ءتىلشىمىز جاڭ پەيچي حابارلايدى. 3 -ايدىڭ 1-كۇنى ايماق اۋدان، قالالار مەن ايماققا توتە قاراستى ورىنداردىڭ زاڭمەن باسقارۋ قۇرىلىسىن ىلگەرىلەتۋدەگى ءبىرىنشى جاۋاپتى ادامنىڭ زاڭنان ەسەپ بەرۋ ءماجىلىسىن اشىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ 1-رەتكى، 2 -رەتكى ءماجىلىسىنىڭ قىزمەت تالاپتارىن دايەكتىلەندىرىپ، تياناقتاندىرىپ، ايماقتاعى ءار دارەجەلى پارتكومدار مەن ۇكىمەتتەردەگى نەگىزگى جاۋاپتى جولداستاردىڭ زاڭمەن باسقارۋ قۇرىلىسىن ىلگەرىلەتۋدەگى ءبىرىنشى جاۋاپتى ادامدىق قىزمەت جاۋاپكەرشىلىگىن اتقارۋىن كۇشەيتىپ، تاجىريبە اۋىستىرىپ، ماسەلەلەردى تاۋىپ، ولقىلىقتاردى تولىقتاپ، قىزمەتتى جاقسارتىپ، تارباعاتايدى زاڭمەن باسقارۋ قۇرىلىسىنىڭ دەڭگەيىن ۇزدىكسىز جوعارىلاتتى. ايماقتىق پارتكومنىڭ شۋجيى ۋي جيانگو ءماجىلىستى باسقاردى ءارى ءسوز سويلەدى.
ماجىلىستە 7 اۋدان -قالالىق پارتكوم مەن ۇكىمەتتىڭ نەگىزگى جاۋاپتى جولداستارى جەكە ـ جەكە زاڭنان ەسەپ بەردى.
ءماجىلىس مىنالاردى اتاپ كورسەتتى: ايماقتاعى ءار دارەجەلى باسشى كادرلار ساياسي دەڭگەيدى جوعارىلاتىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ ادالدىقپەن امالياتتا ايگىلەۋ ساياسي تۇرعىسىنان اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ قىزمەت تالابىن مۇقيات تياناقتاندىرىپ، ايماقتى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى ءبىر تۇلعالاندىرىپ ىلگەرىلەتۋدى، زاڭمەن باسقارىلاتىن مەملەكەتتى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرىپ قۇرۋدى شىن مانىندە ورىنداپ، زاڭمەن باسقارۋ سالاسىنداعى كورنەكتى ماسەلەلەردى شەشۋدى كۇش سالۋ ءتۇيىنى ەتىپ، ايماقتىڭ زاڭمەن باسقارۋ جۇيەسىن اقاۋسىزداندىرىپ، ايماقتىڭ ءار سالا ىستەرىنىڭ زاڭمەن باسقارىلۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: تۇلعالىق جاۋاپكەرشىلىكتى ناقتىلاندىرىپ، ءبىرىنشى جاۋاپتى ادامدىق قىزمەت جاۋاپكەرشىلىگىن اتقارۋ قابىلەتىن كۇشەيتۋ كەرەك، ءار دارەجەلى باسشى كادرلار، اسىرەسە، پارتكوم مەن ۇكىمەتتىڭ نەگىزگى جاۋاپتى جولداستارى پارتيانىڭ زاڭشىعارۋعا باسشىلىق ەتۋىنە، زاڭنىڭ اتقارىلۋىن قامتاماسىز ەتۋىنە، ءادىليانى قولداۋىنا، زاڭعا باستاماشىلدىقپەن بويسۇنۋىنا كەپىلدىك ەتۋ؛ ءار دارەجەلى ۇكىمەتتىڭ نەگىزگى جاۋاپتى جولداستارى ۇكىمەتتىڭ قوعامدىق سەنىمدىلىك جۇيەسى قۇرىلىسىنداعى ونەگەلىك رولىن تولىق ساۋلەلەندىرۋ؛ ايماقتىق پارتكوم ايماقتى جاپپاي زاڭمەن باسقارۋ كوميتەتىنىڭ ءارقايسى سايكەستىرۋ گرۋپپالارى مەن تاراۋلاردىڭ جاۋاپتى جولداستارى عىلمي زاڭ شىعارۋ، زاڭدى قاتاڭ اتقارۋ، ءادىليانى ادىلدىكپەن جۇرگىزۋ، جالپى حالىق زاڭعا بويسۇنۋ سىندى 4 ءتۇيىندى قىزمەتتى ناقتى، ساپالى ىستەۋ كەرەك. ايماقتاعى ءار دارەجەلى پارتيا مۇشەلەرى مەن كادرلار زاڭمەن باسقارۋ تانىمىن كۇشەيتىپ، زاڭدى قۇرمەتتەۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى باستاماشىلدىقپەن ىلگەرىلەتىپ، ۇقىقتى زاڭ بەلگىلەگەن، ۇقىق زاڭ بويىنشا جۇرگىزىلەدى دەگەن نەگىزگى زاڭمەن باسقارۋ تانىمىن ورناتۋ كەرەك. زاڭمەن باسقارۋ ويلامىن كۇشەيتىپ، ايماقتى زاڭمەن باسقارۋ قىزمەتى امالياتىن تەرەڭدەتىپ، ءىستى زاڭ بويىنشا ىستەيتىن، ىسكە جولىققاندا زاڭدى ىزدەيتىن، ماسەلەنى شەشۋدە زاڭنان پايدالاناتىن، قايشىلىقتاردى شەشۋدە زاڭعا سۇيەنەتىن تاماشا قوعامدىق راي قالىپتاستىرۋ كەرەك. زاڭمەن باسقارىلاتىن ۇكىمەت قۇرىلىسىن جەدەلدەتىپ، ءونىمدى بازار مەن ىسكەر ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، زاڭمەن باسقارىلاتىن ۇكىمەت قۇرىلىسىنداعى ۇلگىلى ورىن قۇرۋ قيمىلىن ۇزدىكسىز ورىستەتۋ كەرەك. سونىمەن بىرگە، اۋدان -قالالار شارۋاشىلىق -ساۋدا ورتاسىندا ساقتالعان ماسەلەلەردى مۇقيات تەكسەرىپ، پارمەندى شارالاردى قولدانىپ، مۇقياتتىلىقپەن شەشىپ، زاڭمەن باسقارىلاتىن، بازارلانعان، حالىقارالانعان شارۋاشىلىق - ساۋدا ورتاسىن قۇلشىنا قالىپتاستىرۋ كەرەك.
ايماق باسشىلارىنان ايدىن تولەۋقان، الميرا ءۋالقان، ۋاڭ چيڭدۇڭ، جۋ گاڭ، جاڭ ياۋحۋا، جاۋ سۇيفاڭ، كى شۇي، جاڭ ليدۇڭ، مۇقتار كالىمبەك، چى گوجۇن، ايماقتىق پارتكوم ايماقتى جاپپاي زاڭمەن باسقارۋ كوميتەتىنىڭ مۇشەلەرى، ايماقتاعى قاتىستى تاراۋلاردىڭ جاۋاپتى جولداستارى جانە اۆتونوميالى رايوندىق، ىلە وبلىستىق حالىق قۇرىلتايىنىڭ ءبىر ءبولىم ۋاكىلدەرى، ساياسي كەڭەس مۇشەلەرى، سونداي -اق ادۆوكاتتاردىڭ، اقپارات قىزمەتكەرلەرىنىڭ ۋاكىلدەرى قاتارلىلار نەگىزگى ءماجىلىس زالىندا ماجىلىسكە قاتىناستى. ماجىلىستەن كەيىن دەموكراتيالىق باعالاۋ جۇرگىزىلدى. ءماجىلىس بەينە ەكران فورماسىندا اشىلدى، اۋدان، قالالارعا بولىمشە ءماجىلىس زالى ورنالاستىرىلدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى