقىتتا وسىندا كەلىپ كۇنىنە 8 ساعات جۇمىس ىستەيمىن، ۇيگە جاقىن، ءۇي جۇمىستارىن دا اقساتپايمىن، ءبىر ءوندىرىس ماۋسىمىندا 30 مىڭ يۋاننان استام كىرىس كىرگىزەمىن، بۇعان ءدان ريزامىن“ دەدى كونەساۋان قالاشىعى كۋلۇڭۋان قىستاعىنىڭ تۇرعىنى دىڭ يۇڭشان جۇزىنەن باقىت لەبى ەسىپ.
قازىر كونەساۋان قالاشىعىنداعى 9 تامشىلاتىپ سۋارۋ كامەرىن ءوندىرۋ زاۆودى جەدەل ءوندىرىس جۇرگىزىپ، بۇكىل قالاشىقتاعى ەگىس اتىزدارىن تامشىلاتىپ سۋارۋ كامەرىمەن قامداۋدان سىرت، توڭىرەكتەگى تۋان -الاڭداردى دا قامدايدى ەكەن. وسى 9 زاۆود 300 گە جۋىق قىستاق تۇرعىنىن جۇمىسقا قابىلداپ، ءوندىرىس قاجەتىن قاناعاتتاندىرۋمەن بىرگە، قىستاق تۇرعىندارىن كىرىستى ارتتىرۋ ورايىنا يە ەتكەن.
ليۋماۋۋان قالاشىعىنا قاراستى ساۋان قالاسى پانلۇڭ ازىقتىق ماي شەكتى جاۋاپكەرشىلىك سەرىكتەستىگىنە بارعانىمىزدا، بەينە ”ماي ونىمدەرى الەمىنە“ كىرگەندەي بولدىق، ءونىم سورەسىندە ماقتا مايى، كۇنباعىس مايى، 3 -دارەجەلى ماقتا مايى سياقتى ءتۇرلى ونىمدەر كوزدىڭ جاۋىن الىپ، ماقتا قاۋىزى، ماقتا ءشيتى، ماقتا مايى تيەلگەن جۇك اۆتوكولىكتەرى ارت - ارتىنان سەرىكتەستىكتىڭ قاقپاسىنان شىعىپ جاتقانىن كوردىك.
موتور سەحى، الدىن الا ءبىر جايلى ەتۋ سەحى، ءدان ايىرۋ سەحى، تالشىق ايىرۋ سەحىنىڭ بارىندە ماشينالاردىڭ گۇرىلدەگەن داۋىسى ەستىلەدى. قازىر سەرىكتەستىك كۇنىنە 400 توننا ماقتا قاۋىزىن، 260 توننا ماقتا ءشيتىن، 110 توننا ماقتا مايىن وندىرەدى ەكەن.
ساۋان قالاسى پانلۇڭ ازىقتىق ماي شەكتى جاۋاپكەرشىلىك سەرىكتەستىگى شينجياڭ چاڭلياڭ توبى ازىقتىق ماي سەرىكتەستىگىنىڭ قاراستىلىعىنداعى مەملەكەت مەنشىگىندەگى تولىق قارجىلانعان سەرىكتەستىك بولىپ، نەگىزىنەن ماقتا ءشيتىن ساتىپ الۋ، جىنتىكتەي مانەرلەۋ جانە ساتۋ كاسىبىمەن شۇعىلدانادى. 2021-جىلى سەرىكتەستىك تەحنيكا جاڭالاۋ ارقىلى كۇنىنە 1000 توننا ماقتا ءشيتىن مانەرلەۋ زاۆودىن قۇرىپ، وندىرگەن ماقتا مايى، ماقتا قاۋىزى سياقتى ونىمدەرى بازاردا قىزۋ قارسى الۋعا يە بولدى.
”قازىر ءوندىرىستى جەدەلدەتۋدەن سىرت، ماقتا ءشيتىن ساتىپ الۋ تەبىنىن ارتتىرىپ، 6 ـ ايدىڭ سوڭىنا دەيىن 70 مىڭ توننا ماقتا ءشيتىن مانەرلەۋ مىندەتىن ورىنداۋعا كەپىلدىك ەتەمىز. بيىل سەرىكتەستىگىمىز بىلتىرعى ساتىپ العان 80 مىڭ توننا نەگىزىندە 120 مىڭ توننا ماقتا ءشيتىن ساتىپ الىپ، تۇتاس جىلدىق ءوندىرىس قۋاتىن 200 مىڭ تونناعا، ءونىم قۇنىن 700 ميلليون يۋانعا جەتكىزۋگە كۇش سالىپ، ساۋان قالاسىنىڭ ەكونوميكالىق، قوعامدىق دامۋىنا ءتيىستى ۇلەس قوسۋدى جوسپارلاۋدا “ دەدى ساۋان قالاسى پانلۇڭ ازىقتىق ماي شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى موۋ تيانيوۋ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى